.
متت وياي من أول تريد اتعيش من تالي
كتلتك جا صرت مثلي وتريد اتصير جتالي
أحسّ ظلك يرافكني ويكبر من تجي الظلمة
يصير اخيول وحشية وتطاردني
أروح الوين رحت بكل مكان وسيفك اكبالي
أروح الوين إلا اشلع جذر كلبي بشرايينه
واجمع نار واحرك كلشي من بالي
أحسّك ظل يرافكني يضحكني ويبّجيني
يسّكتني ويحّجيني أروح الوين
شكثر من بحر ذبّيت بي روحي
ولكيتك عالجرف تابوت تبرالي
.
.
.
.

#شعراء_وذاوقين_الشعر_الشعبي
#الكاطع
#ابو_تراب

.
اليطفى كبال وجهي انطي عذر ينشاف
ما خليت نسمة بخاطر الشمعة
انا الضايكني يعرف طينتي من الهور
بية ملوحته وما بدلت طبعة
واتلكى اليجيني منين ما يشتاك
اليمر عابر علية من روحي ما طلعة
لعدوي وصاحبي تغبش ضحكتي وياي
اليجي سيف اعلى نحري استحي ومارجعة
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
انت رايدني من الاول حتى هسة ما ردتني ؟
وانا جنت ابالك اصلآ ؟ حتى من بالك شلتني
وانا جنت ادري المصيبة
وباقي ابيع وياك طيبة
الظاهر الطيبة البگلبي لهذا حالي وصلتني
انت رايدني من الاول  حتى هسة ما ردتني
.
.
.
#شعراء_وذاوقين_الشعر_الشعبي
#منقول
#ابو_تراب

.
واذا راحوا يا گلبي ما يروحون
هم شلونهم لا تكلي يسوون
الهم ليش تشتاك
احسن حل الفراك
ما يلكون مثلك لو يموتون
واكف منتظرهم لازم الباب
شيكول اليشوفك ؟ عمرة ما حاب ؟
من اول نظرة خانوك
وياما وياما بجوك
لا يقرون بالحب لا يكتبون
.
.
.
#شعراء_وذاوقين_الشعر_الشعبي
#صفاء_الربيعي
#ابو_تراب

.
تمشي وي غيري شلون ما اقبل بهاي
لك انا اغار اعليك من تمشي وياي

جذبة الحلات البيك حسنك خرافي
مو يمي وانت بعيد بيك انا دافي

مفتوحة بس متشوف غيرك عزيزين
ومغمضة وتحس بيك وتشوفك العين
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
اخذني وياك هناك ل ماي گلبك
بلكي روحي تنام
عصفورة جرف بلل جنحها الخوف
اخذني وياك
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
انا المن شيب شيابي ... شبع ضام
ويگلبي الما شبع منك ... شبع ضام
اشوف الولف من ولفه ... شبع ضم
وانا الضمت الكبر ما تصح لية


سلاحك من كلتلي ... بيعة الية
تريد تهد يصاحب ... بية علية
وحك كل گلب مخلص ... بية علية
اعثرك لو نويت تعيل بية
.
.
.
.
#شعراء_وذاوقين_الشعر_الشعبي
#كريم_الحاتمي
#ابو_تراب

.
شجابك على العشك كاعد تسولف بي
وشيعنيلك الليل وبيمن يذكرك ؟
بروحي بدمعتي ؟ الصارت برخص الماي !
وارخص بعد صارت صارت بسعرك
ال بعقلك لعب تشمر محبتي أبير
شتقنعني بعد ما لاعب بشعرك ؟
عثگ برحي شعلية لو بقى بدون فياي
اضل انزف عسل كلما كثر حرك
.
.
.
#شعراء_وذاوقين_الشعر_الشعبي
#منقول
#ابو_تراب

.
ليش ما كلتي من الاول ابتعد وانساني
وليش ما كلتي من الاول لا تدك بيباني
ليش من بعد الحنين
وقصة كتبتها السنين
جاية تكوليلي انسى في حياتي شخص ثاني
ليش ما كلتيلي ابعد
قبل ما يجمعنه موعد
جان ساعتها اعذرج واكتم اشواكي واداري
جان يمكن اكدر انسى بأيدي او الغي اختياري
.
.
.
#شعراء_وذاوقين_الشعر_الشعبي
#عزيز_الرسام
#ابو_تراب

.
همزين هسة اذكرتني
بعذرك ودمعك فاجأتني
لازم زمانك جفى وخلاك
والردته بعدي ما وفى وياك
كتلك ترد وجذبتني
همزين هسة اذكرتني
.
.
.
#شعراء_وذاوقين_الشعر_الشعبي
#منقول
#ابو_تراب

.
بعيد وجنت اشوفك مثل العيون
وأقرب من سواد العين حسيت
تنكل صورتك تدري العصافير
ويصفطنك بعيني لون حنيت
طرت حد ما تلاشه صورة الكاع
وشفت وجهك سما وكباله صليت
بس كلي شكطع خاطر انساك
دشوف شكم گلب من صدري جريت
اخلي بخاطرك من جنت احاجيك
وانت بخاطري ما يوم خليت
كلي الخالقك جم نسخة سواك؟
اشو يا بيت اطب الكاك بالبيت
ترى انا من كثر متولعت بيك
جن وتلبست بعظاي شكيت
جابولي اليطلع يعرف الجان
غلط طلعني انا وانت ضليت
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

• .
ثگلت علية شبيها الوجوة
سويت زين وصرت مكروة
جنت من اجي يكولون اجى العيد
هسة من اجي يكولولي شتريد
ليش العزيز ب لحظة ينسوا ؟
ثكلت علية شبيها الوجوة
.
.
.
.
#شعراء_وذاوقين_الشعر_الشعبي
#جبار_صدام
#ابو_تراب

.
كل اليضحك بوجهك حبيب الگلب سميته
متكلي شطلع گلبك ياهو اليجي وحبيته
طبعك هذا ما يعجب
ما تعرف تحب لا تحب
على روحك كايم تجذب
گلبك والله ذليته
هيج العالم تملك ولا واحد يدك بابك
واحد انا من الناس بعد ما احسب حسابك
شغلت سنين الك بالي
تحب وتوافي حسبالي
رجاءً عوفني بحالي وكلمن يكعد ابيته
طبعك هذا ما يعجب
ما تعرف تحب لا تحب
على روحك كايم تجذب
گلبك والله ذليته
.
.
.
#شعراء_وذاوقين_الشعر_الشعبي
#منقول
#ابو_تراب

.
تسأليني اعلى حالي
وانا تعبان حالي
شيوصلني يمكم
وانتوا قصور اهلكم
تسد عين الليالي
صحيح البيت مابي حديقة ولا مراجيح
لكن ورد حبنه لا يذبل ولا يطيح
حديقتنا التصافي
راحه وبال صافي
ومن التعب خالي
شتسألين اعلى حالي
يا بوية قصوركم وين و احنا بيوتنه وين
صغير البيت لكن كعدته مالية العين
واشكال العصافير
تحط على الباب وتطير
وانا تعبان بالي
شتسأليني اعلى حالي
.
.
.
#شعراء_وذاوقين_الشعر_الشعبي
#منقول
#ابو_تراب

.
جنت احبها وهي تحبني
والعشك لايك علينه
جانت تسميني حبيبي
وانا اسميها الحنينه
شهرين انا وهي انتحضر
على الزفاف احنه نوينه
تالي ما ندري نتفارك
للزمن ما حسبينه
ضيعيتج يالحبيبة مثل طفل مضيع امه
يذكر ايامه بكربها بشوك وبلهفة وتشمه
والي جبرونه نتفارك
وياهم احنه اشجنينه
.
.
.
#شعراء_وذاوقين_الشعر_الشعبي
#منقول
#ابو_تراب

.
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
اشك برجعتك واتلاكفك خوف
واعزفك للضنون البية نغمه
امنيتي اعلى كد ما ارمش انساك
اقل شي اعلى بعدك گلبي اعلمه
لو ناسي من الاول لا صفكت ايد
ولا على الذكريات الليل اقسمه
من تالي صعب نسيانك يصير
مثل ال بالكبر يتغير اسمه

.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
شتكولون اصبغة الشيب ؟ بس لا عيب من تالي
وعليمن صابغ وتعبان عگب ما راح ال ابالي
ايدي ب ايدة وباله مو يم بالي
سارحه افكاره وميدري بحالي
بين ادية وتعذبت
احجي ويگلي شكلت ؟
الله يدري يفكر بيا غالي
.
.
.
#شعراء_وذاوقين_الشعر_الشعبي
#منقول
#ابو_تراب

.
الدنيا فراك لابد نفترك فد يوم
جنت غلطان حسبتك تضل للدوم
ادور عنك بعيني
واشوفك دمعة تجويني
احسك بعدك بروحي
جرح ما يشبه جروحي
اخذني وياك صعبه انساك
ردت الموت انا بلياك
من بعدك عشت محروم
الدنيا فراك لابد نفترك فد يوم
ادور ذكرياتك والصور بالعين
حضنك هسة اريدة كلي اجيبه منين
يا عشرة محبة وصايرلها سنين
قدر مكتوب هجرانك
شيعلمني اعلى نسيانك
اخذني وياك صعبة انساك
ردت الموت انا بلياك
من بعدك عشت محروم
الدنيا فراك لابد نفترك فد يوم
.
.
.
#حازم_جابر
#شعراء_وذاوقين_الشعر_الشعبي
#ابو_تراب

.
الزمن ما يوم شفنه ... راحة منه
ومن بعدوا علينه ... راح املنه
تكلي شراح منكم ... راح منه
چثير وضلت العلة خفية

وكتنه شلون ترجى ... راحة منه
وهو يا يوم گلبه ... راحمنه
الي راح منك ... راح منه
وخسارتنه سوى وهمنه سوية
.
.
.
#شعراء_وذاوقين_الشعر_الشعبي
#الكاطع
#ابو_تراب

.
مرتاح شفتك گلت مو مشكلة
بعيونه يمكن غير واحد حله
بالعافية وذاك التعب والسهر
چنت ادري راح يضيع من اوله
وانى اعله گد المصلحة وانترك
عود امهات وعايش بمكحلة
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب