الاحبها الدهر من عندي ... بعدها
ومصايب ذب عليه تعجز .. ب عدها
الغمض من جفت حرمته ... بعدها
شنو يفيد الغمض لو ما سويه
.
.
#شعراء_وذواقين_الشعر_الشعبي
#موروث
#ابو_تراب

لا لطم لا تشييع عجلوا ب موتي
دفنت الفرخ نفاس دفنوني اخوتي
.
.
#شعراء_وذواقين_الشعر_الشعبي
#منقول
#ابو_تراب

.
الليالي لوغ بالحركه ... لغني
ومن طاري الفرح كلش ... لغني
لا اون لا لي حيل ابجي ... لا اغني
الينفهنلي الگلب ضاعن عليه

العمر ما مشى براحه ... ماشيبعنا
لون ينباع والله ... ماشي بعنا
يا دنيا احنه من اهلنا ... ما شبعنا
صغار وفاركونه اهل الحميه
.
.
#شعراء_وذواقين_الشعر_الشعبي
#حسين_صالح
#ابو_تراب

.
دليني عليك سنين تايه بيك
وامشي وياي ادورك خاطر اندلك
عرفني علشخصك رايد احجي وياك
بس كلمه وبعد ماغيرها نكلك
وحده من الثنين وحده راح اختار
لو كلك احبك لو احب كلك
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ما ضلي اهل ما ضلوا احباب
واعز الناس ناموا جوة التراب
بقى بس الجرح والجرح ما طاب
وين اليوكفولي و اوكف الهم
ما ضلي اهل حتى ارجعلهم
.
.
#شعراء_وذواقين_الشعر_الشعبي
#خضير_هادي
#ابو_تراب

اليوم ابد مو زين وضعي
يبجن خواتي وامي تدعي
طحن النشأ مطحون ضلعي
عضيت گلبي وعفت اصبعي
.
.
#شعراء_وذواقين_الشعر_الشعبي
#منقول
#ابو_تراب

مامرتاح
عيوني تستحي بس الدموع اوكاح
ما مرتاح منٌك منٌي
من العدل من المات
من الجاي من الراح
عركه وي الزمن ورجعنه مكسورين وبعيده المسافه وينسي اللي طاح
مامرتاح لأن قفل المحبه إنباك وترهم عليه مفتاح
.
.
#شعراء_وذواقين_الشعر_الشعبي
#الكاطع
#ابو_تراب

شراي ماكو لگلبي شراي
شمسوي ما يحجون وياي
مو جنه نضحك ونتشاقى
ما تستحي تخرب العلاقة
لو باقية العشرة صداقة
ولا قابل بهذا اتفاقة
.
.
#شعراء_وذواقين_الشعر_الشعبي
#منقول
#ابو_تراب

خلص روحي صبرها وانت ما اجيت
خايف ناسي حبنه وغيري حبيت
لا تبعد علية صعبة
احس بدونك بغربة
تعال ارجع لي من البعد مليت
.
.
#شعراء_وذواقين_الشعر_الشعبي
#منقول
#ابو_تراب

جامتلني
كالت انت تضل محب
كون كل الناس مثلك من تحب
كالت انت تضل حبيب
تالي راحت للغريب
زعلت وما صالحتني
جاملتني
جاملتني
نست لحظات العشك يوم الوداع
ورادت تمشي السفينه بلا شراع
عشرة صارت ماضيه
حبها غيري وراضيه
وبالحقيقة فاجئتني
جاملتني
.
.
#شعراء_وذواقين_الشعر_الشعبي
#منقول
#ابو_تراب

تريد تروح جنك
دقيقة شفنا منك
مو صورة نريد ألبوم وياك
متأخرين يا وسفه عرفناك
.
.
#شعراء_وذواقين_الشعر_الشعبي
#منقول
#ابو_تراب

وكَع منك وجه بس انته عندك خير
ألي يدور بوجهك جم وجه يلكَه
ردتك تكَعد تصفي الضنون وياي
يا ضن النعوفه وياهو ألنشكَه
وأشطب يا حلم خل نفرض وجزيت
من راحات اديه شيمسح الشبكَه
كلشي من رحت ضل عكبك بلا لون
حتى الغيم الابيض والسما الزركه
رجعت اضحك عله اسنين الكَضن وياك
وعيون الشماته بفرحتي مصدكَه
شافوا ماي بيدي توقعوني أزكَيك
ما يدرون أطفي بشجره محتركَه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

ضلن بگلبي الردتهن
لا جبتهن بالحلال
ولا عصيت الله وبكتهن
.
.
#شعراء_وذواقين_الشعر_الشعبي
#منقول
#ابو_تراب

.
ثلاثه انجمعن لگلبي ... بهدما
كفاي وخنجرك وايدك ... به دما
ياهو العابر تچلب ... بهدمه
وكح خاين طمع وانطيت بيه

حلمت بجفوف خلاني ... بيها دماي
تفسر وادمي تفكر ... بهدمي
وانا مطفي حريجتهم ... بهدماي
لما طاحن صرايفهم عليه
.
.
#شعراء_وذواقين_الشعر_الشعبي
#اياد_عبدالله
#ابو_تراب

وخرها الستارة الشمس خل تفوت
ولا تخلي الجروح تبين الباطن
كلها تموت صفرة الموت هم بي لون
عاجبني الكطن للموت ميهادن
اشتري وبيع بحياتك واخسر ولا تخاف
المهم سوي التريدة وجازف وراهن
وسرك لا تودعه بير ما يخفيه
دلو من يمر علية يطلع شدافن
.
.
#شعراء_وذواقين_الشعر_الشعبي
#سمير_صبيح
#ابو_تراب

شغلاتك من جنت وياي ومقدر
حمامة حضرة محد يمد جفة عليك
لا شكلوا جناحك لا الريش انجر
كالولي اليطيحك ترى المنك بيك
كتلهم شلون وكالوا تصور
بظلوعة الكصار الجادر من يطيح
و اول ما يهدمه ال بالعزا موزر
.
.
#شعراء_وذواقين_الشعر_الشعبي
#سعد_شميل
#ابو_تراب

.
عوف الناس مالك شغله بالناس
عوف الناس لا يشلعون گلبك
تعرف ليش بس من عندك يغارون
لان بس انت احبنك واحبك
.
.
#شعراء_وذواقين_الشعر_الشعبي
#جبار_رشيد
#ابو_تراب

.
مرات حتى الصدك ما نكدر نكوله
بس علمتني البجي وصار الدمع سوله
من صغري گلبي انجرح
ولهسه ادور فرح
مثل اليدور حرف بأوراق مشعوله
طفيني كافي اشتعل كل ناري من عندك
يجوز بس حسبت مو انا اليسعدك
بس اخذ هذا الرأي
تواضع بطبع الماي
ينولد فوك الجبل ويعيش بسهوله
.
.
#شعراء_وذواقين_الشعر_الشعبي
#سمير_صبيح
#ابو_تراب

يا حبيبي بيا وجه
خلوك مني تروح ويخلوني اتاني
وهو حتى الريل
كد ما يستحي يرد للمحطة بوجه ثاني
بذمه اهلك لان خلوا
واحد وهو بصلاته يفكر شيسمع اغاني
.
.
#شعراء_وذواقين_الشعر_الشعبي
#منقول
#ابو_تراب

جم زلة منك بينت
ما جيت اعاتب مرة
ومن عشرتك كلي شفت ؟
غير ألالم والحسرة
انا ادري يهواك الگلب
وبعدك يعذب حالي
وادري اليحب ليلة صعب
هايم يضل للتالي
.
.
#شعراء_وذواقين_الشعر_الشعبي
#زامل_سعيد_فتاح
#ابو_تراب