#faoliyat

Siz har kuni amal qiladigan qoidalar qanday paydo bo‘ladi?

Oddiy jarayonlar ortida jiddiy tartiblar bor. Ular sizning vaqtingizni tejaydi, imkoniyatlaringizni oshiradi, hayotingizni osonlashtiradi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Qonunchilikdagi_yangiliklar

Adliya vazirligi Fuqaro aviatsiyasida tibbiy ko‘rikdan o‘tkazish va tibbiy xulosa berish tartibi to‘g‘risidagi aviatsiya qoidalarini davlat ro‘yxatidan o‘tkazdi (ro‘yxat raqami 3800, 2026-yil 27-mart).
 
Mazkur Aviatsiya qoidalari fuqaro aviatsiyasida aviatsiya xodimlarini tibbiy ko‘rikdan o‘tkazish va tibbiy xulosa berish tartibini belgilaydi.
 
Unga ko‘ra, barcha aviatsiya xodimlari va fuqaro aviatsiyasiga qabul qilinayotgan nomzodlar tibbiy ko‘rikdan o‘tkaziladi.
 
Tibbiy ko‘rikdan o‘tkazish tibbiy-uchish komissiyasi tomonidan amalga oshiriladi.
 
Tibbiy ko‘rikda nomzodning umumiy sog‘lig‘i, ko‘rish va eshitish qobiliyati, ruhiy holati, kasbiy faoliyatga ta’sir ko‘rsatishi mumkin bo‘lgan xavf omillari, shuningdek parvozlar xavfsizligiga salbiy ta’sir etishi mumkin bo‘lgan kasallik va holatlar baholanadi.
 
Tibbiy ko‘rikdan o‘tkazish natijasiga ko‘ra, aviatsiya xodimlari va nomzodlarga sog‘lig‘ining holatiga ko‘ra 1, 2 yoki 3-klass tibbiy xulosalar beriladi.
 
Tibbiy xulosa nomzodning kasbiy vazifalarni xavfsiz bajarishga jismoniy va ruhiy jihatdan yaroqliligini tasdiqlovchi hujjat hisoblanadi.
 
Shuningdek, ushbu qoidalarda tibbiy ko‘rikdan o‘tkazish tartibi, tibbiy xulosaning amal qilish muddatlari, uchishdan oldingi va keyingi tibbiy ko‘riklarni tashkil etish tartibi belgilangan.
 
Mazkur aviatsiya qoidalarining davlat ro‘yxatidan o‘tkazilishi fuqaro aviatsiyasi tizimida tibbiy nazoratni yanada takomillashtirish, aviatsiya xodimlarining kasbiy yaroqliligini xolis va asosli baholash, shuningdek parvozlar xavfsizligini ta’minlashga qaratilgan.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#qonunchilikdagi_yangiliklar

Budjet hisobi standarti xalqaro standartlarga muvofiqlashtirildi.

Adliya vazirligi O'zbekiston Respublikasi budjet hisobining standarti (1-sonli BHS) “Hisob siyosati, hisob baholaridagi o'zgarishlar va xatolar”ni davlat ro'yxatidan o'tkazdi (ro'yxat raqami 3797, 2026-yil 27-mart).

Unga ko'ra, 1-sonli budjet hisobining standarti Xalqaro davlat sektori buxgalteriya standartlari – IPSAS 3 (International Public Sector Accounting Standard) talablariga muvofiq yangidan qabul qilinmoqda.

Xususan, mazkur budjet hisobi standartida IPSAS 3 muvofiq hisob siyosati va hisob baholaridagi o'zgarishlar hamda xatolarni tuzatishni amalga oshirish va hisobga olish, shuningdek perspektiv va retrospektiv qo'llash hamda qayta hisoblash tartiblari belgilanmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Strategiya_2030

📊 "O‘zbekiston-2030" strategiyasining 2026-2030-yillarga mo‘ljallangan samaradorlik ko‘rsatkichlari

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Ochiq_adliya

🗣Ayni damda Adliya vazirligi huzuridagi Oliy malaka komissiyasi tomonidan xususiy notarial faoliyat bilan shugʻullanish huquqini berish boʻyicha malaka imtihoni oʻtkazilmoqda.

🗣Ushbu jarayonni to'g'ridan-to'g'ri kuzatib borishingiz mumkin 👉 https://www.youtube.com/live/wfWHST88w1k?si=ybavd8wEVj7FDbI-

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Mualliflik_huquqi

Sherali Jo'rayevning qo'shiqlaridan ruxsatsiz foydalangan Sardor Mamadaliyev yana jarimaga tortildi.

🤔G. Jo‘rayeva tomonidan marhum san’atkor Sherali Jo‘rayevdan meros bo‘lib qolgan “Ko‘rmisham”, “Bandaman” hamda “Karvon” nomli musiqiy asarlarning uning ruxsatisiz Sardor Mamadaliyev tomonidan ijro etilgani yuzasidan huquqiy chora ko‘rishni so‘rab qilingan murojaat Adliya vazirligi tomonidan o‘rganilib chiqildi.

🤔Holat yuzasidan huquqbuzarga nisbatan O‘zbekiston Respublikasi Ma’muriy javobgarlik to‘g‘risidagi kodeksining 177¹-moddasi ikkinchi qismi bilan ma’muriy huquqbuzarlik to‘g‘risida bayonnoma rasmiylashtirilib, ish tegishli sudga yuborildi.

🤔Namangan viloyati jinoyat ishlari bo‘yicha Chust tuman sudining qaroriga ko‘ra, huquqbuzarga nisbatan O‘zbekiston Respublikasi MJtKning 177¹-moddasining ikkinchi qismi bilan bazaviy hisoblash miqdorining 20 (yigirma) baravari miqdorida – 8.240.000 (sakkiz million ikki yuz qirq ming) so‘m jarima jazosi tayinlandi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki info@adliya.uz elektron pochta manzili orqali murojaat qilishingizni so'raymiz!

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot