#oyning_eng_yaxshi_xodimi

🔷Adliya vazirligi Huquqiy axborot boshqarmasi Davlat organlari va tashkilotlarining huquqiy axborot sohasidagi ishlarini muvofiqlashtirish bo‘lim boshlig‘i Yusupov Jamshid Baxtiyarovich 2026-yilning yanvar oyi uchun vazirlik tomonidan "Oyning eng yaxshi boshqaruv xodimi" deb topildi.

🔷Jamshid Yusupov 2009-yilda Toshkent davlat yuridik institutini bakalavr bosqichini, 2011-yilda Mirzo Ulug‘bek nomidagi O‘zbekiston Milliy universitetining magistratura bosqichini, 2021-yilda O‘zbekiston Respublikasi Prezidenti huzuridagi Davlat boshqaruvi akademiyasining magistratura bosqichini tamomlagan.

▪️Adliya vazirligi tizimida mehnat faoliyatini 2010-yilda Adliya vazirligi Xalqaro-huquqiy boshqarmasida ish yurituvchi kotib lavozimidan boshlagan.
▪️2012-2018-yillarda vazirlikning Inson huquqlarini himoya qilish boshqarmasida katta, yetakchi va bosh maslahatchisi;
▪️2018-2019-yillarda Adliya vazirligi huzuridagi Davlat xizmatlari agentligida bosh maslahatchi, bo‘lim boshlig‘i;
▪️2019-2021-yillarda Davlat xizmatlari agentligi Toshkent shahar boshqarmasi boshlig‘ining o‘rinbosari;
▪️2021-2023-yillarda Adliya vazirligi Huquqiy targ‘ibot va ma'rifat boshqarmasi boshlig‘ining òrinbosari;
▪️2023-2024-yillarda Qonunchilik departmenti Idoraviy-normativ huquqiy hujjatlarni davlat ro‘yxatidan o‘tkazish boshqarmasi bo‘lim boshlig‘i lavozimlarida ishlagan.

🔷2024-yil avgust oyidan buyon Adliya vazirligi Huquqiy axborot boshqarmasida bo‘lim boshlig‘i lavozimida faoliyatini davom ettirmoqda.

🔷 Jamshid Yusupov tomonidan Adliya organlari tomonidan saylov jarayonlarini uslubiy ta’minlash, aholining saylov qonunchiligi bo‘yicha huquqiy savodxonligini oshirishga qaratilgan keng ko‘lamli ishlar, “E-qaror” tizimi “Lex.uz”ga integratsiya qilinib, hujjatlarni “Soliq.uz”, “regulation.gov.uz” va “my.gov.uz” orqali yetkazish yo‘lga qo‘yildi. Shuningdek, my.adliya.uz platformasi orqali huquqiy axborotlarni raqamli taqdim etish tizimi joriy etildi hamda hududlarda huquqbuzarliklarning oldini olish, huquqiy aksiyalar o‘tkazish va davlat organlari faoliyatini monitoring qilish kabi yoʻnalishlarda samarali faoliyat yuritilmoqda.

🔷Vazirlik jamoasi Jamshid Yusupovni ushbu eʼtirof bilan tabriklaydi. Kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

Telegram | Instagram | Facebook | YouTube | Bot

#oyning_eng_yaxshi_texnik_xodimi

🔷Adliya vazirligi Strategik rejalashtirish va ijro nazorati boshqarmasining 1-toifali ish yurituvchi kotibi Norbekova Sabina Ibrohimovna 2026-yilning yanvar oyi uchun vazirlik tomonidan “Oyning eng yaxshi texnik xodimi” deb topildi.

🔷Sabina Norbekova 2019-yilda Toshkent davlat yuridik universiteti bakalavr bosqichini tamomlagan.

🔷Mehnat faoliyatini 2019-yilda 1-son Toshkent shahar yuridik kollejida Fuqarolik huquqi va mehnat huquqi fanlari o‘qituvchisi sifatida boshlagan.
▪️2020-yilda - Uchtepa tumani 11-son davlat notarial idorasi notarius yordamchisi;
▪️2020-yildan hozirgi vaqtga qadar Adliya vazirligi Strategik rejalashtirish va ijro nazorati boshqarmasi 1-toifali ish yurituvchi kotibi sifatida davom ettirmoqda.

🔷Sabina Norbekova vazirlikning ichki hujjatlarini ijroga qaratib, Smartoffice tizimiga kiritib borish, “Edo.ijro.uz” tizimidagi Prezident hujjatlaridagi topshiriqlarni monitoring qilib, ijrosi bo‘yicha ma’lumot kiritib borish, mehnat va ijro intizomiga qat’iy rioya etish, boshqarma va xodimlar faoliyati yuzasidan bildirgi va boshqa hujjatlar tayyorlab, tizimlar orqali kiritish kabi yoʻnalishlarda samarali faoliyat yuritmoqda.

🔷Vazirlik jamoasi Sabina Norbekovani ushbu eʼtirof bilan tabriklaydi. Kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

Telegram | Instagram | Facebook | YouTube | Bot