.
ما بيهن دمع ذبلانه الجفون
واذا ما بچن ما اسميهن عيون
بعد ما اشوف بيهن لا تجوني
خلص مايهن راحن عيوني
هذا الصار بينه ويا حرامات
ليلية السهر برموشنه يبات
.
.
.
#شعراء_وذواقين_الشعر_الشعبي
#منقول
#ابو_تراب

.
والله حلوة جايني تكلي نسيتك
ولا تحبني وللزعل صفيلي نيتك
انا اكلك لا تحبني
غيرك هوايه عجبني
شلون اعوفك وانا بالكوة لكيتك
والله حلوة
شلون تحجيلي نسيتك والله عيب
هيج انت تكول شيكول الغريب
غيرك بعيني ولا يحلى حبيب
گلبك انت انطاك تنسى ايامنه
الله لا ينطي گلبك
ترضى ما ترضى احبك
وما اعوفك وانا بالكوة لكيتك
والله حلوة
.
.
.
#شعراء_وذواقين_الشعر_الشعبي
#منقول
#ابو_تراب

.
يا بعد روحي انتظرتك
يوم وهلال وسنه
وانا من يوم العرفتك
يجري نهرك بس ضنه
رغم هذا اشتاك الك
ياهو غيري دللك
وهاي تاليت الدلال
يا بعد روحي تعال
.
.
.
#شعراء_وذواقين_الشعر_الشعبي
#منقول
#ابو_تراب

.
ابد لا تنفعل وصيت الرموش
يا مايع بين ادي يا طيب الانفاس
نام انت عوافي اتغطى بالروح
وانا اغزل للصبح بخيوط النعاس
كضيت الليل كله اسله بأثنين
مرة بالجكارة ومرة بالكاس
كالوا اصبرلها وكلت لا بأس
انا محد فادني شكد عاشرت ناس
انا صندوك فضة مرصع هموم
ويسألوني شجاك مشيب الراس
تعب هاي الحياة هموم والألم
وعلى هالدنيا الله يساعد الناس
.
.
.
#شعراء_وذواقين_الشعر_الشعبي
#منقول
#ابو_تراب

.
يا عين لا تبجين يا عين
كفي الدمع وارتاحي يا عين
لا سافروا يا عين وانساهم
ولا خلصت دنياي وياهم
بالگلب مرسومين يا عين
شجرة زرعناهم وتانينه
بس من ثمرهم خالية ادينه
مثل الشموع انطفوا يا عين
ما ودعونا ومشوا يا عين
وبروحي مكتوبين يا عين
كالولي عام وتنسى غيابك
وما اضن بعد حزنك يدك بابك
شو مرت الايام يا عين
وبروحي هم ينام يا عين
لا انا النسيت ولا انتي تنسين
يا عين لا تبجين يا عين
.
.
.
#شعراء_وذواقين_الشعر_الشعبي
#منقول
#ابو_تراب

.
شيبي والكبر موضوع ثاني
انا ياما دمع بلل ارداني
حجيهن ثوب اسود لبساني
محاجيهن سحر يعكد لساني
قل شوفي وادور عن مكاني
واخجل لو رجف بأيدي استكاني
الصحح دفتري حاقد اناني
عرف بية احب واكتب اغاني
صحح دفتري بس منصفاني
خذت مية انجحت بس رسباني

الجكارة بنار دلالي ... ورثها
واعاين دنيتي وينه ... ورثها
دخذها الروح ترثيلك ... ورثها
ساعة انت تنوح وساعة هية
.
.
.
#شعراء_وذواقين_الشعر_الشعبي
#منقول
#ابو_تراب

.
يا وسفة طلعت جذاب
حسبالي توافي انت
ويا وسفة اعلى عمري الفات
هيج وياك ضيعته
كل الصوج من گلبي
على الطيبات متربي
حيل وياه خل يرتاح عافه الجان سالفته
حسبالي توافي انت
توديلي الية اخبار تكول نسيته لا يتاني
بحضني انت وكلت ناسيك هسة تريد تنساني
حتى بروحك انت تخون
اعيش وياك كلي شلون
امانه الگلب ضل وياك ونجم الظهر شوفته
حسبالي توافي انت
ثاري انت جنت وياي وكتك رايد تخلصة
وعلى نيتي جنت وياك عايش حبك بقصة
دور غيري احسلك
واحد شوفه هم مثلك
خاطر ما يفكر بيك وما يهمه لون عفته
حسبالي توافي انت
.
.
.
#شعراء_وذواقين_الشعر_الشعبي
#منقول
#ابو_تراب

.
شتكولون اصبغة الشيب ؟ بس لا عيب من تالي
وعليمن صابغ وتعبان عگب ما راح ال ابالي
ايدي ب ايدة وباله مو يم بالي
سارحه افكاره وميدري بحالي
بين ادية وتعذبت
احجي ويگلي شكلت ؟
الله يدري يفكر بيا غالي
.
.
.
#شعراء_وذاوقين_الشعر_الشعبي
#منقول
#ابو_تراب

.
خلص روحي صبرها وانت ما اجيت
خايف ناسي حبنه وغيري حبيت
لا تبعد علية صعبة
احس بدونك بغربة
تعال ارجع لي من البعد مليت
اجيك بشوك ولا ازعل عليك
واخليك بوسط روحي واداريك
جنت وانت يمي واني مشتاك
روحين بجسد ميهمنه الفراك
لا تبعد علية صعبة
احس بدونك بغربة
خلص روحي صبرها وانت ما اجيت
اريدك يمي ماريدك بعيد
وانا مشتاك اشوفك من جديد
اني وگلبي منتظرك على نار
صار هواي ما وصلتني الاخبار
لا تبعد علية صعبة
احس بدونك بغربة
خلص روحي صبرها وانت ما اجيت
.
.
#شعراء_وذواقين_الشعر_الشعبي
#منقول
#ابو_تراب

.
احبك لچن ما اكدر احاجيك
واكضي العمر كله شلون بشلون
وبس اصرف نظر لمن الاكيك
وعلى دربك تصد وتربي العيون
.
.
.
#شعراء_وذواقين_الشعر_الشعبي
#منقول
#ابو_تراب

.
سفر بس فارغة الجنطة
الحمل بالروح

.
.
.
#شعراء_وذواقين_الشعر_الشعبي
#منقول
#ابو_تراب

.
حبيناكم
دورنه نريد اليشبهكم
بالغير نفكر ننساكم
غلطانين وعشنه بجذبة
ننسى الدنيا وما ننساكم
حبيناكم
وبحبنه محيرين اعداكم
بعنه الدنيا وما بعناكم
حبيناكم
.
.
.
#شعراء_وذواقين_الشعر_الشعبي
#منقول
#ابو_تراب

.
لو بس تدري بية شكد احبك
جبت گلبين حتى اكدر لگلبك
لان حبك جبير يعذب الگلوب
گلب واحد العندي وخايف يذوب
اذا ذاب الگلب بعيوني اضمك
.
.
.
#شعراء_وذواقين_الشعر_الشعبي
#منقول
#ابو_تراب

.
اشك بية وانا الماي لو اشربه اشيرك
اجتافي للعباس ما عندي غيرك
.
.
.
#شعراء_وذواقين_الشعر_الشعبي
#منقول
#ابو_تراب

.
خاف ما اشوفك تعال الليلة يمي
خلي نجمعهن سوة همك وهمي
الليلة انا وياك نكضيها سوية
اني ابجي عليك وانت ابجي علية
انت ضال بلا حبيب
وانا ضال محروك دمي
خاف ما اشوفك تعال بصدري اضمك
خلي انفاسي الاخيرة تكون يمك
وكون هذا الگلب يوكف من اشمك
الليلة انا وياك نكضيها سوية
انا ابجي عليك وانت ابجي علية
انت تضل بلا حبيب
وانا اضل محروك دمي
.
.
#شعراء_وذواقين_الشعر_الشعبي
#منقول
#ابو_تراب

.
افرض خنت وابليس وسوس بأذاني
شبسرعة جبت فلان صار بمكاني
.
.
#شعراء_وذواقين_الشعر_الشعبي
#منقول
#ابو_تراب

.
براحتك خليتك تحبني وتخون
خل احبك مرة وحدة براحتي
ياما بفياي عشت عمرك هذاك
ما اريد احجي واكول سوايتي
لا عبد عندك ولا انا اسير
ولا الف مثلك يدنك رايتي
ساعة السودة العرفتك بيها ذيج
كون منها و الله جايب ساعتي
.
.
#شعراء_وذواقين_الشعر_الشعبي
#منقول
#ابو_تراب

تلاكينه بعزا والناس يبجون
وبحجة المات شكد بجينه
فشل ما نحجي بس معاتب عيون
وحجالي اعلى الزمان شعمل بينه
.
.
.
.
#شعراء_وذواقين_الشعر_الشعبي
#منقول
#ابو_تراب

.
كل ساع تعيل وياي وتكلي خوة
جنك تريد تطيح من عيني كوة
.
.
#شعراء_وذواقين_الشعر_الشعبي
#منقول
#ابو_تراب

.
بسج يا عين كافي تبجين
بسج يا عين الراح فدوة
بس دمعة ضلت بيج يا عين
تبجيها المن ياهو يسوى ؟
كافي يا عين انسيهم لا تبجين
يا عيني من طاريهم شتذكرين
ذولة النسوج العذبوج انسيهم
ما شفتي وياهم ابد ايام حلوة
بسج يا عين الراح فدوة
ناموا يا عين احبابي صدكيني ميذكروج
انتي مثلهم صيري عوفيهم ميفيدوج
ذولة النسوج الدمروج انسيهم
ما شفتي وياهم ابد ايام حلوة
.
.
#شعراء_وذواقين_الشعر_الشعبي
#منقول
#ابو_تراب