.
شتريد المشوا اشمر وراهم ماي ؟
المي سر الحياة على الراح ما اشمرة
وميرفلي جفن على الحابه من يروح
مفتاح الفرج لو ضاع ما ادورة
الكتب ذكرى بسجن غير افتهم شيريد ؟
السجن مو بايگ احلى سنين من عمرة
محكوميته تكضي ويطلع المسجون
جيب من السجن شيطلع الذكرى
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
حلال وعد بدو موتتك جية ضيف
ومثل موت الجمر لو متت مامش دم
بعدني هستوني احبك لو رحت معذور
الصور موش الجديدة التوجع الاقدم
.
#حيدر_التميمي
.
شلت ليفوك بس الشالني اتصور
حسبالة غشيم بشيلتي اتبختر
وانا ادري الخوذ فوك التفك تموية
حتى بلايا روس الخوذة تتكسر
.
#مرتضى_الاشتر
.
عيني الشالتك كتلها اشيلج راح
كلت شيلني وما قبلت تشيلك
وجرحي الفاك صدرة وما يريد خياط
واكف چنه واحد جاي يدعيلك
.
#احمد_الذهبي
.
ياهو بيكم يرضى يحجيلة علية ؟
يكلة يشبك بالهوا وما ينشبك
يكله حطني بداىرة ومشتعلة نار
منين ما امد الاصابع تحترك
.
#حسام_باسم


.
.
.
.
#شعراء_وذاوقين_الشعر_الشعبي
#ابو_تراب

.
يومية امر يم باب بيتك
گلبك شني ما حس اجيتك
ريتك تفگ الباب ريتك
جا بالمحاضن عاتبيتك
يومية احط ذكرى اعلى ذكرى
ودموعي تخلص كطرة كطرة
واتمنى لو تلفيني مرة
جا رد ظلام الروح كمرة
.
#عدنان_شياع
.
الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
الروحه بعيد عنه شلون يرتاح ؟
.
#سمير_صبيح
.
.
.
.
#شعراء_وذاوقين_الشعر_الشعبي
#ابو_تراب

.
انا المذبوح برموشك بعد شتفيد سجينك ؟!
انا رايح ترى الحكني
اخاف الموت يأخذني
مثل ما شلتك بعيني
اريد تشيلني بعينك
خذت رأيك غلط يا الما الك رأي
وصرتلك نهر وانا بعازة الماي
علية بهداي لمن تحجي وياي
دكات الگلب بينك وبيني
وصلت وياك حد اللا نهاية
وعساها بخت گلبي الخذت رأية
وراي الشمس وانت تگلي هاية
.
.
.
.
#شعراء_وذاوقين_الشعر_الشعبي
#حمزة_الحلفي
#ابو_تراب

.
اكره روحي من اذكر الماضي
ع كل السوالف جنت ماراضي

وانا الخشمه يابس بلزعل مكروه
وللمزعله بقصد ماروح متراضي

وكفت بابك وسومرت يلا مشيت
وعلى سده الباب بوجهي متغاضي

اجيتك عاشكك مو متهم محكوم
وجنت وياي جدي لكثر من القاضي

يلمخليني مااعرف استراح شلون
مثثل الميل كل الوكت مافاضي

طلعت بصورتك من دوت بيه النار
ومتعاجز جنت من شيلة اغراضي

عرفت الظيم منك وانا بلدكتور
ماكفت الورقه لهوسه امراضي

عساهه بحظك وكلمن قره ابالك
وعساك بسهم مايخطيك كتالك

اجي شامت لتابوتك قميصي اللوان
مو جناز اجيب دفوفي وابرالك

وهلمره من اعارك مو عليك وياك
اعارك شكو جتاف مدنك وشالك

كبل عبالي لكوه وخرزه مال لكاط
بين كلشي بيك من الضوه شمالك

مو بس كلبي خاشن منك اهلي وياي
يلبعز اهتمامك واضح اهمالك

.
.
.
.
#شعراء_وذاوقين_الشعر_الشعبي
#مصطفى_العقابي
#ابو_تراب

.
يا گلبي من الناس شتريد ؟
لم العشك واتعنى لبعيد
سوباط والوادم عناكيد
تتمنى بس حرمانك يزيد
وخلكگ فضي يتعب الصواعيد
وعيونك يكطرن مواعيد
جم وجة طايح شال دربك
والضيم هد روحه اعلى گلبك
صب الحبر بالماي صبك
ربهم جذب مو مثل ربك
يالحزنك بلون المكاريد
وبيا رسم جفنك طبكته
غني اعلى كيفك وابجي سكته
وضوك الوجع مخيط بدكته
رسمك صغير وعبر وكته
ورسمك ضحية بحجة العيد
هز جذع حلمك والكط الليل
وعلك الطريق بركبة سهيل
وهناك هم ينرادلك حيل
دربك بحر والماخذك ريل
وهناك تنتظرك مواعيد
خمر عيونك واشرب احلام
واتذكر الله تنام محتام
.
.
.
.
#شعراء_وذاوقين_الشعر_الشعبي
#عقيل_العرد
#ابو_تراب

.
انا كبران متعرفوني حقكم
تجاعيدي وسماري وشيبي منكم
والله اثنينه نفس المواليد
قبل لا اشوفكم جنت بكبركم
.
.
.
.
#شعراء_وذواقين_الشعر_الشعبي
#مثنى_كامل
#ابو_تراب

.
بشوارعنا حزن والجثث ما تنعد
ومثل درب الزيارة الدرب كله اسود
ومن كد ما يخرطن بالخدود نشوف
جم هلال احمر يابس اعلى الخد
وتوابيت الجوامع كضن وهنا صوت
بسكم لا يموت احد
خشب ماكو اليلمكم لا يموت احد
بس هنا شفت مشهد
شفت المات موت الله هلة يصيحون
خل نطلع ابونا نحط الاستشهد
هنانه صويحب استشهد
هنا صوت الاسعاف من الجثث مبحوح
هنانه الدم على النشرات ضل يصعد
ومطرت والمطر مابلل الزاتوت
الفواتح صارن مظلات يمحمد
.
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
وصيني كبل لا اروح شتريد ؟
كتله الليل لا يخنك ضوانة
شوصيها السنابل على الحواصيد
لو اوصي الجرح يلچم دوانة
لو اوصي العطش بالصيف لا يزيد
وصية وغيرها وخلنا بعمانة
بس عينك عليك وكلشي ماريد
يمك انت الي مخليك امانة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
دود ربيعتك كثر شكر بالجيب
الما يدبي اعلى جيبك هذا يتقدر
جبت عمرگ جبس عدلت جم مكسور
وصرت خرزة رصاص بجيب المحذر
وترى يطيح الزعل بس ما يطيح الشيب
شيبك يكثر شما وادمك تكثر
ولو هي المحنة من الله على الفطرة
اهز راسي من اذكرك وانا مو درويش
ولا گالبلي اية وبالعكس أقرا
.
.
.
.
#شعراء_وذواقين_الشعر_الشعبي
#مصطفى_الحلفي
#ابو_تراب

.
وكف گلشي بغيابك والوكت فات
مشى وياك غيري وما مشى الحال
انطبع بية هواك وتعرف شلون ؟
مثل حافر يطبعه عناد خيال
.
.
.
.
#شعراء_وذواقين_الشعر_الشعبي
#علي_رشم
#ابو_تراب

.
شعندك جايني وشمخلي ب أوهامك
حبل طاسه الحب اطول من ايامك
ولك مو وصلتني لمرحلة تمنيت
انا اليدفع الكرسي بلحظة اعدامك
تذكر من كلتلي من الوكت مخنوك
كلت يجرالك تنخيت بي دامك
ومن خميت بيتي وماكو شي ينباع
جبت كمكم هلي وحطيته كدامك
عيوبك لو بغار تحطهن مبينات
كاتل ... ما تضمك لفة الثامك
يا المطلوب الي من جدمك ل هامك
جنت لبيتنا ما افوت جدامك
بعد كسرة عيونك فطن جاي تصير
الوادم لو نهر تعرف بمضمامك
الوياهم رحت متحزم اعلى الصيد
ردوا بايكينك جعبة سهامك
.
.
.
.
#شعراء_وذواقين_الشعر_الشعبي
#علي_ابو_نؤاس
#ابو_تراب

.
رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والكلوب التقن وبشوكنا احترگن
بس اشجار يمنه وخفنا بيها عيون
خاف تشوفنا ولحظاتنة يغرگن
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
اغنيلك ي گلبي شما يطول الليل
شما نجمة بحزنها تفيض
يگلبي الناس كلهم سود
بس انت وحبيبك بيض
اصليلك صلاة الما درى ذنوبة بحلگ يا حوت
واصليلك صلاة الما درى دروبة اعلى ياهو يفوت
واصليلك صلاة الما درى بعمرة شوكت ويموت
.
.
.
.
#شعراء_وذواقين_الشعر_الشعبي
القصيدة ل #ذياب_كزار
#ابو_تراب

.
زعلانه كالوا لا تمرها بحلم
وگلولي دمعج ع الجفن ما عثر
اشتموا فراكج بية من سولفت
مريتي سيف وصار خلگي نحر
يضفرون وجهي وثنثر عزتي
وبعيوني تطفى وجوه كل البشر
شخليتي بية وصدري فارغ طلع
شعاف الندى من اثار فوك الصخر
دبريلي ملگة بروحي وحشة حضن
شكد ناس صغرت من فراغج كبر
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
احنا معدان ولمن نعشك نموت
يطك بينا خبال مالت سادة
خلي نلزم خصرك بوكت الشباب
ومن نشيب نلزم السجادة
ركبتك مو للكلايد لا حرام
عدنا شفه تصير خوش كلادة
احنا اجينه بحضرتك ندعي ونتوب
شو رجعنا ويانا تمشي ذنوبنه
هي شامة ويندل الله يحطها وين
بالمكان البي يعذب گلوبنه
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
ثگلت علية شبيها الوجوة
سويت زين وصرت مكروة
جنت من اجي يكولون اجى العيد
هسة من اجي يكولولي شتريد
ليش العزيز ب لحظة ينسوا ؟
ثكلت علية شبيها الوجوة
.
.
.
.
#شعراء_وذاوقين_الشعر_الشعبي
#جبار_صدام
#ابو_تراب

.
يا صاحبتها يا الوصلتي لدارها
احجيلي عنها شلونها وشخبارها
شدار الكلام ال بينج وما بينهة
شجانت تكلج هية نظرة عينهة
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني اديج اللامسن جفينها
ولمساتها الضلت بجفج وينها
محتاجهن بلكن يطفن نارها
شكالت علية شلمحت وشذكرت
ما وصتج ما سلمت معتذرت
هواي ضل من السوالف عدها
روحي الخذتها وياها يمتى تردها
لو خيروني اختار هم اختارها
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
تقريبآ الكل ما وفى ومحد سأل عن حالي
وأخرهم انت للاسف راح التعب على الخالي
والي من اولها غدر ما يوفي الك بالتالي
هسة انا محتار گلبي شيصبره ؟
وبظهري طعنات عايفها ذكرى
خليني وحدي ارد ابجي بلكي ارتاح
تعبني وكتي الراح ما خله شي عندي
فرصه سعيدة ما كلت فرصتنه مو سعيدة
والي يعيش لوحدة بهالزمن عاشت ايدة
والكال عن روحه وفي هذا الكلام يفيدة
من عكست وياي محد بچالي
صح وحدي ضليت بس راسي عالي
.
.
.
.
#شعراء_وذواقين_الشعر_الشعبي
#احمد_عاشور
#ابو_تراب

.
كالولي برد كتلهم يفور
مثل السيف حار وبارد يعور
كالوا چا عتك !... كتلهم شمحلاة
مضيف السادة كلما يعتك يشور
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب