.
وتدري ترد عسل ساعات الفراك
من يرجع حبيبك هم يعاني
وتدري انت شهضيمة اعلى اليتانيك
من يدري بشخص خاين يتاني
ودريت انت شغلاتك كبل متخون
ما تدري وحك الما هداني
بغلات الروح مو عند اليضحون
بغلات الروح عد واحد اناني
زين الماخذك ما عنده محبوب
يعرفني وسوية نضل نعاني
اضل ويا شهر من فشلة الناس
اكلهم راوست ما اخذ مكاني
بضجيج الحرب يغفى الباله مرتاح
ويشوف الموت محبوبه واماني
بس المثلي ما يتهنى بالنوم
يشكل عنده ارق ميل الثواني
انا وياك نسهر والفرق صار
انت بحضنه وانا وي الاغاني
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
الف مبروك والباقي بحياتك
باجر راح تسمعهن سوية
تبجي احبابك وتفرح شماتك
ويزفونك واموت بفد مسية
دشوف شكد محبتك
يشيعوني وي زفتك
الجفن الابيض لبسته انا لغلاتك
والاسود لا تلبسه انت علية
يا الكتلي انا احبك موت واحسك تجري وي دمي
طلب عندي اذا مرخوص سمي ابنك مثل اسمي
ومن بسمه ينادونك
بأيامي يذكرونك
واذا احس روحي عايش وي ذاتك
تصير وداعتك سهلة المنية
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
شكد جان بعيونك هلا لمن جنت ماعرفك
ومو ايدي احس جنحان الي لمن كعدت بصفك
وديتني لكل التفاصيل اليحبها الحالم
وفزيت لنك واحد يجذب علية ويكلي ضرفي وضرفك
اه يالعيونك والي جروحك وسعه
هدني ارد اذب روحي اعلى اقرب دمعه
طلعت صوتي يا الجنت حجي العيون تسمعه
صح جنت للجية وطن
بس البجن يتعلمن
وخليها بأذنك للزمن
مو كلشي بالروحه انكسر يتصلح وي الرجعه
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
من كل گلبي احبها ما مجاملها
حبيبتي وانا رجالها وخلها
صح ما نتفق مثل الحجر والجام
بس ما نفترك بالعركة اغازلها
مزاجيين والبيناتنه بكل يوم
يوصل للنهاية وربك يحلها
وضلينه سوى مو لان مصافين
العلاقة التستمر تقوى بمشاكلها
بعد شيفضها اذا مغرور حب مغرور
التحرمها كمت اعناد احللها
واخبصها احبج حيل احبج موت
ومن تطلبها مني اعناد ما اكلها
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
استعجلتي ترى الخنتيني ويا
تعنالج لان فاركله غالي
الفرق مابين نيته ونيتي وياج
رادج للهو وردتج حلالي
راد براسج انتي يخلص الليل
وانا ردتج تصيرين ام جهالي
ومابية نقص جان النقص بيج
لان تردين واحد لا أبالي
الطيب لو بكلشي الاول يصير
اذا ميخون ينذب على التوالي
كل هذا واكول الطيبة ذلة والغدر عاش
واشوفج وارجع ل طبعي المثالي
لهسة وگلبي يمج ماله رداد
اجي كامل واردن صدري خالي
واحير الشافني مذلول مهيوب ؟
نازل راسي لكن دمعي عالي
وبعد شيفيدني تكبرين بالعين
صغرتي وكبرت بعيني الليالي
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
روح وشكل عاجبني
ومثل ما احبك تحبني
ما ناقصني شي غيرك
لكيتك و الله كملني
هلا بالجان مرسوم بخيالي
هلا بال يمشي ويضل اعلى بالي
انا لو عندي غالي بجيتك انساه
واجيت انت بوكت ما عندي غالي
حاسد روحي حاسدني ؟!
على الشال التعب مني
الحب مثل الرزق مرات
واحس بيك الله رازقني
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
مرتاح شفتك كلت مو مشكلة
بعيونه يمكن غير واحد حلة
بالعافية وذاك التعب والسهر
جنت ادري راح يضيع من أولة
اني اعلى كد المصلحة وانترك
عود امهات وعايش بمكحلة

#رائد_ابو_فتيان

سوي اليعجبك جيب ودي
ومبارك على العاشرته بعدي
شكد يريد يعني يطول وياك
على ساعة ويكلك هذا حدي
بدولاب الجذب يكضيها فرات
يمك جذبة تخلص جذبة تبدي

#يحيى_العلاق
.
.
.
.
#شعراء_وذواقين_الشعر_الشعبي
#ابو_تراب

.
هو الرايدك يعرف ضرف واسباب ؟
بس كلي اكو ثاني بحبك محشمة
الحب كلما صعب يغلى اعلى اليحبون
ترى يضحك علينا اليحجي بالقسمة
المصيبة انت حلو وتمطر علية بوسات
وانا كالتلي امي اعلى المطر رحمة
لا غصبآ على القداح يهوا الشم
وانا مو من فراغ وياك كمت احلم
بعيونك المفضوحه تريد احتار
انا مفسر شمكتوب بالطلسم
اجيت مواعد الوردة ام نوايا البيض
على يا اساس ارد ثيابي تنكط دم
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
حنيت لو للهـَو تسأل عن اخباري !.
اشتاگيتلي ؟
اتندمُت ؟
لو هـيج بس للعَب تتحارش بناري
أمن بعدني انچوي
وتشوفني شگد قوي
مرات ابچيّ بجرح
ومرات ؏ طاري
ومرات انطرك ثلج وانه الشمس خصمي
لك والله اعشكك عشك .. مو تجري وي دمي
ما شايفك من فتت .. بالدنيا گبلك صرت
بس چني من فتحت شفتك گبل امي
اي يا ذخر همي
تجاوزتك وكملت مجبر جنت مو بطل
ليش استلذ بالنصِر وادري اني مو نشمي
غصباً عليه عشت من انت مو يمي
گلت ع هجركُ حلو
وگالولي عفيه وكفو
بش النتيجه شنو ؟
كدامُ ناسي صدك اني ربحت الحربَ بس خسرت حلمي
.
.

.
#شعراء_وذواقين_الشعر_الشعبي
#رائد_ابو_فتيان
#نٌےـوُرَ

.
تعودتك هوى معلم
ماينشم اذا ميطوف بردية
ولا ضيجت خلگي وياك
تظلم واني اگول الدنيا مگضية
اضمك وين؟ مابيه
انته بروحي ويشوفوك
دگة بوجه عربية
تزعل ينخطف لوني
ويمدد جرف بعيوني بسرعة يبين اشبيه
الزلف لمن يبوسة الشيب
عليه زعلانة ترچية
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
تلاكَينه غربه وبس جزت
عينك لكَيتك غالي
من يومها ومن ماتجي
الكَاك جاي ببالي
وعيوني مو من الدمع
من الاحساس اتلالي
يسموني خالي
ومو جذب
بس ياهو اليحب من صدكَـ
غير أبو الكَلب الخالي
من باب أموت بغيبتك
ومن باب أموت بجيتك
ولليوم مدري شتنحسب
محبوبي لو چتالي
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
تكرهني اي بالعقل
بس انا مثل الطفل
من صار هجرك صدك گلبه وكف ضده
بين الصدك والجذب بضلوعي وكفاتك
وبطولك انت تجي ومتفحه وجناتك
ما بيك شي مو طري
وانا افتر اعلى المري
كلهن يصيحن علية بوية الوكت فاتك
يا كلشي بالنسبة الي
عفتك بالف يا علي
ليش ارجع ادري صرت خارج حساباتك
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
مرتاح شفتك گلت مو مشكلة
بعيونه يمكن غير واحد حله
بالعافية وذاك التعب والسهر
چنت ادري راح يضيع من اوله
وانى اعله گد المصلحة وانترك
عود امهات وعايش بمكحلة
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
.
بعد شيرجعه انتهى البيناتنه
لا اسفنه يفيد لا دمعاتنه
مايرجعنه الندم
احنه داخلنا انهدم
ومر قطار الشوگ عده وفاتنه
بعد شيرجعه انتهى البيناتنه
احنه من خاطر علاقتنه انكسر
ما تنازلنه ولا بينه انجبر
صار همنا الغلط من عدمن بدر
وطبعاً تسي ٔ الامور
احنه مالينه الغرور
وكلمة ما نتحمل اثنيناتنه
العشگ يعني التفاني التضحيات
وما يدوم الا بوفى ونكران ذات
واحنه ما قدسنا حتى الذكريات
وطبعاً تسي ٔ الامور
احنه مالينه الغرور
وكلمة مانتحمل اثنيناتنه
بعد شيرجعه انتهى البيناتنه
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

• .
شكد جان بعيونك هلا لمن جنت ماعرفك
ومو ايدي احس جنحان الي لمن كعدت بصفك
وديتني لكل التفاصيل اليحبها الحالم
وفزيت لنك واحد يجذب علية ويكلي ضرفي وضرفك
اه يالعيونك والي جروحك وسعه
هدني ارد اذب روحي اعلى اقرب دمعه
طلعت صوتي يا الجنت حجي العيون تسمعه
صح جنت للجية وطن
بس البجن يتعلمن
وخليها بأذنك للزمن
مو كلشي بالروحه انكسر يتصلح وي الرجعه
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
اگدر اوصله بس انتو روحوله
وباليعجبكم اشتردون گلوله
واذا يذكر ايامي بوجه لتضحكون
وعلى رجعتنه واهس لا تسووله
گلوله الگبل فارس احلامك چان
شاعر مايدور چلمة مگيوله
واضل لوحدي ولا هوه ثاني يصير
الرهم وي غيري مايگعد علي طوله
التركني احچي ويه روحي
شرايد احچي وياه
البقى بيناتنه بس ذمة مشكولة
تركني بدمعتي امبلل
يزعل عادي مايزعل
انه ادري بحضنه مستعمل
ويريد ارجع واحن واشتاگ معقولة؟
دگلوله الرسايل والصور عشيت بيهه النار
وعلى دخانهن سويت تعلولة

.
.
.
.
#شعراء_وذاوقين_الشعر_الشعبي
#رائد_ابو_فتيان
#نور

.
على اعصابي كضيت ايام الفراك
وصلت موتي وطيفك حياني
جنت مفاركك ومفارك الروح
وبعد ذاك الصبر جيت ويا ثاني
أيدك ب أيدة تحجون وتضحكون
و فتوا وفات وياكم أواني
وغارت شوغتي بمكابر الروح
گبالك وانت ضحكك شك أذاني
ولا جنگ الحالف باليشورون
حلفت انت والتأذيت اني
بيمن قصرت واجازة انا بهاي ؟
بخلكي ... الجان اطول من زماني !؟
أيدك جانت تبذر بالجروح
وصرتلك مكبرة ماردلي جاني
منك يا جرح رجعته فشلان ؟
وما كتله استريح بنص كياني !
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
اول مرة احس مرتاح من دونك
وعيونك ولا مشتاك لعيونك
تكلهم ما وفالي ضحكتني بهاي
هسة انت حبيبي بالوفة شلونك
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
بعيدآ عني ضروفي وعن ضروفك
انتهى البيناتنه بس ارد اشوفك
شعليها المشاعر بالقرارات
انا العايفك وانطر حروفك
مجربهن واتعس شي بالفراك
من ماريد اعوفك بس اعوفك
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
مرتاح شفتك گلت مو مشكلة
بعيونه يمكن غير واحد حله
بالعافية وذاك التعب والسهر
چنت ادري راح يضيع من اوله
وانى اعله گد المصلحة وانترك
عود امهات وعايش بمكحلة
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب