#Qonunchilikdagi_yangiliklar

⚔️ O‘zbekiston xalqaro mediatsiya bo‘yicha Singapur konvensiyasiga qo‘shilmoqda

Senatning 18-yalpi majlisida O‘zbekistonning BMTning mediatsiya natijasida erishilgan xalqaro kelishuv bitimlari to‘g‘risidagi Singapur konvensiyasiga qo‘shilishini nazarda tutuvchi Qonun ma’qullandi.

⚖️ Qonun bilan qanday imkoniyatlar yaratiladi?
🔹 Xalqaro tijorat nizolari bo‘yicha mediatsiya orqali erishilgan kelishuvlarni Konvensiyaga a’zo davlatlarda soddalashtirilgan tartibda tan olish va ijro etish imkoniyati yaratiladi.
🔹 Tadbirkorlarning xorijiy hamkorlar bilan yuzaga keladigan nizolarni sudga murojaat qilmasdan, mediatsiya orqali tezkor va kam xarajat bilan hal etish imkoniyatlari kengayadi.
🔹 Xalqaro mediatsiya orqali erishilgan kelishuvlarning ijrosi uchun xalqaro huquqiy kafolatlar kuchayadi.

📌 Shu bilan birga, Konvensiya davlat organlari yoki ular nomidan harakat qiluvchi shaxslar ishtirokidagi kelishuvlarga tatbiq etilmaydi. Shuningdek, u kelishuv taraflari Konvensiyani o‘z munosabatlariga qo‘llashga rozilik bildirgan taqdirdagina amal qiladi.

📈 Qonunning qabul qilinishi investorlar uchun huquqiy kafolatlarni mustahkamlash, mamlakatning investitsiyaviy jozibadorligini oshirish hamda O‘zbekistonning xalqaro savdo-iqtisodiy munosabatlardagi nufuzini yanada kuchaytirishga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

⚔️ Xorazmda to‘lovga qobiliyatsizlik sohasidagi muammolar joyida o‘rganildi

⚔️Adliya vazirining birinchi o‘rinbosari Maxmud Istamov ishtirokida Xorazm viloyatida to‘lovga qobiliyatsizlik sohasida yuzaga kelayotgan muammolar va ularning yechimlariga bag‘ishlangan sayyor qabul o‘tkazildi.

👥 Qabulda 20 dan ortiq tadbirkorlik subyekti vakillari va sud boshqaruvchilari ishtirok etib, o‘zlarini qiynayotgan masalalar hamda qonunchilikni takomillashtirish bo‘yicha takliflarini bildirdi.

📌 Xususan, to‘lovga qobiliyatsizlik sohasidagi amaliy muammolar, davlat organlari axborot tizimlari integratsiyasi, mol-mulkni realizatsiya qilishga doir taqiqlar, shuningdek, banklar va ijro organlari
bilan bog‘liq masalalar muhokama qilindi.

⚖️ Har bir murojaat mas’ullar ishtirokida ko‘rib chiqilib, ularni hal etish hamda tizimli muammolarni bartaraf etish bo‘yicha tegishli choralar belgilandi.

📊 Sayyor qabul yakunida:
✅ 3 ta murojaat joyida hal etildi;
💬 7 ta murojaat yuzasidan huquqiy tushuntirish berildi;
📝 14 ta murojaat qo‘shimcha o‘rganish uchun ish yurituvga qabul qilindi.

🤝 Mazkur sayyor qabul tadbirkorlar va sud boshqaruvchilarini qiynayotgan masalalarni bevosita eshitish, ularga amaliy yechim topish hamda to‘lovga qobiliyatsizlik sohasidagi tizimli muammolarni bartaraf etishga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

⚔️ Xorazmda intellektual mulk masalalari yuzasidan sayyor qabul o‘tkazildi

✅Adliya vaziri o‘rinbosari Muzraf Ikramov ishtirokida Xorazm viloyatida fuqarolar va tadbirkorlarning intellektual mulk huquqlarini himoya qilish masalalariga bag‘ishlangan sayyor qabul o‘tkazildi.

⚖️ Qabul davomida intellektual mulk sohasidagi murojaatlar bevosita tinglanib, ularni hal etish yuzasidan huquqiy tushuntirish va amaliy ko‘mak berildi.

📊 Sayyor qabul yakunlariga ko‘ra:
🔹 9 nafar jismoniy va yuridik shaxsga tovar belgisi, xizmat ko‘rsatish belgisi, ixtiro, foydali model va sanoat namunalarini ro‘yxatdan o‘tkazish uchun talabnoma topshirishda amaliy yordam ko‘rsatildi;
🔹 7 nafar tadbirkorga intellektual mulk huquqlarini himoya qilish masalalari bo‘yicha huquqiy tushuntirishlar berildi;
🔹 6 ta yozma murojaat joyida qabul qilinib, belgilangan tartibda rasmiylashtirildi;
🔹 qabulda 30 ga yaqin fuqaro ishtirok etib, o‘zlarini qiziqtirgan masalalar bo‘yicha huquqiy maslahat oldi.

✅ Sayyor qabul fuqarolar va tadbirkorlarning intellektual mulk bilan bog‘liq masalalarini bevosita o‘rganish, ularga amaliy ko‘mak ko‘rsatish hamda intellektual mulk huquqlarining ishonchli himoyasini ta’minlashga xizmat qildi.

🌐 website 📱 facebook 📱 instagram 📱 linkedIn 📱 youtube 📱 twitter