من ذكرتك سكت كلشي
وعاند الصفنه وبقى يصب الدمع
ومن ذكرتك مدري شنهو الصار بية
رفس گلبي وراد يشلعلي الضلع
وصحت شو محد سمعني
وللعلم لمن ذكرتك جان ليل
وصوت دخان الجكاير ينسمع
.
.
#شعراء_وذواقين_الشعر_الشعبي
#جليل_الكعبي
#ابو_تراب

اذا تتوقع انا انسى لا تتوقع
بعدني بأنتظارك يمتى ما ترجع
رسايلنه القديمة من يجيني الليل
اطبلها بسهولة وبصعوبة اطلع
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
شكد عن عزتي تدنيت
شكد بلا وعي تعنيت
شكد زعلان بس حنيت
.
.
#شعراء_وذواقين_الشعر_الشعبي
#علي_مهدي
#ابو_تراب

.
هي الكارثة من تحب بلا اسباب
الكدامك يحس بيك سلعه
من تشوف نفسك عادي تنباع
من واحد عليه عمرك تدفعه
هذا انت بكثر ما بيك حلوات
انا بكل كتر من عندي وجعه
مثل ما الله رصعه بوجنتك حاط
هيج انت اعلى گلبي مخلي رصعه
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

انتهت الله وياك ما نصطلح دوم
بالجنه لو شفناك بس تكعد نكوم
.
.
#شعراء_وذواقين_الشعر_الشعبي
#منقول
#ابو_تراب

.
انت يا كل شي حلو بالدنيا هاي
يا ضوة عيوني وشريك رويحتي
يا ربح عمري وتعب ذيج السنين
يا نشيدي وموطني وكل غيرتي
ما تحن شعطلك انت حنين
انت يا الشالع گلب محبوبك
والله زحمة الليل لو ذكرني بيك
هاي هم محسوبة من ذنوبك
انت مدري منيلك هذا البرود
يا الجنت من ازعل تغنيلي
مرة كتلي الدنيا هاي شنهي عود
وانا كتلك مثلك شتعنيلي
.
.
#شعراء_وذواقين_الشعر_الشعبي
#عزام_الشمري
#ابو_تراب

تعال من السفر كافي من الفراك
كلت يومين لكن صارن سنين
ما هزك حنين ويوم تشتاك ؟
ولا گلبك يسألك صاحبك وين ؟
صرت كلي حزن من راسي للساك
تعال احسبها منه وجيتك دين
اريد اشبك الروح بروحك اشباك
واريد انگلب كلي ل شوفتك عين
.
.
#شعراء_وذواقين_الشعر_الشعبي
#رحيم_المالكي
#ابو_تراب

.
وين الخلل بالزمن ؟
مدري الخلل بالبشر
محد يفسر هاي
الكبر خياله الضوة
ما اشوفه نفس الحجم
غيري اليشوفه هواي
.
.
#شعراء_وذواقين_الشعر_الشعبي
#سمير_صبيح
#ابو_تراب

الليلة گلبي يموت سكته
وحتى محد يدري بيه
فراك وجهك عذباني
وعذبتني المغربيه
اثنينهن حيل يردن
فراكك وچلمة خطيه
انت وحدك تسوى دنيا
هواي انت و مو شويه
.
.
#شعراء_وذواقين_الشعر_الشعبي
#منقول
#ابو_تراب

يا حبيبي
الليل حلفني بضحكتك يلا نمته
مرة كتلي الدنيا شنهي ؟
وكتلك انت
.
.
#شعراء_وذواقين_الشعر_الشعبي
#باهر_الجنديل
#ابو_تراب

منو يسأل علينه احنا البعيدين
ومنو يسأل علينه لمن نغيب
احنا المحد النا ومدري منين
مكتوب بجناسينه غريبين
وين اهلي علية ما دكوا الباب
ترى صحتي علية وگلبي موزين
خلصنه عمرنا بالمطارات
سفر وبيوتنه انباعت يا طيبين
غنينه وعلينه ألتمت الناس
وانا وصاحبي ما نعرف الناس
وبعنه عقولنه بسوك المجانين
.
.
#شعراء_وذواقين_الشعر_الشعبي
#الكاطع
#ابو_تراب

ها يالخسرتك من وكت ها يالخسرتك
على الفركه ليش استعجلت لا لا اعلى بختك
لو بس الك جيه وتجي
ليل ونهار ابقى ارتجي
صدكني لو مية سنة جان انتظرتك
ها يالخسرتك
.
.
#شعراء_وذواقين_الشعر_الشعبي
#منقول
#ابو_تراب

يبين على اليحبون
سواد الجوة العيون
علامات السهر
شسولفلك على الفراك
تضل لكلشي تشتاك
اذا جرحك كبر
يا گلبي وتسأل تريد
بعد عافوك شيفيد
شنو يفيد العذر
.
.
#شعراء_وذواقين_الشعر_الشعبي
#منقول
#ابو_تراب

.
صاير ما تحن كلش هالايام
وحيل تغيرت بيك المودة
تجر گلبي وتحبسه بطرف الرموش
لا عينك تشبكه ولا تهدة
رد كلمن يحبك جنحه مكسور
بس مكسور خاطر لا تردة
.
.
#شعراء_وذواقين_الشعر_الشعبي
#نائل_المظفر
#ابو_تراب

سر وابتلي من احجي ومن اسكت يشيع
حصتي وعليه تنسام والشامت يبيع
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

انا الداريتك لحد ما خذاني اللوم وي روحي
.
.
#شعراء_وذواقين_الشعر_الشعبي
#منقول
#ابو_تراب

سألوني ياهو الاعز
روحك بوكت الحرب
لو ماي وكت العطش
كتلهم عيونك
.
.
#شعراء_وذواقين_الشعر_الشعبي
#مقتدى_الحديدي
#ابو_تراب

تجي من بعيد تمشي عيونك انت وياي
ليش من نتدنى تنزل عيونك
وانا بگلبي اكلك يا هلا بملكاك
واسمعك من تكلي بگلبك شلونك
يالمرهدن بمشيك يا لذيذ الروح
يا محير عقل كل اليشوفونك
خطواتك فرح والدنيا موسم موت
وانت ب أزمة جاي وما يهدونك
طعم بي شوف وجهك لا تمر ع الناس
جوعانه عيون وخاف يكضونك
.
.
#شعراء_وذواقين_الشعر_الشعبي
#جبار_رشيد
#ابو_تراب

وينك يا وطن روحي
يا شمس العافية المتغيب
وينك يا جرح عمري
يا جرحي الما اريدة يطيب
مثلك وطن وين الكة
وانا ميت من الفركة
.
.
#شعراء_وذواقين_الشعر_الشعبي
#خضير_هادي
#ابو_تراب

ولا واحد فكدني شكد نمت مهضوم
چــني بيت وادم فقره حبل هدوم
بشر مدري جرح كلساع شو ملجوم
انه المتعوب بَــس للطايح يتجي
مثل حايط هلي ماصرت مصلحجي
.
.
#شعراء_وذواقين_الشعر_الشعبي
#منقول
#ابو_تراب