.
بينه وبينك فرق كلش جبير
وما نكول اسباب كل هذا الفرق
ما نكمل السالفة لحد الاخير
من الاساس وياك مسدودة الطرق
ويانا ما ترهم وما نرهم محال
وياك ما نكدر ندوم ونستمر
وياهو كلك بالسهل درب الوصال
وانت تدري دروبنا مورثة جمر

.
.
#شعراء_وذواقين_الشعر_الشعبي
#جبار_رشيد
#ابو_تراب

.
اثنين جانوا الك
وماكو بحياتك فقط
انا ونظر عينك
وعينك درتها ورحت
ولا چني منك جنت
وبكل سهولة خسرت واحد من اثنينك
.
.
#شعراء_وذواقين_الشعر_الشعبي
#جبار_رشيد
#ابو_تراب

.
اجوا بعدك لكوا بية الصبح ليل
علية صفنوا شافوك بصفنتي
ردوا كالوا الحب هيج لو لا
حتى بحبك محلل خبزتي
كون الناس تتحاسب على الارقام
ويتبدل رقم جثته وي جثتي
بمكاني يموت ساعة ويرجع يعيش
ويشوف شكم ذنب منه بركبتي
بالعرس وتخيلته هوه
وسلمت على الخطار كوه
.
.
#شعراء_وذواقين_الشعر_الشعبي
#حسين_العميدي
#ابو_تراب

.
رديتلكم شايل فرحة بكد ما شايل هم من عدكم
ورديتلكم وادري بعمري تكسر مثل الجام بحبكم
رديت وشايل ضحكاتي ارد اوكف وابجيهن يمكم
يالعفتوني ولهسة هدومي من افركهن تطلع ريحتكم
صح ما عندي وياكم صورة بس مرات من اشتاكلكم
بس الزك گلبي على الحايط تطلع على الحايط صورتكم
.
.
#شعراء_وذواقين_الشعر_الشعبي
#حمزة_حسين_مطر
#ابو_تراب

.
انا كتلك بالحلم بالبيت بالشارع شماته
لا تضحكهم علية
ومن كثر ما ضحكتهم ضحكتني
انا لو غالي صدك ما رخصتني
ويا الكلتلي وياك اعيشن عمري كله
لغيري كتله وياك اموت
انت لا خفت الله بية ولا صنتني
وغبت عنك ما شفت عينك بجتني
وانا اشوفن روحي نعمة من السما طاحت عليك
ما جنت مكسور بالكاع وشلتني
اني اجيت من التعب حتى استراح
وتعبتني
.
.
#شعراء_وذواقين_الشعر_الشعبي
#اسامة_الكاتب
#ابو_تراب

.
ما اصدك تجي وتشوفك العين
وهم يمر علية يوم والاكيك ؟
اذا صح البالي وجيت يا زين
يضيع لساني مني وبيش احاجيك
اصيرن عيني كلي بطرك جفنين
واحير بيا جفن منهن اخليك
علية سوي فضل يالجيتك دين
تعال وداعتك بعيوني اوفيك
.
.
#شعراء_وذواقين_الشعر_الشعبي
#حمزة_الحلفي
#ابو_تراب

.
ما نادم عليك ولا على الصار
نادم على الگلبك ما عرف يختار
جبت بيدي عذابي
وخسرت اول شبابي
وخسارة يضيع عمري و ارد خالي
بعيوني شفت شيصبر العيون
وغركن بالدمع مادام تمشون
ضلم لو شخص ثاني
يجي وياخذ مكاني
وكباله ضحكتك مو كبالي
ليش اسأل بعد شلي بسؤالي
.
.
#شعراء_وذواقين_الشعر_الشعبي
#منقول
#ابو_تراب

.
ما لحكت اشوفك زين
تجيني شوية ب احلامي
انا تمنيت لو رسام
واكعدك ساعة كدامي
شسوي لعيني وتعوفك
بيتك سولت اجدامي
الموت ال بالحبل مرات يتأخر
ردت بسوارك اعدامي
انا بغيبتك لا قوة لا حولة
النسيان هم معروف ليش الغربة انا اولى
يوم يجرله يوم وما كدرت انساك
نسيانك مبين سالفة مطولة
.
.
#شعراء_وذواقين_الشعر_الشعبي
#باهر_الجنديل
#ابو_تراب

.
مو مالت زعل بس انت ردت تروح
موچد غير ناس و عندك الضنه
ترى مبين الرايد حجى حتى يروح
يزعل من سوالف ما يزعلنه
.
.
#شعراء_وذاوقين_الشعر_الشعبي
#علي_نافع
#ابو_تراب

.
بيك اتيه وبيك يا محبوبي اذوب
انت كلشي بدنيتي ومحبوبي
كالوا العالم اتركه ومنه توب
كلت يا روحي اطلعي وتوبي
من يمر طيفك ويعثر بالهدوب
احلف بأسمك يكطع اهدوبي
ولو تصير بعمري بس انت الذنوب
ادعي من الله يكثر ذنوبي
.
.
#شعراء_وذواقين_الشعر_الشعبي
#جبار_الفرطوسي
#ابو_تراب

.
كون يمك
الف هنيالة الينام الليلة يمك
كون يمك
كون احضنك كون ابوسك كون اشمك
كون احط راسي اعلى صدرك
بلكي خدي يزيل همك
اني احبك واني احب كل حرف ب اسمك
وانا احس يجرن سوى دمي وي دمك

.
.
#شعراء_وذواقين_الشعر_الشعبي
#عادل_محسن
#ابو_تراب

.
بس عينك عليك وكلشي ماريد
يمك انت الي مخليك امانة
.
.
#شعراء_وذواقين_الشعر_الشعبي
#سمير_صبيح
#ابو_تراب

.
رجعت وما كدرت احمل زعلها
گبل لا تنجرح ويضيع املها
رجعتلها وراي حجاية الناس
وتحملت العواقب من اجلها
عفت جروح عندي وياهن اسرار
وما اعرف جروحي الرايحلها
رحت محتار مثل الماشي للموت
تايه والجدام تريد ادلها
رحت شايل گلب من ينبض يخاف
وخطوات التردد يستحلها
رحتلها لان مو انا اليبيع
وزلات المقابل يستغلها
رجعتلها ولو بس اليحب هيج
اسئلة الضعف ما يلكى حلها
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
انا تمنيت ما مخلوق هاي الدنيا ما تسوى
مجبور وعشت كوة
بس بطن امي ما جنت مجروح
ذنيج التسع اشهر صدك حلوة
.
.
#شعراء_وذواقين_الشعر_الشعبي
#زيد_السومري
#ابو_تراب

.
انا مو رغبة حبيتك ... وله دوم
وحق ال على صنم عاين ... ول هدم
برحيلك ما اشك زيجي ... والهدوم
كسر والا اعلى عيب يطيب بية
.
.
#شعراء_وذواقين_الشعر_الشعبي
#اياد_عبدالله
#ابو_تراب

شجابك على العشك كاعد تسولف بي
وشيعنيلك الليل وبيمن يذكرك ؟
بروحي بدمعتي ؟ الصارت برخص الماي !
وارخص بعد صارت صارت بسعرك
ال بعقلك لعب تشمر محبتي أبير
شتقنعني بعد ما لاعب بشعرك ؟
.
.
#شعراء_وذواقين_الشعر_الشعبي
#منقول
#ابو_تراب

.
مرات يم همومك تحير
وتكول اذا ارتاح شيصير
لا عندك جناحات وتطير
لا نبي وتجرع هندس البير
يم ربعي صاير واهسي يضيع
ولا كادر افتح اي مواضيع
مليت من الدنيا والناس
اشمر سنيني بأول تبيع ؟
.
.
#شعراء_وذواقين_الشعر_الشعبي
#سجاد_صباح
#ابو_تراب

.
انا ما قصرت بس من بقيت وياك
المثلك جان يحلم يوكف بصفي
الخيانة تصير من تبدي الهدايا تضيع
الاثار بركبتك ضيعت حرفي
مأمور وعفت باب السجن مفتوح
مأمن حاسبك مو تستغل ضعفي
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
انا المالة داعي شلون صارت هاي
دحجيها اعلى روحك شوف تقنعها ؟
انا الما اهمك هيج صرت اليوم
وانا بكل امورك جنت مرجعها
لسانك كطعاني وتدري بية شلون
الدنيا مو لسن لو اريد اكطعها
ما اجرع انفاسي لون تخطئ وياي
وانت بكل هدوء اخطائك اجرعها
.
.
#شعراء_وذواقين_الشعر_الشعبي
#جبار_رشيد
#ابو_تراب

.
احاول قدر الامكان
اعرف غيرك انسان
والكى بالي كله يمك
شسوي ماكو نسيان
واصل بية الادمان
ناسي اسمي وحافظ اسمك
طلعت ما اكدر بلياك
لسه بالي وگلبي وياك
هاي هيه
مو بدية
ما كتبلي ربك انساك
.
.
#شعراء_وذواقين_الشعر_الشعبي
#منقول
#ابو_تراب