Qonun bilan Fuqarolik va Iqtisodiy protsessual kodekslariga, “Sud hujjatlari va boshqa organlar hujjatlarini ijro etish toʻgʻrisida”gi hamda “Davlat boji toʻgʻrisida”gi qonunlarga nizosiz talablar boʻyicha sud buyrugʻini chiqarish doirasini qisqartirishni, notariat faoliyatiga axborot-kommunikatsiya texnologiyalarini keng jalb qilishni va ijro xatlari uchun undiriladigan davlat bojlarini maqbullashtirishni nazarda tutuvchi qoʻshimcha va oʻzgartirishlar kiritilmoqda.

Kiritilayotgan o‘zgartirishlarga koʻra, qonunda belgilangan mezonlarga mos, BHMning ming baravarigacha boʻlgan nizosiz talablar boʻyicha notariusga murojaat qilish imkoniyati kengaymoqda. Bu orqali bunday talablarni sud tartibiga murojaat qilmasdan, notarius orqali rasmiylashtirish va ijroga qaratish mexanizmi soddalashtiriladi.

Tashkilotlarning 10 dan ortiq ichki hujjatlari tahlil qilinib, fuqarolarning huquq va erkinliklariga daxl qilishi mumkin bo‘lgan 4 ta noqonuniy talab chiqarib tashlandi.

🔹 2026-yilning 6 oyida 50 milliondan ortiq davlat xizmati ko‘rsatildi;
🔹 xizmatlarning 82 foizdan ortig‘i onlayn shaklda amalga oshirildi;
🔹 Davlat xizmatlari markazlarida o‘rtacha xizmat ko‘rsatish vaqti 15 daqiqadan 4 daqiqaga qisqartirildi;
🔹 161 ta xizmat proaktiv va kompozit shaklga o‘tkazildi;
🔹 150 turdagi hujjat va ma’lumotni talab qilish bekor qilindi;
🔹 “Biznesni 15 daqiqada boshlash” tamoyili asosida 45 mingdan ortiq tadbirkor xizmatdan foydalandi;
🔹 litsenziya va ruxsatnomalarni olish jarayonlari raqamlashtirilib, tadbirkorlarning 500 milliard so‘mdan ortiq mablag‘i tejalishiga erishildi.