📘 “Xalqaro shartnoma huquqi va investitsiya kelishuvlari” mavzusidagi xalqaro standartlar bo‘yicha professional o‘qitish kurslari boshlandi!

Bugun Adliya vazirligi huzuridagi Yuridik kadrlarni qayta tayyorlash va malakasini oshirish institutida xalqaro darajadagi professional o‘qitish kursining birinchi kuni bo‘lib o‘tdi. Mashg‘ulotlar “Baker Botts (Buyuk Britaniya)” yuridik firmasining hamkorlari — Alistair Wishart va Nabil Khodadad tomonidan olib borildi.

📚 Dastlabki kun mavzulari quyidagilarni qamrab oldi:

🔹 Loyihani amalga oshirish bosqichlari va vaqt jadvali
🔹 Xatarlarni taqsimlash yondashuvi
🔹 EPC shartnomalarini muzokara qilish strategiyasi
🔹 Eng ko‘p muzokara qilinadigan 10 ta masala

Keyingi mashg‘ulotda ishtirokchilar energetika sohasida loyiha moliyalashtirishning o‘ziga xos jihatlari bilan tanishdilar.

🔹 Loyihalarni moliyalashtirishning asosiy xususiyatlari
🔹 Loyiha bilan bog‘liq asosiy xatarlar
🔹 Moliyalashtirish manbalari
🔹 Loyihalarni moliyalashtirish jarayonining bosqichlari
🔹 O‘zbekiston va Turkiya misolidagi amaliy holatlar

Ushbu kurs “White & Case”, “Foley Hoag”, “Squire Patton Boggs”, “Curtis”, “Mayer Brown”, “CMS”, va “Baker Botts” kabi xalqaro miqyosda tan olingan yuridik firmalar ekspertlari ishtirokida o‘tkazilmoqda.

minjusttraining.uz | Facebook | Instagram | Telegram

#Adliya_xabari

Adliya vazirligida “Ochiq eshiklar kuni” tadbiri o‘tkazildi

Adliya vazirligi va uning tizimidagi adliya organlari va muassasalari faoliyati bilan tanishtirish maqsadida Toshkent davlat yuridik universiteti talabalari uchun “Ochiq eshiklar kuni” tadbiri o‘tkazildi.

Talabalar Adliya kutubxonasi, “Adolat ayvoni” innovatsion xonasi, Adliya muzeyi, X.Sulaymonova nomidagi Respublika sud ekspertiza markazi, Yuridik kadrlarni qayta tayyorlash va malakasini oshirish instituti va Chilonzor tuman adliya bo‘limi, davlat xizmatlari markazi faoliyati bilan tanishdilar.

Bugungi tadbirdan ko‘zlangan maqsad vazirlik faoliyatini ochiqlik va shaffoflik prinsiplariga muvofiq yoshlarning huquq sohasiga qiziqishini yanada kuchaytirish, kelajakda talabalarni adliya tizimiga ishga jalb qilishdan iborat.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot