.
هم يا گلب باليجي وحن يا گلب على الراح
واسبح بشط الحزن ظهر ومسى ومصباح
هيم بصحاري التعب واچويك من ترتاح
ما دام ضاع القفل شنسوي بالمفتاح
مليت وك يا گلب دكاتك مسودنة
وجنهن بضلعي ارماح
جم موت اجة وما متت يا البيك سبع ارواح
وياك انا حرب كلمن يشيل سلاح
تكتلني لو اكتلك بالحالتين ارتاح
.
.
.
.
#شعراء_وذاوقين_الشعر_الشعبي
#الكاطع
#ابو_تراب

• .
انا الخواف يا دنيا انا الخواف من كلشي
ولو احلم حلم مو زين انا ارجف قبل رمشي
يهزني الليل الف هزة
وافز بالليل الف فزة
وتعز روحي واكل للخوف ضل بالبيت وانا امشي
انا الخواف يا دنيا وحال المبتلي حالي
اعبر على النهر عطشان والمي مو على بالي
من اولها وجفيت وياي شترجاج من تالي
تعز روحي واكل للخوف ضل بالبيت وانا امشي
عيوني وجذبن وياي وين الكى الصدك عدمن ؟!
بس طيور تعبانات يمي بلليل يلتمن
سوالف همي و دنياي بيمن هالگلب أمن !؟
تعز روحي واكل للخوف ضل بالبيت وانا امشي

.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
انتهينا
وانتهى الما ينتهي وخلَّص حجينه
انتهينا
وبقت كَطرات الوفه المذبوح تتناثر علينه
وبقت للمجفين كوم اسرار عد روحي الامينه
وكون ندري بالعتاب يفيد بيهم عاتبينا
وكون يسوون البجي جا بثنعش ناظر
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
مرسومه بجلدنا ذيج الانياب
الجرح لو طاب هم يترك نياشين

#الكاطع

جروحك من تطيب تعوف نيشان
مثل حنه جوامع على الحياطين

#سمير_صبيح
.
.
.
.
#شعراء_وذواقين_الشعر_الشعبي
#ابو_تراب

.
ما مرتاح
من العدل من المات من الجاي
من الراح
عركة ويا الزمن وارجعنا مكسورين
وبعيدة المسافة وينسي الي طاح
ما مرتاح ..... ؟
لان شفت الشمس نزلت تبوس الكاع
وبجف الطفل تنلاح
.
.
.
.
#شعراء_وذواقين_الشعر_الشعبي
#الكاطع
#ابو_تراب

• .
من هو بحالنه احنا المساكين ؟
احنا المحد النا ومدري منين ؟
خلصنه عمرنا بالمحطات
سفر وبيوتنه سطوح الفراكين
مرسومة بجلدنا ذيج الانياب
الجرح لو طاب هم يترك نياشين
وين اهلي علية ما دكوا الباب !
ترى صحتي عليلة وگلبي مو زين
خسارتنه جبيرة وغشمة على السوك
بعنه عقولنا بسوك المجانين
تمنينه نموت بغير تعذيب
وعلى المذبح نطرنا صارنه سنين
يوصلنه السرة ويتأجل الموت
يم اركابنه وتعمى السجاجين
.
.
.
.
#شعراء_وذواقين_الشعر_الشعبي
#الكاطع
#ابو_تراب

• .
شلك علية يا زمن وشرايد ؟
انطيتك الي ردته مني وزايد
ضحيت ب أغلى احبابي
وخسرت كل اصحابي
شتريد تاخذ ؟ بينت ومعاود
شلك علية يا زمن وشرايد ؟
نيشان اكثر من جرح مو كافي ؟
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد
.
.
.
.
#شعراء_وذاوقين_الشعر_الشعبي
#الكاطع
#ابو_تراب

• .
اذكرت تاجر اعرفه
كلي من تبيع روحك مرلي بلكت اشتريك
وتمت الصفقة اشتراني
وكام يمليني بشروطه ما اريد وما اريد
وما اريد ايدك طويلة كتله اكصرها واجيك
وطيرتها من المتن ورجعت ابشره
وانذهل جا وين اديك ؟
كتله عد عينك شلتها كالي جا شلي بيك
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
الليلة اموت الليلة اخر ليلة
الغيم مد ايدة اعلى راسي والمطر شد حيلة
الليلة كطرات العمر ناكوط حب سهران يمه
ادخيلج اترجاج ضميني بسواد الشيلة
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
وحك طولك وحك عينك ... ورمشاك
اضل طول العمر امشي ... ورى مشاك
عندي بالگلب منك ... ورم شاك
يهيد الورم لو مريت بية

#حمزة_الحلفي

احبك ما احب على الارض ... سواك
سبحانه الذي من طين ... سواك
بشر لكنه وي الكمر ... ساواك
واحد فوك واحد بين ادية

#صباح_الهلالي

كالوا روحله كتلهم ... شروح له
كالوا باع كتلهم ... شرى احلى
مو ذنبة اجى فاهم ... شرحله
افهم مني يعني الخلل بية

#احمد_الذهبي

تعال وشوف بالدلال ... شيبات
كبرنا وصار اسمنه اليوم ... شيبات
اعاين بالمراية وشفت ... شيبات
كلت يا روح هذا انذار الية

#الكاطع
.
.
.
.
#شعراء_وذواقين_الشعر_الشعبي
#ابو_تراب

.
هذا شاهدك يا حسين موجود
بقى مجدك ومجد اعداك زايل
المن كاصدينك هالملايين ؟
والمن فارشة الكاع العوايل ؟
نور بحضرتك يطلع بالغروب
شمس وانطت ظهرها للسنابل
من طاحت الراية من ايد عباس
بحضرته اليوم تنشال بهلاهل
راسك من تعلى فوك الرماح
ضل راس الزمن لليوم نازل
كل احنه اشتركنه بيوم عاشور
مو بس الشمر يا حسين قاتل
زنجيل الاثم ملفوف على الكاع
اشتركنه بدمك افراد وقبايل
صلينه ورى مسلم صلاتين
والباقين ضلوا بالمنازل
واذا جتك رسايل منا يا حسين
بعد يا حسين لا تصدك الرسايل !
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
انا مهدم لچن وصلك ... بناني
وندم على الراح عضيته ... بناني
يشوفوني قوي وصاحي ... بناني
لچن في داخلي عله خفية
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
شلك علية يا زمن وشرايد ؟
انطيتك الي ردته مني وزايد
ضحيت ب اغلى احبابي
وخسرت كل اصحابي
وشتريد تاخذ بينت ومعاود
نيشان اكثر من جرح مو كافي
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد !؟
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
ميز جرح عن جرح
بيهن يطيب بزعل
وبيهن يطيب بصلح
وبيهن يطيب ب دوه
وبيهن يطيب ب جرح
وجرحي عرفت علته
جرحي دواه الملح
جرحي القبل يستحي
شو هسة صاير وكح ؟
بية حالة من الغجر
الليل يكضي سهر
وينام وجه الصبح
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
متت وياي من أول تريد اتعيش من تالي
كتلتك جا صرت مثلي وتريد اتصير جتالي
أحسّ ظلك يرافكني ويكبر من تجي الظلمة
يصير اخيول وحشية وتطاردني
أروح الوين رحت بكل مكان وسيفك اكبالي
أروح الوين إلا اشلع جذر كلبي بشرايينه
واجمع نار واحرك كلشي من بالي
أحسّك ظل يرافكني يضحكني ويبّجيني
يسّكتني ويحّجيني أروح الوين
شكثر من بحر ذبّيت بي روحي
ولكيتك عالجرف تابوت تبرالي
.
.
.
.

#شعراء_وذاوقين_الشعر_الشعبي
#الكاطع
#ابو_تراب

.
حط خشمك بصدري استورح العطاب
جا شفت الحرارة وشتسوي النار
بس يا حيف ماكو بالضلع سحاب
جاي من الغروب تكلي شمسك وين؟
لو رايد شمس جا ما صرت سرداب
لو يدرن جروحي بيك لمن جيت
جا طلعن عرايا وشككن الثياب
.
.
.
.
#شعراء_وذواقين_الشعر_الشعبي
#الكاطع
#HM

.
انتهينه
وانتهى الما ينتهي وخلص حجينه
انتهينه وبقت كطرات الوفى المذبوح تتناثر علينه
وبقت للمجفين كومه اسرار عد روحي الامينه
وكون نستاهد عتبنه يفيد بيهم عاتبينه
وكون يسوون البچي جا ب اثنعش ناظر بچينه
.
.
.
#شعراء_وذواقين_الشعر_الشعبي
#الكاطع
#ابو_تراب

.
خلص باكيت الجكاير بالدرب
صرت اشرب بروحي
وصعد دخان گلبي لغيمة الوهواس
دليني يا كبرك وين
جبتلك ياس لا يذبل بأدية الياس
ولكيته مكانك هذا
بس انت لوحدك بي
ابد لمن شفت كبرك كلت مدفونه كل الناس
.
.
.
#شعراء_وذواقين_الشعر_الشعبي
#الكاطع
#ابو_تراب

.
الزمن ما يوم شفنه ... راحة منه
ومن بعدوا علينه ... راح املنه
تكلي شراح منكم ... راح منه
چثير وضلت العلة خفية

وكتنه شلون ترجى ... راحة منه
وهو يا يوم گلبه ... راحمنه
الي راح منك ... راح منه
وخسارتنه سوى وهمنه سوية
.
.
.
#شعراء_وذاوقين_الشعر_الشعبي
#الكاطع
#ابو_تراب

.
زعلان بس يا زعل لمن ترد للصدك
كبل المنادة اجي وشلون جيه اجي
اركض ركض محترك
بعدك صدك جربت نمت ويا غيرك سنه
وفزيت جني بحلم شابك جروحي شبك
وبعدك صدك حاولت
والكيت في وعطر عند لشعرها فرك
ولكيت مرسى بجرف بحر العيون الزك
بس ما لكيت الوفى والله عشكنه عشك
يالذتك بريتي
وين الكى مثلك هوا لولاك والله اختنك
هي شراكه نفس لو سكت گلبك سكت گلبي
ويدك لو يدك
جيتك بليلة شتى ضلمه ومطرها رشك
وشبعده صار الدرب خوف ورعيد وثلج
وجفوف ادية زرك
ابابك طحت ها كمت ضميت ادية وردت
على الباب بالروح ادك
بس كالوا المن تدك كلمن مشى لحالته
واحد سكن بالغرب واحد سكن بالشرك
وكل هالمسافة البعد وسوالفك تنسمع
جن احنه حلك بحلك
.
.
#شعراء_وذواقين_الشعر_الشعبي
#الكاطع
#ابو_تراب