#Adliya_aralashgach
#Farg'ona_viloyati

❗️Ikki xodim foydasiga jami 38 mln 324 ming so‘m miqdoridagi qo‘shimcha ustama pullari undirib berildi

O‘zbekiston tumani adliya bo‘limiga tuman sport maktabi xodimlari - M.F. va R.O.lar ularning ish haqiga tegishli ustama pullar to‘lanmay qolganligi yuzasidan murojaat qilishdi.

Adliya bo‘limi tomonidan murojaat batafsil o‘rganilib, aniqlangan holatlar bo‘yicha O‘zbekiston tumani sport maktabi ma’muriyatiga taqdimnoma kiritildi. Natijada ikki xodim foydasiga jami 38 mln 324 ming so‘m miqdoridagi qo‘shimcha ustama pullari undirib berildi!

Shu tariqa fuqarolarning murojaatlari to‘liq qanoatlantirildi va ularning mehnat huquqlari tiklandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_aralashgach
#Surxondaryo_viloyati

✅ Adliya — adolat manzili yoxud 30 yil kutilgan orzu amalga oshdi

💠Ba’zan inson orzusi yillar davomida pishib, sinovlardan o‘tadi. Qumqo‘rg‘on tumanida yashovchi fuqaro ham 30 yildan buyon O‘zbekistonni o‘z yurti deb bilgan, ammo birgina huquqiy to‘siq — fuqarolik maqomi masalasi uni qiynab kelgan edi.

👎 U turli idoralarga murojaat qilgan, biroq “bu masalaning yechimi yo‘q” degan javoblardan so‘ng umidi so‘na boshlagan. So‘nggi chora sifatida u ko‘zida yosh bilan Adliya eshigini taqillatdi.

⚖️ Qumqo‘rg‘on tuman adliya bo‘limi holatni chuqur o‘rganib, qonuniy , vakolat doirasida amaliy harakatni boshladi. Dastlab fuqaroning yashaganlik faktini belgilash bo‘yicha sudga ariza kiritildi. Sud mazkur arizani ko‘rib chiqib, uni qanoatlantirdi.

✅ Sudning hal qiluv qarori asosida esa fuqaroga O‘zbekiston Respublikasi fuqaroligini olish imkoniyati paydo bo‘ldi. Shunday qilib, 30 yillik orzu nihoyat ro‘yobga chiqdi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

❕“BOSS” tovar belgisidan noqonuniy foydalanish holatiga chek qo‘yildi!

✅Adliya organlari tomonidan intellektual mulk huquqlarini samarali himoya qilish hamda intellektual mulk huquqlariga hurmat hissini yanada oshirish maqsadida o‘tkazilayotgan o‘rganishlar va qo‘llanilayotgan ta’sir choralarga qaramasdan hamon o‘zgalarning brendidan ruxsatsiz foydalanish holatlari ko‘plab uchramoqda.

✅Xususan, vazirlik tomonidan “Hugo Boss AG” (Germaniya) kompaniyasining “Boss” tovar belgisiga bo‘lgan huquqlari “D.W.” MChJ tomonidan buzilayotganligi to‘g‘risidagi murojaati ko‘rib chiqildi.

✅O‘tkazilgan tekshiruv natijasida “Boss” tovar belgisidan foydalangan holda ishlab chiqarilgan kontrafakt mahsulotlar “D.W.” MChJ tomonidan sotuvga taklif etib kelinayotganligi aniqlandi.

✅Holat bo‘yicha vazirlik tomonidan “D.W.” MChJga nisbatan tegishli ta’sir chorasi qo‘llanildi hamda sotuv uchun saqlab kelinayotgan 173 dona kontrafakt mahsulotni yo‘q qilish majburiyati yuklandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot