.
اديك شدورن وشلزمن من الأخ ؟
شجان براسك وحتى القلم ناكع !
محد شافك وخلص جدامه عليك
محد صاح حيهم ؟ محد يفازع ؟!
معقولة النجم بالليل ما ينشاف
هيج انكطع بيك و عينك تباوع
عليك الجام كسر روحه لمن شاف
حديد مشابكك وعيونك تدافع
شتمنيت ..؟ سدت عينك بيا أيد ؟
ب أخر نظرة ياهو اعلى الجفن طابع
اولادك ؟ بناتك ؟ ربعك ال بالروح ؟
يا وجه ال بعينك منه ما شابع
يا ويلي الوحيد يموت كبل الموت
من اذا يتلافت وما يلكى اليوادع
.
.
.
.
#شعراء_وذاوقين_الشعر_الشعبي
#حسام_الحمزاوي رثاء الكبير
#سمير_صبيح
#ابو_تراب

.
شحسبالكم
فتره ونسينه العشره ياهو الكالكم
يوميه اشر خدودي من تطلع شمس
واستقبل الليل بنياح انعالكم
واصفن واحطكم مملحه برف الجرح
وابالي يوميه صوركم تنمسح
من التراب
امسحها خلو ابالكم
مشتاك المكم واحجي من ذاك الحجي اليحلالكم
ومشتاك اضوجكم شقى لا والله حت لو بالصدك
المهم وجهي كبالكم
رحتوا ندة وي غبشة الشمات ليش شمالكم
جا ورد روحي الذابل شسوالكم ؟
.
.
.
.
#شعراء_وذاوقين_الشعر_الشعبي
#عقيل_العرد
#ابو_تراب

.
حطيت ادية اعلى الجرح حسبالي دم تمطر لان
من عكسي ينكط دمي
رايد يفاركني الجنت من كثر ما راكض وراه
مفروكه اصابع جدمي
تكبرون احسكم بس علية انتوا وجروحي وهدمي
الواحد تعرفة من الحجي لاكيله يم غيرك وطن
لمن يسولف رسمي
شتريد ؟ مو عوزك بعد صبعين اوصلك ل امي
بس والله مت من الضحك من كتلي ضل لوحدك
هو انا ياهو اليمي ؟!!
.
.
.
.
#شعراء_وذاوقين_الشعر_الشعبي
#احمد_الصالحي
#ابو_تراب

.
هاي من شوكت صاروا اعزاز عليك ؟
هاي السالفة الما تدخل ابالي
شنو الربط بين الصنم وابراهيم
وشخلى الرخيص يكاود الغالي
واني الجنت مو بس افرح بملكاك
سابع جار الك لو شفته هنيالي
احبك هسة جي شكلك يخبل جان
واتخيل ذاك البهذل احوالي

لو قبل خمس سنين متعرف عليك
والله اشيل العين وبنصها اخليك

بس بعديش
خدك هذا ما ضل بنفس واحد
ومخلصها يومية بكتر كاعد
من كالولي شفنه فلان يم فلان
والله احسلي لو ساعتها متشاهد
عكب ذيج الميانه تصير رسميات
ونخلصها واحد ما يحب واحد
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
الوصلني عليك سوالف كبار
بعد مو مال اكولن فدوه ع الصار

مافكرت بيه الناس شدكول
انا بلمنطقه يسمونه ليغار

ماخلصان منهم وانته موجود
كبل لاتخون بيك اتعير عيار

السنين بحكك اكصر من الايام
عمر ضيعته وانته دكلي مشوار

انا حرورته متلفتله الاعصاب
وبرودك كادر انته اطفي بي نار
.
.
.
.
#شعراء_وذواقين_الشعر_الشعبي
#مصطفى_العقابي
#ابو_تراب

.
شككت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك وثكل وجهك وسدت الباب من تالي
ويا رخص الثكل لو صار من تالي
ولا حسبالك بكل ديرة الك شراي
ترى تراب الوطن بس بالوطن غالي
وانا مثل الذهب ما ابور اغلى وارخص وانباع
لكن ما وصلت المحد بحالي
وكتلي مكانك بگلبي وحلى بعينك شخص ثاني
نزف مشيول صب دمعي اعلى قمصاني
ولا تهتم ورد سندان اني تعودت يتغير مچاني
شريد اعتب على البايعني ؟ اذا الشراي بچاني
.
.
.
.
#شعراء_وذواقين_الشعر_الشعبي
#عمار_سالم
#ابو_تراب

.
دلموها الغراض وشيلوا يمنا
واذا ما بيكم نحملهن احنا
شيصير من الله اذا حايطكم اندك
اعلى حايطنا وغرفكم يم غرفنا
شريد من الله اذا كل ما يجي الليل
تأشرلي وشبخ نشبخ سطحنا
.
.
.
.
#شعراء_وذواقين_الشعر_الشعبي
كلمات : #مصطفى_العقابي
#ابو_تراب

.
غصن بالشجرة لكن غصن ما محسوب
حي الله غصن تجماله الشجرة
ينطيني الوطن جم نسمة بس بالليل
ياخذهن مربع حسرة وي حسرة
اضم احلامي حتى اسمع احلام الغير
ممنوع انقري ومسموحلي من اقرأ
صفكت بدمعتي شكد لليضحكون
وعلى وجهي ملامح سنبلة بصحرة
انا ابالي وطن بس باله مو وياي
جم مرة التحبه بگلبك تعذرة
لان ما واكف كبالة نساني يجوز ؟
ما بين خيال الواكف بظهرة
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
غمض واخذلك نفس واحضني كل قوتك
واشبكني من كل كتر بية دفو يفوتك
جربها لا تستحي بس كونك تفضني
بحضن امك تحس خلل من تكعد بحضني
شتكول لو نتفق بيناتا نحط ملح ونعيش كالعادة
وجوة اذنك بنص شبر توكفلي وكفه محب واكفلك كلادة

زعلنا اثنينا وتيهنا الاسباب
على بختك بعدني اتحمل عتاب
لازم بينا واحد عاقل يصير
ليش اثنينا تفاركنا الاعصاب
بلابل واليطب بيناتنا التين
ما اقبل يطب ثالثنه الغراب
.
.
.
.
#شعراء_وذواقين_الشعر_الشعبي
#مالك_السلطاني
#ابو_تراب

.
اشلع ما اسد والغيهن الفتحات
الجانن بوب أمس ما اسدهن ابنيهن
والزمهن سره باب العدل والطيب
التسامح والصلح اولهن الغيهن
الحصلته شنو من جانن مشرعات ؟
يكثرن بالهلا وينطعن راعيهن
ملح ما دنكله عيونهم وكحات
شبية و وين وجهي الكهوة تثنيهن
الزمله الدرب لحد ما يجي الدوار
الكمكم والدلال كباله اخليهن
وما ألزم سعر شراي مو شراي
ابد ما اعامله شينطيني انطيهن
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
احجزولنا من غبشة يمكم
نفگ ريجنا بمرمر گبركم
ما تنسوون الله احد
ونحبكم اكثر من اهلكم
زادت معزتكم وراها
وارقامكم ما مسحناها
تريد الها حجة وتخرب العين
وفراكم حرض عماها
اكعدولنا يؤنس حجيكم
قمصانكم زغرت عليكم
ذمة ونذر لو بس ترجعون
وجة وكفى نبوسها اديكم
للنجف جيناكم مصاويب
افتحوا گبركم يالمعازيب
نچفي واهلنا ما ينشدون
يدرونا يمكم لمن نغيب
.
.
.
.
#شعراء_وذاوقين_الشعر_الشعبي
#رفعت_الصافي
#ابو_تراب

.
جرح حايط واحنيك بصور ميتين
واشيلك لو حفر محفور على الشجرة
شوية شوية لچمك نوك تمشي بطين
انا شايل خلگ ما شالته الصحرة
واذا سألوني عنك خشب لو بسمار
اكلهم وردة عايش بس خلص عطرة
واذا سألوني هم متعوب... ؟ اكلهم غير
الذكرى الما تلچمك هاي مو ذكرى
يخزامه حديثة شكد عليك عيون
هلكد ما سهل بايكتك النظرة
.
.
.
.
#شعراء_وذاوقين_الشعر_الشعبي
#محمد_ناصر
#ابو_تراب

.
بس اصبري مرورة الفركة اعلى صدري تطيح نجمة
واعثر بصوتج ضوة واتبدى ظلمة
يوكف بصدري هوا يكفيله دنيا وخلكي نسمة
توها بردت وانتي مريتي رصاصة
خايف تروحين واذبل والعطش يترس مكاني
وخايف اشرب روحتج واخذلي ليل وما اتاني
هاي الية سنين بارد محد بملكاه جواني
شلون ما طكت عشب بية الثواني
ويخلص الليل ويخضر ليل ثاني
بية واهس كافر وربج هداني
الليل شبعني سفر واني بمكاني
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
تعال ب شبگه سجر العين ... طيره
على هدمي ونش غراب جفاك ... طيره
كسرب صكور حطن فوك ... طيره
هيج يوجرن طيوفك علية
غشيم ومثل ليلى وقيس ... وديت
وطلب من ماي وجهي يطيح ... وديت
رغم بالدين بس نيشان ... وديت
من الابره لحد ما خان بية
.
خلها امها ما تنطيش خلني بسريري
وشيلوني من يشيل بركعها غيري
شمحله التحبها تروح تاخذها كوة
من الله حتى تصير بزرتها حلوة
.
.
.
.
#شعراء_وذاوقين_الشعر_الشعبي
#حسين_العجيلي
#حسام_الحمزاوي
#ابو_تراب

.
لا تقفل قفل وتحسبه مأمون
اذا ترهم علية كومة مفاتيح
ولا تعاشر بشر وتورجه بأسرار
اذا ماي الحياة بكصته شحيح
ولا تتبع اثر بخدود الرمال
اذا جانت مطر ومسودنة الريح
ولا تعاتب نخل ما حمل عثوك
خيطت النخل بركاب الفلاليح
اذا مركب شله وحب ايد الكياش
مو صوج البحر صوج الملاليح
اذا شطك حطب وجروفة نيران
بعد تعتب عليمن على السوابيح
العيد يجيب فرحة يوزع الناس
وانا حصتي التعب مثل المراجيح
.
.
.
.
#شعراء_وذاوقين_الشعر_الشعبي
#سعد_محمد_الحسن
#ابو_تراب

.
ياهو ما مشتاگ خل ينطيني ليل
ومني خل ياخذ صبح بعيونه صحرة
وين ما اروح التفت الكاج يمي
بالوجوة الما تعرفج عفتي ذكرى
بية يومية الجرح ياخذلة سفرة
ياهو مثلي .... ؟ وجه فارغ من حنينه
وتارس الدخان صدرة
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
بينك بين كلبي عرگه أحباب
و انه ابيناتهم واكف افازع
مثل ام و تفازع بين خوان
اعزاز اثنينكم المن تدافع ؟؟
.
.
.
.
#شعراء_وذاوقين_الشعر_الشعبي
#غسان_المكصوصي
#ابو_تراب

.
يا حبيب لو ردت باجر تشيل
ما تصيرش بس نكول احنا ولوا
جنت احشم كل عمامي اعلى الرحيل
وما يهمني الي اجوا والما اجوا
يا حبيب لو جنت انت زعلان
جا زعلت اعلى الهوا لو زعلاك
وما يمر بريتي وهذا المچان
الي گبل ما اشم هوا اشتم هواك
وجفي لكطى لكاك بدروب الزمان
وكيفيت بين ضلعيني ازرعاك
الدنيا مدري شلون فرشتلي الشليل
وفرهديتك يوم عذالي التهوا
وانا جبت الغانمة وانا الدليل
وكورت واهل الهوا ما حصلوا
.
.
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
أمنيتي اغلط واجي
ومثل ابهات الخلك تكعد تحاسبني
وتفكدني وكت الاكل واعرف بروحي مهم
من تنشد امي علية بعده زعلان ابني
جنت من اطكلي طفل ثاري احترامك الي
هادئ تضل بالدرب وبيتنا تسبني
اكبر تجاوز الك من امي تغلط علية
وتجرني منها غصب وتكلها اني اله
وبالجذب تلوي أذني
شيرجعه ذاك الوكت تصيح علية جي وكح
واشبك فراشي برعب واتغطى من خوفي
وگلبك يردك علية جوة المخدة الصبح عايفلي مصروفي
.
.
.
.
#شعراء_وذاوقين_الشعر_الشعبي
#رضا_العبادي
#ابو_تراب

.
اكبر خطأ سويته بحياتي
خليتج جزء من ذكرياتي
قصة حبي غلطة شاطر وياج
انا المفروض احسبج من خواتي
اعلى كد الخوية شكرا اني ممنون
حالج حال سين بمعجباتي
انتي المعجبة الطخيتلج راس
الدخلتي لبيتي مو بس لحياتي
وانا المفروض اسولف رسمي وياج
واضل محمي بغروري ومفرداتي
احيانا غرورك والله يحميك
تواضعتلها بس خسرتني ذاتي
دنت نفسي لان ما شايف عيون
كلما ترمش تقرب وفاتي
الفرق بينج وبيني ... احلامج فلوس
وجانت شوفتج كل امنياتي
عيشتيني صدمة عمري والله
احمد الله مو منج بناتي
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب