#Adliya_xabari

Bugun, Adliya vaziri o‘rinbosari M. Ikramov boshchiligidagi O‘zbekiston Respublikasi delegatsiyasi London shahrida Buyuk Britaniya Biznes va savdo vazirligi direktori o'rinbosarlari L. Jessop va R. Kempson, shuningdek, "IP Federation" va "Mitsubishi Heavy Industries Group" tashkilotlari vakillari bilan uchrashuv o'tkazdi.

Uchrashuvda Biznes va savdo vazirligi vakillari Jahon savdo tashkilotining muhim shartnomalaridan biri bo'lgan Intellektual mulk huquqlarining savdo jihatlari bo‘yicha bitim (TRIPS) asosiy talablariga O'zbekiston milliy qonunchiligini uyg'unlashtirish ishlari to'liq yakunlanganligini yuqori baholadi.

Shu o'rinda tomonlar yangi joriy etilgan mexanizmlarni samarali amalga oshirishda mutaxassislarning bilim va malakasini oshirish muhim ahamiyat kasb etishini inobatga olgan holda, ushbu yo'nalishda sud va huquqni muhofaza qiluvchi organlar vakillari, shuningdek, kontrafakt mahsulotlarni xatlash, musodara qilish, huquqbuzarlik oqibatida yetkazilgan zarar miqdorini aniqlash bo'yicha qo'shma seminar-treninglar tashkil etishga kelishib olindi.

Shuningdek, delegatsiya a'zolari tomonidan "IP Federation" tashkiloti faoliyati bilan tanishilib, zamonaviy intellektual mulk obyektlarini muhofaza qilish amaliyoti o'rganildi va "Mitsubishi Heavy Industries Group"ning intellektual mulk huquqlarini O'zbekistonda himoya qilish bo‘yicha hamkorlik qilish masalalari muhokama qilindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Bilib_oling

Homiylik xayriyalarini yig'ish tartibi aniq belgilandi.

(Ushbu tartib Qonun kuchga kirgan kundan e’tiboran uch oy o‘tgаch amalga kiritiladi.)

Manba: O'RQ–1083-son, 21.08.2025-yil

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

✅#Adliya_xabari

Adliya vazirligi ishchi guruhi Samarqandda

✅Ishchi guruh a’zolari dastlab Samarqand shaharining “Ko‘l” mahallasida bo‘lib, “mahalla yettiligi” vakillari bilan ochiq muloqot o‘tkazdi.

✅ Uchrashuvda O‘zbekiston Respublikasi Prezidentining 2025-yil 8-sentyabrdagi PF–160-son hamda 2024-yil 24-maydagi PF-80-son Farmonlari ijrosi yuzasidan amalga oshirilayotgan chora-tadbirlar muhokama etildi.

✅Shuningdek, mahalla yettiligiga yaqinda qabul qilingan qonunchilik hujjatlari yetkazilganligi,  mahallada “@adliyaxabar_bot”ga ulanish ishlari yo‘lga qo‘yilgani, aholi uchun “Adliya burchagi” tashkil etilgani va bu orqali huquqiy axborotdan keng foydalanish imkoniyati yaratilgani diqqat markazda bo‘ldi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#adliya_xabari

Adliya vaziri o'rinbosari Muzraf Ikramov xizmat safari bilan Qashqadaryo viloyatida bo’ldi.

Xizmat safar doirasida Qarshi shahrida xususiy amaliyot bilan shug'ullanuvchi notariuslar faoliyati o’rganilib, notarial idoralar hamda aholiga ko'rsatilayotgan huquqiy xizmatlar bilan yaqindan tanishdi.

Shuningdek, O‘zbekiston Respublikasi Prezidentining 2025-yil 9-sentabrdagi PQ-280-son qarorida belgilangan vazifalar ijrosi hamda amaliy samaradorligi tahlil qilindi.

Uchrashuvlar davomida mas'ul rahbarlar va notariuslar ishtirokida huquqiy xizmatlarning sifatini oshirish, fuqarolarga qulaylik yaratish va tizimda shaffoflikni ta'minlash masalalari muhokama qilindi.


Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot