#Adliya_xabari

Adliya vazirligida O‘zbek tili bayrami

21-oktyabr kuni yurtimizda O‘zbek tili bayrami keng nishonlanadi. Shu munosabat bilan Adliya vazirligi markaziy apparatida “Sen borki, xalq bo‘lib birlashamiz biz” mavzusida ma’naviy-ma’rifiy tadbir bo‘lib o‘tdi.

Tadbirda tilshunos olim, filologiya fanlari doktori, professor Shuhrat Ko‘chimov, taniqli shoir, jurnalist, O‘zbekistonda xizmat ko‘rsatgan madaniyat xodimi Eshqobil Shukur hamda taniqli shoira, jurnalist, O‘zbekistonda xizmat ko‘rsatgan madaniyat xodimi Zebo Mirzo ishtirok etdi.

Uchrashuvda qonun hujjatlari tilining aniqligi va ravonligi, yoshlar orasida ona tiliga e’tibor va hurmatni kuchaytirish, shuningdek, o‘zbek tilining xalqimizni birlashtiruvchi, hamjihatlik va milliy birdamlikni mustahkamlovchi umummilliy qadriyat sifatidagi o‘rni haqida fikr almashildi.

Tadbir ustozlar va yoshlar o‘rtasidagi samimiy, sermazmun muloqotga ulanib, ona tilimizning buguni va kelajagi haqidagi mushohadalar, qiziqarli savol-javoblar bilan yanada mazmunli tus oldi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

✨ Davlat xizmatlarini qanday qilib yanada inklyuziv qilamiz?

✅ Davlat xizmatlarini taqdim etishda eng muhimi fuqaroning muammosi tinglanishi, unga tushunarli javob berilishi va zarur yordam koʻrsatilishidir.

🔸 Namangan, Andijon, Farg‘ona, Sirdaryo, Jizzax va Toshkent viloyatlarining 6 ta pilot tumanidan kelgan 18 nafar ishtirokchi uchun Namangan shahrida "Inklyuziv va genderga sezgir davlat xizmatlarini sifatli ko‘rsatishda Xotin-qizlar maslahat guruhlarining rolini oshirish" mavzusida treninglar tashkil etilmoqda.

🤝 Treninglar Yevropa Ittifoqi tomonidan moliyalashtirilayotgan hamda BMT Taraqqiyot Dasturi va Adliya vazirligi tomonidan amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida bo‘lib o‘tmoqda.

🔹Tadbirni:
Adliya vazirligi Departament rahbari Eldor Mahkamov;
Yevropa Ittifoqining O'zbekistondagi rahbari o'rinbosari Renata Vrobel;
Latviyaning O'zbekistondagi elchisi Girts Yaunzems;
Namangan viloyati hokimi o'rinbosari Dinara Yakubova ochib berishdi.

🔸Trening davomida ishtirokchilar quyidagi yo‘nalishlardagi amaliy ko‘nikmalarini mustahkamlashmoqda:

✔️ my.gov.uz portali orqali elektron xizmatlardan foydalanishda fuqarolarga ko‘maklashish;
✔️ Genderga asoslangan zo‘ravonlik holatlarini aniqlash va jabrlanganlarni tegishli xizmatlarga yo‘naltirish;
✔️ Mahalliy nizolarni hal etish va mediatsiya;
✔️ Kasbiy emotsional charchashning oldini olish.

✅ Treninglar Latviyaning MARTA markazi ekspertlari hamda mahalliy mutaxassislar tomonidan o'tkazilmoqda.

🗓 Joriy yilning 22-oktyabridan treninglar Buxoro viloyatida davom ettiriladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

Qo‘shrabot tumanida аdliya vazirining sayyor qabuli o‘tkazildi

Adliya vaziri A. Tashkulovning Samarqand viloyati Qo‘shrabot tumanidagi “Shovona” mahalla fuqarolar yig‘inida navbatdagi sayyor qabuli tashkil etildi. Tadbir davomida fuqarolar bilan ochiq muloqot qilinib, ularni qiynayotgan masalalar yuzasidan murojaatlar tinglandi.

Qabul davomida jami 40 nafar fuqaroning uy-joy, yer va kadastr, meros munosabatlari, shuningdek, infratuzilmani yaxshilash hamda sog‘liqni tiklash bilan bog‘liq murojaatlari ko‘rib chiqildi.

Murojaatlarning 5 tasi joyida hal etilib, 2 tasi yuzasidan fuqarolarga huquqiy tushuntirish va tegishli tavsiyalar berildi. Qolgan 33 ta murojaat belgilangan tartibda ro‘yxatga olinib, mas’ullarga ijro uchun yo‘naltirildi.

Bundan tashqari, 5 nafar fuqaroga sayyor tartibda notarial harakatlar amalga oshildi, 3 nafar fuqaroga esa sayyor davlat xizmatlari ko‘rsatildi.

Har bir murojaatning qonuniy va adolatli hal etilishini ta’minlash maqsadida ular ijrosi alohida nazoratga olindi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

Adliya vazirining birinchi o‘rinbosari tadbirkorlik subyekti faoliyati bilan tanishdi

Adliya vazirining birinchi o‘rinbosari M. Istamov Qashqadaryo viloyatiga tashrifi doirasida Qarshi shahridagi “PREMIUM CAPITAL GROUP” MChJ faoliyati bilan yaqindan tanishdi.

Tashrif davomida charm-poyabzal mahsulotlarini ishlab chiqarish jarayonlari, korxonaning ishlab chiqarish salohiyati, tadbirkorlik faoliyatini rivojlantirish istiqbollari hamda sohada uchrayotgan muammolar muhokama qilindi.

Ta’kidlash joizki, tadbirkorlik subyektlarining intellektual mulk huquqlarini ishonchli himoya qilish, tovar belgilaridan qonuniy foydalanishni ta’minlash va brendlarning huquqiy muhofazasini kuchaytirish biznes faoliyatining barqaror rivojlanishida muhim ahamiyat kasb etadi.

Tashrif yakunida tadbirkorning tovar belgisini ro‘yxatdan o‘tkazish masalasi yuzasidan huquqiy tushuntirish berilib, ushbu jarayonda amaliy yordam ko‘rsatilishi ma’lum qilindi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

Rahbar va yoshlar uchrashuvi bo‘lib o‘tdi

Adliya vazirining birinchi o‘rinbosari M. Istamovning Qashqadaryo viloyatiga tashrifi doirasida “Rahbar va yoshlar uchrashuvi” tashkil etildi.

Uchrashuvda Toshkent davlat yuridik universiteti huzuridagi Qashqadaryo viloyat akademik litseyi o‘quvchilari bilan muloqot qilindi.

Suhbat davomida yoshlarning ta’lim olishi, kasbiy bilim va ko‘nikmalarini rivojlantirishi, kelgusidagi maqsadlari hamda huquqshunoslik sohasida malakali mutaxassis bo‘lib yetishishi bilan bog‘liq masalalar muhokama qilindi.

Shuningdek, o‘quvchilarning taklif va fikrlari tinglanib, ularni qiziqtirgan savollarga javoblar berildi. Yoshlarni qo‘llab-quvvatlash, ularning salohiyatini ro‘yobga chiqarish hamda huquqiy bilimlarini oshirish muhimligi ta’kidlandi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

🏢 Kegeyli tumanida Davlat xizmatlari markazining Xalqabad filiali yangi binosi foydalanishga topshirildi

Qoraqalpog‘iston Respublikasi Kegeyli tumanidagi Davlat xizmatlari markazining Xalqabad filiali uchun barpo etilgan yangi bino foydalanishga topshirildi.

🎉 Tadbirda Qoraqalpog‘iston Respublikasi Jo‘qorg‘i Kengesining Byudjet, iqtisodiy islohotlar, investitsiyalar, innovatsiya va turizm masalalari qo‘mitasi raisi B. Seytnazarov, Qoraqalpog‘iston Respublikasi adliya vaziri E. Tursunov hamda tuman hokimi A. Kamalov ishtirok etib, yangi binoning ahamiyati haqida so‘z yuritdi.

Ta’kidlanganidek, zamonaviy binoning foydalanishga topshirilishi aholiga davlat xizmatlarini qulay va sifatli ko‘rsatish, fuqarolar uchun yaratilgan sharoitlarni yanada yaxshilash hamda ularning vaqtini tejashga xizmat qiladi.

✅ Aholiga qulaylik yaratish, davlat xizmatlarini ortiqcha ovoragarchiliklarsiz ko‘rsatish va davlat idoralarini fuqarolarga yanada yaqinlashtirish — adliya organlarining ustuvor vazifalaridan biridir.

website 📱 facebook 📱 instagram 📱 linkedIn 📱 youtube 📱 twitter

#Adliya_xabari

"Otchopar" mahallasida sayyor qabul o‘tkazildi

Adliya vazirining birinchi o‘rinbosari M. Istamov ishtirokida Qarshi shahridagi “Otchopar” mahallasida fuqarolar va tadbirkorlar uchun sayyor qabul tashkil etildi.

Unda 60 nafarga yaqin fuqaro ishtirok etib, FHDY, davlat xizmatlari, kadastr, ijtimoiy masalalar, uy-joy, sog‘liqni saqlash, kredit, tadbirkorlik hamda kommunal sohalarga oid murojaatlar tinglandi.

Qabul davomida 10 ta murojaat joyida hal etildi, 30 ga yaqin murojaatlar yuzasidan huquqiy tushuntirishlar berilib, 16 ta murojaat ish yurituviga olindi.

Har bir murojaatning qonuniy va adolatli hal etilishini ta’minlash maqsadida ular ijrosi alohida nazoratga olindi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

🏛 Davlat xizmatlarida asosiy mezon — fuqarolar uchun qulaylik va sifat

📌 Davlat xizmatlarining tezkor, shaffof va qulay tashkil etilishi aholining kundalik hayotida muhim ahamiyatga ega. Ayniqsa, fuqarolarning ortiqcha vaqt va mablag‘ sarflamasdan, zarur xizmatlardan bir joyning o‘zida foydalanishi davlat idoralariga bo‘lgan ishonchni mustahkamlashga xizmat qiladi.

🔹 Shu maqsadda davlat xizmatlari markazlari faoliyatini takomillashtirish, xizmat ko‘rsatish jarayonlarini soddalashtirish hamda aholiga yanada qulay sharoitlar yaratishga alohida e’tibor qaratilmoqda.

📍 Bugun adliya vaziri Akbar Tashkulov Samarqand viloyati Ishtixon tumani adliya bo‘limi Davlat xizmatlari markazida bo‘lib, uning faoliyati va fuqarolarga xizmat ko‘rsatish jarayonlari bilan yaqindan tanishdi.

🔎 Jarayonda aholiga yaratilgan sharoitlar, xizmat ko‘rsatish sifati, murojaatlarni ko‘rib chiqish tartibi hamda davlat xizmatlaridan foydalanishda fuqarolarga qulaylik yaratish masalalariga e’tibor qaratildi.

✅ Davlat xizmatlari tizimini takomillashtirishdan ko‘zlangan asosiy maqsad — fuqarolarning vaqtini tejash, ortiqcha ovoragarchilik va byurokratik to‘siqlarni kamaytirish, davlat xizmatlarining har bir inson uchun ochiq, tezkor va sifatli bo‘lishini ta’minlashdir.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

O‘zbekistonda to‘lovga qobiliyatsizlik tizimini takomillashtirish bo‘yicha Osiyo taraqqiyot banki bilan hamkorlik davom etmoqda

📌 2026-yil 22-oktyabr kuni adliya vaziri o‘rinbosari-To'lovga qobiliyatsizlik ishlari agentligi direktori N. Muxammadiyev va Osiyo taraqqiyot banki (OTB) vakillari ishtirokida O‘zbekistondagi to‘lovga qobiliyatsizlik tizimini diagnostik o‘rganish doirasida maslahatlashuv uchrashuvi bo‘lib o‘tdi.

🤝 Uchrashuvda quyidagi masalalar muhokama qilindi:
🔹 to‘lovga qobiliyatsizlik tizimini takomillashtirish;
🔹 2030-yilgacha mo‘ljallangan Strategiya loyihasini xalqaro tajriba asosida rivojlantirish;
🔹 hujjatlar loyihalariga OTB ekspertlik ko‘magini jalb qilish;
🔹 moliyaviy qiyinchilikka duch kelgan korxonalarni qo‘llab-quvvatlash mexanizmlarini takomillashtirish;
🔹 Agentlik xodimlarining malakasini oshirish va xorijiy tajribani o‘rganish;
🔹 OTB tomonidan ajratilgan mablag‘lar doirasidagi amaliy ishlarni jadallashtirish.

📊 Shuningdek, OTB ekspertlari amaldagi huquqiy, institutsional va operatsion tizim, mavjud muammolar hamda ularni bartaraf etish imkoniyatlari yuzasidan fikr bildirdilar.

🤝 Uchrashuv yakunida diagnostik tahlil uchun zarur ma’lumotlarni tizimlashtirish, ekspertlik ko‘magi yo‘nalishlarini aniqlashtirish hamda keyingi hamkorlik tadbirlarini amalga oshirish bo‘yicha kelishib olindi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

🏛 Davlat xizmatlari sifati va aholiga yaratilgan qulayliklar e’tibor markazida

📌 Davlat xizmatlari tizimining samaradorligi, avvalo, fuqarolarning kundalik hayotida sezilishi kerak. Xizmatlardan foydalanishda ortiqcha ovoragarchiliklarning kamayishi, murojaatlarning tezkor hal etilishi va aholining vaqti tejalishi bu boradagi ishlarning muhim natijasidir.

📍 Adliya vaziri Akbar Tashkulov Samarqand viloyatida davlat xizmatlari markazlari faoliyati bilan tanishishni davom ettirmoqda.

🔹 Ishtixon tumanidan so‘ng vazir Samarqand tumani adliya bo‘limi Davlat xizmatlari markazida bo‘lib, fuqarolarga xizmat ko‘rsatish jarayonlari, mavjud sharoitlar hamda ish faoliyatining tashkil etilishini ko‘zdan kechirdi.

🔎 Asosiy e’tibor xizmatlar sifatini oshirish, fuqarolarning murojaatlarini tezkor ko‘rib chiqish, elektron xizmatlardan foydalanishni kengaytirish va aholiga yanada qulay sharoitlar yaratish masalalariga qaratildi.

✅ Zero, davlat xizmatlari tizimida amalga oshirilayotgan har bir o‘zgarish, eng avvalo, inson manfaatlariga xizmat qilishi, fuqarolarning vaqti va mablag‘ini tejashda o‘z ifodasini topishi lozim.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

📍Toshkent shahrida to‘lovga qobiliyatsizlik tartib-taomillari qo‘llanilgan korxonalarda amalga oshirilayotgan ishlarning holati, ularni sog‘lomlashtirish istiqbollari o‘rganildi

O‘zbekiston Respublikasi adliya vaziri o‘rinbosari – To‘lovga qobiliyatsizlik ishlari agentligi direktori N.Muxammadiyev tomonidan Toshkent shahrida to‘lovga qobiliyatsizlik jarayonidagi korxonalarda amalga oshirilayotgan ishlar joyiga chiqqan holda o‘rganildi.

Batafsil

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

🏛 Davlat xizmatlari markazlari faoliyati deputatlar e’tiborida

📌 Davlat xizmatlarining aholi va tadbirkorlar uchun qulay, tezkor va sifatli bo‘lishini ta’minlash, ortiqcha byurokratik tartib-taomillarni qisqartirish hamda xizmatlardan foydalanish imkoniyatlarini kengaytirish muhim vazifalardan biridir.

📍 O‘zbekiston Respublikasi Oliy Majlisi Qonunchilik palatasi deputatlari Toshkent viloyatining Yangiyo‘l va Chinoz tumanlari, shuningdek, Sirdaryo viloyatining Guliston shahri va Mirzaobod tumanidagi Davlat xizmatlari markazlari faoliyati bilan yaqindan tanishdilar.

🔎 O‘rganishlar davomida aholiga davlat xizmatlarini ko‘rsatish jarayonlari, fuqarolar uchun yaratilgan sharoitlar, xizmatlar sifati va ulardan foydalanish imkoniyatlariga alohida e’tibor qaratildi.

♿️ Xususan, nogironligi bo‘lgan shaxslarning davlat xizmatlaridan erkin va to‘siqlarsiz foydalanishi uchun yaratilgan sharoitlar, shuningdek, infokiosklar orqali xizmatlarni mustaqil olish imkoniyatlari o‘rganildi.

📊 Ma’lumot uchun: davlat xizmatlarini aholi va tadbirkorlar uchun yanada qulaylashtirish maqsadida:
➖ 178 ta davlat xizmati soddalashtirilgan;
➖ 39 ta kompozit xizmat joriy etilgan;
➖ biznes jarayonlarini qayta ko‘rib chiqish natijasida yana 71 ta xizmat soddalashtirilgan;
➖ 40 turdagi ma’lumot va hujjatlarni taqdim etish jarayoni maqbullashtirilgan.

🤝 Deputatlar tomonidan mazkur imkoniyatlardan aholining qay darajada foydalanayotgani, xizmat ko‘rsatish jarayonida yuzaga kelayotgan masalalar hamda mavjud muammolarni bartaraf etish imkoniyatlari ham ko‘rib chiqildi.

✅ O‘rganishlardan ko‘zlangan asosiy maqsad — davlat xizmatlari ko‘rsatish tizimining joylardagi holatini tahlil qilish, fuqarolar uchun qulayliklarni yanada kengaytirish hamda sohadagi qonunchilikni takomillashtirish yuzasidan takliflar ishlab chiqishdir.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

“Umummilliy diktant” loyihasi o‘tkazildi

Bugun Adliya vazirligida “Umummilliy diktant” loyihasi doirasida xodimlarning savodxonlik sinovi tashkil etildi.

Davlat tilining nufuzini oshirish, xodimlarning yozma nutq madaniyatini yuksaltirish hamda imlo qoidalariga oid bilimlarini mustahkamlashga qaratilgan mazkur loyihada vazirlik markaziy apparati xodimlari ishtirok etdi.

Diktant davomida ishtirokchilarning o‘zbek tilida bexato yozish, imlo va tinish belgilarini to‘g‘ri qo‘llash bo‘yicha bilim va ko‘nikmalari sinovdan o‘tkazildi.

Diktant Toshkent davlat yuridik universitetining O‘zbek tili va adabiyoti kafedrasi dotsenti, filologiya fanlari nomzodi Durdona Rasulmuhamedova tomonidan olindi.

Shuningdek, “Umummilliy diktant” loyihasi vazirlik tizimidagi barcha muassasalarni ham qamrab olmoqda.

Mazkur loyiha ish yuritishda imlo me’yorlariga rioya etish va xodimlarning yozma nutq savodxonligini yanada oshirishga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

15 ta murojaat. 1 ta masala joyida hal etildi. 14 tasi ijroga yo‘naltirildi.

Bugun, 23-oktyabr kuni Adliya vazirligida adliya vazirining navbatdagi fuqarolar qabuli bo‘lib o‘tdi.

Qabul davomida jismoniy shaxslar hamda yuridik shaxslar vakillarining notariat, advokatura, FHDY, mehnat qonunchiligi, nodavlat notijorat tashkilotlari, tadbirkorlik, uy-joy, o'z-o'zini band qilish va boshqa masalalarga oid murojaatlari tinglandi.

Murojaatlarning 3 tasi — Andijon, Buxoro va Sirdaryo viloyatlaridan onlayn tarzda qabul qilindi.

➖ 1 ta murojaat yuzasidan joyida huquqiy tushuntirish berildi;
➖ 14 ta murojaat ijro uchun qabul qilinib, masalalarni qonuniy hal etish bo‘yicha mas’ullarga topshiriqlar berildi.

📌 Eslatma: Adliya vazirining qabuli har juma kuni soat 15:00–17:00 oralig‘ida o‘tkaziladi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari

🏛 DAVLAT XIZMATLARI SOHASIDA YEVROPA TAJRIBASI O‘RGANILMOQDA

🇪🇺 Adliya vazirligi Davlat xizmatlari departamenti rahbari E.Maxkamov boshchiligidagi delegatsiya Yevropa davlat boshqaruvi institutida davlat xizmatlarini ko‘rsatish sohasidagi ilg‘or xalqaro tajribani o‘rganmoqda.

🔹 O‘quv safari davomida davlat xizmatlarini ko‘rsatishda davlat ishtirokini qisqartirish, bozor mexanizmlarini rivojlantirish hamda xususiy sektor ishtirokini kengaytirish bo‘yicha Yevropa Ittifoqi davlatlari tajribasiga alohida e’tibor qaratilmoqda.

📌 Xususan, tashrifning birinchi kunida:
➖ Luksemburg va boshqa Yevropa davlatlarida davlat xizmatlarini xususiy sektorga o‘tkazish mezonlari va mexanizmlari;
➖ ilg‘or tajribalarni O‘zbekiston sharoitida qo‘llashning metodologik asoslari;
➖ davlat xizmatlarini ko‘rsatishda davlatning o‘zgarib borayotgan roli;
➖ davlat tasarrufida saqlab qolinayotgan funksiyalar va buning asosiy sabablari muhokama qilindi.

✅ Mazkur o‘quv safari davlat xizmatlarini ko‘rsatish tizimini yanada takomillashtirish, sohada xususiy sektor imkoniyatlaridan samarali foydalanish hamda xalqaro tajribani milliy amaliyotga tatbiq etish istiqbollarini o‘rganishga qaratilgan.

🤝 Tashrif Yevropa Ittifoqi tomonidan moliyalashtirilayotgan, Adliya vazirligi va BMT Taraqqiyot dasturi hamkorligida amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida tashkil etilmoqda.

🌐 website 📱 facebook 📱 instagram 📱 linkedIn 📱 youtube 📱 twitter