مساء الخير بقصه حقيقيه جديده
بعنوان #ضريبه_عشگ

فلنبدأ برحله جديده مع القصه الحقيقيه ...ضريبه عشگ

عنوانها وجع القلب ومراره الحب وبين صحوه القلب وفوات الاوان

حكايه تاج.........

ابطال القصه

تاج:26سنه ..من بغداد
ريسان:40سنه ...من الديوانيه
هيثم:30...من بغداد

باقي الشخصيات تتعرفون عليهم أثناء القصه


حلقه١

تستاهلني
بس بعديش..؟
لا مرخوصلي أشتم بيك
گدام الخلگ كلها
وأگلهم حضنك أفيشي
ولا عشگي غلط .. وأنساك
وأحسبنك ضـمـن طـيـشي...!!

___________________

تاج/ مرحبا احب اعرفكم بنفسي اني تاج عمري26سنه

بالوقت الحالي من بغداد......ساكنه ويه امي

وابوي ....وعندي أخ واحد ذياب 30سنه حاليا،يعني

أكبر مني ب4سنوات متزوج وما عنده اطفال متفق

هو وزوجته  (رنيم):ميصير عندهم بيبي لحد مايشتري

بيت ويعزل منا.....

بيت جدي مقسوم النا الطابق الاول ولبيت عمي  صالح

الطابق الثاني عمي جهاله صغار ٢ولد

اما عمي الثاني حسن ساكن ببيت وحد وهوه أكبر من

بابا متزوج وعنده بنتين وولدين

بنته براء27سنه...بنين28.....رضا30....طارق34

اني جنت موظفه بشركه اهليه عملي كله حاسبات

جنت ارجع للبيت زمن قريب للعصريات يوم من الأيام

رجعت للبيت لكيت ذياب كاعده بالحديقه ويدخن

نركيله وعمو

صالح يمه ويسولفون ادخل للبيت اسلم وكبل

افتح الجدر واكل من الجدر

امي:لج على الأقل سلمي علينا

تاج:يمه متت جوع ازدحامات ولعبان نفس طلعت

روحي 

امي: احمدي ربج غيرج ممحصل هالتعيين

تاج:الحمدالله  ،يله دخل اروح اغسل وابدل وانزل

امي:ووووين....جيبي القبغ مالجدر وين ماخذته

تاج:ههههه هذا هوه........

تاج/صعدت بدلت ملابسي .....تمدت شويه جان

تجي رنيم مرت ذياب

رنيم:ها ياعسل شنو نايمه....

تاج:لج لا و الله  جسمي مكسر من الشغل

رنيم:تاج احس نفسي مقبوضه مدري ليش

تاج:شبيج؟

رنيم:لج مرتين احلم بحلم متكرر بيج

تاج:احجي قلقتيني؟

رنيم:مرتين حلمت بيج ايدج مقيده بزنجيل.....

تاج:تخاريف...ياخاروووفه...

رنيم: معزه متصير الج جاره ،ذياب وين 

تاج:بالحديقه  ويه عمو صالح ديسوي..هفففففففففف

رنيم:شديسوي ؟

تاح:هفففففف

رنيم:دنجبي لااهفج بالحاسبه واكسرها براسج

تاج:اهووو دولي اساسا كاعد ي اركل جوه....

بعد ساعه اجه أبويه كاعد وياهم ويسولف

جان صاح امي مدري شحجه وياهم وضاجت

دخلت للبيت صاحت.......رنييييم تعالي

تاج:روحي خيه تلكي وعدج.....

رنيم:خبيثه.....

تاج/من شفت رنيم نزلت كبل طفرت وراها  داريد

اعرف شنو السالفه . .. وخفت يمهم ....

امي باوعتلي صفح :ها ولج انتي مو ع اساس نعسانه

تاج:يمه غير اعرف شكو

امي :ماكو شيء هيه ضيف راح يجي من الديوانيه

اصدقاء ل ابوج ....يضل يومين لان عنده تحليلات

يريد يجريها بلحارثيه......يعني اشتغلت البيت تنضيف

تاج:اهووو ياربي مناقصين دوخه

اني:روحي انطمري  ..  

تاج:خلي رونمه تنظف هيه سبعه البيت ....

رنيم،:تدللين عمه راح اخلي يلمع لمع

.....
بهالاثناء ذياب فات وباايده الموبايل وديراسل

رنيم:ايييييي يلمع لمع ......ذياب

ذياب:حبيبي كلبي انتي أمري

رنيم:روح جيبلنا مي للبراد وفواكهه وشوف عمي شيريد وجيب التليفون من ايدك

ذياب:لج دبطلي سوالفج تره دااحجي ويه صاحبي دنريد نطلع للكوفي....

رنيم:اهلا ...اهلا كوفي.....ديله حبيبي براحتك داشاقيك غير احبك ......

ذياب :اموت عليج

تاج:هلووو......هلوووووو لكم بلابل حب

ذياب رفع حاجبه:هاولج توته تصنطين علينا

تاج:يمه اسم الله انييي اتصنت حاشا لله بس اسم الله عليكم صوتكم واصل لصوب الجدر

ذباب:انتي وحده طاكج الثول وبالج وراسج  بالمطبخ

تاج:لهنا وارفعلك قبعتي واعوفكم واروح اغسل هدومي.....

ذياب:روحي ....روحي  .......

الوكت مر . .. . غسلت ملابسي وكويتهم ووكت العشه

وتعشينا..... البيت صنت  الكل نام واني هم عدلت

فراشي ووقت الموبايل للدوام  ونمت

يتبع...

الحلقه الثانيه من قصه الحقيقيه #ضريبه_عشگ
بقلمي الكاتبه #جيمن_jaymin
البيت صنت  الكل نام واني هم عدلت

فراشي ووقتت الموبايل للدوام  ونمت ثاني يوم كعدت

غسلت وبدلت وسلمت على بابا وماما ،دك التليفون

ابو الخط السياره عطلانه....

امي:ها ولج شلون راح راح تروحين  وحدك

تاج:ماما اني كبيره وهسه أخذ تكسي لو اصعد لو

فورتات .....

امي:سمي ب اسم الله تعالى وطلعي

طلعت لكيت عمو صالح يريد يوصل جهاله المدرسه

.....صباح الخير عمو

.....صباح النور حبيبتي عمو شو بعدج مرايحه

......و الله عمو الخط مااجه و

......لاتكملين واصعدي  اوصل الجهال واوصلج

......ياعيني اخاف تتاخر

......صعدي يله ..

*تاج؛صعدت وعمو وصلني للدوام هناك واول ما دخلت

للدائره رجلي تعثرت بالباب واصبعي وجعني😔عدلت

مشيتي لكيت المدير دخل ورايه....  

المدير:صباح الخير

تاج:هلو استاذ صباح الخيرات ....

المدير:شبيج تتعرجين بمشيتج

تاج:استاذ رجلي انركعت بالحديقع

المدير:عليكم مستعجله........

تاج:عود نشيطه ......

المدير:باباتي انتي الله يزيد من همتج ونشاطج ....

تاج:شكرا

.........

صديقتي ديالى موظف ويايه كل يوم وتجي متااخره

والمدير يرزل بيها

ديالى:اهووووو دشوفي شكد يلغي

تاج:والله يا عيوني انتي دتجيبين الحجي لحالج

لوتجين من وقت حالج حالنا مجان سمعتي هيج كلام

ديالى:اساسا اني مليت وطلعت روحي شكلي راح ابطل

تاج:بطلي خبال غيرج يتمناها الوظيفه

ديالى:يمعود هيه شركه واهليه وراتبها فكر ......

تاج:عجيبه انتي

ديالى:اكو ريوك

تاج:ديالى لاتبطلين

ديالى:افكر
.............

.......اجوي الموظفين ......وسوينا ريوك واتريكنا

بين الساعه ٩ونصف وبين ل١٠ اجت شاب أنيق

لابس بنطلون جينز وقميص نيلي الساعه فضيه

وباايده ملف ......

.....صباح الخير

.....صباح النور

.....اني الموظف الجديد هيثم عمري 30سنه اليوم

طلعت مرحله المباشر وهاي اني اجيت 

صديقتي اسمها ديالى ضلت تحوص واجت 

ديالى:لج تاج دباوهي الطول باوعي الاناقه

لج حبيته الدوام

تاج🤨سبحان مغير الأحوال هسه حبيتي الدوام

قبل شويه ردتي تستقيلين

ديالى:اسسس...

ضلينا وكملنا شغل قريب ومن الانصراف اتصلت بعمي

صالح

تاج:هلو عمو

عمي:هلا بنوته

تاج:عمو تكدر تمر ترجعني للبيت

عمي:حبيبتي والله وديت زوجتي لبيت اهلها وراح ابقى يمهم للعشه

تاج: عمو بالعافيه

عمي:تردين اجيج

تاج:لاعمو ماحاجه اني هسه ارجع ويه صديقاتي

مع سلامه

عمي:مع السلامه

تاج:سديت الاتصال واخذت صفنه.....جان ديالى تنتبه

وحجت ويه هيثم ....

ديالى:عيوني هيثم تكدر توصلنا لبيوتنا  اني وتاج حتلو

منطقه قريبه علينا.....

هيثم:ادللو....سيارتي كدامكم

تاج:لج عوبه شدتسوين

ديالى:شبيج غبيه توصيله ببلاش والولد موظف ويانه

تاج:شلوووون لج هذا بعده غريب شعرفنا عنه 

الناس شتحجي.

ديالى:مخج فتحيه

...........تاج_خلص وقت الدوام واني كبل اخذت

جنطتي وطلعت .....شفت استاذ فرقد ديشغل سيارته

كتله يوصلني وقبل ...طبعا استاذ فرقد رجل كبير

بالعمر.....تاج ظلت تتصل وماجاوبها..

دزت رساله(ليش مااجيتي ويانه)

جاوبتها(رحت ويه استاذ فرقد)

دزت(ضلي بغبائج اني رحت ويه هيثم ويانه اجت ست

ناديه)

تاج*بداخلي اتندمت لو رايحه وياهم بعدين سكتت

وجاوبتها(يله لعد باي بعدين نتواصل)

جاوبتني:باي

استاذ فرقد وصلني للبيت واتشكرت منه 

نزلت لكيت يم بابنا طابكه سياره عاليه

نسيت اكو ضيف راح يجينا من الديوانية

.............يتبع

#ضريبه_عشگ
بقلمي #الكاتبه_چيمن
حلقه٣

تاج / من وصلت للبيت نسيت اكو ضيف راح يجينا

من الديوانية .....بطبيعتي اول ما ادخل افك الشال

وكبل للجدر....هالمره دخلت الجدر مابي اكل واني

تعبانه وجان يوم صعب وتموز حاره وحجابي منزوع

وكفشتي كبيره  والكحله مامضبوطه دخلت

للصاله .....ويييييين الغده

.....للحظه وحده شفت ذياب كاعد يم

الضيف كبل طفرت ووجهي ظل يضرب الوان ....رنيم

سحبتني من ايدي وضلت تضحك

رنيم: لج شسويتي بروحج ههههههه الرجال كاعد جوه

تاج:لج عزه جني مخبله دشوفي جهرتي وفوكاها الحجاب نازعتها عززززززه شلون حرام

رنيم:الله غفور رحيم مادام متدرين

.....اجه ذياب حاجبه مرفوع ويضحككككك

تاج:شبيك 😒

ذياب:ع الاقل جان سلمتي مثل الاوادم  الرجال صار بي

اسهال  كوه لازم نفسه من الضحك

تاج:ها تضحك عليه هاي شنو  .......زين ليش تغديتو 

  ليش منتظرتوني جوعانه.....

ذياب:يأبه ساعه ٤العصر والضيف جاي من ل١٢

وابوج طلع ل ابو التكه والكص راح يجيب منقله

حتى نسوي عشه مشويات  

تاج:عمو صالح يجي بالليل خطيه جان على واهسنا

رنيم :ميخالف نعوضها ...دروحي غسلي وبدلي ونزلي 

ذياب:يله راح اروح يم الضيف.....

تاج*صعدت غسلت ،بدلت واتمكيجت ورجعت انثى من جديد ونزلت جوه يم رنيم 

رنيم .... ولج عوبه شسويتي بحالج

تاج:لج اوف غير كل ما ذكر روحي اكره نفسي بالزايد

رنيم:شلونج بالدوام؟

امي:لج تاج بالي يمج  مرت عمج صالح اجت وكالت

هو وصلج الصبح قلقت عليج كلت شلون راح ترجع

تاج:هلا ماما ........والله بالرجعه استاذ فرقد وصلني

خطيه.

امي:الحمدالله ديله روحي قدمي شاي ل ريسان

تاج:ريسان منو

أمي:الضيف

تاج:لاعفيه خل رنيم

امي:دمشي ياامي روحي قدمي ....

تاج*باوعت على رنيم طاكه من ضحك .....

  دخلت اقدم الشاي ذياب جان كاعد يمه ديسولف

دخلت  .....

_سلام عليكم

_وعليكم السلام

قدمت شاي وكعدت ،ذياب اجاه اتصل فطلع من الصاله

ريسان:انتي اخته لذياب

تاج:اي أخته

ريسان:ها عدلتي شعرج

*تاج"تلمست شعري بس اني لابسه حجاب

بهالاثناء دخل أبويه.....واني وكلفت

ابويه:بابا تاج روحي جيبيلي كلاص مي

تاج:صار بابا ......

رحت جبت كلاص مي ورجعت لكيت بابا ماكو والضيف

ديدخن سيجاره ويباوعلي

تاج: وين بابا ......

ريسلن:خلي الكلاص ع الميز ابوج راح يبدل ..

خليت الكلاص ....

ريسان:شسمج

تاج:اني تاج وانت

ريسان: اسمي ريسان

تاج:عمرك

ريسان:40

تاج:اها.....

ريسان:فاتنا القطار

تاج:بالفعل

ريسان:تدرين شكد يعجبني اتزوج وحده مثلج بجمالك

تاج:اني

ريسان:اي انتي

تاج:انت جريء

ريسان:اليشوفج يصير جهنم

تاج:انت لازم تحترم ذاتك أنته دايس بيتنا

ريسان:واني اريد الحلال.....

تاج/بهالاثناء اجه أبويه واني طلعت ووكفت بالمطبخ   

كلبي يدك ومصخنه .. هاذا شلون يحجي هيج شبيه

اوف تلخبطت........رنيم اجت شافتني صافنه

......شبيج تاج؟

تاج:هذا شوكت يروح؟؟

رنيم:لج اساسا شخص طيب وبشوش

تاج:مو طيب قصدج ذيب

رنيم:لج انتي الكل بعيونج مكروه

تاج:هاي اني هيج موصوججج صوجي احجي وياك

ماكو دقايق وطلع ....ريسان هو وذياب وابويه.....طلعت

ووكفت بالحديقه ...جان امي تجي مرت من يمي

تاج:امي وين راحوو...

امي:للمنصور ،عوفج من هالسوالف هسه صيحي رنيم  

وامشوا حضروا العشه طلعو الشوايات

........

_يتبع

الحلقه ل٥
من قصه #ضريبه_عشگ
بقلمي #الكاتبه_چيمن_Jaymin

مشى الوقت وقرب وقت انتهاء الدوام

داريد أخذ الجنطه الان اجه ابو الخط

هيثم:اليوم رجعي ويانا....ديالى وست ناديه راح يجون

ويانه

تاج:اوكي راح ابلغ الخط واجي

هيثم:باانتظارج.....

تاج/بلغت الخط ورحت صعدت وياهم صرت بالمكان

الي وره السايق مباشره يعني تخيلو هيثم مشال

عيونه عني....ست ناديه حاولت تخليني احجي

هيه وديالى بس ضليت طول الطريق ساكته

بالي مشغول ...فجاءه و ريسان دز رساله(طولتي

الساعات البدونج طويله .......الوكت مايمشي)

فإني ابتسمت ومزاجي تغير كله ضليت اسولف ما تبقى

من الطريق وتغير كل مودي......

رجعت للبيت

جان امي دتحضر الغده اني استغربت

كتلها:سلام

ماما:وعليكم السلام

تاج:شعجب متاخرين بالغده

ماما:يبنوتي الضيف عنده تحليلات بالحارثيه تتاخر

هناك وابوج وياه

تاج:زين لعد راح ابدل واروح يم مرت عمو صالح مدري

عاجبني اكعد يمها شويه

أمي:براحتج بنوتي

تاج/صعدت بدلت وغسلت ورحت يم مرت عمو صالح

ضليت اسولف وياها لحد مااجوي ريسان وبابا

داريد انزل جان مرت عمو تحلف اله اتغدى يمهم

تغديت ونزلت جوه لكيت الكل متغدي وديشربون

شاي.....درت وجهي داصعد ....جان اسمع بابا يكول

بابا:ريسان جان ظليت اليوم.

ريسان:والله عندي شغل باجر ، فلازم ارجع للديوانيه

اليوم

بابا:بالسلامه حبيبي ....شرب شاي وطلع اني ركضت

ع البلكونة....ريسان ركب سيارته وحركها.....شافني

واكفه من بعيد دك هورن وراح....صرت عصبيه

ومزاجي تقلب ....حسيت لخبطه بكولشي بيه

توترت ....كبل ذبيت الحجاب ورحت نمت ....

كعدت لكيت ديالى مسويه كروب على واتساب اني

وهيه وهيثم .والأساتذة الموجودين....جانو

ديسولفون ......

اني كتبت(هلاو).......وغادرت المجموعه كلها ....

ذبيت التليفون ونزلت جوه

لكيت رنيم وذياب....ذياب عنده طلعه باجر وديستشارها

بلون اللبس وهيه كاعده تثرم بالزلاطه و امي وابويه

ديتفرجون مسلسلات واني بالي يم ريسان مدري

ليش دافكر بي وضليت واكفه بالصاله وصافنه

على مكان كعدته الي كعد بيه جان بابا يجي يخلي

ايده ع جتفي واني طفرت خترعت

بابا:اسم الله حبيبتي شبيج

تاج:ماكو شي بابا بس كعدت مزاجي متعصب من النوم

راح اصعد اضرب اوتي للملابس ....

صعدت بغرفتي طلعت قميص وردي داضربه انتي

جان دك الاتصال على واتساب.......فكره ريسان

تركت القميص وعليه الاوتي..... ورحت ادور الفون

وينه شوماكو ..... بعدين لكيته محشو بين الخشب

وبين الدوشك مالسرير....لكيتها ديالى دتتصل...

انطيتها رفض.... كتبتلي(لج ليش متجاوبين ليش
طلعتي من الكروب ع واتساب)

جاوبتها(ماحب الكروبات)


باوع لكيت الاوتي ديبخر والقميص احترك.....شمرت الفون اركض فصلت الكهرباء عن الاوتي وشلت القميص .....رنيم صعدت تركض

رنيم،:شهالريحه حريييق

تاج/ضليت صافنه بوجهها ........ لج جنت اخابر ديالى

ونسيته

رنيم :يله فدوه الج روحي غسلي وتعالي اتعشي

تاج:اوك

تاج/تعشيت ورجعت صعدت ضربت اوتي من جديد وجهزت ملابسي ووونمت كعدت الصبح منزعجه
الاشتراك الانترنت خلصان......بدلت وسلمت على امي وابويه وطلعت للخط
___يتبع

#الكاتبه_جيمن #jaymin
#ضريبه_عشگ
حلقه٦
كعدت الصبح منزعجه
الاشتراك الانترنت خلصان......بدلت وسلمت على امي وابويه وطلعت للخط........طول الطريق صافنه والهم يودي ويجيب معقوله لان عطيته رقمي لو فسحتله
المجال راح يروح .....معقوله جان مجرد وهم وإعجاب عابر،زين اني شبيه تخبلت فرق١٤سنه معقوله افكر بيه
زين هيثم البارحه عيونه ما راحت مني....اني لازم امسح محادثاته وانتبه لنفسي كافي وهم .....

طبعا هاي كلها داحجي ويه نفسي جان زميلتي ويايه
بالسياره
_لج تاج اصحي وصلنا شبيج صافنه

تاج:وياج  

....نزلت لكيت ديالى دتفوت قبلي للدائره  رحت كدت ايدها ووكتلها

تاج:هلو
ديالى:هلو
تاج:شو متأخره
ديالى:انتي متاخره اني هذا وقتي
تاج:ديالى خل نطلع اليوم نروح مولات
ديالى:بعد الدوام نروح

_^_^__دخلنا للدائره سوه

صباح الخيررر.......

هيثم والزملاء:صباح النور

ابتداء الدوام والروتين الاعتيادي .....انتهى الدوام

وطلعنا اني ديالى لا دول افترينا واشتريت واتغدينا

ورجعت للبيت ....مخلولي اكل لان اني كتلهم راح

اتغدى بره ،،،،سمعت بابا يجي ويه عمو صالح

بابا:لك هو شلون زلمه الله يحفظ زوجته وأولاده

صالح:اي والله ينحط ع الجرح يطيب

تاج/معقوله ريسان متزوج ....رحت ل رنيم جانت بغرفتها

تاج:رنيم بابا وعمو صالح شديقصدون عليمن متزوج؟
رنيم:على ريسان
تاج:اها ليش هو متزوج
رنيم:اي متزوج من١٥سنه

تاج:اي زين ............طلعت من يمها لغرفتي وكلش نزعجت ورحت بدلت ملابسي لبست برمودا سمائي ووداريد ارجع  يم رنيم جان سمعت صوت الفون هزاز

باوعت ريسان كبل جاوبته....

تاج:الو
ريسان:شلونج
تاج:وينك
ريسان:مشغول
تاج:اها حقك
ريسان:شتقصدين؟
تاج:زوجتك
ريسان:عرفتي؟
تاج:اي عرفتك متزوج الله يهنيك
ريسان:بس اني احبج واريدج
تاج:نفسيتي ماتتقبلك
ريسان:بس نفسي تتقبلج
تاج:اكطع علاقتك بيه
ريسان:اكطع وريدي ولااكطع علاقتي بيج
تاج:شتريد؟
ريسان:خليج ويايه احبج
تاج:تحبني؟
ريسان:حبيتج من شفتج اول مره تاج اني ادللج دلال مصاير لج أذوب بيج ،تاج اني ميت بيج واريد اطلبج
من اهلج
تاج:اهلي مااعتقد ينطوك انت متزوج وعندك عائله
ريسان:محاسس بيهم حياتي كلها مشاكل والعمر كضه
اريدج الج ابدي من جديد ...
تاج:ريسان  رجاءا
ريسان:اني اترجاج هاي اني رجال شطولي واترجاج
تاج:موقف صعب .....انت منين دخلت لحياتي حياتي
مونفسها احس تصرفاتي مو اني وحده غيري .....
ريسان عقلي بس يفكر بيك بس ممحسوب حب الان الحب موبالسهوله هاي يجي
ريسان:لج هو هذا الحب ....شفايفج وصوتج ولمعه عيونج 
تاج:احس نفسي تعبت اني اتركك هسه لان عندي شغل
ريسان:روحي حبيبتي
تاج:باي
ريسان:باي

تاج/سمعت الاتصال من ريسان تقدمت للمرايه وباايدي
الفون وضليت اباوع ع حالي بالمرايه واتلمس وجهي
وشفايفي.....امرر اصابيعي على خطوط الشفاه
واتذكر حجي ريسان

(  هو هذا الحب ....شفايفج وصوتج ولمعه عيونج)  .
    

بهالاثناء اندك الفون ....عيوني بثواني لمحته الفون
تصورت ريسان اتصال من جديد......باوعت لكيته
رقم غريب ......انطبته رفض ....ثواني ورجع دز رساله

الرقم الغريب(هلاو....تاج اني هيثم)
رديت(هلو هيثم....متاسفه مجاوبتك لان رقمك غريب
هيثم(اني اسف لان اخاف ضوجتج)
تاج(لاعادي بس منين جبت رقمي؟)
هيثم(البارحه من دخلتي الكروب الواتساب دزيتي هلاو وطلعتي اني كنت موجود وحفظت رقمج)
تاج(اي)
هيثم(باجر راح تداومين؟)
تاج(باجر جمعه)
هيثم(صح نسيت)
تاج(اني هسه اروح لان عندي شغل)
هيثم(أخذي راحتج)
تاج(باي)
هيثم(باي)

سديت التليفون وخليها ع الشحن جان تندك باب غرفتي.....

تاج:منو
ذياب:اني
تاج:اتفضل
ذياب:ها شلونج اليوم
تاج:زينه
ذياب:بيج شيء،محتاجه شي
تاج:لا
ذياب:متاكده
تاج:اي متاكده
ذياب:لعد ديربالج ع نفسج..........باسني بكصتي وطلع

اني نزلت ساعدتهم بالعشى وتعشينا......

كعدنا ......نسولف لحد ما صار وقت النوم والكل نام

رحت لغرفتي لزمت الفون دخلت على ريسان آخر ظهور شفته مامتصل..وراها نمت ضايجه
ثاني يوم الجمعه ............يتبع


        
     
   

حلقه ٧
من قصه الحقيقيه #ضريبه_عشگ
بقلمي #الكاتبه_جيمن #jaymin

وراها نمت ضايجه
ثاني يوم الجمعه كعدت الظهر لكيت ريسام داز جمعه

مباركه ...اني والنعس بعيوني بعده بحثت بالكامل
صوره ادعيه جمعه مباركه ودزيتها....مجاوبني....

اني هم غلست كمت غسلت وتريكت......ورجعت صعدت الغرفتي بعد ساعتين لكيت ريسان داز رساله
كاتب بيها (احبج)
جاوبته (🤗)

واختفى اني هم ضليت احوص هاي ليش هيج  ليش مايحترم المقابيله بالساعات يله يجاوب اني هم بعد ماجاوبه.....

وره ساعه دز صوره بيها شعر غزل....دزيتله 

وكطع.الانترنت .. 

واني ضجت .....طلعت الساشوار والماشات وضليت افكر بي واتذكر ملامح شكله
واتذكر شلون عقلي بدون سيطره نطيته رقمي واني إلي اتصلت عليه .......جان اندك الباب

كلت:اتفضلواا

رنيم:شبيج
تاج:نفسيتي تعبانه راح تجنن
رنيم:ليش شكوو
تاج:مااادري لاتسئليني
رنيم:روحي لبيت عمج حسن هم تغيرين جوو
تاج:مالي خلك وماحب هناك اتصير مجادلات وانتي تعرفين ويه منو. 

اجتي امي:شو كاعدات هنا تاج ورنيم امشو نروح لبيت
اهلي يله تعالو ويايه

رنيم:صار عمه.....لج تاج لاتصيرين ثوله كومي حتى بلكن نفسيتج تتغير

تاج:ماررريد  عوفيني

رنيم:دكومي

تاج ...طلعت وياهم لبيت جدي نفسيتي تعبانه امي ورنيم ضلو يسولفون ويه جدي واني طلعت بالحديقه
دخلت على الانترنت داشوف ريسان مجاوبني لولا
شفت ماكو اجابه .....ماكو دقايق واجت رساله كبل افتحتها شفتها من هيثم
(مرحبا  ...تاج)
جاوبته(مراحب)
(حبيت اسئل عنج)
(شكرا اني زينه وانته)
(بخير.... شدتسوين)
(طالعه بيت كرايبي)
(تونسي زين)
(ان شاء الله)
(اعوفج براحتج)
(اوكي...باي)
(باي)

تاج/ضليت صافنه ع حالي شداسوي بروحي جان رنيم تصيحني.... ....لج تعاللي شربي شاي

تاج:اجيت.....

رحت شربت شاي اسولف ما وطلعنا مناك اشترينا ملابس ورجعنا للبيت. ...  

لكينا عمو حسن كاعد ويه عمو صالح وجايين وياه براء27

وطارق.....طارق بعمر ذياب وهيثم 30سنه بس اني اضوج منه

احسه خالل نكره بنكري  ...بس يضوجني ويحب يسوي

مشاكل .....

دخلتةسلمت عليهم

وضليت اسولف ويه براء ورنيم ومره عمو صالح موجوده.......جان طارق يجي وعيونه بيها مكر

طارق:تاج شبيج شو جنج وحده ساطرج العباس

تاج:اني اني احسن منك اقلها موخبيثه
طارق:انتي رب الخباثه مدري شلون عمي وخاله متحمليج....
تاج:خير منو كلك اني واكعه عليك مثلا
طارق:اها🙄يله  افكر اتزوجج وامشي سوكج 😎
تاج:شنووو......موصوجك صوجي اني داحجي وياك

......يله من رخصتكم.....رحت داصعد الغرفتي عصبيه
وباايدي التليفون بالي يم ريسان ممراسلني.....من يوم الرجع ل أهله وهوه مشغول عني.......صعدت بدلت ملابسي ...وخابرت ديالى ضليت اسولف وياها ......
ومساعدتهم تحضير  العشه.....امي صعدتلي.....

امي:يله تاج انزلي اتعشي
تاج،:ماما هذا طارق جوه وماطيقه اخاف انزل ويذب
كلمه واردها ب١٠كلمات خليني كاعده هنا من يطلع
اني انزل اتعشه
امي:براحتج
طلعو بيت عمي بعد العشه والجاي والنركيله......نزلت
طلعت عشايه من الثلاجه وتعشيت......رجعت صعدت لغرفتي.....نمت ثاني يوم السبت كعدت لكيت

رساله من ريسان(صباح الخير ياملاكي)
...........يتبع

حلقه ٨
من قصه الحقيقيه #ضريبه_عشگ
بقلمي #الكاتبه_چيمن_Jaymin
يوم السبت كعدت لكيت

رساله من ريسان(صباح الخير ياملاكي)

جاوبته(صباح النور)
(مشتاقلج)
(اني الاشوق)
(شخبارك حبيبتي)
(حبيبي زينه الحمدلله بس مشتاقتلك حياتي)
(حبيبتي اموت عليج)
(حبيبي وين صرت ليش الغيبه هاي)
(حياتي مشغول بشغل )
(حبيبي حتلو شغل يعني شويه من وقتك مياثر)
(حياتي ان شاء الله اهتم بيج)
(اي حبيبي)
(تريكتي كلبي)
(لاحبيبي بعدني)
(تردين اجيبلج ريوك)
(😊لاحبيبي هسه رنيم مسويه ريوك)
(لج فديت للخجل والخدود)
(ياحياتي اليسمع هالكلام منك مصدوم ميذوب ماينتهي)
(حبي انتي كمري وغزلي)
......

وانقطع عن التواصل ويايه رجعت قريت الرسائل ورحت يم اهلي مزاجي متعدل مرتاحه عكس هذيج
الايام شلون جانت قاسيه ....بحيث الكل تعجب ع مزاجي.....الي تغير فجاءه.....كملت كل شغلي من غسل ملابس وكوي وطبخ وتسريح شعر ورحت حتى الصالون.....المهم مضى اليوم وووومضى شهرين كامله
و ريسان يوم يحجي ٣ايام يغلس واني مشلوع كلبي بين الكابه والفرح بين الهم والحزن وبين التفكير والقلق بين الاختناق والراحة...

بين هيثم الي صار يتودد الي بشكل غير مباشر ويساعدني حتى بشغل وحتى الشاي بالدائرة هو اليقدمه الي ........وبين ديالى الي بدت تبتعد عني الان جانت معجبه هيثم ......وجانت تجي من وكت وتجيب حلويات ومرات تسوي حجج حتى تخليه يوصلنا اني وياها كل فكرها ينجذبلها او هيه مادري باله يمي واني بالي يم ريسان.....

ريسان شخص عصبي كلش
مره راسلني وكتله:


تاج:انت مهمل اني ماريدك خل ننهي هالمهزله خليني اشوف طريقي

ريسان:لج لحبج لج لوفكرتي تبتعدين عني اهدم البيت فوك راسج وراس اهلج
تاج:شوف صوره حل اني جزعت انت متحبني
انت متزوج وعندك مرتك وجهالك عوفني الي
ريسان:مرتي خدامه الج ....لج ماحبها لج اعشكج...واشهك انفاسج
تاج: واني هم احبك بس حبيبي بعد ما تحمل فراكك
فراكك والموت واحد حس بيه ....
ريسان: احبج.
.....خلصت المراسله....واختفى ريسان
كلبي احسه متجزء متكطع بين الحب والضياع بين الموت والحياه .........

رجع ريسان والانشغال عني واني اصبر بنفسي يجي يوم ويحس يجي يوم ويزوجني ويخليني بين احضانه
ويحتويني ....مرت ايام وأشهر واني روحي تشب وتنطفي احترك من يفاركني وابرد من يحاجيني
ومن طرف الثاني هيثم كالبلي روميوو .... تلخبطت
اجت ايام عليه مانام الليل بس ابجي واحلم كوابيس
قررت اغير الجهاز والخط وابتعد .. غيرت كلشي وابتديت ويه هيثم الشاب الأنيق وخسرت ديالى....
ديالى تركت الشركه.... صرت اني وهيثم نروح ونجي
هيثم علمودي سوه خط يوصل ويانه موظفين
شويه شويه تعرف على اخويه ذياب وتعرف على أبويه
وصار هيثم شخص محبوب بوسط العائله ......بس شيء يحز بكلبي وهي ديالى تركتني معقوله اني اخذت
شيء يخصها منها

.....يوم من الأيام هيثم طلب مقابله بابا حتى يخطبني كانت بالنسبه الي مفاجئه بس اني فرحانه مدري قلقه أحلامي كوابيس كل ماانام احلم ب ريسان

حددنا وقت عقد القران ....بالليل قبل العقد بيوم
.......يتبع

صباح الخير
#الكاتبه_چيمن_Jaymin
بحلقه٩
من قصه الحقيقه #ضريبه_عشگ
حددنا وقت عقد القران ....بالليل قبل العقد بيوم
.......
جنت داجهز مكياج وملابس جان اسمع أبويه
ديرحب بشخص .....

ابويه:ياهلا  وهيه هلا العزيز
........

تاج/سمعت الصوت ونزلت جان اشوف ريسان واكف ويسلم ودخل الصاله ويه أبويه واني دكيت والطمت على خدي .....صخاممممممم هذا شجابه
صعدت كبل لغرفتي واطق بااصابيعي من التوتر

دقايق ورنيم اجتي....كالت:عمي يريدج

نزلت بس كلبي باايدي...  

سلمت بس ريسان عيونه مفضوحه تذب حقد وشرار
أبويه عزمه على العقد وتمسك بي يبات يمنا 
و ريسان وافق واني جنت متوتره حتى صعدت ع عمي  صالح نمت يم جهاله..ثاني يوم الصبح نزلت هيثم مخابر بابا وكاله مشغول انتو وصلوها الصالون...   
بابا هم مشغول .

..ريسان اقترح على بابا يوصلني وبابا وافق ....واني اضطريت اروح ويايه رنيم.....وصلنا

رنيم نزلت قبلي جان ريسان ........
ريسان:تاج وعزه الله اذا كلتي للشيخ نعم ااافنيه لخطيبج من الوجود .....صيري ادميه وارفضي هالزواج
تاج:ريسان شلون اكول لا الولد خوش ولد وانت متزوج وشفت حياتك خليني اشوف نفسي .... ريسان ماحبك
مااريدك خليني اشوف طريقي خليني اعيش
ريسان:اني اكدر اطلع بيج هسه اخطفج والجن الأزرق ميشوفج... ولايعرف طريقج    . ..... 
تاج:لاارررجوك.
 
نزلت من السياره واعصابي جحيم رحت رتبيت اموري وتسريحه ومن طلعت من الصالون هلاهل لحد البيت ورنيم بين شويه وشويه تذب لحم .....

ساعه٣الظهر اجوي الشيوخ وهيثم و ريسان حاظر
جان الشيخ قره العقد وجان من المفترض اكول
نعم بس اني كلت لا..      

الصدمه صااارت قويه للكل .......

هيثم من وره الباب....لج تاج ليش تحجين هيج
بارحه كلشي مابيج.....

تاج:هيييثم ررروح مااريدك روووح  .....

بابا:شششنو هالحجي شبيج تخبلتي..لج العالم شتكول

شتحجي شتصخم

تاج بصوت عالي تبجي.......ماااااااريده

طلعوا كل الزلم وذياب وابويا وعمو حسن وعمو صالح

ولد عمو حسن متخلفين:شلون تسوين هيج

وريسان:لازم السبحه ويسبح ويكلهم بمكر:اهدو يا جماعه
صعدت بغرفتي اركض وااابجي والطم ..وانتو

. رنيم صعدتلي:

رنيم:اهدي.......... اهدييي......

تاج:لج كاااافيييييييي.......هيثم راح مني....راااح

رنيم:انتي الخليتيه يرووح هو ماراح

تاج:لج طااااح حظييييييي..........

من كثر مابجيت نمت ما حسيت الا ثاني يوم وامي تكعد بيه
امي:كعدي حبيبتي عندج دوام 
تاج:ماررررح اروووح بطلت راح استقيل يمه ما اريد اشوف هيثم ما اريد خجلانه منه
امي:ليش سويتي هيج لعد
تاج:علموده ماما والله علموده
امي:يعني مناويه تروحين للدوام
تاج:لابلطلت منه ماراح

أبويه اجت يباوعلي وغضبان عليه والفشله تاكل بروحي اكل بس مو بيدي     

ابويه:لك منو يخطبج بعد منووووووو؟ وتريدون تشوفين الوظيفه فوكاها لج شنو حصلج تخبلتي

تاج:بابا الله يخليك هون عليه بابا

بابا:اني رايح ل ريسان صار الصبح ووكت ريوك

طلع أبويه من غرفتي وهمي زاد تمنيت هيثم يدك ويدزلي رساله مثل كل يوم الصبح بقوات على فستان مهري متهلك واليابس والورد والعطر والقران .....

معقوله بلحظه ريسان هد كلشي يا ترى شمكتوبلي

ذياب جان ويصفك باايده

ذياب:موكتلج ديربالج ع نفسج شدتسوين بروحج
تاج:خلي اكوم اغسل

المهم بعد مرور٥اشهر ع كعدت البيت صحتي تحسنت
نفسيتي احسن تقريبا نسيته لهيثم
........يتبع

حلقه ١٠
من قصه #ضريبه_عشگ
بقلمي #الكاتبة_چيمن
المهم بعد مرور٥اشهر ع كعدت البيت صحتي تحسنت
نفسيتي احسن تقريبا نسيته لهيثم

استعاديت حياتي بس خسرت وظيفتي ،،،خسرت كولشي حتى ديالى وحتى هيثم .... بعد شهرين له

هيثم اعلن خطوبته من ديالى .....بساعتها من عرفت
صدك نكسرت حسيت شيء بداخلي انكسر ..  

للحظه وحده حسيت حتى جدران غرفتي تعتصرني
الخساره والتعب النفسي والجسدي ......مميت

ايام عدت صعبه وبديت احس أبويه صار يخاف عليه
ويحسب حسابات ....أبويه السكر مالته ارتفع وشكل وياه ضغط....ذبحه صدريه صارت بي........  

ريسان يجي بين كل فتره وفتره لبيتنا  ويطمئن على ابويه واني احبس نفسي بغرفتي ما اريد اشوفه ماريد احجي وياه

المسؤليه صفت على ذياب ،،،،،،،ذياب بده يتلون .....ولاكانه اخويا الي ولدته امي ورباه ابويا

رنيم ضلت حايره بين حانه ومانه .....اني تعبت
كل يوم بالليل اشهك بجي .....من دخل ريسان لحياتي تخربط كلشي ........

مره بالليل جنت متمدده جان امي تجي يمي بالغرفة
تكعد على سريري

امي:تاج حبيبتي شو مالج خلك
تاج:هيثم تزوج
امي:الله يسعده موقسمتج
تاج:قسمتي هوه وفرصتي جان بس اني صيغتها
أمي:الحمدالله كله صالح بيد الله سبحانه
  تاج:الحمدالله .....ماما بس مرض بابا قالقني....رنيم عازله نفسها هالايام  ....وذياب ٢٤ساعه صافن يضرب
صفنات وعالمي كل من ملتهي بروحه
امي:ليش متزوجين طارق ....
تاج:طارق شبيه تخبلت
امي:اقلها ابن عمج......اني ولاابوج مادايميلج    
تاج:اسم الله يمه غير اكتل نفسي وياكم
امي:بطلي الخيال وخليج واقعيه المهم اني هسه اروح انام ورايه كعدت من الصبح ابوج عنده دوه......
تاج:ماشي تصبحين على خير
امي:وانتي من اهل الخير...تغطي زين.....

نمت يمكن لل3الفجر وكعدت شربت مي ومدري ليش حنيت على ابويه...  رحت تسحبت والبيت اظلم
دخلت لغرفتهم....رحت بست بابا من راسه بس حسيت بنومته اختلاف. ... ... رجعت نمت ثاني يوم
كعدت على صريح امي...  يبووووو الحكو ابوكم
مات.... 
كعدت من النوم وماشوف شيء بعيوني غواش ونزلت من الدراج على صياح امي ......تزحلكت
من الدراج ووكعت.....
رنيم:لججججج تاااااج

امي هنا زاد صياحها وخوفها عليه مدري على ابويه اني وووكعت صار عندي اغماء صحيت ومدري شكو بالدنيا ويمي رنيم ومرت عمو صالح لابسات اسود ويبجون....اني كعدت ......

_تاج:شبيكم   .....ليش تبجون....ماما عيطت بابا شبي

_رنيم:انتي بس طيبي وصيري زينه كلشي ماكو

_تاج:ماما وين؟

_رنيم:شويه مشغولين

تاج:لاتضمون عليه صاير شي موزون

_رنيم:اي صاير عني مات

_تاج:ب ب بابا مستحيل....ونهاريت بالبجي...جان شيء بداخلي من بيته بالليل ......بابا .....ليش عفتني......بابا الدنيا ظلمه بدونك....بابا

رنيم:اهدئي الميت يتعذب بالبكاء
تاج:الميت ؟؟؟؟الميت؟ ؟؟؟ بابا عايش اه ...  بابا 

اجه الدكتور ضربني ابره مهدئه ونمت.

ثاني يوم طلعت لكيت يم بيتنا ناصبين جادر والناس تروح وتجي والنسوان اول ما دخلت ذبولهم صرخه
كبيره ؛؛؛بيوووووو جان بنت العزيز المرحوم

؛هاي الحضنت وهاي الباست.....مر ساعتين
عيوني مانشف منها الدمع
درت وجهي لكيت ريسان واكف كبالي  لابس اسود ويسبح واصابيعهه تخترق السبحه...وعيونه تباوع عليه وشفايفه..

.. تكول:البقيه في حياتج

باوعتبله واني عصبيه  وجنت دابجي...عفته وكمت صعدت لغرفتي....سديت الباب...كعدت وراها ابجي 

دكو الباب عليه براء وبنين بنات عمو حسن
ودخلت يمي يواسوني ......بعدها

____يتبع

#ضريبه_عشگ
حلقه١١
دكو الباب عليه براء وبنين بنات عمو حسن
ودخلت يمي يواسوني ......

براء:تاج اني وياج اني وبنين مراح نعوفج تعالي يمنا ارتاحي كم يوم رضا وطارق هم كالو خلي تاج تجي

تاج:لج براء خسرت كلشي بابا وهيثم لج اني مفكوره
اريد انتحر اررريد اموت

براء:الموت مو حل ابد مو حل خليج واقعيه
تاج:كافي كافي .......خليج واقعيه واقعيه ما عندكم غير هاي الكلمه لج الكل حياتهم ماشيه الا انيي دنيتي تمشي بالعكس يمته ارتاح
براء:تعالي ويانه غيري جوووو
تاج:ماعندي سلو غير الدك والطم على أبويه تردين ااعكر مزاجكم...
براء:ميخالف حبيبتي تعالي نتحملج

تاج/كمت بدلت واخذت ملابسي بجنطه زغيره وطلعت
وياهم بقيت لمده اسبوع كامل طلعت وماسلمت على الكابوس ريسان ........على أمل حياتي تتغير رحت لمده اسبوع كامل يمهم وطارق الدهري حرف واحد ماحجه ويايه راعاني مشاكلي النفسيه ما قصروا ويايه ابد طلعت ومطاعم وطلعت ومكياج وحتى قرآن الكريم ختمناه ل أبويه سوه

بعدها كتلهم رجعوني للبيت ،،،،،، طارق وصلني رجعت للبيت كبل سلمت على ماما لكيت ريسان كاعد يم ذياب ويوشوشون بالحجي
ويباوعون عليه ....
درت وجهي وغلست.....بعدها بنصف ساعه سمعت من رنيم ريسان طلع مشوار ....نزلت كبل
على ذياب وجان يمه طارق.....

دخلت الصاله واصيح"هذااااااا شنووو جاي هناااااااا
ماريده يجي ريسان لاتستقبلوه ريسان صديق المرحوم بابا وبابا مات ماله حق يجي بعد طلعوه من حياتنااااا

ذياب:لج كافي صياح.....كافييييي اهدي وبعدين نتفاهم

تاج:اني ما اريد اتفاهم اني اريد ريسان ينقلع منا
امي:لج اش اسكتي يروح يجي ويسمعج
تاج:واذا اجه و شنو يعني ويولي

بهالاثناء دك الجرس

امي كالت:لج هذا اكيد هوه
تاج:راح اصعد فوك ما اتحمل اشوفه

طارق اني صعدت لغرفتي وطارق فتح الباب طلع عمي صالح جاي مو ريسان ...نصف ساعه ووصار صياح عالي بالبيت......بين عمو صالح وذياب وطارق يهدي بالوضع.......اني مطلعت من غرفتي ضليت بمكاني وكعدت أتصفح بالفيس واكلب بصوري
جان امي تصعد يمي بالغرفة تبجي....اني شفت امي تبجي اتخبلت

تاج:شبيج ماما
امي،:ما بيه شي
تاج:ماما شبيج ليش تبجين لاتكولين ما بيه شيء
امي:عمج صالح الطير الوديع الي ابوج يحبه
تاج:شبي عمو شيريد؟ شو جاي بس يعيط ويحجي
امي:يطالب بالورث وخير اجتافه من ابوج
تاج:الورث أبويه بعده ترابه مناشفه صدك تحجين يمه؟
امي:وذياب وياه تكاتلو يكله اشمعنه حسن طالع ببيت وحد ومستقر ...اشو طارق من سمع هالحجي ع ابوه خله وطلع من البيت لج يمه تاج شكله الذئاب راح تبدي تنهش بلحمنا
تاج:يمه وموقف اخويه شنووو؟
امي:بعد ماطلع عمج هو طلع أخذ علبه السيجاره وطلع حتى تليفون ما اخذ وياه

رنيم اجت يمنا وضلينا نسولف ناس تهدي بناس
بعدها صار وكت الغروب رجع ريسان من طلعته وامي كعدت وياه تحجي ع المشكله الصارت ويه عمي صالح
ضلت يسولفون..واني فوك بغرفتي واعصابي انهاررت اريد ريسان يطلع ماكوووو .....بعدها

....يتبع

قۣۗـۙصۣۗـۙصٍ 📖ۆبۣۗـۙسۣۗ 💯

حلقه١٢
من قصه #ضريبه_عشگ
بقلمي #الكاتبه_جيمن #jaymin

تاج/ ضليت فوك فوك بغرفتي واعصابي انهاررت اريد ريسان يطلع ماكوووو  ...
نزلت للمطبخ ويه نزلتي ريسان لمحني ..  جان امي تصيحني
امي:تاج يمه تعالي سلمي على ريسان
تاج:ماررريد اسلم عليه....وخل يطلع منااااااا  
ريسان:انتي شلون تتجرئين ترفعين صوتج عليه.....باوعي....اني لو مااحترم والدتج وخالل حرمه هذا البيت جان دفنتج بالكاع هسه .....  من رخصتج حجيت اني طالع .. ....
امي:وين رايح يمه لاتاخذ بخاطرك اعتبرها طفله و نفسيتها علمود أبوها تعبانه
ريسان:مصار شي حجيه مع السلامه 
امي:الله وياك...........،،،،  لج تاج شصخمتي شلطمتي ولج عيب
رنيم:لج صخام زين ماضربج.....

*تاج كعدت بنص الصاله وابجي عوووفوني ....بعد١٠دقايق رجع ذياب اصلا نسى ريسان
وصعد بغرفته وماحجه شيء
امي كالت ل رنيم لحكي رجلك شوفي شبي  .....
واني نمت بحضن امي وغفيت....ربع ساعه وصحيت
على صياح ذياب يتعارك ويه رنيم ......نزل كبل علينا
اني وامي  ويصيح...خلاص خل نبيع البيت هالبيت المهجومه وخل الكل ياخذ حقه واني هم استقر ببيت وحدي ويه مرتي
امي:تستقر واني واختك وين تروح ذياب اتقي الله
ذياب:يمه خلاص شفتي  عمي صالح شيريد ....وبالنسبه  ل تاج اول وتالي تتزوج وتنستر
تاج:ماتزززوج ماريد....
ذياب:حجي يفيدج دخل نلكي ابن الحلال واني اعرف اشلون اقنعج .......
تاج:لاذياب لا .....علاقتي بيك اخ واحترام ك اب اياك تفرض شيء عليه  بيوم من الايام شيء مااتحمله....
ذياب:اشششش ....
تاج:لاتكول اش  
ذياب:ولي منااااااااا

تاج/صعدت لغرفتي ابجي

وامي كالتله:مادام اني عايشه مالك حق تتصرف
ببنتي
ذياب:اني هنا المسؤل عليكم وعوفيني اشوف مصلحه اختي بنفسي........واني هنا صاحب الورث الأكبر
امي:شقصدك وشلون تحجي بالورث واني كدامك
ذياب:لججججج رنيييم لمي هدومج خل اوديج ببيت اهلج
رنيم:ليش اني شسويت  
ذياب:إلي كتلج بي تنفذيه
امي:ياا مرتك شعليها شدتخربط انته

*تاج/ذياب اخذ زوجته وطلع بات بره البيت مرجع....  تخيلووو صعبه من نسوان يبقون بالبيت وحدهم
وين صوت ابويه ووين هيبته وين خيمته وين لمتنا
وعمامي وينهم كلمن شاف حاله وصار يمد ايده
علمود الورث..... بيومها نمت اني وامي بغرفتهة ودمعنا مانشف  .....خايفين من باجر وشراح يصير
وذياب شراح يسوي...الليل مرر مررر صدك ساعاته
طويله والسكون يقتلني والهدوء يعتصرني
ثاني يوم الصبح  كعدنا توقعنا يرجع...... .
أيام مرت وايام وشفنا عمي صالح عزل من البيت....واخذ كل اثاثه وغراضه ....وطلع حتى ماسلم علينا.....متنا جوع لاامي تطلع ولااني اطلع الفلوس والمسواك شح بعد اسبوع
رجع ذياب وحده ومرته ماكو
امي:هلايمه هاي ليش عفتنا بوحدناا حريمات والليل موحش.....وولاكو اكل ولا الشرب وعمك صالح طلع

ذياب جاوبها بهالايمه وصعد لغرفته .....اسمعنا  صوت لوري جايبه وياه حتى ينقل فراشه
نزل غراضه وصعد عمال وياه
وكال:يمه البيت انباع عرضناه دبروا نفسكم هاي فلوس الايجار مالشهر دوروا شقه للايجار وهذا البيت المالك مالته بعد اسبوع يستلمه..

امي ضلت تلطم وتصيح وتملخ بروحها ...لك انت شسويت اني واختك وين تروح ......

ذياب:في امان الله ....

__يتبع

حلقه١٣
#ضريبه_عشگ
بقلمي
#الكاتبه_جيمن #jaymin
امي ضلت تلطم وتصيح وتملخ بروحها ...لك انت شسويت اني واختك وين تروح ......وي رايح

تاج:يمه عفيه هدي من وضعج لاتاذين نفسج والله مايستاهل سوه هالنذاله

امي:أساسا غصبا ماعليك وشيسوي اخوج الجبير وتحترميه لازم
اتبسسز

تاج:يمه تحجين عليه علموده.........عفتها ل امي
وصعدت هيه تبجي جوه واني ابجي بغرفتي.   

بعد شويه امي اجتي.... 
امي"تاج كلبي لاتبجين اهدئي اني ادري المفروض ماحجي هيج وياج وانتي هم لازم تهونين عليه ميصير تضخمين الامور بدال مانصير ايد وحده   

تاج:ااااااه يمه تعبت من دخل  بحياتنا ريسان حطم كلشي..... كلششي تحطم بابا مشتاقتله
امي:اش كافي اذا تضلين هيج مراح نوصل لشي خل نبدي نجمع غراضنا.

تاج:اي
المهم جمعت  الاغراض ....وصدفه عمو حسن اجه ويه ابنه طارق ورضا شافو كلشي متبدل

عمو حسن:ام ذياب اني سمعت من طارق الصار والتطورات الصارت بالي يمكم

امي:هاي شوفت عينك

عمو حسن:تعالي يمنا والله نخليكم ببطن عيونا
أمي:الله يخليك خويه ماتقصر   بس خلينا حايرين بروحنا
عمو حسن:هسه انتو وين رايحين
امي:لكينا شقه صغيره بالشعب وخل نتوكل
عمو حسن:تعالو يمنا شهالبهذله
امي:ابو رضا تره البني ادم عظمه ثكيل ....مشكور خويه احنه بس نحتاجك  اكيد نتصل بيك

عمو حسن طلع من يمنا وطارق حرف واحد ماحجه ويايه وراحووو.....احنه هم ثاني يوم طلعنا لخارج البيت رحنا الشقه وكعدنا بيها .... صعوبات هو ايه واجهنا ......المصروف شح والمسواك قل وذياب
بعد ١٠ايام اجه نطانه حصتنا من الميراث وطلع بعد مشفناه كل اسبوع وبعدها اسبوعين وبعدها بشهر صار يجينا ويتباعد....رنيم تغيرت اتصل عليها مترد.....واحنه
ضلينا بالايجارات لحد ما يوم من الأيام اجه عمو صالح زارنا ومتااسف على الأشكال الي سببه النا.....

امي ماسامحته لان هو الي فتح حلوك وخله  ذياب يطلع ويعوفنا بمحنتنا ....امي ضلت تقريبا ظرف اسبوع ساكنه بامكانها ومتصرفت بالارث....بس كانت دائما تتصل ب عمو حسن حتى بلكن يلكه بيت صغير ونشتريه ...طارق رجع يداهرني مثل قبل بس دومه
بين الحجي يكولي..... يله اتزوجي وخل نخلص منج
جنت افكر اكو أمل نتزوج بس الظاهر جنت ابني قصر
من رمال على حافه الشط ......حسيت طابع الخسران
ديرجع ويزيد من جديد 

جنت احاول اطلع نفسي من مرحله اليأس بس الكه كل شيء حولي مؤلم محزن يكسر بجناحاتي....كان القدر
راسملي طريق بعيد عن أحلامي..أحلامي الشفافه الي
تحلمها اي بنت شخص يحبها ويحتويها وفستان عرس ويتزوجها

فتره طويله ضليت وعيوني ماتغفى والقلق والحرمان والحياه والحيره ماليه كلبي اوصل المرحله اكره نفسي..مرات اضل صافنه على حديده بالشقه يم البنكه اكدر اعلك خيط واشنقها لنفسي ويخلص كلشي كميه الحزن والصبر والهموم الي عشتها كبيره موكل بشر يكدر يتحمل ..بيومها جان الجو هدوء اندكت الباب
وامي فتحتها......

اتفاجئت بالشخص الي جاي،،،،،،،،،يتبع

حلقه١٤ من قصه الحقيقه #ضريبه_عشگ
بقلمي#الكاتبه_چيمن

بيومها جان الجو هدوء اندكت الباب
وامي فتحتها......واذا ب ريسان جاي......اني سمعت صوته وتخبلت دمي ضل يرجف جنت بالمطبخ داغسل مواعين ...عفتها وطلعت امي جانت دترحب بي
.....هلايمه ومدري شنووو

طلعت العصبيه أنفاسي تتصاعد وتتنازل بقوه ........

تاج:شجابك ......شدلاك علينا.....شعندي جاييييي
ريسان:صوتج لاترفعيه لااكص لسانج اتبسز
تاج:اذا رجال سويتها
ريسان:لك اني اعلمج..........ركعني براسي
وطلع من الشقه.....امي حارت بيني وبينه

اني ضليت ابجي اتهسترت تجننت.....اول شخص يمد ايده عليه ..........صار عندي إغماء....امي ضلت تصيح يااهل الرحم الحكوني بنتي ضاعت من ايدي......

رجع ريسان جان هستوه ديركب سياره .....شالني وامي لبست عباه وطلعو بيه للمستشفى.......دخلوني غرفه خاصه ومشكليلي مغذي .....وونايمه محسيت ع روحي صارت عندي صدمه نفسيه.......

ريسان:اني متااسف متوقعتها هيج يصير بيها
امي:يمه الحنه الغلطانين وخجلانين منك يعني بنتي لسانها سليط وماتسكت
ريسان:حجيه اني سمعت بحالكم من اخو المرحوم  صالح وطلعت مسافه من ديوانيه لبغداد حتى بس اعرف اخباركم.......
امي:مشكور وليدي
ريسان:اني عندي اقتراح ليش ماتشترون بيت بالديوانيه
امي:منو النا هناك
ريسان:اني موجود....وأقلها تشترون بيت جديد وكبير
امي:وذياب وتاج ماعتقد يقبلون
ريسان:ذياب يسمع كلامي.....وتاج عليها عليه
امي:الله كريم بس دخل تصحي من غمتها......

تاج:صحيت لكيت ريسان ويه امي واكف النهائية

اطلع مناااا ...........اطلع

عاد الممرضه طلعته.... ثاني يوم رجعنا للبيت امي ساكته ومانطقت شي ويايه  لمده شهر بعدين فاجئتنيى بقرار النقل مالبيت للديونيه تخبلت انشاليت
ونهديت.....خابرت ذياب ......بكل برود مااهتم

كل قوته ويكول:و شنو يعني اذا رحتو للديوانيه......

....
  سديت الخط وكلي خيبه....امي اشترته البيت
.....وانقلنا للديوانيه حياه تختلف عن حياتنا ببغداد

مجرد عاداتهم وتقاليدهم وأفكارهم تختلف ......
اتعايشنا ويه الوضع ريسان كل يومين يمكن ٤مرات كامزلي للبيت ......ما عنده غير كلمه وحده(شوكت تحنين) .....عمامي صالح وحسن يجون بين فتره وفتره وبنات عمو حسن يكضوها سولف من يجون
براء بنت عمي مره اجت و ريسان جان جاي .......جان
تكعد تسولف وياه وتضحك.....و ريسان عمدا يحكي بصوت عالي حتى يسمعني،،،،، ريسان جان يتصرف كانه انزل ومناطي اهتمام لا البيته ولا ل اي احد.....
بيومها بنات عمي حسن براء وبنين كعدو يسولفون ويايه جان تجيني رساله من رقم غريب
باوعت مكتوب بيها(تاج ردي)...ضليت صافنه هاي منوو؟؟؟؟ محد يعرف رقمي.....

تاج:لج براء هاي رقم غريب راسلني
براء:ي دجاوبي

تاج....جاوبته(انت منو ومنين جبت رقمي).....
جاوبني(اني احبج)
تاج(ريسان انت مووو) .....
ريسان(احبج)
تاج(منين جبت الرقم)
ريسان(أخذته بطريقتي)
تاج(يعني مكفاك ٢٤ساعه مكابلني بالبيت فوكاها حتى بتلفوني طالعلي
ريسان:اريد اتزوججج
تاج:كااافييييي
..سديت التليفون وضليت اصبح امي اجتي تركض هيه وعمي حسن

تاج:منووووو نطاه رقمي منووووو
عمو حسن:على كيفج بنتي اهدي
تاج:منو نطاه رقمي
عمو حسن:والله يا بنتي اني مااتواصل وياه
براء:اني نطيته الرقم
تاج:انتي صدك تحجين صدك تحجين.....يتبع

قۣۗـۙصۣۗـۙصٍ 📖ۆبۣۗـۙسۣۗ 💯

حلقه١٥ من القصه الحقيقيه #ضريبه_عشگ
بقلمي #الكاتبه_جيمن
براء:اني نطيته الرقم
تاج:انتي صدك تحجين صدك تحجين.....لج ليش
براء:انتي  اشبيج اتجننتي تعطيه رقمي....هو اني اريد اتخلص منه..........شتحجين .....هذا الفون وغلقته..... 
راح انام احسلي....

كعدت ثاني الصبح يوم ريسان متصل عليه فوك ال٧مرات ويراسل ويضغط عليه ....أغلق الفون الكاه كبالي....بيت عمو حسن راحو واني ضليت بناري الشابه 
لاليلي ليل ولانهاري نار .....آخر شي قررت استسلم واتماشه ويه وضع ريسان ......حسيته حيل لأقرب مني منحني الحب والعاطفه....والأمان شويه شويه رجع
نفس طبعه التجاهل وعدم الاهتمام كل اسبوع يله يحجي ويايه وحتى جياته النه قلت .....تحطمت ضل ريسان بين التواصل والانقطاع تحطمت نفسيتي بالزايد....احجي وياه اكله اهتم يهتم يوم واحد وتجاهل ١٠ايام.....خلاني مثل المجنونه انتظر منه بس كلمه هلوو .....مرات افكر انتحر مرات افكر اهرب من عالمي وارجع لبغداد يم عمامي وخوالي....مرات احسه يحبني حد الجنون واغلب المرات احس ذره حب ماكو بكلبه
كان الماي قريب مني ويشربني السم ......ليالي طويله
اختنكت واموت واصحو ع كوابيس............وحزن وهم
هم كبير ماظن احد عاشه.......استمر ريسان ع تغذيبي
بتجاهله٦اشهرر....... لحد ما يوم من  الأيام جان غايب عني اسبوعين ووقتها براء وبنين جايات يمي راسلني
ريسان جنت حيل عصبيه ..... 

يمكن١٠مرات كررها(جاوبي)صرت حيل عصبيه وكمت تعاركت ويه  براء وصارت مشاده كبيره ضربتها على رأسها جان تدفعني حيل قوي على حدايد الدراج على وجهي.....خدي تااذه ونجرح  . . ضل ينطي دم بغزاره.......براء اتجمدت بمكانها ضلت ترجف واني اصرخ بعلو الصوت....
بنين وعمو حسن وامي يصعدون  ركض  .....

امي ضلت تصيح بيووووووووو تاج شبيج بنتي تااااج
اني من شفتها صعدووو .....طفرت كبل ع المرايه......شفت ووجهي مشكوك اغمي عليه......وبعد ما حسيت بشيءءء

عمو حسن:ولككممممم شصاررر
براء:اني السبب انيييييي بس والله مو قصدي موقصدي اادفعها بس هيه تهجمت وضربتني قوي  واني صارت عندي رده فعل ودفعتها قوي وصار الصارر
امي:لج شسويتي ببنتي حرررامم عليييكم
براء:موقصدي .....كله المشكله الصارت لان نطيت رقمها لريسان
امي:خل ننقلها للمستشفى مدا تتحرك غدت جثه....
.........

صحيت بكيت امي تبجي وشاش ع وجهي.   
والدكتور بكل هدوء يحجي..... 

... .يطيب الجرح واكو عمليات تجميليه ويجوز متحتاجين

اني هنا نهارررريت وابجي....ضربوني ابره مهدئه   
ونمت.........اغمض عيوني وافتحهااا تفرغ من الهمووم
حسيت كان المعاناه قويه والدنيا ضاقت.....بنته الفرج
يمته الفرح الأمل مصيري شنووو....مصايبي كلها بسبب ريسان
طلعت من المستشفى اني وامي   لكيت......
___يتبع

الحلقه١٦والاخيره من قصه الحقيقيه #ضريبه_عشگ
بقلمي #الكاتبه_چيمن
طلعت من المستشفى اني وامي   لكيت...... ريسان محارم وقلق وخايف عليه ... شافني وجهي مشدود بشاش
_سلامتج حبيبتي اسسسف جنت مسافر بشغل......
_تاج:ماريد اشوفك ريسان عوفني.....
_ريسان:اني احبج واموت عليج صدكيني الشغل مااخذتي منج بس كلبي وحياتي وعمري كلها وياج تاج احبج
_تاج:انت كل فكرك تشفق على وحده مشوهه......عبالك اضعف واتزوجك عبالك اهين نفسي وأذلها الك ريسااان
اصحى
امي:عيب ماما تحجين ويه الرجل هيج .... 

تاج/تفاهم وسبقت امي للتكسي ووامي مدري شحجت وياه .....رجعنا للبيت على مدا اسبوع كامل اهلي واخويه ذياب يحي زياره هو ورنيم....طارق كشت نفسه مني امي تبجي طول اليوم  ....واسمها تحجيويه مرت عمو حسن تكوللها(البنيه تصكط وجها بعد منو يأخذها....  

دخلت بغرفتي وخاطري مكسور ارفع راسي للسمه وابجي....ريسان يدز رسائل

(احبج واتقبلج مثل ماانتي)....واني احسبها شفقه
بعد معاناه اتقبلت اتزوجه.....تقبلت اكون الفرصه الثانيه الزوجه الثانيه بالنسبه ريسان .... الزوجه الثانيه مو حرام الزوجه الثانيه حلال.......اذا رادها وحبها وعدل بيناتنا بيني وبين زوجته الأولى..... زوجته الأولى حقدت وكرهتني بالفترة الأولى بس حاولت ابينلها حسن نيتي .... حياتي مشت ويه حبيبي ريسان الي تقبلني مثل ما اني ورغم رفضي الشديد اله......
واني الي اتقبلته رغم فرق السن بيناتنا ... اتزوجته
ومرته أطلقت منه ....أطلقت الان جانت عندها ميول ل ابن عمها.....أطلقت وعافت الاطفال على ام زوجي.....وراحت تزوجت.....وره ٧اشهر اتطلقت لان زوجها يخونها ويجيب نساء على فراشهاااا.
ريسان جان يحترمها بس من طلبت الطلاق بالبداية ذبت بيه السبب بعدين اتضحت نواياها عدم رغبتها
البقاء من أجل ابن عمها .......

اني صارت تروح وتجيلي وعزايم وعلاقتي بذياب قوت وطارق اتزوج وبراء اعتذرت مني
ذياب صار عنده طفل سماه علي ع اسم أبويه ....هيثم ديالى سمعت منهم سافروا لتركيا عاشو...

واني ادعو لي احمل ويصير عندي بيبي .....
نهايه قصتي احب أوجه شكر ا لكاتبتنا
واحب انصح البنات (أخذي اللي يحبج ولاتاخذين اللي تحبيه)


انتهت القصه