#LexAi_taqdimoti

Mutaxassis taassuroti

Milliy qonunchilik bazasi platformasi asosida sunʼiy intellektning yaratilishi juda katta voqea va bu ish beradi.

Kamoliddin Bahouddinov,
advokat

📌 Kanalga ulanish

#Eslatma

Adliya vazirligining Instagram, Facebook ijtimoiy tarmog‘idagi sahifalari hamda “Adliya yangiliklari” Telegram kanali rasmiy maqomga ega.

❗️Sahifalarning nomidagi maxsus belgi (✔️) orqali ularni oson ajratib olishingiz mumkin.

Adliya vazirligining ijtimoiy tarmoqlardagi sahifalarini va Telegram messenjeridagi kanallarini eslatib o‘tamiz:

📱 Telegram
@adliyangiliklari
@huquqiyaxborot
@huquqiyaxborot_lotin (lotin)
@pravoinf (rus)
@leginf (ingliz)

📱 Facebook
https://www.facebook.com/minjustuz

📱 Instagram
https://www.instagram.com/adliyanews

📱 Youtube
https://www.youtube.com/c/Adliya

📱 X (Twitter)
https://x.com/MinjustUzb

Axborotni ishonchli manbalardan oling!

🖥 Kanalga ulanish

#Qonunchilikdagi_yangiliklar

Advokatlik tuzilmalari tomonidan statistik ma'lumotlarni taqdim qilish tartibi belgilandi

Adliya vazirligi tomonidan "Advokatlik tuzilmalari tomonidan statistik ma'lumotlarni taqdim qilish tartibi to'g'risida"gi nizom (roʻyxat raqami 3588, 2024-yil 23-dekabr) davlat roʻyxatidan oʻtkazildi.

Ushbu Nizomga ko'ra, faoliyat yuritayotgan advokatlik tuzilmalari tomonidan statistik ma'lumotlar har bir hisobot davri uchun taqdim etiladi.

Advokatlik tuzilmalari tomonidan taqdim etiladigan statistik hisobotda advokatlarga oid ma'lumotlar (uning yoshi, jinsi, staji, ilmiy darajasi), advokatlik tuzilmasining xodimlari, ko'rsatilgan yuridik yordam turlariga oid ma'lumotlar (tergovga qadar tekshiruvda, surishtiruvda, dastlabki tergovda ko'rsatilgan yuridik yordamlar), yuridik yordam olgan shaxslar haqida ma'lumot, tuzilgan bitimlar (shartnomalar), rasmiylashtirilgan orderlar soni ko'rsatiladi.

Advokatlik tuzilmalari tomonidan statistik ma'lumotlarni taqdim qilish tartibi:

Advokatlik tuzilmasi rahbari tomonidan statistik ma'lumotlar "Yuridik yordam" axborot tizimi (Tizim) orqali advokatlik tuzilmasi joylashgan joydagi Advokatlar palatasining hududiy boshqarmasiga birinchi hisobot davri uchun 10 iyul sanasiga qadar, ikkinchi hisobot davri uchun kelgusi yilning 10 yanvar sanasiga qadar taqdim etiladi.

Advokat advokatlik tuzilmasidan chiqqan taqdirda, uning advokatlik tuzilmasidan chiqquniga qadar amalga oshirilgan faoliyatiga oid statistik ma'lumotlar taqdim etilishi kerak.

Statistik ma'lumotlar to'liq kiritilgandan so'ng advokatlik tuzilmasi rahbarining elektron raqamli imzosi bilan tasdiqlanadi va Advokatlar palatasining tegishli hududiy boshqarmasiga yuboriladi.

Advokatlar palatasi hududiy boshqarmasi tomonidan statistik ma'lumotlar umumlashtiriladi va har bir hisobot davri yakunlangandan so'ng kelgusi oyning o'n beshinchi sanasidan kechiktirmay Advokatlar palatasiga yuboriladi.

Advokatlar palatasi tomonidan umumlashtirilgan yakuniy statistik ma'lumotlar har bir hisobot davri yakunlangandan so'ng kelgusi oyning yigirmanchi sanasidan kechiktirmay Adliya vazirligiga taqdim etiladi.

Statistik ma'lumotlar Adliya vazirligi tomonidan Tizimga barchaning foydalanishi uchun ochiq holda joylashtiriladi.

📌 Kanalga ulanish

❗️ Davlat xizmatlarida muhim yangilik! 💥

🆕 Suv, gaz va elektr energiyasi hisoblagichini qiyoslashdan o'tkazish uchun qayg‘urmang!📍

⚡️ Endilikda, ushbu hisoblagichlar vakolatli organlar tomonidan tashabbus asosida qiyoslashdan o'tkaziladi.

✅ Yangi tartib qanday bo'ladi?
Davriy qiyoslashdan o'tkazish muddatidan 3 oy oldin vakolatli organ xodimlari tomonidan hisoblagichlar olib ketiladi va qiyoslashdan o‘tkazilib, qayta o‘rnatib beriladi.

📌 Ma'lumot uchun, proaktiv davlat xizmati – jismoniy va yuridik shaxslarning murojaatlarisiz, vakolatli organlar tashabbusi bilan ko'rsatiladigan xizmatlar.

Asos: Vazirlar Mahkamasining 2024-yil 18-dekabrdagi 847-son qarori

📌 Kanalga ulanish

#LexAI_taqdimoti

Mutaxassis taassuroti

Lex.uz milliy qonunchilik bazasidan nafaqat mutaxassislar, balki oddiy fuqarolar, talabalar va ustozlarimiz ham keng foydalanib keladi. Sunʼiy intellekt asosida yaratilgan LexAI platformasi ushbu jarayonni yanada jadallashtirish va aholi oʻrtasida bevosita huquqiy savodxonlikni rivojlantirishga katta hissa qoʻshadi. Shubhasiz, ushbu loyiha kelgusida ayrim normativ hamda protsessual hujjatlarni sunʼiy intellekt yordamida ishlab chiqish imkoniyatini yaratadi.

Otabek Mahkamov
oliy taʼlim, fan va innovatsiyalar vaziri oʻrinbosari

📌 Kanalga ulanish

#Adliya_aralashgach

Adliya aralashuvi bilan 60 nafar tibbiyot xodimining 70 million soʻmga yaqin ish haqqi undirib berildi

Yuridik xizmat koʻrsatish markazi tomonidan tumandagi xizmat koʻrsatilishi belgilangan tashkilotlarda mehnat qonunchiligiga rioya qilinish holati oʻrganilishi natijasida ayrim tibbiyot xodimlariga ish haqlari toʻlab berilmaganligi maʼlum boʻldi.

👉Batafsil

📌 Kanalga ulanish

#Muhim

🚀 Biznesni "15 daqiqada" boshlang!

Adliya vazirligi tomonidan yangi loyihaga qoʻl urildi!

Biznesni "15 daqiqada" boshlash tamoyili asosida tadbirkorlik subyektlarini davlat roʻyhatidan oʻtkazish jarayonida boshqa davlat xizmatlaridan kompozit shaklda foydalanish imkoniyati yaratilmoqda.

Endilikda, fuqarolar yakka tartibdagi tadbirkor (YTT) sifatida davlat xizmatlari markazlarida roʻyxatdan oʻtish bilan bir vaqtda, tamaki mahsulotlari bilan chakana savdo qilish uchun vakolatli organga xabarnoma yuborish imkoniyati yaratildi.

Bunda, alohida ariza topshirish va ma'lumotlar taqdim qilish talab etilmaydi.

Bu kabi qulayliklarni yaratish bosqichma-bosqish davom ettiriladi!

Tez va oson biznes boshlash imkoniyatini qoʻldan boy bermang!

📌 Kanalga ulanish

#Qonunchilikdagi_yangiliklar

Koʻchmas mulkka boʻlgan huquqlarni davlat roʻyxatidan oʻtkazish boʻyicha bosh roʻyxatdan oʻtkazuvchi va roʻyxatdan oʻtkazuvchi lavozimlariga ishga qabul qilish chogʻida tanlov oʻtkazish tartibi belgilandi

Adliya vazirligi tomonidan “Koʻchmas mulkka boʻlgan huquqlarni davlat roʻyxatidan oʻtkazish boʻyicha bosh roʻyxatdan oʻtkazuvchi va roʻyxatdan oʻtkazuvchi lavozimlariga tanlov oʻtkazish tartibi toʻgʻrisida”gi nizom (roʻyxat raqami 3589, 2024-yil 24-dekabr) davlat roʻyxatidan oʻtkazildi.

Ushbu Nizomda Kadastr agentligining Davlat kadastrlari palatasi va uning hududiy boshqarmalarida koʻchmas mulkka boʻlgan huquqlarni davlat roʻyxatidan oʻtkazish boʻyicha bosh roʻyxatdan oʻtkazuvchi va roʻyxatdan oʻtkazuvchi lavozimlariga ishga qabul qilish chogʻida tanlov oʻtkazish tartibi belgilangan.

Xususan, ishga qabul qilish chogʻida tanlov oʻtkazish uchun Kadastr agentligining Davlat kadastrlari palatasi raisining buyrugʻi bilan doimiy faoliyat yuritadigan tanlov komissiyasi tashkil etiladi.

Tanlov jarayoni audio va videoyozuvlarda qayd etib boriladi hamda roʻyxatdan oʻtkazuvchi organning rasmiy veb-saytida real vaqt rejimida translyatsiya qilinadi.

Tanlov komissiyasi tomonidan tanlov tadbirlari oʻtkazilishidan kamida bir oy oldin roʻyxatdan oʻtkazuvchi organning rasmiy veb-saytida boʻsh (vakant) roʻyxatdan oʻtkazuvchi lavozimlari boʻyicha maʼlumotlar hamda tanlov oʻtkazish joyi va kunlari, tanlov tadbirlarida berilishi mumkin boʻlgan savollarning namunaviy roʻyxati joylashtiriladi.

Nomzodlar ishga kirish uchun Tanlov komissiyasiga ariza bilan yozma yoki elektron shaklda murojaat qiladi.

Nomzodning belgilangan malaka talablariga muvofiqligi, shuningdek ish tajribasi va kasbiy kompetensiyasini aniqlash uchun Tanlov komissiyasi tomonidan test va suhbat sinov tadbirlari oʻtkaziladi.

Birinchi bosqichda test sinovlari oʻtkaziladi va nomzodning natijalari 100 ballik tizimda baholanadi.

Test sinovidan olinishi mumkin boʻlgan eng yuqori ballning 55 foizidan yuqori ballni toʻplagan nomzodlar test sinovidan muvaffaqiyatli oʻtgan hisoblanadi va suhbat shaklida oʻtkaziladigan sinov tadbirining keyingi bosqichiga kiritiladi.

Suhbat shaklida oʻtkaziladigan sinov tadbirida nomzodning natijalari 5 ballik tizimda baholanadi va uning natijalari u oʻtkazilgan kunning oʻzida eʼlon qilinadi.

Test va suhbat sinov tadbirlarining umumlashtirilgan natijalariga koʻra eng yuqori ball toʻplagan nomzod tanlov gʻolibi deb hisoblanadi va u boʻsh (vakant) roʻyxatdan oʻtkazuvchi lavozimiga ishga qabul qilinadi.

📌 Kanalga ulanish