#Qonunchilikdagi_yangiliklar

❗️ Oliy ta'lim tashkilotlarining ta'lim dasturlarini akkreditatsiyasidan o'tkazishda baholash mezonlari bo'yicha indikatorlar tasdiqlandi

Adliya vazirligi “Oliy ta'lim tashkilotlarining ta'lim dasturlarini maxsus davlat akkreditatsiyasidan o'tkazishda baholash mezonlari bo'yicha indikatorlarni tasdiqlash haqida”gi buyruqni davlat ro'yxatidan o'tkazdi (ro'yxat raqami: 3716, 01.12.2025-y.).

🔹Unga ko'ra, 6 ta yo'nalish doirasidagi 31 ta mezon bo'yicha oliy ta'lim tashkilotlaridagi ta'lim dasturlarini maxsus davlat akkreditatsiyasidan o'tkazishda foydalaniladigan 190 ta indikator belgilab berildi.

✔️Bunda 8 ta (4.2 %) majburiy indikatorlar (mas'ul tarkibiy tuzilmani tashkil etishning aniq rejasi mavjudligi, talabalar kontingentidan kelib chiqqan holda o'quv xonalari bilan ta'minlanganlik va b.) hamda 182 ta (95.8 %) umumiy indikatorlar (fan mazmuniga mos xorijiy adabiyotlardan foydalanish, talabalar o'rtasida so'rovnomalar o'tkazish, qabul parametrlarini belgilashda axborot-resurs markazining imkoniyatlarini hisobga olish va b.) mavjud bo'lib, «muvofiq» yoki «muvofiq emas» tarzida baholanadi.

▶️Bunda:
▪️50 % gacha indikatorlar «muvofiq» deb baholansa – mezon «muvofiq emas»;
▪️ 50 % dan 70 % gacha indikatorlar «muvofiq» deb baholansa – mezon «qisman muvofiq»;
▪️ 70 % va undan ortiq indikatorlar «muvofiq» deb baholansa – mezon «muvofiq» deb topiladi.

⛔️ Majburiy indikator «muvofiq emas» deb baholansa, umumiy natijadan qat'i nazar, mezon «muvofiq emas» deb topiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Qonunchilikdagi_yangiliklar

❗️ Statsionar tibbiyot muassasalaridagi bemorlarni tibbiy ko'rsatmaga muvofiq boshqa tibbiyot muassasasiga o'tkazish tartibi belgilandi

✅Adliya vazirligi Stasionar tibbiyot muassasalaridagi bemorlarni tibbiy ko'rsatmaga muvofiq boshqa tibbiyot muassasasiga o'tkazish tartibi haqidagi nizomni ro'yxatdan o'tkazdi (ro'yxat raqami: 3715, 2025-yil 29-noyabr).

🔹Nizomga ko'ra, bemorlarga zarur ixtisoslashtirilgan tibbiy yordamni o'z vaqtida to'liq ko'rsatishni ta'minlash maqsadida ular bir tibbiyot muassasasidan boshqa tibbiyot muassasasiga o'tkaziladi.

🔹Bemorlar boshqa tibbiyot muassasasiga o'tkazish jarayonida tibbiyot muassasasini zarur tibbiy yordamni ko'rsatish imkoniyatiga ega bo'lgan tibbiyot muassasalari orasidan erkin tanlash huquqiga ega.

🔹Bemorlarni boshqa tibbiyot muassasasiga o'tkazish shifokor tomonidan berilgan tibbiy ko'rsatmaga asosan amalga oshiriladi.

🔹Bemorlar uchun zarur tibbiy uskunalar yoki mutaxassislar bo'lmaganda, shuningdek, ixtisoslashtirilgan tibbiy yordam boshqa tibbiyot muassasasida ko'rsatilsa, tibbiy ko'rsatma beriladi.

🔹Bemorlarni boshqa tibbiyot muassasasiga o'tkazishdan oldin qabul qiluvchi tibbiyot muassasasasining bo'sh o'rinlari, zarur tibbiy uskunalar, mutaxassislar mavjudligi aniqlanadi.

🔹Bemorlar hayotiy ko'rsatkichlari barqaror holda, shifokor kuzatuvida boshqa tibbiyot muassasasiga bepul o'tkaziladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Qonunchilikdagi_yangiliklar

❗️ Kasbiy ta'lim tashkilotlarining ta'lim dasturlarini maxsus davlat akkreditatsiyasidan o'tkazish bo'yicha indikatorlar tasdiqlandi

Adliya vazirligi “Kasbiy ta'lim tashkilotlarining ta'lim dasturlarini maxsus davlat akkreditatsiyasidan o'tkazishda baholash mezonlari bo'yicha indikatorlarni tasdiqlash haqida”gi buyruqni davlat ro'yxatidan o'tkazdi (ro'yxat raqami: 3717, 2025-yil 1-dekabr).

🔰Mazkur idoraviy hujjat bilan 6 ta yo'nalish doirasidagi 31 ta mezon bo'yicha kasbiy ta'lim tashkilotlaridagi ta'lim dasturlarini maxsus davlat akkreditasiyasidan o'tkazishda foydalaniladigan 163 ta indikator belgilab berilmoqda.

✔️Unga ko'ra, 8 ta (4.9 %) majburiy indikatorlar (mas'ul tarkibiy tuzilmani tashkil etishning aniq rejasi mavjudligi, talabalar kontingentidan kelib chiqqan holda o'quv xonalari bilan ta'minlanganlik va b.) hamda 155 ta (95.1 %) umumiy indikatorlar (fan mazmuniga mos (xorijiy) adabiyotlardan foydalanish, talabalar o'rtasida so'rovnomalar o'tkazish, sport zali (sport maydonchalar) mavjudligi va b.) mavjud bo'lib, «muvofiq» yoki «muvofiq emas» tarzida baholanadi.

⏭️ Bunda:
▪️ 50 % gacha indikatorlar «muvofiq» deb baholansa – mezon «muvofiq emas»;
▪️ 50 % dan 60 % gacha indikatorlar «muvofiq» deb baholansa – mezon «qisman muvofiq»;
▪️ 60 % va undan ortiq indikatorlar «muvofiq» deb baholansa – mezon «muvofiq» deb topiladi.

⛔️Majburiy indikator «muvofiq emas» deb baholansa, umumiy natijadan qat'i nazar, mezon «muvofiq emas» deb topiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot