.
ضيعتني بغيمتك
وآنه على حالي اهلال ديره
وانطفيت الخاطرك .. كت للنفس .. بلجت علينه
اتجيبه غيره
وذوبتلك حتى اصابيع العرايس
وآنه هاجس ...
امشي واضحك للضحك .. وعيوني
بعيون اليضدونك تجابس
بس احسنهم يكولون ابكلبهم
(( ضيعك ))
واسيتهم بيه .. وجرت منك دمعتي
وماشفتني
وماكلتلك
ضيعتني ....!
ومدري ليش الليل مو ليلي
ولا دنياي دنيه
ولا على جفوفي انلظم خيط الثلج
والعين
عميه
وكلت لا ينهظم راعي الروح
لو بينت وسط الروح ثنيه
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
خليتني بنص السوالف شمع
كلما خطف طيف البواجي انعلك
ردلي السواجي تريد ماي النهر
ردلي العطش ما خله وشله خلك
سولفلي عنك وين جدمك مشى
الضلت وراك بيا حضن تنشبك
ويا ليل نيمته اعلى صدرك بعد
ما جان شعري وجفك آية وصدك

.
.
.
.
#شعراء_وذاوقين_الشعر_الشعبي
#صابرين_الكعبي
#ابو_تراب

.
شككت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك وثكل وجهك وسدت الباب من تالي
ويا رخص الثكل لو صار من تالي
ولا حسبالك بكل ديرة الك شراي
ترى تراب الوطن بس بالوطن غالي
وانا مثل الذهب ما ابور اغلى وارخص وانباع
لكن ما وصلت المحد بحالي
وكتلي مكانك بگلبي وحلى بعينك شخص ثاني
نزف مشيول صب دمعي اعلى قمصاني
ولا تهتم ورد سندان اني تعودت يتغير مچاني
شريد اعتب على البايعني ؟ اذا الشراي بچاني
.
.
.
.
#شعراء_وذواقين_الشعر_الشعبي
#عمار_سالم
#ابو_تراب

.
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك
جفوف الزمتك لازم تحلك يوم
وهم ترجع والزمك وابد ما احلك !
شديتك نذر خيط بضريح امام
ما عندي بخت يرجعلك يفلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
اغفى واسد عيوني عن كل حلم
كل طيف مابي صورتك ينطرد
كون بحطب نمرود واتذكرك
اكعد وافزن ميت من البرد
يعرض زلال عيونك بصفنتي
كل ما شفت كطرة ندى اعلى الورد
اشبكني حيل ارد اكبر بعصرتك
غيرك بريشة يجيسني وانمرد
غيرك عزفني ونشز وسولفت
الله اكولن غرد المنفرد
شايف خدودك من يمرهن خجل
تطاير نجوم السما من الجلد
.
.
.
.
#شعراء_وذاوقين_الشعر_الشعبي
#نهاد_الخيكاني
#ابو_تراب

• • .
ما مجبور احب انسان
هو بعمره ما حبني
وما مجبور اضل اشتاك
كلما لحظة فاركني
ليش انا افكر بي
وهو بية ما فكر
وكلما حاولت انساه
اعرف روحي ما اكدر
وادورله عذر ضليت
واكل لروحي يتندم
اليسحك على الورد معذور
اذا ما يدري بي ينشم
.
.
.
.
#شعراء_وذاوقين_الشعر_الشعبي
#جبار_المياحي
#ابو_تراب

.
احلى ام بالدنيا امي قهرت سنين العمر
والورد لو خلص عطرة منها ياخذلة عطر
والله تستاهل الجنة
امي اسطورة محنة
حضن امي وطن وجفوفه حدود
واذا يسمع دمعها الغايب يعود
امي كبل الفجر تصحى
تخدر وي الجاي فرحه
تفتح الشباج وتكعد الفجر
احلى ام بالدنيا امي قهرت سنين العمر
.
.
.
.
#شعراء_وذواقين_الشعر_الشعبي
#حمزة_الحلفي
#ابو_تراب

.
اطالع صورتك بالبيت
ذكرت فراكك وحنيت
اشوف الصورة وابجيلك
واسولفلك واغنيلك
وحق فراكك انذليت
اخلص الليل بالكوة
ويلي فراكك شسوى
ذكرتك وانهدم حيلي
صفكت ايدي وصحت ويلي
اموت اليوم اذا ما اجيت
وحق فراكك انذليت
.
.
.
.
#شعراء_وذواقين_الشعر_الشعبي
#لبيد_هاني
#ابو_تراب

.
زعلان منه لخاطره ولخاطرة ما سامحت
مر اعلى بالي ودنكت لا اشرتله ولا صحت
زعلان منه ومن نمت
من الشوك ميت صبحت
عيونه واحلامه وصفنته ولهفته ودن علية وما رحت
ووصيت روحي اياج تنطي وجه لمن يجي
ان صالحج ما صالحج
اعصابي سواهن حبل
ويتمرجح بواهس طفل
وما جنت اخلي بخاطرة وما كتله ياما تمرجحت
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
لا تطش الكاع يالمايك شحيح
اسأل مجرب اذا ما جربت
مدري ياهو الحاطها اباله يجيك
يريد حنطة وهو باذرها شعير
بليل طلعلي الشمس وانا اعتنيك
الماي روبه وعود البالك يصير
ليش تحرك دمك وتفرك ب أديك
شهالتكبر ؟ على كيفك يا الحرير
الماي يصعد للسما وتالي يطيح
الصوج بية واعترف اي قصرت
حلفوني بعيني ما كلت الصحيح
وحلفوني بعينك وما جذبت
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
من هو بحالنه احنا المساكين ؟
احنا المحد النا ومدري منين ؟
خلصنه عمرنا بالمحطات
سفر وبيوتنه سطوح الفراكين
مرسومة بجلدنا ذيج الانياب
الجرح لو طاب هم يترك نياشين
وين اهلي علية ما دكوا الباب !
ترى صحتي عليلة وگلبي مو زين
خسارتنه جبيرة وغشمة على السوك
بعنه عقولنا بسوك المجانين
تمنينه نموت بغير تعذيب
وعلى المذبح نطرنا صارنه سنين
يوصلنه السرة ويتأجل الموت
يم اركابنه وتعمى السجاجين
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
مامش جهاز يقيس ضغط المحنا ؟
حتى نعرف ونشوف لليرغب النا

تذكر من نزف جرحك ... شليته
بوريدي وكل ثكل حملك ... شليته
شجاك وچلبك النايم ... شليته
من اجيتك موش عوز اعلى الخوية

احن الكم جم المفطوم ... ل امه
العمر ماي وتبدى يفيد ... لمه ؟
باب البيت جن بالطيف ... لما
انا الميت وانا الجناز بية

يصب دمعي بعد گلي ... عليمن ؟
على ال بالسانه ما وادد ... عليه من
لحط الله وابو فاضل ... عليمن
اليكض بيدة ويكص حبل الخوية
.
.
.
.
#شعراء_وذواقين_الشعر_الشعبي
#كاظم_الزيدي
#ابو_تراب

• .
انا الخواف يا دنيا انا الخواف من كلشي
ولو احلم حلم مو زين انا ارجف قبل رمشي
يهزني الليل الف هزة
وافز بالليل الف فزة
وتعز روحي واكل للخوف ضل بالبيت وانا امشي
انا الخواف يا دنيا وحال المبتلي حالي
اعبر على النهر عطشان والمي مو على بالي
من اولها وجفيت وياي شترجاج من تالي
تعز روحي واكل للخوف ضل بالبيت وانا امشي
عيوني وجذبن وياي وين الكى الصدك عدمن ؟!
بس طيور تعبانات يمي بلليل يلتمن
سوالف همي و دنياي بيمن هالگلب أمن !؟
تعز روحي واكل للخوف ضل بالبيت وانا امشي

.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
حبهم شوية شوية لا تتوازة
هو الگلب شيلچمة غير اعزازة
انخل دربهم واشتل عيونك بي
يا بيت نام وبي تبات جنازة ؟؟
كافي انت بس تنعاف خل ينعافون
ل شوكت تبقى بلا هلا تجازة
اكرص الينبض بالصدر واكعد شيخ
كافيك توكف للوكع عكازة
.
.
.
.
#شعراء_وذواقين_الشعر_الشعبي
#ولاء_الركابي
#ابو_تراب

.
كون المفارك حبيبة يرد علية
ونبض گلبة يسولف شصار بجفاه
وكلمن يحب من طرف ولفة يجية
بوجه يترس حيرته وتمطر سماه
حضنه العشاك ما بيها حرام
اليحب من محبوبته يفصل غطاه
كون المسافر نفس ميشم غريب
متاع للغربة لليحب ياخذ هواه
من تراب ولايته شيوصله خير
بروحه ينده كل صبح بالغربة تاه
ولا جفن سهران يبقى يتاني طيف
الليل مالح والجرح وجهه وكفاه
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
الرضى بذله يعيش يعيش مكسور
العسل علكم يصير بلعة الريج
شك زيج لصرختك واكطع الاه
ترى الصرخة طعمها بشكه الزيج
وترى الدنيا مشانق و احنا الركاب
العمر يمشي وعلينه احبالها تضيج
كتلك عيش دله ورافك النار
شسويلك يعجبك دور الابريج
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
خل يروح كلمن مشتهي فراك
واتلكى الذي مشتهي الملكه
ادين هواي اكو تشتهي الشبكات
بس ياهو ال يستاهل تشبكه
التشبكه كون روحه التشبك عليك
وكون تطيح ادية ساعة الشبگه
ولو مو عيب يطلع ثوب موزين
بس عيب اليلبسه ما يشگه
يومية الك صاحب يا بذات
ويومية وي واحد الك دكه
جيره بفركه كلمن يمشي وياك
وبخيت ال يلكى فد جيره اعلى فركه
انت شما عليت انت ذاك انت
النخل مهما علا يخضع لعركه
وشنفع علوا النخل خل يعلى قاطات
اذا حتى الجهال تلوح عثكه
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
سلام الله يا طارش ... وصله مني
على الي اصلي منه ... واصله مني
يوم الراح اخذله ... وصله مني
واخذ اثنين يوم الرد الية

تنظرلي نظرة غضب ترفع علية ... حاجبك
بالله اريد اسألك عني منو ... الحاجبك ؟
وياك انزف وفى مو طمع او ... حاجة بك
صدكني اني اعتبر حبك الية ... ملك
تلعب علية لعب ما يوم گلبي ... ملك
انت بجمالك صرت فوك الخلايق ... ملك
ما دام صرت الملك خليني انا حاجبك ؟!
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
الله وياكم يا ماي عيوني
بحلم مروا المهم لا تنسوني
وانا ما اقصر واموت
بدربكم من افوت
مو لسان بروحكم ذكروني
الله وياكم يا ماي عيوني
بخت ما عندي واعيش وياكم
مدري صوج احوالي مدري احوالكم
شلتوا وانسد الهوا اليم بابكم
.
.
.
.
#شعراء_وذواقين_الشعر_الشعبي
#مروان_العنزي
#ابو_تراب

.
ذبني اعلى الصدف عوف الواعيد
تعال اغرف الماي ال بالتجاعيد
شما اقلل رقم فركاكم يزود
اثاري فراكم مثل المواليد
عليك البيت حار اتوكه واقراه
واجيبه بنظرة الصياد اليصيد
تعال احكمني غيم ارد انعدم ماي
الكتل بالحب ابد ما بي شواهيد
تعال بحجة انت هلال شوال
باجر عيد روح الصايم تريد
تعال وصيد عصفورين بحجار
ثواب صيامنه وخرجية العيد

دكافي وحتى نارك عندي ما تنرد
وكلما جايني جاي احترك واسود
جبت كل عمري صدكي من الالف للياء
عشت منتظر خد ما عشت خد وخد
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب