.
وصيني كبل لا اروح شتريد ؟
كتله الليل لا يخنك ضوانة
شوصيها السنابل على الحواصيد
لو اوصي الجرح يلچم دوانة
لو اوصي العطش بالصيف لا يزيد
وصية وغيرها وخلنا بعمانة
بس عينك عليك وكلشي ماريد
يمك انت الي مخليك امانة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
يا سمعة تشوف عودي ذبل ... وسفه
بسبب تأمر علينا انذال ... و سفه
الدنيا ما عليها بعد ... وسفه
بدت ب اهل الكرامة تخون هية
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
على اعصابي كضيت ايام الفراك
وصلت موتي وطيفك حياني
جنت مفاركك ومفارك الروح
وبعد ذاك الصبر جيت ويا ثاني
أيدك ب أيدة تحجون وتضحكون
و فتوا وفات وياكم أواني
وغارت شوغتي بمكابر الروح
گبالك وانت ضحكك شك أذاني
ولا جنگ الحالف باليشورون
حلفت انت والتأذيت اني
بيمن قصرت واجازة انا بهاي ؟
بخلكي ... الجان اطول من زماني !؟
أيدك جانت تبذر بالجروح
وصرتلك مكبرة ماردلي جاني
منك يا جرح رجعته فشلان ؟
وما كتله استريح بنص كياني !
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
غلطة حبك يسوى كل صح بالوجود
وبية من عندك وجع جن عافية
الصدك ما ارتاحلك بس روحي بيك
وما احبك بس احب مو كافية
انت مو فد شي گلب بين الضلوع
ومو ضوة عيوني وبدونك طافية
ادري شحجيلك وتزعل حتى اموت
نار احس بحضنتك بس دافية

.
.
.
.
#شعراء_وذواقين_الشعر_الشعبي
#ميثم_فالح
#ابو_تراب

.
خذني يمك بعد ما ضل كل عذر لا تعتذر
ليل عمري و عمرك مخلص بعد مابية صبر
خل نلم احلامنه ونحفظ صورهن قبل لا ياخذهن بدربه الفجر
وخل نلم الباقيات سنيني وسنينك نسويهن عمر
وهن ميكفن عمر
ونبدي من جده وجديد بواهس سنين الصغر
ولو وازانه الكبر
خل تمشي ايامنا بخطوة العاقل من عثر مرة ورجع يمشي حذر
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
على طولك اشعلني وصيح بيّه الصوت
آنه بطرك النفس بين الحيا والموت
وسير نبض دمي لشهكة الزردوم
حب تالي العمر علته من البسكوتْ!
يا شايل حلاوة خوف الحديثات
ومحمّل سحر ضحكة بنات بيوتْ
يا مايع ترافه اتهيب من أحويك
خاف اصعب عليك وخاف بيدي توتْ
هلكَد ما حلو.. راج الثمر بالعود
وحمر على شفافك كبل وكته التوت
يمعود دخيلك والكلب شيصير
من تكطع بتوته ..منين اجيب بتوتْ؟
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
الليلة طلابتي طلابة
الليلة موادعك ما اشوف منه تعود
جنه موادع المعدوم ل اصحابة
واجر نفسي بطلاع الروح
وصوت النشغة سيف وتنزع كرابة
وخلك ما عندي اكوم لشيخ طايفتي
واذا مريت من ليلي اكوم بلا جدام شلون الترابة
سهلة ال بالموادع يلزم دموعة
وسهلة اليلزم صفاحة
بس انطيني زلمة ويلزم اعصابة
كطعني وذر بس مو كبال الناس
وحط بصدري عطابة
الحايوف الهلا معروفة بالديرة
اشلع گلبي بس لا تشلع نكابة
الليلة طلابتي طلابة
وشنو عذرك بدكه الباب خاف يعور جفوفك
انا التارس كطن بابة
.
.
.
.
#شعراء_وذاوقين_الشعر_الشعبي
#سعد_شميل
#ابو_تراب

.
لوعة الينطر عشتها ؟!
ضايك الحسرة اعلى شوفه ؟ وتنطعن ما تنكتل
رايح لموعد تقاتل ؟
الوكت جربته قبضة ؟ شايف الشارع نصل !
النفس هم راح منك ؟
من يمر طاري الهويته تختنك من تنسأل ؟
تكدر تخليها تخمد
ناري وانا بهذا طبعي من احضن الماي اشتعل
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كتل عدنا وعلينا هموم ملتفه
كتل عدنا ونريد بلا غنى نزفه
كتل وتناخت النسوان يا نسوان
ها الاولاد مغربين الرصاص دنان
اخذتوا تفاكم غافين
اجيتوا بلايا دم وجراح
ما رديتوا الي راح
ومحمد خيال يدور على النجمات
كالوا مات
لا هيهات امس سلم علية وفات
وانا ابجيلكم بسكوت ها الاولاد
اخاف السما تطيح وتعتذر بغداد
.
.
.
.
#شعراء_وذاوقين_الشعر_الشعبي
#منقول
#ابو_تراب

.
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الگلوب اصناف
والعشرة الطويلة تريد نوعية
على كلآ عشت ما خذت بس انطيت
وي ليل المجازة الما شفت ضية
وينه وينه الكاه بية جاي يبيع
وين ال اني منطي من هوا الرية
والزم جفني خاف من ارمش يزعلون
واتناسى الحجاية ال بأذني محجية
ومن الكالي حك عد محب ما اداعي
اكو حك برجعته يعيب راعية
عرفتلها وكمت ما ازاعل اليرحون
ولا على الباب اضل متاني ليلية
من شفت الحلم ينوخذ مو على اللون
بعد بطلت اضم احلام وردية
الناس اختلفت وظهرك اتچي وين
اذا ما تلكى حايط تكعد بفية
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
جريمة تلم حطب وتضمه وتداري
وانت بنص برد وعيالك بذروة
دفيهم واحركه وخلهم ينامون
وكل دمعة اعلى خدهم تنكلب غنوة
لمهم مو صعب قابل رماد بريح
الميل شكد طويل ويبتدي بخطوة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
مو انتي بس گلبي ذابحني ويصيح انتي
منين اجيتي ومني اتمكنتي
شبسرعة صارت بيدج الروح
ويجمعني طيفج وين ما روح
ما جنتي بس هسة في دنياي كلشي صرتي
مشكلتي احبج من صدك مشكلتي
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
كون اليموت يودع الاحباب
ويتباره الذمم وي كل الاصحاب
الصور مالاتهم كعدن بالعيون
شما امر دارهم مسدود يا الباب
.
.
.
.
#شعراء_وذواقين_الشعر_الشعبي
#منقول
#ابو_تراب

.
رحت بس اني ما راضيلك تروح
ضعف موقف وگفتك ردت احسمه
حرت من وادعتني اتشاهد اشتاگ
بحروف الموادع چانت ازمه
بديك الخاليات شماخذ وياك
بس هذا البعدك ردت افهمه
اذا ريتي بعدها وياي چا ليش
ما تقبل تفوت بصدري نسمه
.
.
.
.
#شعراء_وذواقين_الشعر_الشعبي
#أيهاب_المالكي
#ابو_تراب

.
ترد مكسور وحدك محد وياك
تبقى لوحدك تبچي بغرفتك
تلكى الواكفتلك بس حياطين
وانت الما خطت واحد وكفتك
يخرب واهسك وجدامك تبيد
كلبك يوجعك ماتدري شيريد
يا بوية شثكلها تصير الايام
لا شغلة الفركة تريد تعويد
هو الماله احد لمن يطيح
يتمنى من الاول ضال وحيد
.
.
.
.
#شعراء_وذواقين_الشعر_الشعبي
#عزام_الشمري
#ابو_تراب

.
اليوم شجابك شذكرك بينه
يمعود دخيلك مو نسينه
ما صدكنه نرتاح
ونكول الألم راح
ليش بأيدك تجيبه وتجينه
توقعنا بعد ما ترجع النا
نداوي جروحنا ونمسح دمعنه
كلي شجابك انت
وحب سنين بعته
لا تكلي الوفى الجابك علينه
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
صار اربع سنين بس ما نسيتك
يوم اقسى من يوم بيهن بچيتك
فسرلي شتكول ترجع ؟ ابقى اعلى البچي ؟
يا التعرف تغيب وتروح ما تعرف تجي
انت گلبك نساني ؟
لو ما وحشتك اني ؟
راحت واجت بعدك ناس
وانا باقي بمكاني
قصتنا حلوين عشنا البداية
مشكلتي وياك بس بالنهاية
مو كد الفراك وتروح لمن قررت
فهمني بس هاي وارتاح ليش استعجلت
شكد صافن علينه
على الصار هذا بينه
هو القدر يلعب دور ؟
لو كله من ادينه
ادري انت متعود بس انا اكابر
سلملي على الكال تطفى المشاعر
غركت مواعيد وسنين حلوة من رحت
واحتركت اشواك واثار بجروحي عفت

.
.
.
.
#شعراء_وذواقين_الشعر_الشعبي
#علي_الدلفي
#ابو_تراب

.

ياهو الكالك بيك انا مجنون
وياهو الكالك ميصح مثالك
كبل لا تروح خل اتراهن وياك
من باجر احب عشرة ابدالك
باطباعك لكيت هواي تغيير
لان كل يوم تتغير خصالك
ما اشوفك جميل شما يكولون
احس تزوير مو اصلي جمالك
تتمنى كبل بس تسمع الصوت
وباحلى الوان راسمنه بخيالك
وبس سولفنه بيك وصرت محبوب
اشتغلت رحمة الله وطك دلالك
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ينعاد الزمن بس انت ما تنعاد
يا حزن الحزن يا جروح ما تبرة
اكو عله وسبب ما يبقى مي باللوح
امشي وي المرز وتشوفها الكسرة

.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
دفنته وجيت اي والله
حبك هالدفنته وجيت
رحنا اثنينه و لوحدي رديت
رد بس الدمع وياي زتني وجابني للبيت
.
.
.
#شعراء_وذواقين_الشعر_الشعبي
#منقول
#ابو_تراب