#Adliya_xabari

Xalqaro ekspert ishtirokida kontrafaktga qarshi kurashish boʻyicha seminar boʻlib oʻtdi

“Kontrafaktsiz oy” oyligi davomida bugun, 12-mart kuni Adliya vazirligida Schmitt & Orlov intellektual mulkni himoya qilish tashkiloti xalqaro eksperti P. Medvedov tomonidan kontrafakt mahsulotlarni aniqlash boʻyicha seminar oʻtkazildi.

Tadbirda Intellektual mulk departamenti, onlayn tarzda bojxona, Iqtisodiy jinoyatlarga qarshi kurashish departamenti hamda hududiy adliya organlari xodimlari ishtirok etdi.

Seminar davomida P. Medvedov tomonidan alkogol mahsulotlari, ASICS, Gucci, Adidas, Calvin Klein, Hugo Boss, Swaroski kabi bir qator tovar belgilarining kontrafaktlarini aniqlash, asl mahsulotni kontrafakt mahsulotdan farqlab olishda eʼtibor qaratilishi lozim boʻlgan jihatlar hamda huquq egalari bilan oʻzaro maʼlumot almashish usullari toʻgʻrisida maʼlumotlar berib oʻtildi.

📌 Kanalga ulanish

#Adliya_xabari

Adliya vazirligi tashabbusi bilan ishlab chiqilgan yangi tahrirdagi “Mas'uliyati cheklangan jamiyatlar to‘g‘risida”gi qonun loyihasi Oliy Majlis Qonunchilik palatasining navbatdagi yalpi majlisida ko‘rib chiqilib, deputatlar tomonidan birinchi o‘qishda qabul qilindi.

Ushbu qonun loyihasi mamlakatimizda tadbirkorlik subyektlarini har tomonlama qo‘llab-quvvatlash, shu jumladan bozor tamoyillariga asoslangan zamonaviy korporativ munosabatlarni joriy qilishga qaratilgan.

Hujjat bilan endilikda jamiyatlar nafaqat litsenziya, balki boshqa ruxsat etuvchi hujjatlar va xabardor qilish tartibida faoliyat turlari bilan, shuningdek, ta'sis hujjatlarida ko‘rsatilmagan faoliyat bilan ham shug‘ullanishi mumkin bo‘ladi.

Shuningdek, mas'uliyati cheklangan jamiyatlarning filiali va vakolatxonalarini, shu‘ba va qaram xo‘jaliklarini ochish tartibi, kuzatuv kengashining vakolatlari hamda kengashi a'zolarini saylash tartibi hamda jamiyat ishtirokchilarining huquqiy kafolatlariga oid qoidalar takomillashtirilmoqda.

Mazkur qonun loyihasining qabul qilinishi jamiyat ishtirokchilari huquqlari va qonuniy manfaatlarining kafolatlarini yanada mustahkamlashga, qonunchilikka zamonaviy korporativ munosabatlarini joriy qilishga hamda mamlakatimizning investitsiyaviy muhitini yaxshilashga xizmat qiladi.

📌 Kanalga ulanish

#Adliya_xabari

Adliya vaziri Chimboy tumanida sayyor qabul oʻtkazdi

Aholini qiynab kelayotgan huquqiy muammolarga yechim topish maqsadida adliya vaziri Akbar Toshqulov tomonidan Chimboy tumanida sayyor qabul oʻtkazildi. Unda boshqa davlat idoralari va tashkilotlari rahbarlari ham qatnashdi.

Sayyor qabulda fuqarolarning mehnat nizolari, kadastr, shaxsni tasdiqlovchi hujjatlar va fuqarolik holati dalolatnomalarini rasmiylashtirish, bandlik, ijtimoiy himoya va boshqa bir qator masalalar boʻyicha murojaatlar qabul qilindi.

Murojaatlarning 8 tasi joyida hal qilindi, 14 nafar fuqaroning murojaati oʻrganib chiqish uchun ish yurituviga olindi. Shuningdek, 20 dan ortiq sayyor davlat xizmatlari koʻrsatildi.

📌 Kanalga ulanish