✅Adliya vaziri BMT konferensiyasi doirasida xalqaro uchrashuvlarda ishtirok etdi.

🔹Turkmanistonning Avoza shahrida bo‘lib o‘tayotgan BMTning dengizga chiqish imkoniyati bo‘lmagan rivojlanayotgan mamlakatlar bo‘yicha III konferensiyasi (LLDC3) doirasida O‘zbekiston Respublikasi adliya vaziri Akbar Tashkulov qator muhim uchrashuvlarda qatnashdi.

🔸Adliya vaziri A.Tashkulov forumdagi chiqishida fuqarolik jamiyatining ijtimoiy-iqtisodiy islohotlardagi o‘rni, mintaqaviy integratsiya va iqlim barqarorligiga erishishdagi ahamiyati, shuningdek, fuqarolik tashabbuslari orqali tizimli muammolarni hal qilish zarurligini ta’kidladi.

❗️Akbar Tashkulov: Fuqarolik jamiyati bu shunchaki hamkor emas. Bu davlat va xalq o‘rtasidagi ko‘prik. Bu – muammolar bilan birinchi bo‘lib to‘qnash kelganlarning ovozidir. Aynan fuqarolik tashabbuslari tizimli muammolar haqida birinchi bo‘lib bong uradi, innovatsiyalarni ilgari suradi va davlatlarni inson ehtiyojlariga yaqinlashtirishga yordam beradi. O‘zbekistonda bunday tashabbuslarni amalga oshirish uchun barcha zarur shart-sharoitlar yaratilgan

✅Shuningdek, Turkmaniston adliya vaziri Merettagan Taganov bilan uchrashuv o‘tkazildi. Tomonlar 2022-yilda qabul qilingan hamkorlik dasturining muvaffaqiyatli yakunlanganini qayd etib, yangi dastur loyihasi doirasida quyidagi yo‘nalishlarda hamkorlikni kuchaytirishga kelishib oldilar:
▪️ adliya tizimini raqamlashtirish;
▪️ sun’iy intellekt texnologiyalarini joriy qilish;
▪️ advokatura va mediatsiya rivoji;
▪️ yuridik kadrlar tayyorlash borasida tajriba almashish.

🔹Uchrashuvda, shuningdek, Markaziy Osiyo va boshqa rivojlangan davlatlarning adliya organlari bilan ko‘p tomonlama hamkorlikni kengaytirish masalalari ham muhokama qilindi.

Telegram | Instagram | Facebook | YouTube | Bot

#Kitob_ulash
#Ziyo_ulash

Kitob bering, kitob oling — ziyo ulashing

Butun respublika boʻylab Adliya vazirligining “Ziyo ulash” aksiyasi davom etmoqda. Yagona sharti: oʻqib boʻlgach, boshqaga bering.

Ushbu loyiha doirasida Namangan tumani adliya boʻlimi davlat xizmatlari markazida ham tizimda faoliyat olib boruvchi xodimlar hamda ushbu tashkilotlarga kelgan aholi tomonidan markazlarga ixtiyoriylik asosida kitoblar taqdim etilmoqda.

O’zbek futboli afsonasi Odil Ahmedov Namangan tumani adliya bo’limi davlat xizmatlari markazi tashrif buyurib ziyo ulash loyihasi doirasida markaz kutubxonasi uchun huquqiy, ma'naviy hamda sport sirlariga oid kitoblarni sovg'a qildi.

Adliya vazirligi tashabbusini qo’llab-quvvatlab, yoshlarni kitob o’qishga chaqirdi.

Telegram | Instagram | Facebook | YouTube | Bot

Adliya vazirligida ro'yxatdan o'tkazilgan navbatdagi tovar belgilari bilan tanishing.

Brend - kompaniya nufuzi, mahsuloti haqida ma'lumot berib, iste'molchi e'tiborini jalb qiladi. Ayniqsa tovar nomi jarangdor bo'lsa yanada yaxshi, chunki Sizning mahsulotingiz boshqalarnikidan ajralib turadi.

🔹Yuqoridagi rasmda "EVRIKA", "TASTELLA", "SUSHi MOTO" kabi tovar belgilarini ko'rishingiz mumkin.

Ⓜ️ Tovar belgisini ro‘yxatdan o‘tkazish brendni himoya qilish va biznesni rivojlantirish uchun muhim omildir.

🧐 Unutmang tovar belgisi BIRINCHI BO'LIB HUJJAT TOPSHIRGAN shaxs nomiga rasmiylashtiriladi.

📘 "Tovar belgilari, xizmat koʼrsatish belgilari va tovar kelib chiqqan joy nomlari toʼgʼrisida"gi qonunga binoan tovar belgisi guvohnomasi 10 yil muddatga beriladi.

🌐 Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

Telegram | Instagram | Facebook | YouTube | Bot