🇹🇲 Merdan Atayev (turkmanistonlik sayyoh): Biz qo‘shni xalqmiz va madaniyatimiz ham juda yaqin. Shunday bo‘lsa-da, Xivada o‘tkazilgan yarmarkada men yangicha ruhni sezdim. O‘zbekiston hukumati imkoniyati cheklangan insonlar uchun shunday sharoit yaratgani tahsinga loyiq. Ularning mahsulotlari juda sifatli va qalbdan chiqqani sezilib turadi. Men bir nechta buyum sotib oldim, bu nafaqat esdalik, balki ularga bo‘lgan qo‘llab-quvvatlashim ramzi hamdir.

🇷🇺 Aleksey Smirnov (rossiyalik sayyoh): Men Rossiyadanman, ko‘plab mamlakatlarda bo‘lganman, lekin O‘zbekistondagi bu kabi ijtimoiy tashabbuslar meni juda hayratda qoldirdi. “Biz birgamiz” loyihasi nafaqat iqtisodiy, balki ijtimoiy ahamiyatga ham ega. Nogironligi bo‘lgan insonlar o‘z mehnatlari bilan jamiyatda o‘z o‘rnini topayotganlari juda quvonarli. Bu yarmarka orqali ular o‘z ijodini butun dunyoga namoyish etmoqda.

🇩🇪 Klara Schneider (germaniyalik sayyoh): Men uchun eng ta’sirli jihati – bu tadbirning samimiy muhitidir. O‘zbekistonda imkoniyati cheklangan insonlarga yaratilayotgan imkoniyatlar Germaniyada ham yuqori baholanadigan darajada. Davlatning ularni jamiyat hayotiga faol jalb qilishi juda katta qadriyatdir. Men O‘zbekistonni nafaqat tarixiy obidalari, balki ijtimoiy siyosati bilan ham qadrlayman. Bu tajribani boshqa mamlakatlarga ham o‘rnak qilib ko‘rsatish mumkin.