.
حتى انساك لازم ينلغي الليل
اذا بالليل اذكرك جا شسويت ؟
واحتار من اضل بين رأيين
اذا عن رأي منهن ما استغنيت
بما انك عفتني بكل الاحوال
ما تفرق نسيتك لو تناسيت
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
يعجبني الجرح لو لاكه شمات
يضم روحه بحيث يبين التم
وتعجبني السيوف بجف السباع
يحمرها الخجل لو ما لكت دم
اذا انت شفت لتكول ماشوف
تحجي العين اذا لسانك التلعثم
الحسب عقله يحب صدكني يرتاح
الحسب كلبه يحب صدكني يندم
لذلك اني احب آدم ابو الكل
بس اكره ابو التفاحه آدم
.
#عبدالحسين_الحلفي
.

بناك تنام ليلك وانا اتم سهران
وتغط بالوسن وتكول سهرته
وتثاوب كسل ومنغصات الليل
ما مرن عليك وضكت ما ضكته
اذا هذا اليدور بخاطرك غلطان
ما تعرف ( عطا ) وعن قرب جربته
موش انت البالي ولا انت المقصود
مدري شلون رهمت وانت صرت انت
.
#عطا_السعيدي
.

هو مو كل منجرح جرحه يطيب
لا ولا كل بيت ضعفة من الاساس
لا ولا كلمن هجر كاعة غريب
كلشي بالدنيا الة حدود وقياس
اكو ناس كلوبها من الهم تشيب
واكو بلايا هموم ومشيب الراس
الناس بيها جروح تحتاج الطبيب
وانا بية جروح تحتاجلها ناس
.
#فاضل_عبدالسادة
.
.
.
.
#شعراء_وذاوقين_الشعر_الشعبي #عبدالحسين_الحلفي
#عطا_السعيدي
#فاضل_عبدالسادة
#ابو_تراب

.
وحق كل يوم مر وگلبي ما عاشة
وشكو بروحي غصن يبچي اعلى فراشة
مثل ما بردت النار العلى ابراهيم
برد گلبي وجمرهم بالهوا تلاشة
گبل جانت تجيني اخبار بيها جروح
واتوخى الحذر من عدها واتحاشة
بس ما دام كضيت الجسر ما اخاف
ولا يعنيلي عمق الماي وكياشة
صفر على اليسرى رادوني انهمل بس لا
انا ابن امي من هذا الوصف حاشة
انا عكال اعيش ومن اموت عكال
ما انحط صفح مو جيب دشداشة
.
.
.
.
#شعراء_وذاوقين_الشعر_الشعبي
#سيف_الحلفي
#ابو_تراب

.
على حبك مالي رجعة
ضاعت الفرصة من أديك
ولو شفت بعيوني دمعة لا تضن ابچي عليك
وسفة يمضيع سنيني
تبيعني وما تشتريني
وهذا أخر ما اكلك لا تجيني ولا اجيك
على حبك مالي رجعة لا تحاول وانسى دوم
بعد مالك عندي خاطر بعد ما احمل هموم
لا تخلي الذنب بية
ولا تحملني أذية
انت جبت النار ب أيدك وانت بيها حركت أديك
على حبك مالي رجعة ضاعت الفرصة من أديك
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
عندي احساس راح انساك بس احساس مو اكثر
ابادر بالهجر والكاك بعدك بالگلب تكبر
اجرب ابدي وي ثاني
وافشل من جديد اني
صرت فارس ل احلامك و حضرتك فارس احزاني
اكول انسى وارد اهواك وبنفس الحجر اعثر
عندي احساس راح انساك بس احساس مو اكثر
يا بارد كافي حس بية
كافي تكول شعلية
شتخسر لو تصير انسان
شوية بگلبه حنية
المصيبة تحس باليحبوك
اصلآ ما الك نية
.
.
.

#شعراء_وذاوقين_الشعر_الشعبي
#رائد_ابو_فتيان
#ابو_تراب

.
كافي غيبة
كافي چلمات العتب على الناس يا روحي الغريبة
يالصفيتي بلا عقل ولعلتج ما تصح طيبة
يا الحسرتچ حسرة ام اثنين وافاها الكدر واصبحت ليبة
يا المثل دلة استوت ب وجاغ ما يخمد لهيبة
يا التضنين بعظم بلواج ما صارت مصيبة
هذا سهمج والسهم لوعات والخانه الوكت يرضى بنصيبة
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
امه تشوفه جا وانا ... لشامه
تعبت هم كربت رية ... لشامه
الشلع گلبي ارد اوصفنه
عسى من الله و انصفنه
من اديته تستحي الحنه
سنه يغار من سنه
الشامه مكابله الشامه
يمشي وهن جدامه
يتلثم فضحن الثامه
زعل وتكربن شامه ... لشامه
ابتسم واتفاركن من صد علية
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
تزاعلنا وتعدى اعلى الزعل مده
وندم وديتله بس كلشي ما وده
كلتلي اكتب عتب بلكي الضنون تنام
ومثل گلبي الرسايل ترجع مرمده
شلت روحي وصنم يم بابهم حطيت
الى ان ماي وجهي بعتبته تبده
ادك على الباب احس طلاكته الها لسان
تكلي صويحبك باب الصلح سده
نساك وما بعد يذكر شكد حطيت
بوسات اعلى ايده ومنحره وخده
ونسى كل فوضويتك واللعب ويا
لمن حومريت من الكرص زنده
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب
_

.
اويلي اعلى اليحب والعاشكه بعيد
دخيل الله شيسوي بحاله الغروب
ينهش حصته ويذبه ل الليل
هو يذوب سكته وشمعته تذوب
ينحط بقفص وكبال بستان
يردم بالقفص ويطيح ويلوب
ويضل ينعى نواعي الغاضريات
اذا ينعن يهدن حيل الگلوب
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
روحي ولا تكلها شبيج وانت الماي
مكطوعة مثل خيط السمج روحي
حلاوة ليل محروكة حرك روحي
حمرية كصب مهزومة بالفاله ولك روحي
.
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
بعد ما ربك انطاك علية كمت تكبر !
يا ابو جنحان الكصار طير ان جان تكدر
ريشة انت بوسط ريح
بالك تهوى وتطيح
واخاف عليك تعثر
البشر ما يعلى بالمال ب أخلاقة يتعلى
ولا يتغير الحال ويدوس اعلى خلة
اصيل المعدن يدوم
لو يوصل للنجوم
واليضر الناس ينضر
اليتكبر على الناس هم دنياه تذله
يمر وكت العسر بي واصحابه تمله
ويعيش العمر خسران
ويضل كل يوم ندمان
وكل لحظة يتحير
بعد ما ربك انطاك علية كمت تكبر
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
زعلان بس يا زعل لمن ترد للصدك
كبل المنادة اجي وشلون جية اجي
اركض ركض محترك
يالذتك بريتي وين الكى مثلك هوا
لولاك والله اختنك
هي شراكة نفس لو سكت گلبك سكت گلبي
ويدك لو يدك
ولو ما وكتنه صعب ما جان ابد نفترك
كلمن مشى لحالته
واحد سكن بالغرب واحد سكن بالشرك
وكل هالمسافة البعد وسوالفك تنسمع
جن احنه حلگ بحلگ
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
حبيت صدفة اليوم حبيت
ورديت مثل الطير للبيت
كد ما فهيت بشوفة هواي
جتال ابوي تباوس وياي
مامش اسم الله وطحت جني
وعلى الفاتحة مريت اغني
صافن حرام ان جان ارمش
لو طير يبني اعلى الجفن عش
كد ما صفنت بلمعة الخد
ولكم حسبت رموشها شكد
شنهي المحبة الله ولحد
بالبيت لمن حطوا غداي
كلت ل عطرها تفضل وياي
هب الهوا وفص الثلج بان
شامه اعلى ورقة ورد رمان
.
.
.
.
#شعراء_وذاوقين_الشعر_الشعبي
#علاء_عبد
#ابو_تراب

.
بيني وبينك خطوة وباب
واهلي واهلك ميعرفونه شكد احباب
كلها بهاي الدنيا تجذب
بس العاشك مو جذاب
ما عرفوني ..... ونزلن دمعاتي من عيوني
وصارن فوك العتبة تراب
شلت سنيني بجفي وجيتك !
وماتت روحي بعتبة بيتك
حتى الشارع يدري بشوكي
ويعرف بية شكد حبيتك
وي انفاسي وخطوة بخطوة
وي كل دكة بگلبي لكيتك
صح ما شفتك بس حسيتك
عطرك ريح ويعصف بية
وكلش كافي من اشتميتك
.
.
.
.
#شعراء_وذاوقين_الشعر_الشعبي
#ادهم_عادل
#ابو_تراب

.
يا زلف يتغاوى ويا الليل ب اطراف الكصيبة
هاك روحي الما غفت والطيف ما مرة حبيبة
وهاك جرحي الما تعطب وانت عطابة ولهيبة
هاك عمري الضاك حنضل وانت برحي
يا حريمه الشوك مر بوحشة تايه
يا حريمه انباكت الجلمات من فوك الشفايف
يا حريمه سنينك العشرين ما مرها العشك والعشك خايف
لا ولك ... لالا اعلى بختك ماني سالوفه صرت بين الطوايف
.
.
.
.
#شعراء_وذاوقين_الشعر_الشعبي
#ناظم_السماوي
#ابو_تراب

.
سديت بابي لجيتك وفتحت عيني لطيفك
ما تلكى ذاك ال بالزعل اليكلك اسف واعتذر
منا وغاد بكيفك
تنزل معزتك والصور تصعد رماد وي الهوا
وما يلتم المتبدي
بس مالت الله من اندرت
ما جنك انسان ورحت
مثلوم شي من عندي
ادري بعشرتك للغلب والنهر يعرف بالبلم
يمشي بجدام المردي
منا وغاد لوحدك تدخل لگبرك مو سوى
ونلغي الحجيناهن كبل
وانا اطب گبري لوحدي
.
.
.
.
#شعراء_وذواقين_الشعر_الشعبي
#رضا_العبادي
#ابو_تراب

.
مامش خيط من منديل يندل وجنه الدمعة
مامش عين تشعل بالجرح شمعة
جا يمتى الجرح ينشاف ؟!
كلشي مدخن مدخن لحد الله
وما ضلت دروب نضاف
جم كذلة حرير بلا مشط غبشة
جم عصفور ينطر جدحه الغبشة
جم دكة جرس مخنوكة بالوحشة
جم وردة بلايا شفاف ؟!
كلشي مدخن مدخن لحد الله
.
.
.
.
#شعراء_وذواقين_الشعر_الشعبي
#عبدالكريم_القصاب
#ابو_تراب

.
ادك روحي على العتبة نذر ومخضر اتمناك
اصيرن في للمخضر اصيرن في
واشب كامة خضار و مي
اسيلن غاد ... افيض كل سواجيك اسيلن غاد
ألملم كل عطش روحي واشتله بابكم سدرة
جبيرة وبالعطش توكف سواجي صغار
حزينة وبالربيع تخضرلها عشوش
يا العمرك فرح مرشوش
يا الحزنك خبز يبجي الصبح على الناس
يا العشكك درب مسكون
ون من الصغر بالراس
واقرالك دفاتر ضيم ويضل بس حرف بالراس ما ينكال
يا العشكك هني وجتال
.
.
.
.
#شعراء_وذواقين_الشعر_الشعبي
#علي_الشيباني
#ابو_تراب

.
حبيتها وهم قنعتها تحبني
الجانت كبل ما تقبل تصاحبني
بايگ گلبها المنها كل ساع انباك
وهسة انا ما اشتاگ هي التشتاگ
مفاركها بس ما تكدر تفاركني
تشتكي مني لصاحبتها الحلوة
وتكلها علميني شكله ويهوى
بالليل جانت باردة ب شتانه
بنص الغطى متلفلفه وسهرانه
وتكول لا واحد يجي ويسألني
ياهو المحيرني وشنو مسهرني
وبشوفتي تبرد گلبها العطاب
تانيني هي بحجة ترش الباب
وچي جنت منها هواي كل ساع انذل
شالع گلبها وهسة كل ساع ازعل
ازعل وهي التجي وتصالحني
حبيتها وهم قنعتها تحبني
.
.
.
.
#شعراء_وذواقين_الشعر_الشعبي
#حسين_العتابي
#ابو_تراب

.
تذكر من احط بوسات الك ع الباب
والباب الصبح من تطلع يكلك
وتذكر من اجي لشوفتك جية روج
وعلى حطتك جرف ضليت ما املك
لا انا من البحر خلصان وابقى وياك
ولا جرفك يكضني وتعبت خلك
بصراحة انت جرح وادري من اخيطة يطيب
غلاتك لو صبر مانعني ما اشلك
السما بعينك شبج عوف الاوهام وطير
حط ايدك ب أدي لو اموت ما احلك
بعدك والسهر وحجاية البطران
تولني نهش وتشوف ما اكلك

.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب