✅2025-yil 2-chorak yakunlariga ko'ra, Davlat xizmatlari markazlarining ko'rsatkichlari.

🔹Davlat xizmatlari markazlari tomonidan ko‘rsatilgan xizmatlar bo'yicha o'rtacha bahosi eng yuqori bo'lgan hududlar:
1. Surxondaryo viloyati – 99,99 %
2. Farg‘ona viloyati – 99,99 %
3. Samarqand viloyatlari – 99,99 %

🔹Ko‘rsatilgan xizmatlar o'rtacha bahosi eng yuqori bo'lgan davlat xizmatlari markazlari:
1. Farg‘ona viloyati, So‘x tumani – 99,99 %
2. Jizzax viloyati, Do‘stlik shahri – 99,99 %
3. Namangan viloyati, Namangan shahri – 99,99 %

🔸Ko‘rsatilgan davlat xizmatlari bo‘yicha o‘rtacha bahosi eng quyi bo‘lgan hududlar:
1. Qashqadaryo viloyati – 97,24 %
2. Toshkent shahri – 98,91 %
3. Jizzax viloyati – 98,98 %

🔸Ko‘rsatilgan xizmatlar bo'yicha o'rtacha bahosi eng quyi bo'lgan davlat xizmatlari markazlari:
1. Surxondaryo viloyati, Qiziriq tumani – 20,09 %
2. Farg‘ona viloyati, Quva tumani – 84,03 %
3. Jizzax viloyati, Arnasoy tumani – 87,08 %

Telegram | Instagram | Facebook | YouTube | Bot

#Huquqiy_aksiya

✅"Hech bir shaxs hujjatsiz qolmaydi" aksiyasi Tamara Vasilyevna Volinkinaning hayotida burilish yasadi.

🔹Sirdaryo viloyati, Yangiyer shahridagi yotoqxonada yolg‘iz yashab kelayotgan Tamara Valinkina hech qachon shaxsni taqdiqlovchi hujjatga ega bo‘lmagan.

🔸Yangiyer shahar FHDY bo‘limining amaliy yordami bilan unga tug‘ilganlik guvohnomasi rasmiylashtirib berildi hamda bu hujjat asosida Tamara opa 70 yoshdan oshganida o‘z pasportiga ega bo‘ldi.

Telegram | Instagram | Facebook | YouTube | Bot

#Adliya_xabari

📌Davlat aktivlari agentligi direktorining “Davlat va davlat ishtirokidagi korxonalarning ko‘chmas mulk obyektlarini O‘zbekiston Respublikasi Savdo-sanoat palatasi hududiy bo‘linmalarining onlayn-buyurtmanomasiga asosan to‘g‘ridan-to‘g‘ri elektron onlayn-auksion savdolariga chiqarish tartibi to‘g‘risidagi nizomni tasdiqlash haqida”gi buyrug‘i (ro‘yxat raqami 3644, 2025-yil 7-iyul) davlat ro‘yxatidan o‘tkazildi.

✅Ushbu hujjat bilan Davlat va davlat ishtirokidagi korxonalarning ko‘chmas mulk obyektlarini O‘zbekiston Respublikasi Savdo-sanoat palatasi hududiy bo‘linmalarining onlayn-buyurtmanomasiga asosan to‘g‘ridan-to‘g‘ri elektron onlayn-auksion savdolariga chiqarish tartibi to‘g‘risidagi nizom tasdiqlandi.

🔹Unga ko‘ra, Savdo-sanoat palatasining hududiy bo‘linmalari tomonidan hududlardagi ko‘chmas mulk obyekti bo‘yicha qisqacha ma'lumotlarni (obyektning to‘liq manzili, fotosuratlari, aniq geopozitsiyasi, obyektdan kelgusida samarali foydalanish bo‘yicha taklifi) Davlat aktivlari agentligining “Davlat mulki” axborot tizimiga kiritiladi va obyektni onlayn-auksion savdolariga chiqarish bo‘yicha elektron buyurtmanoma yuboriladi.

🔹Elektron buyurtmanoma uch ish kuni ichida Davlat aktivlari agentligining hududiy boshqarmalari mas'ul xodimlari tomonidan ko‘chmas mulk obyektini joyiga chiqqan holda taqdim etilgan ma'lumotlar o‘rganiladi.

🔹Bunda, Davlat aktivlari agentligi hududiy boshqarmalarining mas'ul xodimlari o‘rganish jarayonida davlat hamda davlat ishtirokidagi korxonalardan ko‘chmas mulk obyekti to‘g‘risidagi ma'lumotlarni so‘rab oladi.

🔹Ko‘chmas mulk obyektini elektron onlayn-auksion savdolariga chiqarilganligi yoki rad etilganligi to‘g‘risida bir ish kuni ichida axborot tizimi orqali Savdo-sanoat palatasining hududiy bo‘linmalariga xabar yuboriladi.

🔹Davlat ko‘chmas mulk obyektini elektron onlayn-auksion savdolariga chiqarish to‘g‘risida qaror qabul qilinganda uch ish kuni ichida Davlat aktivlari agentligining hududiy boshqarmalari ko‘chmas mulk obyektini savdoga chiqarish to‘g‘risida tegishli buyruq qabul qiladi va ko‘chmas mulk obyektini to‘g‘ridan-to‘g‘ri elektron onlayn-auksionga chiqarish choralarini ko‘radi.

🔹Davlat ishtirokidagi korxonalarga tegishli ko‘chmas mulk obyektini elektron onlayn-auksion savdolariga chiqarish masalasi tegishli boshqaruv organlarida ko‘rib chiqiladi va bu haqida Davlat aktivlari agentligining hududiy boshqarmalariga tegishli javob xati yuboriladi.

Telegram | Instagram | Facebook | YouTube | Bot

#Mualliflik_huquqi

✅Xonanda Botir Qodirov mualliflik huquqini buzganligi uchun shoir Shamsiddin Sadoiyga jami 132 million so‘m miqdorida tovon puli va ma’naviy zarar to‘laydi

✅ Joriy yilning iyun oyida shoir Shamsiddin To'rayev tomonidan fuqarolik ishlari bo‘yicha Uchtepa tumanlararo sudiga mualliflik huquqlari buzilishiga chek qo‘yish, ya’ni mualliflik huquqi buzilishi natijasida yetkazilgan ma’naviy zarar va tovon puli (kompensatsiya) undirish to‘g‘risidagi da’vo arizasi kiritilgan.

✅Mazkur da’vo arizasi bo‘yicha fuqarolik ishi ko‘rib chiqilib, sudning hal qiluv qaroriga asosan javobgar Botir Qodirovdan da’vogar To‘rayev Shamsiddin Xo‘jayevichning foydasiga BHMning 300 barobari ya'ni 112.500.000 so'm miqdorida tovon puli hamda 20.000.000 so'm ma'naviy zarar undirilishi belgilandi.

✅Shuningdek, javobgar Botir Qodirov zimmasiga da’vogar Shamsiddin To‘rayevga muallifligidagi "Davlating borida”, “Omonat” va “Tingla do‘stim” nomli qo'shiqlar ijrosini efirga uzatish, barcha ijtimoiy tarmoqlarga joylashtirish, O‘zbekiston Respublikasidagi barcha davlat va nodavlat teleradiokanallarda, ijtimoiy tarmoqlar va boshqa platformalarda har qanday tarzda foydalanishni darhol to‘xtatish (qat’iy taqiqlash) majburiyati yuklatildi.

‼️Ma’lumot uchun, qonunchilikka muvofiq muallif huquqbuzardan zarar qoplanishi o‘rniga bazaviy hisoblash miqdorining 20 baravaridan 1000 baravarigacha miqdorda tovon to‘lashini talab qilishga haqli hisoblanadi.

Telegram | Instagram | Facebook | YouTube | Bot

#intellektual_mulk
#jonli_efir

✅Adliya vaziri Akbar Tashkulov boshchiligidagi delegatsiya Shveysariyaning Jeneva shahrida bo‘lib o‘tayotgan Butunjahon Intellektual Mulk Tashkiloti (BIMT) a’zo davlatlari Assambleyalarining 66-seriyasi yig‘ilishlarida ishtirok etmoqda.

🔹Mazkur tadbirda a’zo davlatlar tomonidan BIMT faoliyatidagi yutuqlar, mavjud global muammolar, sohada erishilgan natijalar muhokamasi va istiqbolli siyosiy yo‘nalishlar yuzasidan qarorlar qabul qilish, shuningdek, 2026-yilda BIMT Bosh Direktorini saylash bo‘yicha memorandum muhokamasi kun tartibiga kiritilgan.

🔸Shu bilan birga, BIMTning mualliflik huquqi, patentlar genetik resurslar va anʼanaviy bilimlar bo‘yicha qo‘mitalar yig‘ilishi, intellektual mulk obyektlarini ro‘yxatdan o‘tkazish bo‘yicha xalqaro tizimlar, xususan, tovar belgilari bo‘yicha Madrid, patentlar bo‘yicha PCT, sanoat namunalari bo‘yicha Gaaga, shuningdek, Tovar belgilari qonunlari to‘g‘risidagi Singapur shartnomasi assambleyasi yig‘ilishi va Markaziy Osiyo, Kavkaz va Sharqiy Yevropa davlatlar ishchi guruhining yig‘ilishlari bo‘lib o‘tadi.

❗️Assambleya yig‘ilishlari joriy yilning 8 – 17- iyul kunlari bo‘lib o‘tadi.

Jonli efirni tomosha qilish uchun quyidagi link ustiga bosing👇🏻 https://webcast.wipo.int/video-live/A_66_2025-07-08_AM_125431

Telegram | Instagram | Facebook | YouTube | Bot

#adliya_aralashgach

✅O'rmon xo'jaligi xodimlarining 167 million so'mlik ustama pullari undirib berildi

🔹Qamashi tuman adliya bo'limi tomonidan o'tkazilgan sayyor qabullar chog‘ida Qamashi tuman davlat o‘rmon xo‘jaligida faoliyat yurituvchi 6 nafar xodim o‘zlariga har oy to‘lanishi kerak bo‘lgan lavozim ustama pullari berilmayotganidan shikoyat qildi. Murojaat adliya bo‘limi tomonidan atroflicha o‘rganildi.

🔸Aniqlanishicha, ushbu xodimlarga mehnat stajiga mos ravishda to‘lanishi lozim bo‘lgan ustamalar — jami 167 million so‘mdan ortiq mablag‘ — bir necha oy davomida to‘lanmagan.

🔹Qamashi tuman adliya bo‘limi fuqarolarga ushbu masalada huquqiy yordam ko‘rsatib, FIB Yakkabog‘ tumanlararo sudiga da’vo arizasi kiritdi. Sudning qarori bilan xodimlarning huquqlari tiklandi, ularga to‘lanmay qolgan barcha pullar to‘liq undirib berildi.

🔸 Bu — fuqarolar manfaatini himoya qilish yo‘lida adliya organlarining amaliy ishlari natijasidir. Bugungi kunda ham bu boradagi faoliyat izchil davom ettirilmoqda.

Telegram | Instagram | Facebook | YouTube | Bot