​#Adliya_faxriylari

УСТОЗ, 70 ЁШИНГИЗ МУБОРАК БЎЛСИН!

Бугун, 17 август куни узоқ йиллар давомида давлат бошқарув органларида, адлия органларида, шунингдек суд ва бошқа ҳуқуқни муҳофаза қилувчи органларда самарали меҳнат фаолиятини олиб борган, давлат ва жамоат арбоби, Ўзбекистон Республикаси Адлия вазирлиги ҳузуридаги Жамоатчилик кенгаши раиси, адлия фахрийси Алишер Мардиевич Мардиев 70 ёшни қарши олди.

Ушбу сана муносабати билан адлия вазири ўринбосари А. Ташкулов томонидан адлия вазирининг табрикномаси ўқиб эшиттирилди.

Алишер Мардиев 1973—1975 йилларда Пахтачи туман прокурорининг ёрдамчиси, 1975—1978 йилларда Жиззах туман прокуратурасининг терговчиси, 1978 йилда (январ—март) Пастдарғом туман прокурорининг ёрдамчиси, 1978—1990 йилларда Самарқанд вилоят судининг аъзоси, раисининг ўринбосари, раиси, 1990—1991 йилларда Халқ депутатлари Самарқанд вилоят Кенгаши раисининг ўринбосари, 1991—1992 йилларда Ўзбекистон Республикаси Президент аппарати давлат ҳуқуқий органлар бўлимининг мудири, 1992—1993 йилларда Самарқанд вилоят ҳокимининг биринчи ўринбосари, 1993—1995 йилларда Ўзбекистон Республикаси адлия вазири, 1995—1998 йилларда Самарқанд вилояти ҳокими, 1999—2005 йилларда Самарқанд вилоят адлия бошқармаси бошлиғининг ўринбосари, бошлиғи, 2005—2006 йилларда Фуқаролик ишлари бўйича Самарқанд вилоят судининг раиси, 2006—2011 йилларда Самарқанд вилоят адлия бошқармаси бошлиғи лавозимларида фаолият юритган.

Вазирлик жамоаси адлия фахрийси, устоз Алишер Мардиевн таваллуд айёми билан муборакбод этиб, узоқ умр, сиҳат-саломатлик, хонадонига тинчлик-хотиржамлик тилайди.

@adliyangiliklari