.
بالصورة الاكيك وتكض وجهك وهيج ادورة
كد ما عزيز انت علية يومية اكبر الصورة
شايف من يغثك شخص وبيناتكم كاعد بشر وتسكت لان محظورة
جا انا من انغث جنت ما كاعد ويانا بشر واسكت وما محظورة
خل نفرض نشك الصور
وما تعرض عيونك ولو ما تنقبل بس نفرض
وما تاخذ ايدي اعلى الذبح واذبح الصورة مغمض
.
.
.
.
#شعراء_وذاوقين_الشعر_الشعبي
#احمد_الصالحي
#ابو_تراب

.
اخاف اشتاكلك والكاك ما عايز
واخاف من البصدري البعده ما جايز
واخاف كبال عينك نظرة مني تصير
تشبه نظرة الخسران للفايز
ودعتك بلحظة أمنيتي اچلب بيك
وادع وابجي مثل وداع الجنايز
كبرت بغيبتك بس ما كدرت انسى
وعرفت الفرق بين الصورة واللمسه
يا كون الله يجيك احساسي وتحسه
وتشوف شكد وجع وياك مجاوز
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

.
ما اتيه بدرب لو حتى ما ماشيه
على دربي النجم بالليل دلاني
وعلى فروه اسد ما تغفى عين الليل
اذا مو فروته من صيد ذرعاني
واخاف يغيب وجهي بطكه الجيلات
دور بالجثث وياها تلكاني
وما طاحن نصن والعبروا مبينين
اعليها وترد تنهاب حيطاني
وما غشني اللبس لبسوا عباه شيوخ
اشم ريحة غنم بثياب رعياني
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
الله انطاك عمر وعشت وياي
وي غيري شتضن ؟ هم الله ينطيك
جنطه سفر دمعي وماخذه وياي
خلص بأول محطة كبال طاريك
عليك مخلي بالي وخاف فد يوم
تبرد بية حاسب بيش اغطيك
اكو حضنه ملاگه وحضنه وداع
ياهي تريد منهن من الاكيك
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
ياما لسعتنه الشمس وب في كصايبهم غفينه
ياما فيضنه الوفى وحطولنه الموجة سفينه
ياما ذبنه العطش يمهم وبجدح جفهم روينه
تالي نزعوا شوكتنه من گلوبهم كالوا عوض عنكم لكينه
تندمينة شلون قشمرنه الگلب والهم مشينه
شلون ما تبنه بجرح وعلى الجروح تعودينه
شتلوا دروب العشك عثرات وشلون انعمينه
وهذا حدنا وي الهوى وطار الوفى وشوك المدينه
وكون يسوون اليچي جا ب 12 ناظر بجينه
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اتاخرتو علية طولتوا يمه
قلقتوني شنو الشغله المهمه ؟
مومشكله احجولي اشكال ماكال
اشم بثيابكم ريحة مذمه
كلكم صرت ماضي ومااهمه؟
انتهى كلشي ويريد ابريله ذمه؟
آنا اتخوني ذاكرتي مرات
رحمه الولديكم هوه شسمه !
حسباله يجيني الخبر وانهار
سبع سنين اظل عايش الصدمه !
امشي اعلى البحر اكضيهه صفنات
احب ضي الكمر وتحبني نجمه !
واشخبط عالرمل وابنيله ثمثال
وظل ابجي وتجي الروجه وتهدمه
ويملون اهلي من الاطباء
يتجهون بيه اعلى الائمه
خطيه هواي يحلم رايح ابعيد
وفرق مابين حلمي وبين حلمه
حلم مره احلمت جني امشي وياه
ابحلم زرت الحلم كصيت جدمه
ناصبله مشانق حتى بالبال
بس يخطف علي طاريه اعدمه
.
.
.
.
#شعراء_وذاوقين_الشعر_الشعبي
#يحيى_العلاق
#ابو_تراب

.
الجنت الملها الندى ولمتلي ليل
انطيتها عيوني وعصرت اوشالها
الجانت اتغمض بخصلت مستحاي
وجنت اخاف عيون صلفه اتنالها
المثلت دور النوارس بالبياض
اتلونت حتى بسواد اخيالها
راحت وكلبي الترف شوفها خير
وادعتني وسوة اليحلالها
استكثرت بيه الوفى وانه الوفيت
حسبت تالي الوكت يصفالها
اتصورت ينطون الاحلام ابلاش
تاخذ وماتنطي شي حسبالها
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
انا من اشرب جكارة اشهك سنين
وارد وانفخ بوجه الوكت دخان
خاناني الوكت والصحبة والحيل
وباكيت الجكاير عمرة ما خان
اذكر وكفته بساعات الوداع
يدورلي صبر لو وين ما جان
بعت روحي وشريته بساعة العوز
وحرگ روحه وشراني بنص الاحزان
.
.
.
.
#شعراء_وذاوقين_الشعر_الشعبي
#عباس_اللامي
#ابو_تراب

.
بچوا بس ما عرفنه شلون يبچون
وحجوا بس الحجي بخزرات العيون
الليالي شما يلثكها اليحوفون
ترد تغسلها كمرة ولابد تهون
ولو حظ يا نصيب تشيل البطون
لچن بيت الشمس كصت اليعركون
فرق بين اليموت اعلى اليعيشون
وفرق بين اليعيش اعلى اليموتون
.
.
.
.
#شعراء_وذاوقين_الشعر_الشعبي
#نصير_الجشعمي
#ابو_تراب

.
زعلان بس يا زعل
لمن ترد للصدك
كبل المناداة اجي
وشلون جية اجي
اركض ركض محترك
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
تزاعلنا وتعدى اعلى الزعل مده
وندم وديتله بس كلشي ما وده
كلتلي اكتب عتب بلكي الضنون تنام
ومثل گلبي الرسايل ترجع مرمده
شلت روحي وصنم يم بابهم حطيت
الى ان ماي وجهي بعتبته تبده
ادك على الباب احس طلاكته الها لسان
تكلي صويحبك باب الصلح سده
نساك وما بعد يذكر شكد حطيت
بوسات اعلى ايده ومنحره وخده
ونسى كل فوضويتك واللعب ويا
لمن حومريت من الكرص زنده
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
انا همومي جهال وترضع دموع
اكضي الليل الولي وما يهيدون
اغفي بهذا يكعد ذاك ويلوع
ويفزون اعلى صوته وما ينامون
الكبر منهم فطمته وياكل ضلوع
شسوي شلون لو كلهم يكبرون
جنح بية انكسر والثاني مخلوع
وطرت كوة على عناد اليكرهون
بس اسمك نهر والماي مكطوع
وانا اعلى الجرف الهث بالعيون
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
انا كتلك مو حزن لكن حزين
مثل ما تنكطع جوة المطر شدة ياسمين
انا كتلك مو حزن لكن حزين
مثل صندوق العرس ينباع خردة عشك من تمضي السنين
وانا كتلك مو حزن لكن حزين
مثل بلبل كعد متأخر لكى البستان كله بلايا تين
يا حزن ياريت اعرفك
جنت اسويلك حديقة ياسمين
وممشى من كاشي الفرح جدام بيتك
يا حزن ياريت اعرفك وين تسكن
جنت اكلك لا تجيني وتمشي كل هاي المسافة
انا وحدي جان اجيتك
يا حزن وحياة حزنك ما عرفتك
جنك مغير مشيتك
حاط ريحة رخيصة كلش
يا رخيص شكد بجيتك
.
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

• .
على حبك مالي رجعة
ضاعت الفرصة من أديك
ولو شفت بعيوني دمعة لا تضن ابچي عليك
وسفة يمضيع سنيني
تبيعني وما تشتريني
وهذا أخر ما اكلك لا تجيني ولا اجيك
على حبك مالي رجعة لا تحاول وانسى دوم
بعد مالك عندي خاطر بعد ما احمل هموم
لا تخلي الذنب بية
ولا تحملني أذية
انت جبت النار ب أيدك وانت بيها حركت أديك
على حبك مالي رجعة ضاعت الفرصة من أديك
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
بماي حسنك خل يذوبني الخدر والروح تصعد
بوسني لكطع النفس حتى من اموتن بيك اشهد
يا زغير الحلگ يا المن زغره جن من يحجي ينسد
يا ابو صوت الدافي والكذلة الحرير ورصعة الخد
عودتني عليك والمحروم مو مثل المعود
عودتني عليك شيصبر ابن ادم لو تعود
اه يا لون الشعر وي لون وجهك احلى مشهد
السواد يحلي الابيض والبياض يحلي الاسود
عيني يا الطولك حرير الشام بالسوك يتفرهد
عيني يا الزندك وسادة ريش هنيالة التوسد
عيني يا مكحل من الله بغير كحلة بغير مرود
لا تغطي عيونك بجف الخجل لا عيني ترمد
من تفك عيونك ادفى ومن تغمض عيونك ابرد
يا غزل كاشان كل عام اليمر لونه يتجدد
من جنوني بيك اغار بلا سبب واشتعل موكد
.
.
.
.
#شعراء_وذاوقين_الشعر_الشعبي
#عبدالكريم_القصاب
#ابو_تراب

.
من كلشي اخذ درس ما اخاف من شده
ما دام احس بالالم واصرخ اذن ما متت
يعني الالم بعده
گلي الجرح ما تبت ؟ لا تسكت اعلى الغلط
حط طينته بخده
جا قدسينة الورد
كون بكفاه ينجلد كلمن كطع ورده
من جرحي بية شبه ومن طبعي بي جم طبع
يعيش اعلى لچمة عمر ويموت اذا اشده
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
اليحبني ومستحي شلي بهواه
كافي مستكفي وعلي شبعان الم
كون اليحبني مثل دوله وشعار
نعلن استقلالنه ونرفع علم
اليستحي امن الحب نقص روحيه بيه
تالي عمره يكابل مراية ندم
احنه واحدنه قلم والحب مداد
بلامداد منيله كشخه القلم
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
ما همني بحياتي الراحت تضيع
انا الكاتلني راح بغير توديع
انتهت ما بعد اشوفه
عود تمر طيوفه !
صعد نجمة بسمانه شلون ينلاح ؟
الروحه بعيد عنه شلون يرتاح
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
صار هواي ما باچي عليكم
وانا الما بطلت تفكير بيكم
ما اعرف شنو البعيوني مسدود
اشو كل الالوان تشوفهن سود
الجرعة الزايدة من الفركة تأذيك
وتبچي الطبيب الي يداويك
تأكدت الاغصان تشيل تابوت
من شفت الورود تموت بسكوت
معقولة الكلام يصير بي ماي ؟
اذبل ليش من يشح حجيكم ؟
وانا الما بطلت تفكير بيكم
الشعر من ينكتب من دم الاقلام
تسمع بي نبض لو مر الف عام
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
بالنعش متعمدين غربوا غفله
بالكبر ما يدرون يلكوني كبله

كون انت دوم وياي صدكني ما اموت
يتحاشى حتى الموت من يمك يفوت
.
.
.
.
#شعراء_وذاوقين_الشعر_الشعبي
#صادق_الرفاعي
#ابو_تراب