.
يناهي الشوك ذمه وذات من ذات
وفرق مابين حالي وحالك بعيد
سنة و صدك يضوك الروح لوعات
ويچملني الجروح جروح ويزيد
ابات بحضن صبري ليال ويبات
جرح يصحى وجرح متغصب يهيد
واكول شوالف السرحان للشاه
على سجة وكاوداه الايد ب الايد
الك جانت يحلو الطول جيات
عجب تبخل علينه بجية العيد
.
.
.
.
#شعراء_وذاوقين_الشعر_الشعبي #عريان_السيد_خلف
#ابو_تراب

.
اسألني واني اخبرك ... علي يرى وما يرى
وعن يا جفن يا نهر ؟ ... علي يرى وما يرى
السيف يشهد غدآ ... علي يرى وما يرى
وعلى الما هو والهوا وعلى الما يطول ... وطال
وعلي فجرهم جفى وعلي فجرهم ... طال
ما نعتب اعلى الذي ما طال كلشي ... وطال
لكن عتبنا عتب على اليرى وما يرى
.
#سمير_صبيح
.
من الملكى وجهي فرغ بيا ليل ارد ... على الجفن
ويا دمعة لمن رحت ما سافرت ... على الجفن
لون السواجي جرح يرسم يضل ... على الجفن
ويا مثكلك بالحلم مخنوك طيفك ... هوا
جربتك وفرزنت مو كلمن يحب ... هوى
ذاك انت يا الما تجي شراع وكلت مو ... هو
بيا نسمة وجهك يجي عمرين الك على الجفن
.
#علي_رشم
.
.
.
.
#شعراء_وذاوقين_الشعر_الشعبي
#ابو_تراب

.
جبت گلشي وعفت كلشي
ومدري شلون اجيت امشي
اجيتك ردت اكلك شوف
ردنه نعوف كلشي وما كدرنا نعوف
جبت كلشي اليسولف بيك
خيالي وصحوتي وطيوف
جبت دكات گلبي الكطعن گلبي بجفاك سيوف
وجبت صفنات روحي السودنن روحي
مثل جن بمسية وعلى اليتيم يحوف
كون تشوف حالي شكد الك ملهوف
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب
_

.
ما اكدر اطلعك مني وارتاح
شيطلعه الوطن من رأس الاسرى
من اذكرنك ضفاير تخنك الروح
من اريد انساك لازم شعرة شعرة
بهواك اعصرني مني تطيح سعفات
حقي اشتاقلك لان روحي خضرة
سهم يركص بضلعي بيدي جف مي
جهنم بية تلحك وانت صحرة
اعرفك زين عفت الماي بالايد
وجه ما منطي الية انوب كطرة
تجي بشمره كبر شمره سما تروح
واضل ب اثنينهن مخنوك عبرة
تدري بجفني ليش مركص الليل
واذا نعس اكض ظهره واكسرة
حالف بالنجم ما مرة انساك
اذا اكرهك احس كاتلي كمرة
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
يوفقك الله ادعيلك بكل نفس
واتخيل انت بخير حتى اطمئن
من اشتاكلك تنعصر روحي عصر
ومدري شطلع صوت لمن أون
دربك كزاز وحافي ماكو وجع
شو غيرك اتوجع ودربه كطن !
علمني يا شباج ما بي الك
دمعة ودعاء وعصرت ايد وحزن
علمني اشوفك حتى ابطل العمى
علمني انام وما تجيني بحضن
كلما ابطل ارجع ل رحلتك
وارسب بحبك ثم ارد امتحن
بلكت بعالم ثاني من ننخلق
اختار غيرك بس اضن ... ما اضن
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
تدري البارحة شكد افتقدناك ؟
من كلنا انجمعنا وما لكيناك
مكانك خالي بس حاضر خيالك
وكمنا بلا وعي نحضنه ابدالك
و رد بارد حضنه وما حضناك
تدري البارحة شكد افتقدناك؟؟
تدري بيك نعرف يمتى موجود
من بالبيت نشتم ريحة ورود
عطر انفاسك نميزة بالانفاس
وفرق بس عطرك نشمه بلا احساس
وكل جرة نفس بيها ذكرناك
تدري البارحة شكد افتقدناك ؟؟
نحس روحك ترفرف يمنا بالبيت
ومن يمي فتت بيك انا حسيت
طبع بينا الحزن يبدي من الغروب
ومن نبجي عليك ندمع گلوب
وما ضل گلب عدنا من بچيناك
تدري البارحة شكد افتقدناك
.
.
.
.
#شعراء_وذواقين_الشعر_الشعبي
#جبار_المياحي
#ابو_تراب

.
سولف كول الك واهس تضل وياي
واذا ما الك واهس كول لا تخجل
ما اقبل احبك وانت ما مرتاح
وما ارتاح احبك وانت ما تقبل
فكر باليهمك المهم شتريد ؟
انا كل اليهمني المهم لا تزعل
بكيفك من اجيت وما جبرتك يوم
ما اجبرك بكيفك لو ردت ترحل
ما مليت منك اكدر ابقى وياك
بس المشكلة خاف انا راح انمل
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
يا من مكدر علية
غيرك فصالة صعب
جم دوب اخيط واشك
يا اللذتك بريتي
وين الكى مثلك هوا
لولاك والله اختنك
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
تبارينا الذمم والحب طويناه
وشمرنا الذكريات حجارة بالبير
ما دام النهر ضيك عبرناه
وكلمن خلي يذكر صاحبه بخير
صدك عدنا هدف بس ما وصلنا
مشي الحفاي نمشي اعلى المسامير
ولو كلشي اليضيع النا منلكاه
خشب ويصير بحلوك المناشير
شلك ب انسان مثلي الدهر شلاه
احسن ما اطيح وبية تحير
لو يدري رحيم البشر وياه
ربك ما يسوي جناح للطير
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
الما حطيتهن حطن على البال
مدري منين اجن وصلن بلا ريش
وسفينة تكول طيرة بغير جنحان
تركض على الجرف جن رايدة تعيش
وانا بنص هذا كله تمرني ذكراك
واحس العاصفة يسكن زعلها
وانسى حبال ب أيدي وانسى الشراع
وربك جنت افز والا انا احلها
اضن من صورتك ضل چلبت بي
بس جانت ضلام شلون ضلها
وارد انوب اشوفك مو مثل ذيج
الشوفه الگبل لحظة لا مثلها
لا ثلث القصايد تنكتب بيك
لا نص القصايد والله كلها
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
على طولك اشعلني وصيح بيّه الصوت
آنه بطرك النفس بين الحيا والموت
وسير نبض دمي لشهكة الزردوم
حب تالي العمر علته من البسكوتْ!
يا شايل حلاوة خوف الحديثات
ومحمّل سحر ضحكة بنات بيوتْ
يا مايع ترافه اتهيب من أحويك
خاف اصعب عليك وخاف بيدي توتْ
هلكَد ما حلو.. راج الثمر بالعود
وحمر على شفافك كبل وكته التوت
يمعود دخيلك والكلب شيصير
من تكطع بتوته ..منين اجيب بتوتْ؟
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
اثنين جانو الك وماكو بحياتك فقط
اني ونظر عينك..
وعينك درتها ورحت وﻻجني منك جنت
وبكل سهوله خسرت واحد من اثنينك!!
ومن رحت طاح الكلب وصحيته كوه وكعد وبأول حجاية انحجت!
عنك سأل وينك ..
ضنيت ساعه زعل ..وخلصن ايامي شكثر ساعة زعل ماكضت !
يازين من زينك..
وجم طيف الك ودعت حملته شوك وعتب وزتيته اجه لعينك..
وكل هذا باقي بأمل ﻻزم يجيب تعب ذيج السنين المضت مابينه وبينك..
وماايست ماتجي بس اني ﻻزم اجي ابحجة ارد دينك..
شديت عين الجرح وجبته واجيت اعتذر
يم باب سجينك
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
مو سطحي بس العمق مو كلشي بي صالح
اليغرك بنص نهر اليطلعله الطافح
مرات تلكى شخص عايش بنص الغلط ويصيرلك ناصح
مقياس ماكو ترى اكثر السووا غلط عرفوا الصح واضح
اعرف شخص بالصلاة يمكن يبجي الصخر لكن شخص جارح
واعرف شخص بالعكس متخاصم وي الصلاة و ويا الله متصالح
مو كلشي يلمع ذهب مرات حتى الصفر بالعين يلمع ترى
بعكس ( الصدف ) مو حلو وبداخلة جوهرة
الانسان لا مو شرط ينعرف من مظهرة
مرات تلكى رجل وتذل وقارة مرة
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب

.
وتصدكون اذا اكلكم ؟
صحيت من العشك فشلان
وجة يضحك گلب يبجي
مثل المنه والبي باكة يتعير اذا يحجي
ينطي الظهر للشدوا بحبل الاعدام
وبرية المسعد فرش روحه ونام
حتى الهوا مصلحجي
عليه عاصفة كالوا بس كلت نسمة
غبار بجامة وين الكاه اخط اسمة
طاح وشلته ... رد طاح وشبع بوسات
بوجة نظري عندي يعادل النعمة
وطحت دمعة اعلى خده من الزعل بالليل
ومسحني من الصبح جن مسحة الكلمة
عبرت عليه جنازة وما رفع جفة
عطر حسبالي ما ينتقل لو شموا
تربه بجامع وكل يوم اله شفة
نادم على الرجفه الجنت احسها ويا
مو فنجان شايب وارتعش جفة
.
.
.
.
#شعراء_وذاوقين_الشعر_الشعبي
#ولاء_الركابي
#ابو_تراب

.
اجى طيفك يدك بالبوب
يا جفن اليدكه مقفلة بوبة
ما فرشت جفنها لجيته محبوبة
شاف الناس تشرب بالجماجم ماي
صاح شمال هاي الناس وشماله شهر عاشور مامش طوس بحبوبة
ضل عطشان يترجى يكت الغيم
عاين فوك شاف الغيم يلحس ماي حالوبة
صفك راحة اعلى راحة وصرخ يا سيزيف
ريتك ما فضحت اسرار
تدري الالهه اعلى الناس مچلوبة
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
عمر خلصته عايش خشبة الكصاب
عليها كبال عيني بفرحتي يوذر
وما اگلب بعد جبت العمر محماس
الدلة التنمدح والكمكم يخدر
وبعد فوك الرمل ما ادك وتد وانساه
والخيمة وحبلها وي الهوا تجرجر
واشبه طيحته من يوكع الفخار
اليسند ينكسر والمسند اليكسر
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
بكثر ما احبك متاني اليكتبون
حتى اكتبلك الما كاتبينه
حتى اكتبلك الما مار على الناس
حجيهم كون ما يشبة حجينه
بكثر ما اغار ما اسمعك المكيول
ادورلك حجي ما سامعينه
وبدت تتعايد العشاك بالعيد
وما خلوا غزل ما كايلينه
ما خلوا هدية تلوگ بالسوك
ما ضل شي حلو ما ماخذينه
شفت اعمى يحب ما شايل فلوس
يريد يراوس حجول وي عينه
وشفت واحد غني متيه بالاسماء
بكثر ما يلعب اعلى المشترينه
وشفت واحد هديته بجفه ويخاف
يحس بالناس كلهم شايفينه
وشفت واحد هديته بجفه ويصيح
منو مثلي يحب وعايفينه
.
.
.
.
#شعراء_وذاوقين_الشعر_الشعبي
#حسام_الحمزاوي
#ابو_تراب

.
على اعصابي كضيت ايام الفراك
وصلت موتي وطيفك حياني
جنت مفاركك ومفارك الروح
وبعد ذاك الصبر جيت ويا ثاني
أيدك ب أيدة تحجون وتضحكون
و فتوا وفات وياكم أواني
وغارت شوغتي بمكابر الروح
گبالك وانت ضحكك شك أذاني
ولا جنگ الحالف باليشورون
حلفت انت والتأذيت اني
بيمن قصرت واجازة انا بهاي ؟
بخلكي ... الجان اطول من زماني !؟
أيدك جانت تبذر بالجروح
وصرتلك مكبرة ماردلي جاني
منك يا جرح رجعته فشلان ؟
وما كتله استريح بنص كياني !
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
اليسمع دفو صوتك يوكع ب شده
وما اصدك وراها يضل صبر عنده
اكو قبلي نبي كالوا مكلم الطير
وانا أول انسان يكلم الورده
هنياله الهوا اليمك بكيفه يفوت
ما تحمر خدودة ومستحى ترده
ولا يستأذنك يلمسله شي لو لا
او يقترب منك خايف تصده
هم جان اسم غيرك باللعب ينكال
من تلعب وياهم يا ورد شده
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
لا ترجع بعد بلكي من انام انساك
وبلكي يغطي وجهك جرجف الشراي
شفت الماخذك وتمعنت بي زين
لا صاحب طويلة ولا وجه جناي
شرى مني الشعير ال بالقحط غالي
واحس هوسة وعراضة وجادر ابالي
مو وجهه الحسن صوته يتراوالي
واتكمكش بفركاك درب الرمل باب
بلكت اثر موجود لجدام الاحباب
كاعد والهوا يشمر ب أذاني حروف
يا ابو ولف البعيد الحيل رايد حيل
وانا بطرك العيون المالهن بيبان
عليهن من اجى استفحل بواچي الليل
ترى چوية بنادم على بنادم دين
شلونك بالعرس كالوا عليك زوين
كالوا دمعتك خربت كحل العين
يالخربطت بحساب نجم الليالي
بالك ترى يكولون حوبة خيالي
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب