#Adliya_va_yoshlar
#Rahbar_va_yoshlar

📚 O‘quvchi-yoshlar bilan ochiq muloqot o‘tkazildi

📍Yangihayot tumanidagi 331-sonli umumta’lim maktabida Adliya vazirligi qoshidagi “Adolat” milliy huquqiy axborot markazi tomonidan “Rahbar va yoshlar” uchrashuvi doirasida ochiq muloqot tashkil etildi.

🔹Tadbir davomida o‘quvchi-yoshlar o‘quv yili yakunlangani bilan tabriklanib, ularning kelgusidagi ta’lim yo‘li va shaxsiy rivojlanishiga oid ezgu tilaklar bildirildi.

🔹Shuningdek, yoshlarga kundalik hayotda uchraydigan huquqiy munosabatlar, o‘z huquq va majburiyatlarini bilishning ahamiyati hamda huquqiy savodxonlikni oshirish masalalari yuzasidan tushuntirishlar berildi.

⚖️ Uchrashuvda advokatlar va huquqiy yordam ko‘rsatuvchi tashkilotlar vakillari ham ishtirok etib, o‘quvchilarning savollariga javob berdi hamda bepul huquqiy maslahatlar taqdim etdi.

🎮 Tadbir doirasida Markaz tomonidan ishlab chiqilgan huquqiy o‘yinlar amaliy sinovdan o‘tkazilib, o‘quvchilar tomonidan katta qiziqish bilan kutib olindi.

💬 Ochiq va samimiy ruhda kechgan muloqot davomida yoshlar o‘zlarini qiziqtirgan savollarga javob oldi, faol ishtirok etgan o‘quvchilar esa esdalik sovg‘alari bilan taqdirlandi.

📌 Bunday uchrashuvlar yoshlarning huquqiy bilim va ko‘nikmalarini mustahkamlash, ularning faolligini oshirish hamda huquqiy madaniyatini yuksaltirishga xizmat qilmoqda.

#Adliya_xabari

⚖️ Qashqadaryo viloyatida sayyor qabul: fuqarolar murojaatlari joyida o‘rganildi

📍Qamashi tumanining Chim mahalla fuqarolar yig‘inida aholi bilan ochiq muloqotni ta’minlash hamda ularni qiynayotgan masalalarni joyida hal etish maqsadida sayyor qabul tashkil etildi.

🔹Tadbir davomida fuqarolarga murojaatlar bilan ishlash tizimi, huquqbuzarliklarning oldini olish, jinoyatchilikka qarshi kurashish, oilalarda sog‘lom ma’naviy muhitni shakllantirish hamda notinch oilalar bilan ishlash masalalari yuzasidan huquqiy tushuntirishlar berildi.

🔹Shuningdek, sayyor qabulda 50 nafardan ortiq jismoniy va yuridik shaxslarning murojaatlari, taklif va muammolari tinglandi.

✅ Qabul davomida 16 nafar fuqaroga huquqiy tushuntirish berildi, 8 ta murojaat joyida ijobiy hal etildi.

📝 Qo‘shimcha o‘rganishni talab etgan 21 ta murojaat belgilangan tartibda ish yurituviga olinib, ijrosi nazoratga qo‘yildi.

📌 Bunday sayyor qabullar fuqarolarning muammolarini joyida o‘rganish, ularning huquq va qonuniy manfaatlarini ta’minlash hamda davlat organlari bilan aholi o‘rtasidagi ochiq muloqotni mustahkamlashga xizmat qilmoqda.