#Adliya_xabari

📌Huquqiy eksperimentni tashkil etish va o‘tkazish qonun bilan tartibga solinmoqda

❗️Adliya vazirligi tomonidan ishlab chiqilgan “Huquqiy eksperiment to‘g‘risida”gi qonun loyihasi Oliy Majlis Qonunchilik palatasi tomonidan ikkinchi va uchinchi o‘qishda qabul qilinib, Oliy Majlis Senatiga yuborildi.

🔹Mazkur qonun loyihasi huquqiy eksperimentni tashkil etish, o‘tkazish, uning natijalarini baholash va joriy etishga doir munosabatlarni tartibga solish maqsadida ishlab chiqilgan.

✅Qonun loyihasida huquqiy eksperimentni tashkil etish va o‘tkazishning shartlari, huquqiy eksperiment natijalarini baholash va hayotga tatbiq etish va ularni rasmiylashtirishga oid talablar belgilanmoqda.

❗️Xususan, Qonunda insonning Konstitusiya va qonunlarda mustahkamlab qo‘yilgan huquqlari va erkinliklarini cheklaydigan, bekor qiladigan yoki insonning holatini boshqacha tarzda yomonlashtiradigan hollarda huquqiy eksperiment o‘tkazilishiga yo‘l qo‘yilmasligi belgilandi.

✅Shuningdek, fuqarolik jamiyati institutlarining huquqiy eksperimentda ishtirok etishi, o‘tkazilayotgan huquqiy eksperiment yuzasidan jismoniy va yuridik shaxslar tomonidan fikr-mulohazalar va (yoki) takliflar bildirilishi kafolatlanmoqda.

📣 Qonunga ko‘ra, huquqiy eksperiment yakunlari bo‘yicha hisobot tayyorlanadi va ommaviy axborot vositalari, Internet jahon axborot tarmog‘i, shu jumladan mas’ul organning rasmiy nashrlari va rasmiy veb-saytlari hamda ijtimoiy tarmoqlar orqali jamoatchilikka yetkaziladi.

Ma’lumot uchun: huquqiy eksperiment – normativ-huquqiy hujjatning yoki huquqiy normaning samaradorligini amalda muayyan hududda va (yoki) shaxslar doirasi bo‘yicha cheklangan holda, belgilangan vaqt oralig‘ida sinovdan (tajribadan, aprobasiyadan va shu kabilardan) o‘tkazish bilan bog‘liq chora-tadbirlar majmuidir.

Telegram | Instagram | Facebook | YouTube | Bot

✅Qo'qonlik tadbirkorlar bilan geografik ko'rsatkichlarni ro'yxatdan o'tkazish bo'yicha uchrashuvlar o'tkazildi.

🔹Qo'qon shahrining o'ziga xos an'analari asosida ko'p yillar davomida tayyorlanib, O'zbekistonda mashhurlikka erishgan “Qo'qon holvasi”ni geografik ko'rsatkich sifatida ro'yxatdan o'tkazish bo'yicha Adliya vazirligi Intellektual mulk departamenti va viloyat adliya boshqarmasi mas'ullari tomonidan uchrashuv o'tkazildi.

🔹Uchrashuv davomida, “Avvali kokand xolva” OK, “Totli holva sweets” MChJ va shu sohada faoliyat yuritayotgan 20 ga yaqin tadbirkorlik subyektlari, shuningdek Qo'qon shahar hokimligi mas'ullarining “Qo'qon holvasi”ni geografik ko'rsatkich sifatida ro'yxatdan o'tkazishda talabnoma topshirish yuzasidan ko'nikmalari shakllantirilib, bu borada amaliy yordam ko'rsatildi.

Telegram | Instagram | Facebook | YouTube | Bot

✅“Eng yaxshi axborot xizmati” tanlovi g‘oliblari taqdirlandi

🔹Davlat organlari va tashkilotlari hamda hokimliklar axborot xizmatlari, hududiy boshqarmalar rahbarlari uchun an’anaviy “Axborot xizmatlari faoliyati: ochiqlik, tezkorlik va xolislik bosh mezon” V milliy konferensiyaning ochilish marosimi bo‘lib o‘tdi.

🔹Milliy konferensiya ochilish marosimida “Eng yaxshi axborot xizmati” tanlovi g‘oliblari taqdirlandi.

🔹Respublika tashkilotlari va hokimliklar axborot xizmatlari yo‘nalishida Adliya vazirligi huzuridagi “O‘zarxiv” agentligi Axborot xizmati rahbari Anvarjon Aliyev faxrli birinchi o'rinni qo'lga kiritdi.

🔹Vazirlik jamoasi Anvarjon Aliyevni ushbu e’tirof bilan tabriklaydi. Kelgusidagi ishlarida muvaffaqiyat, g‘ayrat va shijoat doimiy hamroh bo‘lishini tilaydi.

Telegram | Instagram | Facebook | YouTube | Bot