#Adliya_xabari

O‘zbekiston – Vengriya: adliya sohasida hamkorlik yangi bosqichda

⌛Bugun, adliya vaziri Akbar Tashkulov Vengriya adliya vaziri o‘rinbosari, qonunchilik ishlari bo‘yicha davlat kotibi Zoltan Tot boshchiligidagi delegatsiya bilan uchrashuv o‘tkazdi.

📌Uchrashuv davomida ikki davlat adliya vazirliklari o‘rtasidagi hamkorlikning ustuvor yo‘nalishlari, xususan qonunchilikni tizimlashtirish, tartibga solish ta’sirini baholash, raqamlashtirish hamda notariat sohasida tajriba almashish masalalari muhokama qilindi.

✅Shuningdek, tashrif dasturining birinchi kuni doirasida delegatsiya uchun:
➖ “O‘zbekiston notariuslarining onlayn faoliyati va amaliyoti” mavzusida taqdimot;
➖ Vengriyaning qonunchilikni tizimlashtirish va ortiqcha tartibga soluvchi normalarni qisqartirish bo‘yicha tajribasi yuzasidan taqdimotlar tashkil etildi.

🤔Mazkur uchrashuvlar O‘zbekiston va Vengriya Adliya vazirliklari o‘rtasidagi huquqiy hamkorlikni mustahkamlash, tajriba almashish hamda zamonaviy huquqiy mexanizmlarni joriy etishga xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Payshanba - yoshlar kuni

⌛Xabaringiz bor, Davlatimiz rahbari tomonidan mamlakatimizda har haftaning payshanba kuni vazirlik, idora va hokimliklarda “Yoshlar kuni” sifatida belgilangan. Mazkur kun yoshlar bilan ishlash, ularning muammolarini o‘rganish hamda bandligini ta’minlashga qaratilgan muhim tashabbuslardan biri hisoblanadi.

📌Ushbu topshiriq ijrosini ta’minlash maqsadida Adliya vaziri tomonidan Yashnobod tumanida joylashgan Monomarkazda yoshlar bilan uchrashuv tashkil etildi. Tadbir davomida yoshlarning bandligini ta’minlash va ularni qo‘llab-quvvatlash masalalariga alohida e’tibor qaratildi.

🤔Xususan, 15 nafar ishsiz yoshga homiylar ko‘magida o‘z mehnat faoliyatini boshlashlari uchun zarur bo‘lgan asbob-uskunalar va mehnat qurollari topshirildi. Mazkur yordam yoshlarning kasb-hunar bilan shug‘ullanishi va o‘z daromad manbaiga ega bo‘lishiga xizmat qiladi.

✅Shuningdek, tadbir davomida yoshlar bilan muloqot o‘tkazilib, ularning taklif va muammolari tinglandi hamda ularni hal etish bo‘yicha tegishli mas’ullarga ko‘rsatmalar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot