#tabrik

Adliya vazirligi xodimi dunyoning eng nufuzli oliy ta’lim muassasalariga o’qishga qabul qilindi.

Adliya vazirligi Xalqaro huquqiy hamkorlik va xalqaro reytinglar boshqarmasi katta maslahatchisi O‘tki̇rbek Rivojiddinov AQShning Garvard, Kolumbiya va Nyu-York universitetlari, shuningdek, Buyuk Britaniyaning Kembridj hamda Oksford universitetlari tomonidan huquq magistratura (LL.M.) dasturlariga o’qishga qabul qilindi.

O‘tki̇rbek Rivojiddinov 2024-yilda Toshkent davlat yuridik universitetini tamomlab, universitet bitiruvchilari orasida eng yuqori natijalar ko‘rsatgan besh nafar talabadan biri bo‘lgan. Talabalik davrida u xalqaro huquq sohasida AQSh, Germaniya, Fransiya va Shvetsiyada O‘zbekiston nomidan turli xalqaro tanlov va anjumanlarda ishtirok etib, salmoqli yutuqlarga erishgan.

U “TDYU stipendiyasi”, “Adliya vazirligi stipendiyasi”, “Islom Karimov nomidagi davlat stipendiyasi” va “JACAFA” xalqaro stipendiyasi kabi bir qator nufuzli stipendiyalar sohibi hamda 3-darajali yurist hisoblanadi.

Adliya vazirligidagi mehnat faoliyati davomida O‘tki̇rbek xalqaro huquqiy tashkilotlar, yetakchi xorijiy yuridik firmalar bilan hamkorlik aloqalarini yo‘lga qo‘yish, mamlakatimizning xalqaro reytinglardagi o‘rnini mustahkamlash hamda milliy qonunchilikni xalqaro standartlarga moslashtirish borasida samarali hissa qo‘shdi.

O‘tki̇rbek QS World University Rankings huquq (Law & Legal Studies) yo’nalishi bo’yicha dunyoda 1-bo’lgan Garvard universitetidan 100 foizlik grant yutib o’z akademik yo‘lini aynan shu nufuzli dargohda davom ettirishga qaror qilgan.

Adliya vazirligi jamoasi O‘tki̇rbekka kelgusi faoliyatida ulkan zafarlar va muvaffaqiyatlar tilaydi!

Telegram | Instagram | Facebook | YouTube | Bot

#Adliya_xabari

"Xodimlarning mehnat huquqlari kafolati" huquqiy aksiyasida 1811 nafar xodimning huquqi tiklanib, 2 milliardga yaqin pul mablagʻi undirildi.

Adliya vazirligi tomonidan shu yilning 10-iyunidan – 31-iyul kuniga qadar "Xodimlarning mehnat huquqlari kafolati" huquqiy aksiya oʻtkazildi. Ushbu aksiya aholining mehnat huquqlari borasidagi huquqiy bilimlarini oshirish, ish beruvchi va xodimlar oʻrtasida qonuniy munosabatlarni mustahkamlash, shuningdek, noqonuniy mehnat munosabatlariga barham berishga qaratilgan.

👉 Batafsil

Telegram | Instagram | Facebook | YouTube | Bot

#OAV_biz_haqimizda

Adliya vaziri o'rinbosari Maxmud Istamov Farg'ona viloyatida faoliyat yuritayotgan tadbirkorlar bilan uchrashdi

✅Sayyor qabul shaklida tashkillangan ushbu uchrashuvning asosiy maqsadi - tadbirkorlarni qiynayotgan huquqiy masalalarni o‘rganish, ularning faoliyatida duch kelayotgan to‘siq va muammolarni bartaraf etishda amaliy yordam ko‘rsatishdan iborat bo‘ldi.

✅Marg'ilon shahridagi "Hunarmandlar markazi"da bo'lib o'tgan muloqot davomida tadbirkorlar bir qator masalalarning ijobiy yechimiga doir takliflarni bildirdilar.

✅Muloqot davomida 50 ga yaqin tadbirkorlik subyektlari ishtirok etib, mas'ullar tomonidan 40 dan ortiq tadbirkorlarning murojaati qabul qilindi, shundan 16 nafar murojaatchining muammolari joyida hal etildi, 15 tasiga huquqiy tushuntirish berildi, o'rganish talab etilgan 9 ta murojaat koʻrib chiqish uchun ish yurituviga qabul qilindi.

Batafsil lavhada

Telegram | Instagram | Facebook | YouTube | Bot

KITOB TAJRIBASI

Davlat xizmatlari markazlarida fuqarolar uchun yaratilayotgan qulayliklar kundan-kunga kengaymoqda.

Kitob tumanidagi markazda esa bir qator yangi imkoniyatlar joriy etilib, bu tajriba boshqa hududlar uchun ham o‘rnak bo‘lishi mumkin.

Batafsil rolikda

Telegram | Instagram | Facebook | YouTube | Bot

🧠 Parkinson kasalligini davolashga qaratilgan yangi ixtiro patentlandi!

📌 “Akademik S. Yu. Yunusov” nomidagi O‘simlik moddalari kimyosi instituti tomonidan yaratilgan “Parkinson kasalligini davolash uchun vosita” nomli ixtiro IAP 8162-son bilan davlat ro‘yxatidan o‘tkazildi.

🌿 Ushbu vosita tarkibida tikanakli kavar (Capparis spinosa L.) kurtaklari va pishmagan mevalaridan olingan ekstrakt mavjud bo‘lib, uning asosiy komponentlari:
✔️ Polisaxaridlar (30–35%)
✔️ Flavonoidlar (5–10%)
✔️ Suvda eruvchan oqsillar (20–25%)

🔬 Vosita Parkinson kasalligini oldini olish va davolashda qo‘llaniladi hamda kam nojo‘ya ta’sirga ega.

ℹ️ Parkinson kasalligi — markaziy asab tizimining surunkali xastaligi bo‘lib, titroq, qotib qolish, harakat cheklanishi kabi belgilar bilan kechadi.

📄 Esingizda bo‘lsin: har qanday yangi, sanoatda qo‘llanilishi mumkin bo‘lgan texnik yechim ixtiro sifatida huquqiy muhofazaga ega bo‘ladi.

Telegram | Instagram | Facebook | YouTube | Bot

#adliya_xabari

O‘zbekiston Respublikasi Prezidentining “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida” 2024-yil 26-avgustdagi PF–124-son Farmoni bilan fuqarolik jamiyati institutlariga tegishli soha va tarmoqlarda mavjud muammolarning ta’sirchan yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini olish to‘g‘risida manfaatdor davlat organiga taklif kiritish huquqi berildi.

batafsil tugmasini bosing

Telegram | Instagram | Facebook | YouTube | Bot

"Madad" NNT va TIKA o‘rtasida muhim hamkorlik uchrashuvi bo‘lib o‘tdi!

Bugun "Madad" NNT ijrochi direktori Sh.Saidov Turkiya hamkorlik va taraqqiyot agentligi (TIKA)ning O‘zbekistondagi vakolatxonasi rahbari Esin Adjar Ergin xonim bilan kelgusi hamkorliklar yuzasidan uchrashuv o‘tkazdi.

👉 Batafsil: www.advice.uz