ما اجامل واكلك يالغبت ناسيك
واصلآ بالمشاعر ليش اجاملك ؟
كابلت النهر بلكت علية تعود
خطف لون بصفنته وما خطف ظلك
وينك ما تمر مو عرك وجه الماي
من كد ما اجيبن شمع واشعلك
حبيتك كبل من شحوا الحبوك
ومن كثرت احبابك نستك خلك
تصعد للنجم مو بس ردتلك هاي
ردت انا النجم على الكاع ينزلك
.
.
#شعراء_وذواقين_الشعر_الشعبي
#ناظم_الحاشي
#ابو_تراب

المهم تخلص وكلشي يهون بعدين
واصبر على الوجع بلكي تعود
كلها ايام تكضي وترجع تراب
واحلامك تموت وكلشي ينهد
حتى الخابصينك واليحبوك
رابع يوم ويذبون الاسود
.
.
#شعراء_وذواقين_الشعر_الشعبي
#عزام_الشمري
#ابو_تراب

حرامات القصايد بيج
وحرامات الگلب يقبل لهسة بداخله يخليج
بعدنا بأول الرحلة ورضيتي بكاع
وخسرتي الجان رايد للسما يوديج
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
اذا ما قدرت روحي
انا ياهو اليقدرها
شنو بالليل اطب لو صورتك وارتاح
لو اكوم لخواطر اهلي اكسرها
امي تريد تحضني تهديني اوخرها
.
.
#شعراء_وذواقين_الشعر_الشعبي
#عباس_الذهبي
#ابو_تراب

مو مشكله لهنا صار حدك
وردة فعلي ما شايفها بعدك
جرف وتمر عليه أشكال الأمواج
فتره وداعتك ويروح مدك
وهيَ الدنيا أبد متدوم لأنسان
لازم يجي يوم تصير وحدك
.
.
#شعراء_وذواقين_الشعر_الشعبي
#منقول
#ابو_تراب

حبل فركاه يرني ... ولفي ير حيل
الله يعين كلمن ... ولفه يرحل
ذكرته بلليل هندس ... والفير حل
فجر ليل اهدعش بالغاضريه
.
.
#شعراء_وذواقين_الشعر_الشعبي
#حسام_سباهي
#ابو_تراب

.
جيتك بليلة شتا ظلمة ومطرها رشك
وشبعده صار الدرب خوف ورعيد وثلج
وجفوف ادية زرك
ابابك طحت ها كمت
ضميت ادية وردت ع الباب بالروح ادك
بس كالوا المن تدك ؟
كلمن مشى لحالته
واحد سكن بالغرب واحد سكن بالشرك
.
.
#شعراء_وذواقين_الشعر_الشعبي
#الكاطع
#ابو_تراب

وداعتك اخر قصيدة وياك هاي وما أخرك
وافتهمتك وادري جانت غلطة مني
من ردت على الحب اجبرك
وهي ابد مو منطقية
طول عمرك ما صرت فد يوم الية
شبية خايف لا اخسرك ؟
.
.
#شعراء_وذواقين_الشعر_الشعبي
#محسن_الموسوي
#ابو_تراب

.
بغض النظر على السبب
بنادم يكتله الحجي
الما يكدر يعبره
ولهذا بالمشرحه يبدون من صدره
صخره اعلى گلبي الحجي
يشريني ماكو نبي ويميل الصخره
.
.
#شعراء_وذواقين_الشعر_الشعبي
#سعد_شميل
#ابو_تراب

.
اكثر من امك احبك شي اكيد
نعم هيه تخاف وتحبك اجل
بس تغار اعليك شيئآ مستحيل
وانا خوفي وغيرتي تهز الجبل
ليش اطولها واضل اخذ واجيب
بجاهليه اهواك واكثر من قبل
انا لو ماكو نبي وعندي الكتاب
جان ما بيها مجال انت هبل
.
.
#شعراء_وذواقين_الشعر_الشعبي
#جبار_رشيد
#ابو_تراب

.
كلتولنا شيلوا وشلنه
عليمن بعد تشكون منه
بسطوا بينه بسعر الدنان
وصاحوا الجوم بيش ما چان
شنهي المعطلك ما تجينه
وكلوبنا تدري حنينه
احنا ترى نحب الك الزينه
من كون ناسي ونسينه
وديلك بنادم علينه
حسبالي لهفه كلبك تدوم
طلعت رسم على الرمل مرسوم
من اكعد كبالك صاير تكوم !
ثاري المحنه موش تعلوم
شسوى الكلوب البيض عطاب
على الكلشي ماكو وشنهي الاسباب
وي ما نجي تكنسون بالباب
حتى اليطب يدمر تراب
ابابكم محد حجالي
خليت دمعتها تلالي
تريد الصدك انت حلالي
والبزر عند الناس غالي
.
.
#شعراء_وذواقين_الشعر_الشعبي
#ماهر_الجاسم
#ابو_تراب

يا حزن ياريت اعرفك
جنت اسويلك حديقة ياسمين
وممشى من كاشي الفرح جدام بيتك
يا حزن ياريت اعرفك وين تسكن
جنت اكلك لا تجيني وتمشي كل هاي المسافة
انا وحدي جان اجيتك
يا حزن وحياة حزنك ما عرفتك
جنك مغير مشيتك
حاط ريحة رخيصة كلش
يا رخيص شكد بجيتك
.
.
#شعراء_وذواقين_الشعر_الشعبي
#مظفر_النواب
#ابو_تراب

جا نسيتي فلان انا ما صح ورق وب ورد كمتي تكاتبيني ؟؟
جا نسيتي فلان ذاك ال اجي ولو اجوا هلج تحت العباية تلبديني
ها ترى گلب الصخر لان وتكلم وهم صخر لو جان گلبج كلميني
سامحيني بعد مابيه شكلج سامحيني
.
.
#شعراء_وذواقين_الشعر_الشعبي
#منقول
#ابو_تراب

.
صبرت اعلى الجرح حد ما خذاني الشيب
وتحملت السنين وضكت ما ضكته
الحنضل والعسل والزين والمو زين
كلهن جربتهن وانت ذاك انت
خابط يا وكت ما يصفى بيك الرأي
تطشرني وتلمني العمر خلصته
الجنيته وياك شنهي و وين بيه تريد ؟
انا هلال بسماك شبيك نزلته
اليكفر بالنجم تنطي ضواك شلون !
اليذم الشمس لا تحلف بخته
وابن نفس الحضن يضحك بعالي الصوت
ولا چنه اخوي وامي راضعته
.
.
#شعراء_وذواقين_الشعر_الشعبي
#ولاء_الفرطوسي
#ابو_تراب

.
مرات اختنك لمن يجيني الليل
افك شباج صدك و اوكف اتأمل
صياد احس روحي والنهر وشل
اشوفك جاي لية واركض اتخيل
اوصل للنهاية وابتدي من أول
اذا رفضت ضنوني جيتك ع البال
اغافلهن واكلك ما عليك اقبل
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وين اهلي عليلة ما دكوا الباب
ترى صحتي علية وگلبي موزين
بسطنا وعلينا التمت الناس
بعنا عقولنا بسوك المجانين
تمنينا نموت بغير تعذيب
وعلى المذبح نطرنا صارنا سنين
فض الازدحام وقلت الناس
وما كدامنا بس واحد اثنين
يوصلنا السرة ويتأجل الموت
يم اركابنا وتعمى السجاجين
.
.
#شعراء_وذواقين_الشعر_الشعبي
#الكاطع
#ابو_تراب

وحق الزين اخوها ... واخته زينه
يا راسي تهلسه ونه ... واخ تزينه
تلاحكنه اشتهرنا ... واختزينه
الضحك من يومكم ما مار بيه
.
.
#شعراء_وذواقين_الشعر_الشعبي
#منقول
#ابو_تراب

.
افا كلكم جفيتوني ... و كلكم
نسيتوا رويحتي الجانت ... وكلكم
الماي خلافي طابلكم ... واكلكم ؟
هني لو بالمسى تغصون بيه ؟
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
اليحب من طرف واحد يكره الليل
وكون تصير جا من عمره شاله
بعدها غروب واسأل بال يمرون
بيش الساعة والليل شبقاله
اصعب شي تحب الما يحس بيك
شخص ما يوم جيت انت اعلى باله
احسد ضله جي ممدود على الكاع
واكولن كون اتمدد بداله
واتعمد امر من يمه مخصوص
خاطر بس خيالي يطخ خياله
.
.
#شعراء_وذواقين_الشعر_الشعبي
#فاضل_كريم
#ابو_تراب

.
فزاعة بحقل لا تحطني ماريد
اساسي بطين ومخوف العصافير
بعد بس العدل وياي اخلي
خشبة وما رضت عوج البسامير
واذا بعت الغنم ما يكرب الذيب
وعذري وياي لو ابطل النواطير
.
.
#شعراء_وذواقين_الشعر_الشعبي
#سمير_صبيح
#ابو_تراب