#Sud_ekspertizasi

✅Idoralararo ilmiy-uslubiy Kengashning navbatdagi yig‘ilishi bo‘lib o‘tdi

📆 Bugun, 25-noyabr kuni Adliya vazirligi huzuridagi X. Sulaymonova nomidagi Respublika sud ekspertiza markazi Sud-ekspertlik ilmiy-tadqiqot instituti huzuridagi Idoralararo ilmiy-uslubiy Kengashning navbatdagi yig‘ilishi bo‘lib o‘tdi.

👥 Yig‘ilishda Kengash a’zolari hamda huquqni muhofaza qiluvchi organlar vakillari ishtirok etib, sohada olib borilayotgan islohotlar, o‘tgan davrdagi natijalar va istiqboldagi rejalar muhokama qilindi.

🔹Adliya vazirligi boshqarma boshlig‘i, Kengash raisi J. Nuritdinov sud ekspertiza yo‘nalishida amalga oshirilgan ishlar va 2025-yilgi ustuvor vazifalar haqida ma’ruza qildi.

Xususan, O‘zbekiston Respublikasi Prezidentining 2025-yil 8-sentabrdagi “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida”gi PQ–270-son qarori va Qaror ijrosini ta'minlash yuzasidan amalga ishlar hamda “E-ekspertiza” elektron platformasi orqali sud-tergov organlari hamda ekspertiza muassasalari o‘rtasida elektron hujjatlar almashinuvini to‘liq yo‘lga qo‘yish masalalari alohida ta'kidlandi.

📌 Yig‘ilishda quyidagi dolzarb mavzular ko‘rib chiqildi:
– “Raqamli sud ekspertizasi” (Digital forensics)ni tushuntirishga qaratilgan atamalar va ta’riflar lug‘ati;
– “Genetik modifikatsiyalangan organizmlarni (GMO) aniqlash bo‘yicha" uslubiyot;
– "Portlashni foto va videoyozuv bo‘yicha dastlabki o‘rganish metodikasi, portlash yo‘nalishining tabiatini aniqlash bo'yicha" uslubiyot va boshqalar.

Telegram | Instagram | Facebook | YouTube | Bot

✅Davlat xizmatlari ko‘rsatish sohasida Niderlandiya Qirolligining ilg‘or tajribasi o‘rganilmoqda.

Adliya vaziri o‘rinbosari N.Muxammadiyev boshchiligidagi O‘zbekiston Respublikasi delegatsiyasi Niderlandiya Ichki ishlar va Qirollik munosabatlari vazirligi, “Digi Campus” markazi, Raqamli hukumat xizmati hamda Kasb va innovatsiya agentligining rahbariyati va mas'ul shaxslari bilan uchrashuvlar o‘tkazdi.

Uchrashuvlarda davlat boshqaruvida raqamli texnologiyalarni joriy etish, davlat xizmatlarini ko‘rsatish jarayonlarini optimallashtirish, bulutli texnologiyalarni rivojlantirish, sun’iy intellektga asoslangan yechimlarni tatbiq etish, shuningdek, davlat xizmatlarini autsorsing asosida tashkil etish borasidagi ilg‘or tajribalar muhokama qilindi.

Shuningdek, Niderlandiyaning davlat, biznes va ilmiy muassasalar o‘rtasida hamkorlik asosida yangi raqamli yechimlarni yaratish hamda ularni sinovdan o‘tkazish jarayonlarini tashkil etishdagi muhim tajribasi alohida e’tirof etildi.

Uchrashuvlarda tomonlar davlat xizmatlarini raqamlashtirish va zamonaviy texnologiyalarni joriy etish yo‘nalishlarida o‘zaro hamkorlikni yanada kengaytirish hamda tajriba almashishni davom ettirishga kelishib olindi.

Ushbu xizmat safari Yevropa Ittifoqi tomonidan moliyalashtirilayotgan Adliya vazirligi hamda BMT Taraqqiyot Dasturi bilan birgalikda amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida tashkil qilinmoqda.

Telegram | Instagram | Facebook | YouTube | Bot

#Adliya_xabari

✅Sud-ekspertlik faoliyatida zamonaviy texnologiyalar - idoralararo elektron axborot tizimlari orqali ma’lumotlarni elektron almashish: O‘zbekiston Respublikasi Oliy sudida amaliy seminar

O‘zbekiston Respublikasi Oliy sudida O‘zbekiston Respublikasi Prezidentining 2025-yil 8-sentabrdagi PQ–270-son “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida” qarori mazmun-mohiyati hamda idoralararo elektron axborot tizimlari orqali ma’lumotlarni elektron almashish tartibini tushuntirishga qaratilgan seminar o‘tkazildi.

🔹Seminarda O‘zbekiston Respublikasi Oliy sudi raisining birinchi o‘rinbosari - jinoyat ishlari bo‘yicha sudlov hay’ati raisi A. Usmanov, Adliya vazirligining mas'ul xodimlari hamda Qoraqalpogʻiston Respublikasi sudi, viloyatlar va Toshkent shahar sudlari sudyalari ishtirok etdi.

Seminar davomida soha mutaxassislari tomonidan ma'ruzalar qilinib, ishtirokchilarga yangi turdagi ekspertiza tadqiqotlari, “E-ekspertiza” axborot tizimi orqali elektron hujjat almashinuvini joriy etish va sohani raqamlashtirish hamda sohaga oid muhim masalalar yuzasidan ma'lumotlar berildi.

🔹Bundan tashqari, tadbir davomida “E-ekspertiza” elektron axborot tizimi orqali elektron hujjat almashinuvini joriy etish hamda sohaning boshqa masalalari muhokama qilinib, raqamlashtirish jarayonlarini jadallashtirish kelishib olindi.

Telegram | Instagram | Facebook | YouTube | Bot