#Adliya_xabari

Adliya vaziri oʻrinbosari Xudoyor Meliyev:

— Olis va chekka hududda yashovchi fuqarolarimizga yengillik yaratish, ularning vaqtini tejash maqsadida sayyor davlat xizmatlari koʻrsatilishi yoʻlga qoʻyilgan. Hozirga vaqtga qadar 2,5 mlndan ortiq sayyor davlat xizmatlari koʻrsatildi. Birgina 2024-yilning 9 oyi davomida 662 mingga yaqin shunday tartibda xizmatlar koʻrsatilgan.

Sayyor xizmatlarni tashkil etish uchun maxsus moslashtirilgan avtomashinalar xarid qilingan boʻlib, ular koʻchma DXM vazifasini oʻtaydi. Ular barcha zamonaviy axborot-kommunikatsiya vositalari bilan jihozlangan.

Davlat xizmatlari sohasida amalga oshirilgan ishlar, kelgusidagi rejalarga bagʻishlangan matbuot anjumanidan.

📌 Kanalga ulanish

#Qonunchilikdagi_yangiliklar

Adliya vazirligi tomonidan Atmosfera havosini ifloslantiruvchi manbalarni xatlovdan oʻtkazish hamda unga tashlanayotgan ifloslantiruvchi moddalar miqdorini belgilash toʻgʻrisidagi yoʻriqnoma davlat roʻyxatidan oʻtkazildi (roʻyxat raqami 3586, 19.12.2024-y.).

Yoʻriqnomaga koʻra, atmosfera havosini ifloslantiruvchi manbalarni xatlovdan oʻtkazish ushbu ifloslantiruvchi moddalarni chiqaruvchi tashkilotlar (obyektlar) tomonidan amalga oshiriladi.

Atmosfera havosini ifloslantiruvchi manbalarni xatlovdan oʻtkazish quyidagi bosqichlarda amalga oshiriladi:
➖xatlovdan oʻtkazishga tayyorgarlik koʻrish va xatlovdan oʻtkazishda oʻlchashlar olib borish va hisob-kitob ishlarini bajarish;
➖xatlovdan oʻtkazish natijalarini rasmiylashtirish, kelishish va tasdiqlash.

Obyekt rahbari tomonidan atmosfera havosini ifloslantiruvchi manbalarni xatlovdan oʻtkazish natijalari boʻyicha tuzilgan materiallar tasdiqlanib, ushbu materiallarni koʻrib chiqish uchun bir ish kun ichida hududiy ekologiya organiga taqdim etiladi.

Obyekt rahbari tomonidan taqdim etilgan materiallarda kamchiliklar aniqlanmagan taqdirda ushbu materiallar hududiy ekologiya organi tomonidan 15 kun ichida kelishiladi.

Atmosfera havosini ifloslantiruvchi manbalarni xatlovdan oʻtkazish natijalari asosida obyekt rahbari tomonidan ruxsat etilgan chegaraviy tashlama (RECHT) materiallari ishlab chiqilib, tasdiqlanadi.

Bunda, I toifaga mansub obyektlar uchun Davlat ekologik ekspertizasi markazi, II va III toifaga mansub obyektlari uchun Davlat ekologik ekspertizasi markazining hududiy filiallari tomonidan RECHT materiallari yigirma kun ichida koʻrib chiqiladi.

Obyekt rahbari tomonidan taqdim etilgan RECHT materiallarida kamchiliklar aniqlanmagan taqdirda ushbu materiallar Davlat ekologik ekspertizasi markazi va uning hududiy filiallari tomonidan kelishiladi.

▫️I, II va III toifaga mansub obyektlar uchun RECHT besh yil muddatga amal qiladi.
▫️IV toifadagi obyektlar uchun RECHT ishlab chiqilmasdan xatlov natijalari asosida olingan haqiqiy maʼlumotlar boʻyicha oʻrnatiladi.

Maʼlumot uchun: Hukumatning 2020-yil 7-sentyabrdagi 541-son qarorida I toifaga aeroport, atom stansiyalari, suv omborlari va toʻgʻonlar, II toifaga aerodrom, temir yoʻl depolari, III toifaga avtomobilga yonilgʻi va gaz quyish stansiyalari, avtopark, IV toifaga paxta titish sexlari, gilam toʻqish sexlari va boshqalar kirishi nazarda tutilgan.

Ishlab chiqarish texnologiyasi, foydalanilayotgan xom-ashyo tarkibi, ifloslantiruvchi moddalarning miqdori va tarkibi oʻzgarmagan obyektlar uchun RECHT ning muddati tugagan hollarda ushbu muddat yana besh yil muddatga uzaytiriladi.

📌 Kanalga ulanish

#Qonunchilikdagi_yangiliklar

X.Sulaymonova nomidagi Respublika sud ekspertiza markazining Toshkent viloyati hududiy boʻlimi tashkil etiladi

“Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertiza markazi faoliyatini yanada takomillashtirish toʻgʻrisida”gi Hukumat qarori (849-son, 18.12.2024-y.) qabul qilindi.

Qarorga koʻra, X. Sulaymonova nomidagi Respublika sud ekspertiza markazining Toshkent viloyati hududiy boʻlimi tashkil etiladi.

2026-yil 1-iyungacha Sud ekspertiza markazining Toshkent viloyati boʻlimini xalqaro standartlar bilan uygʻunlashgan davlat standarti talablariga javob beradigan binoga joylashtirish hamda maxsus mebel, kompyuterlar, boshqa zarur texnika va inventarlar, shuningdek, yuqori malakali professional kadrlar bilan taʼminlash choralari koʻriladi.

Sud ekspertiza markazida isteʼmol mahsulotlari tarkibida genetik modifikatsiyalangan organizmlar (GMO) mavjudligi va ichimlik suvining tarkibini aniqlashga qaratilgan tadqiqotlarni amalga oshiruvchi Isteʼmol mahsulotlari va ichimlik suvi tarkibini tahlil qilish laboratoriyasi tashkil qilinadi.

Sud ekspertiza markazining hududiy boʻlimlarida quyidagi ekspertiza va tadqiqot turlari bosqichma-bosqich joriy etiladi:
➖2025-yil 1-oktyabrgacha Sud ekspertiza markazining Navoiy viloyati boʻlimida Materiallar, ashyolar va buyumlar kriminalistik ekspertizasi laboratoriyasi hamda Sud-xatshunoslik va hujjatlarning sud-texnikaviy ekspertizalari;
➖2026-yil 1-noyabrgacha Sud ekspertiza markazining Qoraqalpogʻiston Respublikasi boʻlimida Sud-fonografiya, sud-yongʻin texnika va elektrotexnika ekspertizalari;
➖2026-yil 1-dekabrgacha Sud ekspertiza markazining Qashqadaryo viloyati hududiy boʻlimida Materiallar, ashyolar va buyumlar kriminalistik ekspertizasi laboratoriyasi hamda Sud-xatshunoslik va hujjatlarning sud-texnikaviy ekspertizalari.

📌 Kanalga ulanish

#Davlat_xizmatlari

💡Davlat xizmatlarini baholash uchun yangi imkoniyat

Fuqarolarning davlat xizmatlaridan qoniqish darajasi va ularning qoʻshimcha fikr va eʼtirozlarini olishning yana bir muqobil vositasi ishga tushirildi.

📌 Kanalga ulanish

#Diqqat_savol

❓Sunʼiy intellekt kun sayin inson hayot tarzining ajralmas qismiga aylanib bormoqda. Bu ketishda sunʼiy idrok yuristlarni ham oʻrnini egallashi mumkinmi?

Aynan shu savolga biz huquq sohasi vakillari: Adliya vazirligi xodimlari va TDYU talaba va pedagoglaridan javob oldik.

💡Adliya vazirligining navbatdagi loyihasi ertaga taqdimot qilinadi. Bizni kuzatib boring.

📌 Kanalga ulanish

#Davlat_xizmatlari

💡Infokioskalardan foydalanish uchun videoqoʻllanma

Interaktiv infokioskalar orqali davlat xizmatlaridan foydalanish yanada tez, oson va qulay.

Batafsil 👉videorolikda

📌 Kanalga ulanish

#Adliya_xabari

Qarshi shahrida yuridik texnikum binosi foydalanishga topshirildi

Ochilish marosimida adliya vaziri Akbar Toshqulov, viloyat hokimi Murodjon Azimov, hududdagi huquqni muhofaza qiluvchi organ rahbarlari, yoshlar, OAV hamda jamoatchilik vakillari ishtirok etdi.

Mazkur bino Adliya vazirligi mablagʻlari hisobidan zamonaviy talablar asosida toʻliq kapital rekonstruksiya qilindi.

Mehmonlar oʻquvchilarga yaratilgan shart-sharoitlar, zamonaviy auditoriyalar, anjumanlar zallari, oʻquv xonalari, kutubxona, ovqatlanish hamda axborot-resurslari maskanlari bilan yaqindan tanishdilar.

Dunyo standartlariga mos ravishda qurilgan, zamonaviy texnologiyalar bilan jihozlangan mazkur oʻquv bino dizayniga innovatsion yondashilgani har bir detalda oʻz aksini topgan.

📌 Kanalga ulanish