Adliya vaziri oʻrinbosari A.Karimov Toshkent viloyatida tadbirkorlarning huquqiy muammolarini oʻrgandi

Xususan, vazir o‘rinbosari Chinoz tumanida joylashgan “Right Pak” MCHJ faoliyati bilan yaqindan tanishib korxona mas'ullari bilan uchrashuv o‘tkazdi. Uchrashuvda ishlab chiqarishni yanada kengaytirishga qaratilgan qonunchilikdagi mavjud imkoniyat va preferensiyalar, imtiyozli kreditlar, subsidiyalar haqida batafsil tushuntirish berildi.

Shuningdek, korxona faoliyatidagi mavjud huquqiy muammolar muhokama qilindi. Muloqot davomida bildirilgan qonunchilikka takliflar kelgusida batafsil oʻrganilib, tadbirkorlik faoliyatida vujudga kelayotgan tizimli muammolarni hal etish boʻyicha zaruriy chora-tadbirlar koʻrilishi bildirib oʻtildi.

📌 Kanalga ulanish

#Adliya_va_sport

Adliya vaziri o‘rinbosari Xudoyor Meliyev “Jismoniy tarbiya va sport aʼlochisi” ko‘krak nishoni bilan taqdirlandi

Xabar berganimizdek, 25–26-noyabr kunlari Toshkentdagi “Paxtakor” stadioni Yengil atletika sport majmuasida Adliya vazirligi xodimlari “Jismoniy tayyorgarlik darajasi” sport sinovlaridan oʻtdi.

Sport sinovlarining maqsadi — aholining barcha qatlamlari o‘rtasida jismoniy tarbiya va sportni ommalashtirish orqali ularning jismoniy qobiliyati va harakat faolligini takomillashtirish, mehnatga layoqatini oshirish, zararli odatlar hamda turli kasalliklarning oldini olish va sog‘lom turmush tarzi ko‘nikmalarini shakllantirishdan iborat.

Sinovlarda 23 ta vazirlik, yuqori turuvсhi respublika tashkilotlarning 544 nafar xodimlari ishtirok etib, ulardan 208 nafari maxsus talablar bo‘yicha (I daraja: 65 nafar, II daraja: 87 nafar, III daraja: 56 nafar) va 133 nafari ixtiyoriy talablar bo‘yicha (I daraja: 25 nafar, II daraja: 69 nafar, III daraja: 39 nafar) natija qayd etdi.

Xodimlarining ishtiroki hamda ular tomonidan qayd etilgan natijalarning yuqoriligi bilan Adliya vazirligi kuchli uchlikdan o‘rin egalladi (13 nafar xodimdan 2 nafari I daraja, 8 nafari II daraja, 3 nafari III daraja).

Vazirlikning markaziy apparati xodimlari bilan bir qatorda adliya vaziri o‘rinbosari Xudoyor Meliyev “shaxsiy nаmuna” tamoyili asosida sport normativlarini topshirdi.

Bugun, 24-dekabr kuni Sport vazirligi tomonidan sport sinovlarini tashkil etishda ko‘rsatgan faolligi uchun adliya vaziri o‘rinbosari Xudoyor Meliyev “Jismoniy tarbiya va sport aʼlochisi” ko‘krak nishoni bilan taqdirlandi.

Eslatib o‘tamiz, aholi jismoniy tayyorgarlik darajasini baholash tizimi 2021-yil 16-iyundagi Prezident Farmoniga asosan joriy etilgan.

📌 Kanalga ulanish

#Adliya_xabari

Maktablarda huquqiy fanlarni oʻqitilishini yanada takomillashtirish yuzasidan davra suhbati oʻtkazildi

Huquqiy taʼlimning holatini tahlil qilish, uni yaxshilash boʻyicha takliflar ishlab chiqish, huquq sohasidagi taʼlim ishlarining uslubiy jihatdan taʼminlanishini tashkil etish Adliya vazirligining asosiy vazifalaridan biri hisoblanadi.

Ushbu vazifalar ijrosini ta'minlash doirasida bugun, 24-dekabr kuni Adliya vazirligida davra suhbati tashkil etildi. Tadbirda Maktabgacha va maktab taʼlimi vazirligi, Ichki ishlar vazirligi, “Taʼlim sohasidagi loyihalar markazi” loyiha ofisi, Kriminologiya tadqiqot instituti, Respublika taʼlim markazi, Toshkent davlat yuridik universiteti masʼul xodimlari, huquq fani oʻqituvchilari hamda darsliklar mualliflari ishtirok etdi.

Soha mutaxassislari umumiy oʻrta taʼlim muassasalarida oʻqitiladigan huquqiy fanlarni tahlil qilish va ularni yanada takomillashtirish masalalari muhokama qilib, taklif va tavsiyalar asosida kelgusidagi vazifalarni aniq belgilab oldi.

Shuningdek, umumiy oʻrta taʼlim muassasalarida oʻqitilayotgan huquqiy fanlar va kurslarni oʻquvchilarning yoshi, psixofiziologik xususiyatini eʼtiborga olib, kundalik hayotda toʻqnash keladigan huquqiy vaziyat va muammolarni oddiy, sodda tilda, turli illyustratsiyalar koʻrinishida huquqiy fanlardan innovatsion yangi avlod darsliklarini tayyorlash taʼkidlab oʻtildi.

Tadbirda bildirilgan taklif va tavsiyalar huquqiy darslik va oʻquv qoʻllanmalarini zamon talablari asosida takomillashtirish hamda ularning yangi avlodini yaratish, oʻquv dasturlarini ilgʻor xorijiy tajriba asosida yanada takomillashtirishga xizmat qiladi.

📌 Kanalga ulanish