من ذكرتك سكت كلشي
وعاند السكتة وبقى يصب الدمع
من ذكرتك مدري شنهي الصار بية
رفس گلبي وراد يشلعلي الضلع
وصحت شو محد سمعني
وللعلم لمن ذكرتك جان ليل
وصوت دخان الجكاير ينسمع
.
.
#شعراء_وذواقين_الشعر_الشعبي
#جليل_قاسم_الكعبي
#ابو_تراب

انت لو ما كايل ارجع ما اتاني
وانا من انتظر شامه
ما اتحرك من مكاني
.
.
#شعراء_وذواقين_الشعر_الشعبي
#باهر_الجنديل
#ابو_تراب

نسمة بعاصفة لو رحت هم الكاك
ضل بالليل ماكو وميزت ضلك
واندلك واجيك واكدر اوصلك
ادورك ما امل والكاك واندلك
لو حبه رمل عنوانك بصحراء
اشمن ريحتك بالكاع واوصلك
.
.
#شعراء_وذواقين_الشعر_الشعبي
#سمير_صبيح
#ابو_تراب

لو هو مثلك اكو
جا ما عشت وحدي
بليل الشتا البارد
بس هو هيج العشك
مثل الله بس واحد
.
.
#شعراء_وذواقين_الشعر_الشعبي
#حسين_المرياني
#ابو_تراب

ماكو اشكال شرعي بحبي وياك
وشنو يعني اذا اكو اشكال شرعي
وشنو يعني اذا كرهوني الناس
و شنو يعني اذا كرهوني ربعي
وشنو يعني اذا طبيت للنار
اذا انت وياي كلش زين وضعي
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

زعلانه كالوا لا تمرها بحلم
وگلولي دمعج ع الجفن ما عثر
اشتموا فراكج بية من سولفت
مريتي سيف وصار خلگي نحر
يضفرون وجهي وثنثر عزتي
وبعيوني تطفى وجوه كل البشر
شخليتي بية وصدري فارغ طلع
شعاف الندى من اثار فوك الصخر
دبريلي ملگة بروحي وحشة حضن
شكد ناس صغرت من فراغج كبر
.
.
#شعراء_وذواقين_الشعر_الشعبي
#علي_رشم
#ابو_تراب

بعد شيرجعه انتهى البيناتنه
لا اسفنه يفيد لا دمعاتنه
ما يرجعنا الندم
احنا داخلنه انهدم
ومر قطار الشوك عدا وفاتنه
بعد شيرجعه انتهى البيناتنه
احنا من خاطر علاقتنه انكسر
ما اتنازلنا ولا بينه انجبر
صار همنا الغلط من عدمن بدر
طبعآ تسيئ الامور
احنا مالينه الغرور
وكلمة ما نتحمل اثنيناتنه
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

مو مالت زعل بس انت ردت تروح
موچد غير ناس و عندك الضنه
ترى مبين الرايد حجى حتى يروح
يزعل من سوالف ما يزعلنه
.
.
#شعراء_وذواقين_الشعر_الشعبي
#علي_نافع
#ابو_تراب

انا كبران متعرفوني حقكم
تجاعيدي وسماري وشيبي منكم
والله اثنينه نفس المواليد
قبل لا اشوفكم جنت بكبركم
.
.
#شعراء_وذواقين_الشعر_الشعبي
#مثنى_كامل
#ابو_تراب

ياما لسعتنا الشمس وبفي كَصايبهم غفينه
وياما فيَّضنه الوفه وحطّولنا المهجة سفينه
وياما ذبنه العطش يمهم وبجدح جفهم روينه
تالي نزعوا شوكََنا من كَلوبهم
وكَالوا عوض عنكم لكَينه
تندمينه
وكون يسوون البجي
جا ب اثعش ناظر بجينه
.
.
#شعراء_وذواقين_الشعر_الشعبي
#الكاطع
#ابو_تراب

اذا سألت علية كولولها بخير
شفت كل الجروح المنها اعاني
صدك باقي اثر بس باجر يروح
واذا اضطر ابدل جلد ثاني
المهم ما يبقى شي من يمها تذكار
الخلت هاكثر ناس بمكاني
.
.
#شعراء_وذواقين_الشعر_الشعبي
#ميثم_فالح
#ابو_تراب

.
اماني وللاسف بالواقع نكول
المؤكد ارجح من الما مؤكد
نعم يمكن تحت تأثير الفراك
وصدمته المو بسيطة وحالة الشد
على كل ً اذا رايح خسرناك
بغيابك دمعة نزلت چوت الخد
.
.
#شعراء_وذواقين_الشعر_الشعبي
#ايهاب_المالكي
#ابو_تراب

وحتى ما عندي ابتسامه من ارد اجيك
ليش تشلع گلبك بگلب انشلع ؟
وليش تطلع خاسر ومشلول حال
وتترك الضحكة وعليمن تنقهر ؟
راجع افكارك بعد عندك مجال
ليش بية تريد گلبك ينكسر ؟
.
.
#شعراء_وذواقين_الشعر_الشعبي
#جبار_رشيد
#ابو_تراب

شلك علية يا زمن وشرايد ؟
انطيتك الي ردته مني وزايد
ضحيت ب أغلى احبابي
وخسرت كل اصحابي
شتريد تاخذ ؟ بينت ومعاود
شلك علية يا زمن وشرايد ؟
نيشان اكثر من جرح مو كافي ؟
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد
.
.
#شعراء_وذواقين_الشعر_الشعبي
#الكاطع
#ابو_تراب

طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
#شعراء_وذواقين_الشعر_الشعبي
#علي_نجم
#ابو_تراب

لو صار العشك للبيع
لا تعتب على الشراي
كثر اللوم على الباعة
انا الليلة الج يا روح
ل اكص جفج
واعلكه برمح المداعة
الغفى بفي النخل
يترجى تمرة تطيح
مو مثل التشلبه وجاب ب ذراعة
.
.
#شعراء_وذواقين_الشعر_الشعبي
#الكاطع
#ابو_تراب

.
بعدني ابجي
انا مجبور يا محمد بعدني ابجي
بعدني ابجي على ام شامات
اخبرنك ولا ضل واحد بدنياك طيب ذات
چثيرة وناعمة همومي ما كضهن ولا غربيل
افك الصبح من وحدة يجن ١٣ بالليل
تصير انوب نص درزن
وعيوني خشب ناعم وكع بيهن
ادور عارفه بهالناس عود يدور ويلكيهن
يا محمد
كمرنا الغاب من سنين جذب ما بلعته الحوته
وان عاتبت ( خالد ) كسر تابوته
.
.
#شعراء_وذواقين_الشعر_الشعبي
#عبدالاله_منشد
#ابو_تراب

كون كايلي من الاول ما ادوم
جان ما جبت العمر كله انتظار
انت حليان بغيابي وانا وين ؟!
وجهي صاير هيمه من كد الصفار
ليش تحضن غيري مو تدري اموت
امي من تحضن اخوي كبالي اغار
.
.
#شعراء_وذواقين_الشعر_الشعبي
#منقول
#ابو_تراب

خلص وشل صبرهن ما بعد منهن
وضل ليلك طويل ولا عمر عدهن
ذابن والصبر نار اعلى راس الخيط
ما غزر ضواهن بالهوا تحطهن
.
.
#شعراء_وذواقين_الشعر_الشعبي
#سمير_صبيح
#ابو_تراب

عليك الناس تسأل وين ما وين
وعساك بخير عايش يا ضوة العين
هم ترجع وتجمعنا الليالي ؟
واشوفك من صدك كاعد كبالي
بعد ما ضل صبر والصبر لي وين
عليك الناس تسأل يا ضوة العين
.
.
#شعراء_وذواقين_الشعر_الشعبي
#جبار_صدام
#ابو_تراب