.
بطلت ماكول ايش من جرحي احاه
جي دورت ولكيت عد شامت دواه
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
اكدر بيك ما ترهم علية ليش
لان بيني وبينك فرق شاسع
انت فرار تتختل بالبيوت
وانا هناك ساكن بالمواضع
انا طالع على اهلي وعمامي
وما ادري عليمن انت طالع
انا ارجع من كمين وادخل انذار
وانت للصبح سكران راجع
اذا مسوؤل عندك يحمي ظهرك
ونفسيته مريضة وبيك طامع
وتداوم بيته بلايا تدريب
ولا تسمع بعد صوت المدافع
ونماذج تارس جيوبك نماذج
والممنوع عندك ماكو مانع
احجيلك حجاية وانتبه زين
السيف الاعمى ما يتسمى قاطع
ومعلومة تضل ترجية ب اذنك
اليموت يموت بس يموت قانع
وين الي يموت وهو سكران
و وين الي تأذنله الجوامع
و وين اليموت وهو مثلك
و وين بدمه متحنيه القواطع
و وين ال على السواتر يعبر اول
و وين الي شرد وانطاها رابع
.
.
.
.
#شعراء_وذاوقين_الشعر_الشعبي
#خضير_هادي
#ابو_تراب

.
مرينا بيكم حمد و احنا بقطار الموت
وشمينه ريحة دمع بس ما سمعنا الصوت
مرينا بيكم حمد و وحشة ثناياكم
وشفنه المنايا گبلت ما شفنه ملكاكم
ما تسوى فلس وربع دنيا و بلياكم
وبيكم كلت صفنتي من صفحة التابوت
مر البعد يا حمد بالمرة ضكنا الامر
من شفنه شيخ السلف يم بابه واكف همر
والي يصب كهوته دلال سوك الغجر
شنهو العذر يا حمد بسكوت اون بسكوت
يا حمد راعي الهمر محتل مبانيكم
وايد بعرضكم تجر وايد بصوانيكم

.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
ردم وجهي التراب وكمت ... عناي
الك يا الما عرفت النشد ... عني
افز فزة حياية البيد ... على الناي
بحلم لو مر صدى صوتك علية

متى منياي يا احبابي ... سنلها
ويوم البلجفا روحي ... سنلها
دويت ونار فركاك ... سنة الها
وحركت الفزعوا يطفون بية
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

• .
تعال ب شبگه سجر العين ... طيره
على هدمي ونش غراب جفاك ... طيره
كسرب صكور حطن فوك ... طيره
هيج يوجرن طيوفك علية
غشيم ومثل ليلى وقيس ... وديت
وطلب من ماي وجهي يطيح ... وديت
رغم بالدين بس نيشان ... وديت
من الابره لحد ما خان بية
.
خلها امها ما تنطيش خلني بسريري
وشيلوني من يشيل بركعها غيري
شمحله التحبها تروح تاخذها كوة
من الله حتى تصير بزرتها حلوة
.
.
.
.
#شعراء_وذاوقين_الشعر_الشعبي
#حسين_العجيلي
#حسام_الحمزاوي
#ابو_تراب

.
بعدك الهاللحظة تجري بدمي يالما تستقر
كاض كضه بكلبي حبك ورقة كض بيها الحبر
واني مرات ابدي اكرهك
اوصل الحد النسيت ويمك يجرني الشعر
وهوه مو بس الشعر !
الردت اضيعك بيهم يدلوني بيك بدون عرفة
من ازعل يعوفوني ازعل عود اذا راضوني صدفة
شكد خلك صارت بجرحي خلاف عينك مستخفة
كلبي ما رف اعله غيرك كلبي يمك وانته حلفه
.
.
.
.
#شعراء_وذواقين_الشعر_الشعبي
#فهد_عادل
#ابو_تراب

.
الليل رب العطش وانا ارتوي بصوته
والعاشك المنتظر بالساعة باله يضل والميل تابوته
ولو عاش ليل الهجر يسهل علية موته
لو هو مثلك اكو جا ما عشت وحدي بليل الشتا البارد
بس هو هيج العشك مثل الله بس واحد
.
.
.
.
#شعراء_وذواقين_الشعر_الشعبي
#حسين_المرياني
#ابو_تراب

.
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك
جفوف الزمتك لازم تحلك يوم
وهم ترجع والزمك وابد ما احلك !
شديتك نذر خيط بضريح امام
ما عندي بخت يرجعلك يفلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
عبر گلبي بهواك كبار البيوت
ودكاكين الاسامي بكل ثمنها
عاشك واليحب من اغسل الايد
يجيب الروح ويحطها بسجنها
اجتك بايعة ومخلصة هالروح
هامت وبغرامك جن سكنها
بس شمت هواك تبريدت موت
شافت عينك وسلهم جفنها
خدرت كل مفاصلها وثلج صار
فوك جفوفها و نمل متنها
صفنت دمعت ضحكت بجت حيل
ما حست بعد واختل وزنها
يم رجليك فزت ذبوا الماي
بوجهه وشوفتك ردت حسنها
سمعت نبرتك وانخسفت الكاع
شمت بوستك شكت جفنها
انا روحي بغرامك صرة فلوس
اعمى بلليل وبكاعك دفنها
انا روحي غريبة وعاشكة تريد
وسوادين الصبح بالليل اجنها
خذوا غيبة شفافك كالوا تفيض
وعسل سدر اليمن حطوله منها
وكالوا مشيتك تغري العصافير
وبلابل مندلي صوتك سحنها
روحك من حجت من الله تعلوم
لو حلك الورد يقرأ ب اذنها
لا تزعل علية من تزعل تشوف
عيني شلون شوغاتك ولنها
لا تزعل علية من تزعل الكاع
احس تصيحني وظلمة بطنها
من تزعل احس تمشي الحياطين
علية وتعصر انفاسي بركنها
.
.
.
.
#شعراء_وذاوقين_الشعر_الشعبي
#جواد_الحمراني
#ابو_تراب

.
ما تسوون واحد يتعب الكم
ولا جن بالشدايد واكف الكم
طحت عفتوني وحدي
وكلكم صرتوا ضدي
وانا ب اصعب ضرف ما فاركتكم
ما تسوون كل تعب التعبته
من مال الحمل عدكم عدلته
اخوكم وانتوا اخوتي
وبلوتكم بلوتي
ليش المال بدل كل طبعكم
ما تسوون اسكت ما اعاتب
واذب الصوج واصبر على المصايب
منكم كاطع اليأس
تمشون بحجي الناس
ضيم المر علية بي غربلتكم
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
ب أديك الخاليات شماخذ وياك
بس هذا البعدك ردت افهمه
اذا ريتي بعدها وياي چا ليش
ما تقبل تفوت بصدري نسمه
لا يكمل بعد حلم ال بلياك
ولا گلب اليريدك يرضى هدمه
كل ظني چنت بيك الضوه يعيش
فاتتني الصبح ما تبقى نجمه
مو ما فاهمك بس اني معذور
گدام امنياتي السر اكتمه
تجرحني و اشوفك بس ابريك
واوصيك استغل جروحي غشمه
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

من مذكرات شاعر الحلقة ( السادسة )
اليوم راح اخذكم لسنة ( ١٩٩٧ ) لقصيدة تحمل كل معاني الابوة والوجع والحنين في تلك اللحظة ركضوا مجموعة من اطفال ذالك القطاع الذي كان يسكن فيه شاعر كبير بعد سماع صراخ امرأة انطلق من احد بيوت الجيران
طبعآ تجمهر الناس واحتشادهم امام باب المنزل حيث اصبح الحديث يتداول عن ان هنالك صبي مشنوق بسلك الهاتف ( الواير الخارجي ) عندما كان الطفل يلعب والتف الحبل حول رقبته وحدث ما حدث
وكانت الصدمة عندما علم الجميع ان الصبي هو ابن الشاعر الكبير ( كاظم اسماعيل الكاطع ) ومن تلك اللحظة مرت ايام وليالي واغلب الشعراء والمهتمون بالشعر المتواجدين في تلك المدينة يدور في مخيلتهم سؤال واحد ( ماذا سيكتب الكاطع ؟ )
بالطبع الجميع يعرف ان كاظم الكاطع غادر عالمنا في ( ٢٠١٢ ) ولكنه ب اعتقاد الجميع ان الرجل فارق الحياة منذ رحيل ولده ...

القصيدة :

بده العام الدراسي وبدت الهموم
وبيتي عالمدارس بابه صاير
نسيت وداعتك جيت اشتري هدوم
الك ومحضر اقلام ودفاتر
مو تسمع قيام وليش ماتكوم
ومر اسمك ولا من كال حاضر
الشمس طلعت علينا ومو وكت نوم
وهم عدكم صبح يا اهل المكابر
وهم عدكم ضوه وشباچ ونجوم
وهم ينطونكم واجب لباچر
الوالد بالوداع يصير مهموم
وانا اثنينهن والد وشاعر
خيلك طشرتني وچنت ملموم
وصارت طيحتي بين الحوافر
اذا عشرين يوم وما شفت نوم
شيظل بالحيل بالعشره الاواخر
فراش الفاتحه لو شفته ملموم
بنص كلوبنا تلكى الچوادر
يمنه المصبغه ودينه لهدوم
الحزنك مشترينه قماش حاضر
تمنيتك جرح كل ساع ملچوم
وتبات الليل بشفاف الخناجر
انا يا بوي من ونيت مالوم
نزل مني دمع يعمي النواظر
خدودي تعودت تتندى كل يوم
وتحب الماي خشبات الكناطر
لمت الروح بس شفادني اللوم
شلحك ! وبسفينة الموت عابر
المنايا عالسطح وعيونها تحوم
عليك ونزلتلك نسر كاسر
ستر الله نغگ بديارنا البوم
اخذ عين الكلاده وراح طاير
ديني حلاتك حلو الرسوم
بلكي انعشگ دنيانا مظاهر
اظل كاظم وصبري وياي مكظوم
لو ما هالخشب جوه الاظافر
اهن كاسين بيهن كاس مسموم
خاف اغلط وبالمسموم اكاسر
بعنه البيت ، ريت البيت مهجوم
وريت اكثر بعد من هل الخساير
تحب انت اللعب والگبر ملموم
شلون تحملت وشلون صابر
وليش من الهوى يابوي محروم
ونسمات الهوى تطيب الخاطر
منهو ؟ الشوفك صورة المعدوم
وليش تعلكت ياشاب يا قاصر
ما ظنيت زرعي يروح فد يوم
وعصافير الحزن تگضي البيادر
من اكتب قصيده تزيد الغيوم
ومن عيني الدمع يملي الدفاتر
يبقى بهل مطر ياشعر منظوم
نصاري الحسين وبحر وافر
.
.
#شعراء_وذاوقين_الشعر_الشعبي
#الكاطع
#ابو_تراب

.
دنيا و وراها الموت وانا اصفنلها ؟!
شكثر ذلت ناس والله الا اذلها
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
انا حالي صعب وشلون اوصفه ؟
جفني لا سكن لا طبك طرفه
انا التكعد الوادم يلا اغفى
انا اليوجعنه هواي و هواي
وجع لا ماكل ولا شارب الماي
انا مطبك رجولي وما كفى غطاي
انا مچلب بثوب الرايح وجاي
هلبت منهم يوديني لهواي
اخ من الليالي اليوجعني
انا الما ينسمع ينشاف وني
ولك من روحتك ما بان سني
مو مالت جفى لاوين خايب
ولك من روحتك شفت العجايب
حلك من نمت واصحيت شايب
نشدوني عليك فلان و فلان
منك أيست واتريه غمان
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
خناجرهم عكل وبظهري جم ديوان
وملكاية هلا وملوحة المعدان
يتلوى ترى ما يركص الفنجان
جبروا على الفركة ويتلوة
ما احب الجرس جة يحجي من ينطك
وعشك شايب جرحي بعمرة ما يعتك
كضى عمرة ركض بس هو ما يلحك
الميل شمالة يذل روحة
صحباني لسنهم وي ظهري رموش
وانا ظهري عصب مو زرع حتى تحوش
طحت مامش ايدهم والعيون تروش
على الكاع وكالوا شيلوحة
.
.
.
.
#شعراء_وذاوقين_الشعر_الشعبي
#علي_خلف_الدريساوي
#ابو_تراب

.
خسر كلمن رضا و وقع ... بجتلاي
انصبت وعيون عدواني ... بجت لي
طحت وسيوف خواني ... بجتلاي
وردت زنجارهن يفزع علية

بعرش غدر الليالي ... من ربعنه
الف صاحب شرينه ... مرة بعنه
سبب جرحك يا گلبي ... من ربعنه
ابد ما للشماته جروح بية

ابد ما للشماته جروح ... تذكار
فقط كلهن لربعي وياي ... تذكار
نويت اتركهم وكصيت ... تذكار
اسافر قررت ب أول منية

اسافر قررت من غير ... ماعد
وبعد ما بية اعد جروح ... ما اعد
حجيت و وضحت معناي ... ما اعيد
اخاف احجي وتفز جروح بية
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
كون تمردغك هذا ... ويهلاك
يقين متيمك ينسل ... و يهلك
شكولن شصطبي وشحجي ... وي اهلك
بسبب لانهم مدرغينك علية

يا سمعة تشوف عودي ذبل ... وسفه
بسبب تأمر علينا انذال ... و سفه
الدنيا ما عليها بعد ... وسفه
بدت ب اهل الكرامة تخون هية

بعمري ما شفت وياك ... راحات
وللحك لو صفنت عليك ... راحات
يا ابو رويشد ضنوني بيك ... راحت
اللبن طيب لچن ذاتك ردية

#عبدالله_الحاشي

تبي تطشر شمل ودنا ... تبي لام
ورا ثغرك على حالي ... تبي لام
الك خدين يا مدلل ... تبلام
يشع وينقري الممحي اعلى ضية

#سالم_الدباغ

عجب خلخال ساقك ... ما يرن ش ؟
جبح ودموع عينك ... ما يرنش
يرأن منك سوالف ... ما يرنش
تركتك لو حياة تصير الية

#هاشم_الحاشوش

اتم نوبه اكتم اسراري ... نبتلاي
و عوض عن عيط بستاني ... نبت لاي
من كد ما هويت انا ... نبت لي
شعر شيب الهوا براحات ادية

ردم وجهي التراب وكمت ... عناي
الك يا الما عرفت النشد ... عني
افز فزت حيايه البيد ... على الناي
بحلم لو مر صدى صوتك علية

متى منياي يا احبابي ... سنلها
ويوم ال بالجفا روحي ... سنلها
دويت ونار فركاكم ... سنة الها
وحركت الفزعوا يطفون بية

#ناظم_الحاشي

.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
ما اكدر اطلعك مني وارتاح
شيطلعه الوطن من رأس الاسرى
من اذكرنك ضفاير تخنك الروح
من اريد انساك لازم شعرة شعرة
بهواك اعصرني مني تطيح سعفات
حقي اشتاقلك لان روحي خضرة
سهم يركص بضلعي بيدي جف مي
جهنم بية تلحك وانت صحرة
اعرفك زين عفت الماي بالايد
وجه ما منطي الية انوب كطرة
تجي بشمره كبر شمره سما تروح
واضل ب اثنينهن مخنوك عبرة
تدري بجفني ليش مركص الليل
واذا نعس اكض ظهره واكسرة
حالف بالنجم ما مرة انساك
اذا اكرهك احس كاتلي كمرة
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
لا حسبالك اضحك عود مرتاح
ترى معلم الدلال بكضه الصفاح
ل اذانك صرختك ما توصل يجوز
وانا مطلع الچمه من كد الصياح
دمعة بعين ميت مختنك هيج
وصد لصورته واتذكر الراح
تحجيلي اعلى دكة وكتك وياك
على الدكات جاي تعلم الالواح
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

من مذكرات شاعر ... الحلقة ( السابعة )

في ظرف اقل من شهرين ونص انعدمو اثنين من اخوانه وهاي جنازة اخوه الثالث على سيباية الكوستر ... ما اتحمل الصدمة وبعد ما صرخ طاح واغمى عليه
يا قصيدة تكدر تكفي وتستوعب ان ترثي بيهه ٣ اخوة في ٣ اشهر ؟
فوك كل هذا العيد على الابواب ويشوف امه المسكينة مكابله صور ولدهه وتنعى :
يمه دفنت الولد وايست منه
مامش محنه ..
عكبك يل ولد مامش محنه...

بهاي اللحظة كان شاعر العماره الكبير سعدون قاسم على موعد مع كتابة نص كل ما طال به الزمان بقي متجدد



بس تعالوا

وفرحوا روحي معذبتني تريدكم

سهري ما مر عالليالي

حالي حال الشمعة حالي

والله لو احجيلكم

من أول حجاية تهلّ دموعكم

بس تعالوا

وفرحوا روحي مدولبتني تريدكم

...............

حاير أشكي الحال بعدك

وحاير المن اشتكيك

حسابي خليته اعلى روحي

هيه دلَّتني عليك

تعذَّبتْ باول شبابي

وهذا مو أول عذابي

بس تعالوا

.................

يالبنيت الشوك عاود

انت باقي انت الحبيب

تدري بغيابك حبيبي

حتى بين اهلي غريب

بس تعال وشوف حالي

شعذّبت كَلبي الليالي

بس تعالوا

...................

بس تعالوا

ولو اجيتوا

جفوفنا نحنّيها

وكَلوبنا الما تنسى همكم هلبت انسيها

هلبت بختنا يجيبكم

ونشم روايح طيبكم

وما أصدّك حتى لو جيتوا وكَعدتوا

عيوني احس بيهن غشا وما كَولن انتو

لأن صرتوا مستحيل

لا تجوني لانهار ولا بليل

صرتوا بس ذكرى عزيزة وما تغيب

صرتوا بس جروح بيه وما تطيب

بس تعالوا

ولو اجيتوا

كل عزيز بعمري اطشَّنَّه فدى لعيونكم
حضرت كل الورد والزينه
تصورت خل العزيز يجينه

وانوار صار البيت وشموع وضوه
وشيشة الريحة النحط منهه سوه

باقية بنفس المكان
باقية بنفس المكان

صرتوا بس ذكرى عزيزة وماتغيب
صرتوا بس جروح بيه وماتطيب

بس تعالوا بس تعالوا
.
.
.
#شعراء_وذاوقين_الشعر_الشعبي
#سعدون_قاسم
#ابو_تراب