💥Live
#Jarayon
#Sud_ex_konferensiya

Kadr ortidagi lahzalar, samimiy suhbatlar va yubiley shukuhi!

75 yillik tarixga bagʻishlangan anjuman nafaqat rasmiy nutqlar va tantanali marosimlar, balki qizgʻin muloqotlar, tajriba almashinuvi, yangi tanishuvlar va unutilmas taassurotlarga ham boy boʻlmoqda.

Minbardagi muhim fikrlar, kamera qarshisidagi intervyular, hamkasblarning samimiy uchrashuvlari, jurnalistlarning qizgʻin ish jarayonlari...

Bir tadbir — yuzlab taassurotlar, oʻnlab uchrashuvlar va tarixga muhrlanayotgan lahzalar!

X. Sulaymonova nomidagi Respublika sud ekspertiza markazining 75 yilligi muhitini fotolavhalar orqali sizga ham ulashamiz.

Bu gal rasmiy kadrlardan tashqari, tadbirning oʻzgacha muhiti va jonli lahzalariga nazar tashlaymiz!

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Sud_ex_konferensiya

Fidokorona mehnat va kasbiy sadoqatga yuksak eʼtirof

X. Sulaymonova nomidagi Respublika sud ekspertiza markazining 75 yillik yubileyi munosabati bilan sohani rivojlantirish, odil sudlovni taʼminlashga koʻmaklashish hamda sud ekspertizasi tizimi taraqqiyotiga munosib hissa qoʻshib kelayotgan xodimlar mehnati yuksak eʼtirof etilmoqda.

Oʻzbekiston Respublikasi adliya vazirining 2026-yil 7-oktyabrdagi buyrugʻiga muvofiq, koʻp yillik samarali mehnati va kasbiga sadoqati bilan hamkasblariga oʻrnak boʻlib kelayotgan quyidagi xodimlar Adliya vazirligining "Esdalik qoʻl soati" bilan taqdirlandi:

➖ Yunusov Xusan Baxtiyarovich — Yongʻin-texnik ekspertizasi laboratoriyasi yetakchi eksperti;

➖ Tajiyev Dauletbay Utebayevich — Qoraqalpogʻiston Respublikasi boʻlimi yetakchi eksperti;

➖ Maxmudova Zamira Mavlanovna — Sud-qurilish-texnik ekspertizasi boʻlimi bosh eksperti.

Shuningdek, Markazning yana 18 nafar fidoyi xodimi Adliya vazirligining faxriy yorliqlari hamda pul mukofotlari bilan ragʻbatlantirildi.

Yubiley tantanalari doirasida boshqa vazirlik va idoralar tomonidan ham sud ekspertizasi sohasida koʻp yillar samarali mehnat qilgan, oʻz kasbiga sadoqat bilan xizmat qilib kelayotgan mutaxassislar munosib taqdirlanmoqda.

Har bir eʼtirof ortida yillar davomidagi izlanish, mashaqqatli mehnat va kasbga sadoqat mujassam.

Taqdirlash marosimlari va soha fidoyilariga koʻrsatilayotgan ehtirom haqidagi lavhalarni sahifamizda yoritib boramiz.

Barcha mukofot sohiblarini samimiy muborakbod etamiz.

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

Purvi Pokxariyal: "Sud ekspertizasi — adolat va haqiqatga erishish yoʻlidagi muhim vosita"

"X. Sulaymonova nomidagi Respublika sud ekspertiza markazining 75 yilligiga bagʻishlangan xalqaro konferensiyada ishtirok etayotganimizdan mamnunmiz.

Hindiston Milliy sud ekspertizasi fanlari universiteti Oʻzbekiston Respublikasi sud ekspertizasi markazi bilan yaqin hamkorlik qilib kelmoqda. Xususan, mutaxassislar almashinuvi, oʻzaro tajriba oʻrganish va qoʻshma konferensiyalar tashkil etish borasida samarali aloqalar yoʻlga qoʻyilgan.

Oʻzbekistonda jinoiy odil sudlov tizimiga zamonaviy texnologiyalarni joriy etishga alohida eʼtibor qaratilayotgani quvonarli. Bu yoʻnalishda Respublika sud ekspertizasi markazi tomonidan amalga oshirilayotgan ishlar tahsinga sazovor.

Bugungi kunda kiberjinoyatchilik koʻlamining ortib borayotgani, koʻplab jinoyatlarda mobil telefonlar va boshqa elektron qurilmalardan foydalanilayotgani raqamli sud ekspertizasining ahamiyatini yanada oshirmoqda.

Sud ekspertizasi jinoyatlarni fosh etish, haqiqatni aniqlash va adolatni qaror toptirishda muhim oʻrin tutadi. Shu bois raqamli sud ekspertizasi va kiberekspertiza sohasidagi ilmiy-amaliy salohiyatni yanada rivojlantirish zarur.

Biz Oʻzbekiston bilan ushbu yoʻnalishdagi hamkorligimizni mustahkamlash, ilgʻor tajribalarni oʻzaro almashish va sohani birgalikda rivojlantirishdan manfaatdormiz".

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

"Sud va ekspertiza — odil sudlovni taʼminlashda bir-birini toʻldiruvchi muhim institutlardir"

Shukurov Akram Gʻayratovich - Oʻzbekiston Respublikasi Oliy sudi raisining oʻrinbosari:

"Sud va ekspert oʻrtasidagi hamkorlik oddiy hujjat almashinuvi bilan cheklanmaydi. Sud tomonidan zarur materiallarni oʻz vaqtida taqdim etish, ekspert tomonidan esa ilmiy asoslangan, puxta va xolis xulosa tayyorlash odil sudlov sifatini taʼminlashda muhim ahamiyatga ega.
Ishonamanki, raqamlashtirish, amaliy muloqot va tajriba almashish imkoniyatlaridan samarali foydalanish sudlar va ekspertiza muassasalari oʻrtasidagi hamkorlikni yangi bosqichga olib chiqadi hamda odil sudlov sifatini yanada oshirishga xizmat qiladi".

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

Husan Tangriyev: Sud ekspertiza markazi yordamida 500 mlrd so'mlik noqonuniy tovarlar olib kirilishining oldi olingan

Noqonuniy tovarlarni fosh etishda X. Sulaymonova nomidagi Respublika sud ekspertiza markazi Bojxona qo‘mitasining asosiy hamkorlaridan biri. Oxirgi bir yil davomida markaz bilan hamkorlikda o‘tkazilgan ekspertizalar natijasida 500 mlrd so‘mdan ortiq qiymatdagi moddiy boyliklarning noqonuniy olib kirilishiga chek qo‘yildi. Bundan tashqari, hamkorlik natijasida davlat budjetiga qariyb 100 mlrd so‘m qo‘shimcha bojxona to‘lovlari undirilishiga erishildi.

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

Sud ekspertlarining xolislik, mustaqillik va kasbiy masʼuliyatga tayangan faoliyatini yuksak qadrlaymiz

Ramazon Ashropov - Oʻzbekiston Respublikasi Ichki ishlar vaziri oʻrinbosari

"Ekspert mehnati chuqur bilim, aniqlik, sabr va halollikni talab qiladi. Har bir puxta asoslangan xulosa ortida inson taqdiri, uning huquqlari va adolatga boʻlgan ishonchi turadi. Tergovchi uchun har bir dalilning ishonchliligi, har bir holatning xolis tekshirilishi ish boʻyicha haqiqatni aniqlashda muhim oʻrin tutadi. 2025-yilda 22 mingdan ortiq ekspertiza oʻtkazilgan boʻlsa, joriy yilning 9 oyida 21 mingdan ortiq ekspertiza oʻtkazilgan. Sud ekspertlarining xolislik, mustaqillik va kasbiy masʼuliyatga tayangan faoliyatini yuksak qadrlaymiz. Markazning ilmiy va amaliy salohiyatini shakllantirgan faxriylar, oʻz bilimi va tajribasini yoshlarga oʻrgatib kelayotgan ustozlar mehnati eʼtirofga sazovor! Haqiqatni aniqlash va adolatga xizmat qilish yoʻlidagi sharafli mehnatingiz uchun minnatdorlik bildiraman!"

🌐 website 📱 facebook 📱 instagram 📱 linkedIn 📱 youtube 📱 twitter

#Jarayon
#Sud_ex_konferensiya

Mehnatimizni qadrlashganidan xursandmiz
Niyyora Saitova - sud eksperti

Markazimizning 75 yillik faoliyatini nafaqat xorijiy tashkilotlar, balki o‘zimizning idoralar ham e’tirof etmoqda. Bu biz uchun sharaf. Bu esa mehnatimiz besamar ketmayotganidan dalolat.

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

"Sunʼiy intellekt ekspertning oʻrnini bosmaydi, ammo uning imkoniyatlarini kengaytiradi"

Stepan Kulyomin –Shveysariyaning "Tecan" xalqaro biotexnologiya korporatsiyasining distributsiya va hamkorlik aloqalari boʻyicha katta menejeri

Bugungi kunda sunʼiy intellekt kriminologiya, kriminalistika va sud ekspertizasi sohalarida tobora muhim ahamiyat kasb etmoqda. Toʻgʻri, sunʼiy intellekt ekspertning oʻrnini toʻliq bosa olmaydi. Biroq u dalillarni toʻplash, tahlil qilish va tadqiqot jarayonlarini tezlashtirishda samarali yordamchi boʻla oladi. Shu bois dunyodagi koʻplab kriminalistik laboratoriyalar sunʼiy intellekt imkoniyatlaridan faol foydalanmoqda. Shuningdek, turli mamlakatlarning kriminalistik laboratoriyalari oʻrtasida tajriba almashish, maʼlumotlar bazalarini oʻzaro integratsiya qilish va zarur axborotlarni tezkor almashish muhim ahamiyatga ega. Zamonaviy texnologiyalar va xalqaro hamkorlik ekspertlarga vaqtni tejash, tadqiqotlar samaradorligini oshirish hamda ilgari imkonsizdek tuyulgan usullarni amaliyotga joriy etish imkonini beradi.

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Sud_ex_konferensiya

Ayni paytda Turkiya Adliya vazirligi huzuridagi Sud tibbiyot instituti prezidenti Xizir Asliyuksek bilan uchrashuv bo‘lib o’tmoqda.

💥Live
#Sud_ex_konferensiya
#Xalqaro_hamkorlik

O'zbekiston sud ekspertlari uchun Hindistonda stajirovkalar tashkil etish taklif etildi

O'zbekiston Respublikasi adliya vaziri o'rinbosari Mirjalol Allakuliyev Hindiston Milliy sud ekspertizasi fanlari universiteti (NFSU) vakili, professor Chandrasinx Jadeja hamda universitet kampusi direktori Purvi Pokxariyal bilan uchrashuv o'tkazdi.

Muloqot davomida sud ekspertizasi sohasida zamonaviy texnologiyalarni joriy etish, raqamli dalillar bilan ishlash, sun'iy intellekt imkoniyatlaridan foydalanish hamda malakali mutaxassislar tayyorlash bo'yicha hamkorlikni yanada kengaytirish masalalari muhokama qilindi.

Xususan, Hindiston Milliy sud ekspertizasi fanlari universiteti, Toshkent davlat yuridik universiteti va "Axxonet System Technologies" kompaniyasi hamkorligida tashkil etilgan Raqamli sud ekspertiza va tadqiqot markazi faoliyatini to'liq yo'lga qo'yish, uning ilmiy-amaliy imkoniyatlaridan samarali foydalanishga alohida e'tibor qaratildi.

Shuningdek, uchrashuvda qator istiqbolli yo'nalishlar bo'yicha hamkorlikni rivojlantirish taklif etildi. Jumladan:
➖ sud ekspertlari uchun Hindistonda qisqa va o'rta muddatli stajirovkalar tashkil etish;
➖ Deepfake, sintetik media, raqamli dalillar va sun'iy intellekt bo'yicha qo'shma ilmiy tadqiqotlar olib borish;
➖ zamonaviy laboratoriya texnologiyalari va ilg'or ekspertlik uslubiyotlari bo'yicha tajriba almashish;
➖ jinoyat sodir etilgan joyni 3D skanerlash, raqamli modellashtirish va rekonstruksiya qilish texnologiyalarini amaliyotga joriy etish;
➖ O'zbekistonda sud ekspertizasining yangi turlarini rivojlantirish.

Uchrashuv sud ekspertizasi sohasida ilm-fan, ta'lim va amaliyot integratsiyasini kuchaytirish, ilg'or xalqaro tajribani milliy tizimga tatbiq etish hamda ikki mamlakat o'rtasidagi hamkorlikni yangi bosqichga olib chiqish yo'lida muhim muloqot maydoni bo'ldi.

#Adliya #SudEkspertizasi75Yil #XalqaroHamkorlik

💥Live
#Iqtibos
#Sud_ex_konferensiya

Bugun jinoyatchilar ham sun'iy intellektdan foydalanmoqda

Muhammet Shimshek – Turkiya Respublikasi Adliya vazirligi Sud-tibbiyot instituti boshlig'i o'rinbosari

Bugungi kunda jinoyatchilar ham sun'iy intellektdan foydalanmoqda. Soxta tasvirlar, videolar va hujjatlarni aniqlashda biz ham zamonaviy texnologiyalardan foydalanamiz. Jinoyat turlari va ekspertiza oldidagi vazifalar tobora murakkablashmoqda. Ammo bizda yuqori malakali mutaxassislar, zamonaviy asbob-uskunalar va kuchli dasturiy ta'minot mavjud. Ishonamanki, xalqaro hamkorlik va zamonaviy texnologiyalar yordamida bu vazifalarni yanada samarali hal qilamiz. Toshkentda o'tayotgan ushbu xalqaro konferensiyada 12 ga yaqin davlatdan 26 nafar ma'ruzachi va 250 ga yaqin ishtirokchi qatnashmoqda. Bugun esa raqamli video va tasvirlarni tekshirish yo'nalishida hamkorlik shartnomasini imzolaymiz. Bu hamkorligimizni yanada kengaytirishiga ishonaman. Yana bir bor Markazning 75 yilligi muborak bo'lsin!

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

O'zbekistonda sud ekspertizasining darajasi yuqori

Aleksandr Fedulov – UNODCning Markaziy Osiyo bo'yicha mintaqaviy vakili o'rinbosari:

Ikki kun davomida giyohvandlik vositalari ekspertizasi, sun'iy intellektdan foydalanish, tadqiqot metodikalari va mutaxassislar tajribasi almashinuvi kabi masalalarga e'tibor qaratiladi. O'zbekistonda sud ekspertizasining darajasi yuqori, malakali mutaxassislar va zamonaviy texnik imkoniyatlar mavjud. Lekin fan va texnologiya doimo rivojlanadi. Shu sababli tajriba almashish va malaka oshirish muhim. UNODC ham shu yo'nalishda O'zbekiston mutaxassislariga metodik va amaliy yordam ko'rsatib kelmoqda. Bugungi konferensiya esa bu tajriba almashinuvini yanada kuchaytirishga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Sud_ex_konferensiya
#Xalqaro_hamkorlik

O'zbekiston va Turkiya: sud ekspertizasi sohasidagi hamkorlik yangi bosqichga ko'tarilmoqda

X. Sulaymonova nomidagi Respublika sud ekspertiza markazining 75 yilligiga bag'ishlangan xalqaro ilmiy-amaliy konferensiya doirasida O'zbekiston Respublikasi adliya vaziri o'rinbosari Mirjalol Allakuliyev Turkiya Adliya vazirligi huzuridagi Sud tibbiyot instituti prezidenti Xizir Asliyuksek bilan uchrashuv o'tkazdi.

Muloqotda ikki mamlakat o'rtasida sud ekspertizasi sohasida yo'lga qo'yilgan hamkorlik natijalari sarhisob qilinib, uni yanada kengaytirishning ustuvor yo'nalishlari muhokama qilindi.

Xususan, sud ekspertlarining Turkiyada malaka oshirishi va stajirovka o'tashi, raqamli kriminalistika, DNK tadqiqotlari, sun'iy intellekt hamda Deepfake texnologiyalari orqali yaratilgan soxta materiallarni aniqlash bo'yicha qo'shma ilmiy izlanishlarni yo'lga qo'yish masalalariga alohida e'tibor qaratildi.

Shuningdek, zamonaviy ekspertiza uslubiyotlarini xalqaro standartlarga muvofiqlashtirish, yangi tadqiqot turlarini joriy etish, kiberjinoyatchilik va raqamli dalillar bilan ishlash bo'yicha mutaxassislar tayyorlash yuzasidan qator takliflar ilgari surildi.

Ilm-fan, ilg'or texnologiyalar va o'zaro tajriba almashishga asoslangan hamkorlik sud ekspertizasi sohasida yangi imkoniyatlar eshigini ochmoqda.

Uchrashuvning muhim jihatlari va muloqot jarayoni videolavhamizda.

#Adliya #SudEkspertizasi75Yil #OʻzbekistonTurkiya #XalqaroHamkorlik

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

"Har bir ekspert xulosasi ortida inson taqdiri va adolatga bo'lgan ishonch turadi"

Bahriddin Bahodirovich Valiyev — O'zbekiston Respublikasi Bosh prokurorining birinchi o'rinbosari:

"Prokuratura organlarining o'z vazifalarini to'laqonli bajarishi uchun Sud ekspertiza markazi bilan hamkorligimiz muhim ahamiyatga ega. Prokuratura organlarining so'rovlariga muvofiq markaz tomonidan har yili minglab sifatli tadqiqotlar o'tkazilmoqda. Haqiqatni qaror toptirishda, qarorlar qabul qilishda Sud ekspertiza markazi eng yaqin hamkorimizdir. Sud ekspertizasi qonun ustuvorligini ta'minlash, inson huquq va manfaatlarini himoya qilish hamda odil sudlovni qaror toptirishda muhim o'rin tutadi. Har bir ekspert xulosasi ortida inson taqdiri, qonun ustuvorligi va adolatga bo'lgan ishonch turadi. Shu bois sud ekspertizasining xolisligi, aniqligi va ishonchliligi alohida ahamiyat kasb etadi. X. Sulaymonova nomidagi Respublika sud ekspertizasi markazining 75 yillik faoliyati davomida shakllangan boy tajriba, ilmiy salohiyat va kasbiy an'analar bugungi yutuqlarning mustahkam poydevoridir. Ishonamanki, sohadagi ilmiy izlanishlar, zamonaviy texnologiyalar va xalqaro hamkorlik sud ekspertizasining kelgusi taraqqiyotiga xizmat qiladi".

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Sud_ex_konferensiya

Sud ekspertizasining yangi imkoniyatlarini izlanmoqda

Bugun bu zalda 75 yillik tajriba va dunyoning turli davlatlaridan jamlangan ilg'or tajriba bir nuqtada uchrashmoqda.

Konferensiyaning asosiy maqsadi esa — mavjud tajribani baham ko'rish bilangina cheklanib qolmasdan, sud ekspertizasining yangi imkoniyatlarini izlashdan iborat.

Chunki bugun bu yerda aytiladigan fikrlar faqat konferensiya zalida qolmaydi — ular sud ekspertizasining yangi yondashuvlari va kelajakdagi rivojiga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

💥Live
#Iqtibos
#Sud_ex_konferensiya

"Yong'inlar, portlashlar, avariyalar sabablarini aniqlashda sud ekspertiza katta yordam beradi"

Xurshid Sotiyev — Favqulodda vaziyatlar vaziri o'rinbosari:

Favqulodda vaziyatlar vazirligi uchun Respublika Sud ekspertiza markazi bilan hamkorlik qilish katta ahamiyatga ega. Ayniqsa, yong'inlar, portlashlar, avariyalar va boshqa favqulodda vaziyatlarning kelib chiqish sabablarini aniqlashda zamonaviy texnologiyalar, ilmiy asoslangan uslublar va kompleks yondashuv asosida bizning kasbiy manfaatlarimiz chambarchas bog'liq bo'ladi. 75 yil davomida sud ekspertiza sohasida to'plangan boy ilmiy-amaliy tajriba, mutaxassislarning fidokorona mehnati hamda haqiqat, xolislik va adolat tamoyillariga sodiqligi alohida e'tirofga loyiq. Markaz jamoasiga yangi ilmiy kashfiyotlar, yuksak kasbiy yutuqlar va kelgusi faoliyatida muvaffaqiyatlar tilaymiz!

🌐 website 📱 facebook 📱 instagram 📱 linkedIn 📱 youtube 📱 twitter

#Sud_ex_konferensiya

Sud ekspertini kuchli qiladigan nima: bilimmi yoki shubha?
Sun'iy intellekt kelajakda sud ekspertining o'rnini egallay oladimi?
Sud ekspertizasi sohasi mutaxassislariga shu va boshqa qiziqarli savollar bilan yuzlandik. Javoblar kutilmagan bo'lishi mumkin!

🌐 website 📱 facebook 📱 instagram 📱 linkedIn 📱 youtube 📱 twitter

#Iqtibos
#Sud_ex_konferensiya

O‘zbekiston – Turkiya: sud ekspertizasida yangi hamkorlik

Hizir Asliyuksek - Turkiya Respublikasi Adliya vazirligi Sud-tibbiyot instituti boshlig'i

O‘zbekiston va Turkiya o‘rtasida sud ekspertizasi sohasidagi hamkorlik yangi bosqichga ko‘tarilmoqda. Xadicha Sulaymonova nomidagi Sud ekspertizasi markazi hamda Turkiya tomoni o‘rtasida, xususan, sud informatikasi yo‘nalishida hamkorlik memorandumi imzolandi. Mazkur kelishuv tajriba almashinuvi, zamonaviy texnologiyalar va ilmiy-amaliy hamkorlikni yanada rivojlantirishga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter