.
انا ابتديت الحجي اوصف جزيرة بحر
الصبح كلها ندى و بالليل كلها ذهب
لساحلها اجيت بلم مشرك يعبر حزن
ومجذافة كلش تعب
مدتلي اديها جرف شفت الجزيرة عجب
يحيط بيها الوفى وبين الجبال بترف
نايم شعرها كصب
نخلة الجذع يختلف ريش الحمامة خشن
عكس النخل مو كرب
و وسط الجزيرة خصر بي عين بس مو نبع
وعنها بمسافة عنب
گلي انت توصف مرة
لا كتله فاهم غلط
كتلك جزيرة بحر الصبح كلها ندى
و بالليل كلها ذهب
.
.
#شعراء_وذواقين_الشعر_الشعبي
#سمير_صبيح
#ابو_تراب

ليش راجع راجع انت احنا مو كلنا انتهينه
ليش راجع راجع انت شذكرك هاليوم بينه
كوة طيبنه الجروح
الما رضت بعدك تروح
واني اكذب والله اكذب لو كلت لحظة نسيتك
رحت ادور خلص عمري وما لكيتك
.
.
#شعراء_وذواقين_الشعر_الشعبي
#منقول
#ابو_تراب

من الباب اجيتك جنت شاريك
وعاف هواي گلبي وگلبك اختار
صار سنين احبك مو عشك يوم
حتى انساك سكته ووجهي يندار
الك بالروح حسرة تكطع الروح
والك جرحي اعلى طولي من البعد صار
انا بنار هجرك مشتعل ماي !
ماي ومشتعل بيش انطفي بنار ؟
.
.
#شعراء_وذواقين_الشعر_الشعبي
#احمد_هندي
#ابو_تراب

.
المهم تخلص وكلشي يهون بعدين
واصبر على الوجع بلكي تعود
كلها ايام تكضي وترجع تراب
واحلامك تموت وكلشي ينهد
حتى الخابصينك واليحبوك
رابع يوم ويذبون الاسود
خل حجيك بصدرك محد يفيد
شدة وتنعبر لا تشكي ل احد
.
.
#شعراء_وذواقين_الشعر_الشعبي
#عزام_الشمري
#ابو_تراب

العشتهن وحدي محد مار بيهن
لذالك لحد يسولف عليهن
انعم الله اعلى الايام شكشفت وجوة
صحيح أذني بس عاشت اديهن
.
.
#شعراء_وذواقين_الشعر_الشعبي
#محمد_الطالقاني
#ابو_تراب

ها يروحي لخاطر الله اليوم هيدي
ها يروحي الراح راح ماهو بأيدي
الدنيا ما اكدر عليها
زين مني وباقي بيها
ويا عيوني ولو يفيد الدمع زيدي
توسدت حزني اسولف للنجوم
وابد ما مرت علية الراحة يوم
منين ما اكلبها هم
واني من دم ولحم
الدنيا ما اكدر عليها
فضل مني وباقي بيها
ويا عيوني لو يفيد الدمع زيدي
.
.
#شعراء_وذواقين_الشعر_الشعبي
#منقول
#ابو_تراب

.
مسودنين
صاحت علينا الشوارع لا تجون
وصاحت الوادم ابد ما يستحون
مسودنين
تعرف الوادم حجينه بس تسد اسماعها
واحنه محد يشترينه وتركض اعلى الباعها
لا حجينه بالف شفه
ولا لبسنا هدوم ترفه
ولا كدرنا نعيش يوم ملونين
وباعنه الما يشترينه
وصاحت الوادم علينا مسودنين
.
.
#شعراء_وذواقين_الشعر_الشعبي
#محمد_الغريب
#ابو_تراب

صفك جنحي لحد غيمة
عفت ذاك الغصن هيمة
عمر وياك ادور حل
جبيرة السما وين اسأل
اخاف اشرد وما اندل
الا ان قررت حسيت عمري الضاع
شفته الطير اثاري من يطير اسهل
اثاري العش عذر للما يعرف يطير
اكول شبي الشامت ما يريد ارحل
.
.
#شعراء_وذواقين_الشعر_الشعبي
#ايهاب_المالكي
#ابو_تراب

زفير انفاسي من يطلع ... يرد هم
وهمي شما ازيلنه ... يرد هم
اعزاز الگلب وين الله ... يردهم
عماني فراكهم واثر علية
.
.
#شعراء_وذواقين_الشعر_الشعبي
#منقول
#ابو_تراب

الطيب لو بكلشي الاول يصير
اذا ميخون ينذب على التوالي
كل هذا واكول الطيبة ذلة والغدر عاش
واشوفج وارجع ل طبعي المثالي
لهسة وگلبي يمج ماله رداد
اجي كامل واردن صدري خالي
واحير الشافني مذلول مهيوب ؟
نازل راسي لكن دمعي عالي
وبعد شيفيدني تكبرين بالعين
صغرتي وكبرت بعيني الليالي
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
تمنينه نموت بغير تعذيب
وعلى المذبح نطرنا صارنا سنين
فض الازدحام وقلت الناس
وما كدامنه بس واحد اثنين
يوصلنا السره ويتأجل الموت
يم اركابنه وتعمه السجاجين
.
.
#شعراء_وذواقين_الشعر_الشعبي
#الكاطع
#ابو_تراب

كلي الما توافيله ... يفي شلون ؟
وانفخ لون بالعشرة ... يفش لون
هذول الزامطت بيهم ... يفشلون
الرصاصة التايهه يدلوها بية
.
.
#شعراء_وذاوقين_الشعر_الشعبي
#علاء_الزبيدي
#ابو_تراب

.
ما شفتك اليوم استعجل تنام
انا كبلك نمت نتشاوف طيوف
.
.
#شعراء_وذاوقين_الشعر_الشعبي
#يوسف_الدراجي
#ابو_تراب

حبنه جان شكد نقي
بالرسايل نحجي حد ما نغفى جنه
وتخجل تسلم علية من نلتقي
.
.
#شعراء_وذاوقين_الشعر_الشعبي
#منقول
#ابو_تراب

.
اتلعثم من اشوفك ... واسطك انا
ومنو الوشوش بأذانك ... واسطكانه
تكلي وينك انت ؟ ... وسطك انا
تدور بالنبض تعثر علية
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

بس تعالوا
ولو اجيتوا
جفوفنا نحنّيها
وكَلوبنا الما تنسى همكم هلبت انسيها
هلبت بختنا يجيبكم
ونشم روايح طيبكم
وما أصدّك حتى لو جيتوا وكَعدتوا
عيوني احس بيهن غشا وما كَولن انتو
لأن صرتوا مستحيل
لا تجوني لانهار ولا بليل
صرتوا بس ذكرى عزيزة وما تغيب
صرتوا بس جروح بيه وما تطيب
بس تعالوا
ولو اجيتوا
كل عزيز بعمري اطشَّنَّه فدى لعيونكم
.
.
#شعراء_وذواقين_الشعر_الشعبي
#سعدون_قاسم
#ابو_تراب

مو بس انت
كبلك كاسرتني الناس
كبلك خاسر وعاذر
بذاكرتي شكثر وادم مراية بسوك
كل ساع تعثر عيوني بوجه عابر
مو بس انت
بس انت الوحيد المادري شكاسر
.
.
#شعراء_وذواقين_الشعر_الشعبي
#صفاء_الصمت
#ابو_تراب

اكتفيت بنفسي مو ناسي
واذا حسيت اريد انسان يسمعني
اسولف يم المرايا واهز راسي
.
.
#شعراء_وذواقين_الشعر_الشعبي
#سجاد_صباح
#ابو_تراب

.
تمنيتج مثل ما اريد ضني و زاعلت ضني
تمنيتج هدم بالروح و يحير اليجي يبني
شفتج يا حمامة محجله بجرحين
بالدم ريش متحني
و منو يسمع غنى الخرسان ؟
منو يدري بگلبهم شايب يغني !
تمنيتج الية و كبل هذا الحين
بس شالفايدة وشارب طلع ل أبني !
تمنيتج مثل ظهري جسر محني
جسر ينكطع بية يذبني فوك الماي
و المي يبتعد عني
و اطيح بكاع لا كاعج ولا كاعي
و لا بيها اثر منج و لا بيها اثر مني
تمنيتج مغاره كيف بيها انزع جلد حزني
من بعدج و اتوب الروح
جانت كاولية و وين ما يردونها تغني
.
.
#شعراء_وذواقين_الشعر_الشعبي
#الكاطع
#ابو_تراب

شفت النجم عالي وذكرتك
يالجنت ليل شكد سهرتك !
شمعة و الصبح خلصت عشرتك
ذبيتني وما تدري بية
كاع وسما انطبكن علية
چيلة عدوة حجاية خطية
رديتلك بس موش كلي
كصبه بشمس مكسور ضلي
والشافني حسباله اصلي
وك يا سرداب الي تبعته
هالشيب هذا منين جبته
راسي وگلبي ابيض صبغته
.
.
#شعراء_وذواقين_الشعر_الشعبي
#احمد_الذهبي
#ابو_تراب