📢 Diqqat!

Murojaatlar, xususan huquqiy masalalar hamda davlat xizmatlari yuzasidan savol va takliflaringiz bo‘lsa, quyidagi aloqa kanallari orqali murojaat qilishingiz mumkin:

📞 Ishonch telefoni: 1008
📞 Telefon: +998 71 207-04-43
🌐 Veb-sayt: https://gov.uz/adliya
📧 Elektron pochta: info@adliya.uz
📢 Davlat xizmatlari masalalari bo‘yicha Call-markaz: 1148
📍 Manzil: 100047, Toshkent shahri, Sayilgoh ko‘chasi, 5

💬Shuningdek, ijtimoiy tarmoqlar orqali ham murojaat yuborishingiz mumkin.

❗️ Har bir murojaat e’tibor bilan ko‘rib chiqiladi. Sizning faolligingiz qonuniylik va shaffoflikni ta’minlashga xizmat qiladi.

Rasmiy veb-sayt: O‘zbekiston Respublikasi Adliya vazirligi

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Qonunchilikdagi_yangiliklar

❗️ To‘lovga qobiliyatsizlik ishlari agentligi tashkil etiladi

“To‘lovga qobiliyatsizlik institutini yanada takomillashtirish chora-tadbirlari to‘g‘risida”gi Prezident Farmoni (PF–78-son, 06.05.2026-y.) qabul qilindi.

🔰 Farmonga ko‘ra, Adliya vazirligi huzurida To‘lovga qobiliyatsizlik ishlari agentligi (Agentlik) hamda uning hududiy bo‘limlari tashkil etiladi.

🏛 Agentlik to‘lovga qobiliyatsizlik sohasida yagona davlat siyosatini yuritishga mas’ul bo‘lgan maxsus vakolatli davlat organi etib belgilandi.

📑 Agentlikning to‘lovga qobiliyatsizlik sohasidagi asosiy vazifalari etib quyidagilar belgilandi:

▫️ to‘lovga qobiliyatsizlik sohasida davlat siyosatini amalga oshirish, shu jumladan, ushbu sohani nazorat qilish va tartibga solish;

▫️ to‘lovga qobiliyatsizlik sohasida davlat organlari va tashkilotlari faoliyatini muvofiqlashtirish;

▫️ to‘lovga qobiliyatsizlik jarayonlarini to‘liq raqamlashtirish, ortiqcha byurokratik tartib-taomillarni soddalashtirish.

☑️ O‘zbekiston sud boshqaruvchilari assotsiatsiyasi negizida barcha sud boshqaruvchilari a’zoligiga asoslangan O‘zbekiston Sud boshqaruvchilari palatasi tashkil etiladi.

▶️ Palata o‘zining Qoraqalpog‘iston Respublikasi, viloyatlar va Toshkent shahrida tuziladigan hududiy tuzilmalari bilan birgalikda sud boshqaruvchilarini birlashtiruvchi yagona o‘zini o‘zi boshqarish tizimini tashkil etadi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Qonunchilikdagi_yangiliklar

❗️ Sud boshqaruvchilari faoliyati samaradorligi oshiriladi

⏳ Farmonga ko‘ra, 2026-yil 1-iyuldan:

🔹 Sud boshqaruvchilari palatasi, Yuridik kadrlarni qayta tayyorlash va malakasini oshirish instituti hamda qonunchilikda belgilangan talablarga javob beradigan boshqa ta’lim muassasalariga sud boshqaruvchilarini tayyorlash huquqi beriladi;

🔹 Sud boshqaruvchilari palatasiga sud boshqaruvchisining palataga a’zoligini to‘xtatish yoki a’zolikdan chiqarish to‘g‘risida qaror qabul qilish va shu munosabat bilan uni o‘z vazifasini bajarishdan ozod qilish haqida sudga murojaat etish huquqi beriladi;

🔹 sud boshqaruvchisi o‘z zimmasiga yuklatilgan vazifalarni bajarmagan yoki lozim darajada bajarmagan taqdirda, sud kreditorlar yig‘ilishining qaroriga asosan sud boshqaruvchisiga to‘lanadigan haq miqdorini kamaytirishga haqli;

🔹 sanatsiya qiluvchi boshqaruvchilikka nomzod kreditorlar yig‘ilishi (qo‘mitasi) yoki Agentlik tomonidan taqdim etilmaganda, sanatsiya qiluvchi boshqaruvchi Sud boshqaruvchilari palatasi tomonidan maxsus elektron tizim orqali tanlangan nomzodlar orasidan sud tomonidan tayinlanishi mumkin.

💰 Sud boshqaruvchilariga to‘lanadigan haq miqdori bazaviy va natijaga (KPI) bog‘liq qismlarga ajratiladi, bunda natijaga bog‘liq haq, shu jumladan, sanatsiya rejasida belgilangan ko‘rsatkichlarga erishish darajasidan kelib chiqib to‘lanadi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_faxriylari

❗️Adliya faxriysi bilan bir kun

Bu oddiy suhbat emas...
Balki bir umrlik xizmat, sadoqat va halollik yo‘lining tirik guvohi bilan yuzma-yuz uchrashuvdir. Bu ko‘rsatuv orqali tomoshabin adliya tizimida faoliyat yuritgan, xalq ishonchiga sazovor bo‘lgan insonlarning hayot yo‘liga chuqur nazar tashlaymiz.

Faqatgina lavozim yoki unvon emas, balki inson taqdiri, uning qiyinchiliklardan qanday o‘tgani, qanday qarorlar orqali adolatni taʼminlagani haqida samimiy hikoyalar ochib berilmoqda.

Ushbu lavha orqali nafaqat o‘tmishga sayohat qilamiz, balki bugungi kun adliya tizimidagi masʼuliyat va burchning naqadar yuksak ekanini anglashga undaymiz.

Ravshanjon ota Qirg‘izovning bosib o‘tgan adliya tizimidagi salmoqli yo‘li — ibrat, har bir fikri — hayot sabog‘i. Yosh avlod uchun ilhom va jamiyat uchun muhim xulosalar manbaidir.

#Adliya_xabari

❗️Adliya vazirligi ochiqlik va muloqot tarafdori

Farg‘ona shahrida Farg‘ona, Namangan va Andijon viloyatlaridan 30 dan ortiq jurnalist va blogerlar ishtirokida “Davlat xizmatlari media nigohida: raqamli transformatsiyani fuqarolar uchun qanday yoritish kerak?” mavzusida ikki kunlik o‘quv treningi boshlandi.

Mazkur trening orqali jurnalist va blogerlarning davlat xizmatlari sohasidagi islohotlarni professional, sodda va fuqarolar manfaatlari nuqtai nazaridan yoritish ko‘nikmalarini oshirish, shuningdek, davlat xizmatlari tizimidagi raqamli transformatsiya jarayonlarini keng jamoatchilikka tushunarli va ta’sirchan formatda yetkazish bo‘yicha media vakillarining salohiyatini rivojlantirish maqsad qilingan.

Tadbir Yevropa Ittifoqi tomonidan moliyalashtirilayotgan hamda BMT Taraqqiyot Dasturi va O‘zbekiston Respublikasi Adliya vazirligi tomonidan amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida tashkil etilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#adliya_yoshlar

NAVOIY: QISHLOQQA KITOB KARVONI

📍Navoiyda "Rahbar va yoshlar uchrashuvi"ning navbatdagi manzili Nurota tumani.

⌛"Yangiobod" qishlog'i tumanning olis hududlaridan biri. Bu yerda aholi asosan chorvachilik bilan kun kechiradi. Qishloqda 33-sonli umumta'lim maktabi joylashgan bo'lib, ayni paytda ta'lim muassasasida 400ga yaqin yosh tahsil olmoqda. Maktabga "Qishloqqa kitob karvoni" shiori ostida adliya boshqarmasi tomonidan badiiy adabiyotlar jamlanmasi taqdim etildi.

🔖Shundan so'ng, adliya boshqarmasi boshlig'i yoshlar bilan muloqot o'tkazdi. Suhbatda yoshlar masalasi, ularning qiziqishlari, taklif va tashabbuslari o'rganildi.

✔️Tadbir "Zakovat" intellektual o'yiniga ulandi. Huquqiy, ijtimoiy-iqyisodiy, fan, adabiyot, san'at va tarix singari turli mavzularni qamrab olgan mazkur bellashuv yosh bilmdonlarni bir davraga jamladi. Tadbir yokunida ishtirokchilarga esdalik sovg'alar tooshirildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot