#Adliya_xabari
#Xalqaro_hamkorlik

⚔️ O‘zbekistonda xalqaro tijorat nizolarini mediatsiya orqali hal etish imkoniyatlari kengaytiriladi

✅Adliya vaziri Akbar Tashkulov boshchiligidagi O‘zbekiston delegatsiyasi Singapur xalqaro mediatsiya markazi (SIMC) raisi Jorj Lim bilan uchrashuv o‘tkazdi.

🤝 Muzokaralarda O‘zbekistonda mediatsiya institutini rivojlantirish, xalqaro nizolarni sudgacha tez, samarali va ishonchli hal etish mexanizmlarini kengaytirish bo‘yicha amaliy hamkorlik masalalari muhokama qilindi.

Tomonlar quyidagi yo‘nalishlarda hamkorlik qilishga kelishib oldi:
🔹 Qo‘shma treninglar — o‘zbekistonlik mutaxassislar uchun xalqaro tijorat mediatsiyasi bo‘yicha SIMC ekspertlari ishtirokida o‘quv dasturlarini tashkil etish;
🔹 Amaliy tajriba — o‘zbekistonlik mediatorlarni SIMC ko‘rib chiqayotgan real ishlar jarayoniga jalb etish orqali xalqaro darajadagi ko‘nikmalarini oshirish;
🔹 Mintaqaviy markaz — SIMCning mintaqaviy vakolatxonasini O‘zbekistonda ochish imkoniyatlarini o‘rganish;
🔹 Qo‘shma tadbirlar — mediatsiyani ommalashtirishga qaratilgan xalqaro konferensiya va forumlarni birgalikda tashkil etish.

🌐 2014-yilda tashkil etilgan SIMC bugungi kunda xalqaro tijorat nizolarini mediatsiya orqali hal etishga ixtisoslashgan nufuzli institutlardan biri hisoblanadi.

🇺🇿 Maqsad — investor va tadbirkorlar uchun nizolarni uzoq sud jarayonlarisiz, tez va samarali hal etish imkoniyatlarini kengaytirish hamda O‘zbekistonning Markaziy Osiyodagi muqobil nizolarni hal etish markazi sifatidagi salohiyatini oshirish.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari
#Xalqaro_hamkorlik

⚔️ To‘lovga qobiliyatsizlik tizimini xalqaro standartlar asosida takomillashtirish bo‘yicha hamkorlik kengaymoqda

✅27-avgust kuni adliya vaziri o‘rinbosari Muzraf Ikramov Osiyo taraqqiyot bankining Huquq va siyosatni isloh qilish bo‘yicha bosh yuridik maslahatchisi yordamchisi Kristina Pak bilan uchrashuv o‘tkazdi.

🤝 Muloqotda O‘zbekistonda to‘lovga qobiliyatsizlik tizimini yanada takomillashtirish, ilg‘or xalqaro tajribani milliy amaliyotga joriy etish masalalari muhokama qilindi.

Xususan:
🔹 qonunchilikni xalqaro standartlar asosida takomillashtirish va loyihalarni xorijiy ekspertlar ishtirokida ko‘rib chiqish;
🔹 To‘lovga qobiliyatsizlik ishlari agentligi xodimlari hamda sud boshqaruvchilarining malakasini oshirish, xorijiy davlatlarda o‘quv dasturlarini tashkil etish;
🔹 sohada raqamlashtirish jarayonlarini jadallashtirish;
🔹 to‘lovga qobiliyatsizlik bilan bog‘liq jarayonlarni qamrab oluvchi Yagona elektron platformani ishga tushirish masalalariga alohida e’tibor qaratildi.

📌 Uchrashuv yakunida tomonlar mazkur yo‘nalishdagi islohotlarni xalqaro ilg‘or tajriba asosida davom ettirish va amaliy hamkorlikni kengaytirishga tayyor ekanini bildirdi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari
#Yoshlar_kuni

⚔️Adliya organlari va muassasalarida yoshlar bilan ochiq muloqot o'tkazildi

✅ “Adolat” milliy huquqiy axborot markazi: Davra suhbatida mualliflik va turdosh huquqlarni himoya qilish, mualliflik shartnomalari, xizmat asarlariga bo‘lgan huquqlar hamda sun’iy intellektning intellektual mulk sohasiga ta’siri muhokama qilindi.

✅ Buxoro viloyati: Abu Ali ibn Sino nomidagi Buxoro davlat tibbiyot institutida yoshlar bilan Mustaqillik yillaridagi islohotlar, tibbiyot sohasidagi yutuqlar va yoshlar uchun yaratilgan imkoniyatlar muhokama qilindi.

✅ Samarqand viloyati: Nurobod tumanida iqtidorli yoshlar bilan ta’lim olish, kasb egallash va o‘z salohiyatini ro‘yobga chiqarish imkoniyatlari haqida ochiq muloqot tashkil etildi.

✅ Farg‘ona viloyati: “Yangi O‘zbekiston — mening faxrim” mavzusidagi uchrashuvda yoshlarning jamiyatdagi o‘rni, huquqiy mas’uliyati va Vatan taraqqiyotiga daxldorligi xususida fikr almashildi.

✅ Surxondaryo viloyati: “Rahbar va yoshlar” uchrashuvida Mustaqillik yillarida erishilgan yutuqlar, yoshlarning huquq va manfaatlarini ta’minlash hamda ularning tashabbuslarini qo‘llab-quvvatlash masalalariga e’tibor qaratildi.

✅ Xorazm viloyati: Qo‘shko‘pir tumanidagi yoshlar davlat xizmatlari markazi va FHDY bo‘limi faoliyati bilan tanishib, biznesni boshlash hamda my.gov.uz portalidan foydalanish bo‘yicha ma’lumot oldilar.

🌐 website 📱 facebook 📱 instagram 📱 linkedIn 📱 youtube 📱 twitter