.
كارثة تحبلك بشر مايدري بيك
انت تبچي وهوة كاضيهه لعب
والتكتلك ذوله اليلومون بيك
ذوله لمخلصينة چاي وچذب
شايف حبيب الگلب لمن يفوت
و يلعب بطلابنه طرهه وكتب
وهو مو بس احنه لا حتى العميد
تصير عندة خربطة بدگه الگلب
لكيته يلم حطب للشوك ... فدواه
بروحي ولا مروره ضكت ... فدواه
يكلي ها يامن رحت ... فدوه
لهاي الها اللعبت لعب بية
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

• .
تدري البارحة شكد افتقدناك ؟
من كلنا انجمعنا وما لكيناك
مكانك خالي بس حاضر خيالك
وكمنا بلا وعي نحضنه ابدالك
و رد بارد حضنه وما حضناك
تدري البارحة شكد افتقدناك؟؟
تدري بيك نعرف يمتى موجود
من بالبيت نشتم ريحة ورود
عطر انفاسك نميزة بالانفاس
وفرق بس عطرك نشمه بلا احساس
وكل جرة نفس بيها ذكرناك
تدري البارحة شكد افتقدناك ؟؟
نحس روحك ترفرف يمنا بالبيت
ومن يمي فتت بيك انا حسيت
طبع بينا الحزن يبدي من الغروب
ومن نبجي عليك ندمع گلوب
وما ضل گلب عدنا من بچيناك
تدري البارحة شكد افتقدناك
.
.
.
.
#شعراء_وذواقين_الشعر_الشعبي
#جبار_المياحي
#ابو_تراب

.
يا روحي جذاب الهوا مو ذوله الاحباب
يمكن تراولج حبيب الروح بالباب
ويا عيني عليمن دومج ربيه
ويا روحي بعد منهن ولا جيه
انا الي جربت ودليلي من الهوا تاب
يا روحي جذاب الهوا شمالج جفلتي
يا روحي بسج من ونينج ما تعبتي
خافنج من حجايتي هذه انهضمتي
للدوم عينج على الدرب
تعبتي وياج الگلب
انا الي جربت ودليلي من الهوا تاب
.
.
.
.
#شعراء_وذواقين_الشعر_الشعبي
#زامل_سعيد_فتاح
#ابو_تراب

.
اشتاكلي جروحي غلاتي
وعيبي صبري ودفلتي السكته و وحشتي بلايا هم
وحجتي الفشلة التطشني تراب ما يسواش لم
وهمي دنيا نبعت بيها بغيرك انت وشنهو معناه الجرح من غير دم
اشتاكلي تخضر ضنوني بكاع صبخة
ويشمت رموشة اعلى طرواك الجفن
وتشرك شموسي بحضن ليلك نهار
ويحضن الغايب هوى الحاضر حضن
وتطفح البسمة اعلى بال المبتلين
الماي يضحك من تشك صدرة السفن
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
من كلشي اخذ درس ما اخاف من شده
ما دام احس بالالم واصرخ اذن ما متت
يعني الالم بعده
گلي الجرح ما تبت ؟ لا تسكت اعلى الغلط
حط طينته بخده
جا قدسينة الورد
كون بكفاه ينجلد كلمن كطع ورده
من جرحي بية شبه ومن طبعي بي جم طبع
يعيش اعلى لچمة عمر ويموت اذا اشده
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
تستاهل تضل وحدك يا الكرهتني بطيبتي
يا الجنت مو من ألتفت كدامي تاخذ غيبتي
مو انا اليرد منكسر منك رجعت بهيبتي
واخر قصيدة اكتبها الك
منا واسد موضوعك
يالشوفتني دمعتي لازم اشوف دموعك
.
.
.
.
#شعراء_وذواقين_الشعر_الشعبي
#احمد_عاشور
#ابو_تراب

.
ميز جرح عن جرح
بيهن يطيب بزعل
وبيهن يطيب بصلح
وبيهن يطيب ب دوه
وبيهن يطيب ب جرح
وجرحي عرفت علته
جرحي دواه الملح
جرحي القبل يستحي
شو هسة صاير وكح ؟
بية حالة من الغجر
الليل يكضي سهر
وينام وجه الصبح
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اني وصفنتي وهمي
واتمنيت لو هسه تجي يمي
وتكعد تمتحني بكل شبر عنك
أذكر كلشي كلته وكلشي ما مكيول
وأذكر لو حرف سهوا وكع منك
.
.
.
.
#شعراء_وذاوقين_الشعر_الشعبي
#علي_الفريداوي
#ابو_تراب

.
عرفتك بية راح تخون جي حالفلي ما اخونك
ومن أول سلام وياك قريت وداع بعيونك
الهضيمة تغيرت وحدك
ولا تعبوا عليك هواي من رادوا يغيرونك
ولك عذبت واحد گلبة تشريني
ما اسيطر على دموعي من الاكي انسان ناسيني
ولك يا بعيد وخر عن شراييني
احسك جاي تتسابق وي الشمات ياهو اكثر يبچيني
من انسأل عن فركاك محد يحجي غير العين
مثل جندي بحرب مفقود ومسوين فاتحته وهلة مأيسين
بوية الفاتحة شصعبة من تنقرأ اعلى العدلين
ورجع خاطر يبشرهم بس يلكى اهله متوفين
هنانه الفاتحة اصعب حيل من تنقرأ اعلى الميتين
والاصعب من هذيج وهاي انا وياك مختلفين
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

.
اذا سألت علية كولولها بخير
شفت كل الجروح المنها اعاني
صدك باقي اثر بس باجر يروح
واذا اضطر ابدل جلد ثاني
المهم ما يبقى شي من يمها تذكار
الخلت هاكثر ناس بمكاني
.
.
.
.
#شعراء_وذواقين_الشعر_الشعبي
#ميثم_فالح
#ابو_تراب

.
وصيني كبل لا اروح شتريد ؟
كتله الليل لا يخنك ضوانة
شوصيها السنابل على الحواصيد
لو اوصي الجرح يلچم دوانة
لو اوصي العطش بالصيف لا يزيد
وصية وغيرها وخلنا بعمانة
بس عينك عليك وكلشي ماريد
يمك انت الي مخليك امانة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
يا سمعة تشوف عودي ذبل ... وسفه
بسبب تأمر علينا انذال ... و سفه
الدنيا ما عليها بعد ... وسفه
بدت ب اهل الكرامة تخون هية
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
على اعصابي كضيت ايام الفراك
وصلت موتي وطيفك حياني
جنت مفاركك ومفارك الروح
وبعد ذاك الصبر جيت ويا ثاني
أيدك ب أيدة تحجون وتضحكون
و فتوا وفات وياكم أواني
وغارت شوغتي بمكابر الروح
گبالك وانت ضحكك شك أذاني
ولا جنگ الحالف باليشورون
حلفت انت والتأذيت اني
بيمن قصرت واجازة انا بهاي ؟
بخلكي ... الجان اطول من زماني !؟
أيدك جانت تبذر بالجروح
وصرتلك مكبرة ماردلي جاني
منك يا جرح رجعته فشلان ؟
وما كتله استريح بنص كياني !
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
غلطة حبك يسوى كل صح بالوجود
وبية من عندك وجع جن عافية
الصدك ما ارتاحلك بس روحي بيك
وما احبك بس احب مو كافية
انت مو فد شي گلب بين الضلوع
ومو ضوة عيوني وبدونك طافية
ادري شحجيلك وتزعل حتى اموت
نار احس بحضنتك بس دافية

.
.
.
.
#شعراء_وذواقين_الشعر_الشعبي
#ميثم_فالح
#ابو_تراب

.
خذني يمك بعد ما ضل كل عذر لا تعتذر
ليل عمري و عمرك مخلص بعد مابية صبر
خل نلم احلامنه ونحفظ صورهن قبل لا ياخذهن بدربه الفجر
وخل نلم الباقيات سنيني وسنينك نسويهن عمر
وهن ميكفن عمر
ونبدي من جده وجديد بواهس سنين الصغر
ولو وازانه الكبر
خل تمشي ايامنا بخطوة العاقل من عثر مرة ورجع يمشي حذر
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
على طولك اشعلني وصيح بيّه الصوت
آنه بطرك النفس بين الحيا والموت
وسير نبض دمي لشهكة الزردوم
حب تالي العمر علته من البسكوتْ!
يا شايل حلاوة خوف الحديثات
ومحمّل سحر ضحكة بنات بيوتْ
يا مايع ترافه اتهيب من أحويك
خاف اصعب عليك وخاف بيدي توتْ
هلكَد ما حلو.. راج الثمر بالعود
وحمر على شفافك كبل وكته التوت
يمعود دخيلك والكلب شيصير
من تكطع بتوته ..منين اجيب بتوتْ؟
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
الليلة طلابتي طلابة
الليلة موادعك ما اشوف منه تعود
جنه موادع المعدوم ل اصحابة
واجر نفسي بطلاع الروح
وصوت النشغة سيف وتنزع كرابة
وخلك ما عندي اكوم لشيخ طايفتي
واذا مريت من ليلي اكوم بلا جدام شلون الترابة
سهلة ال بالموادع يلزم دموعة
وسهلة اليلزم صفاحة
بس انطيني زلمة ويلزم اعصابة
كطعني وذر بس مو كبال الناس
وحط بصدري عطابة
الحايوف الهلا معروفة بالديرة
اشلع گلبي بس لا تشلع نكابة
الليلة طلابتي طلابة
وشنو عذرك بدكه الباب خاف يعور جفوفك
انا التارس كطن بابة
.
.
.
.
#شعراء_وذاوقين_الشعر_الشعبي
#سعد_شميل
#ابو_تراب

.
لوعة الينطر عشتها ؟!
ضايك الحسرة اعلى شوفه ؟ وتنطعن ما تنكتل
رايح لموعد تقاتل ؟
الوكت جربته قبضة ؟ شايف الشارع نصل !
النفس هم راح منك ؟
من يمر طاري الهويته تختنك من تنسأل ؟
تكدر تخليها تخمد
ناري وانا بهذا طبعي من احضن الماي اشتعل
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كتل عدنا وعلينا هموم ملتفه
كتل عدنا ونريد بلا غنى نزفه
كتل وتناخت النسوان يا نسوان
ها الاولاد مغربين الرصاص دنان
اخذتوا تفاكم غافين
اجيتوا بلايا دم وجراح
ما رديتوا الي راح
ومحمد خيال يدور على النجمات
كالوا مات
لا هيهات امس سلم علية وفات
وانا ابجيلكم بسكوت ها الاولاد
اخاف السما تطيح وتعتذر بغداد
.
.
.
.
#شعراء_وذاوقين_الشعر_الشعبي
#منقول
#ابو_تراب

.
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الگلوب اصناف
والعشرة الطويلة تريد نوعية
على كلآ عشت ما خذت بس انطيت
وي ليل المجازة الما شفت ضية
وينه وينه الكاه بية جاي يبيع
وين ال اني منطي من هوا الرية
والزم جفني خاف من ارمش يزعلون
واتناسى الحجاية ال بأذني محجية
ومن الكالي حك عد محب ما اداعي
اكو حك برجعته يعيب راعية
عرفتلها وكمت ما ازاعل اليرحون
ولا على الباب اضل متاني ليلية
من شفت الحلم ينوخذ مو على اللون
بعد بطلت اضم احلام وردية
الناس اختلفت وظهرك اتچي وين
اذا ما تلكى حايط تكعد بفية
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب