.
لكيت المنك احسن شكل وبتفكير
بس مشكلتي ما جاي احس بي مالي
اكعد وي غيرك بس جسد مو روح
عيونه كبالي بس عيونك ابالي
انت اتخيله واضحك وابجي ويا
بس والله انهضم من انتبه تالي
.
.
#شعراء_وذواقين_الشعر_الشعبي
#حسين_المرياني
#ابو_تراب

انا مو زعلان ميت
واكو بگلبي هواي ليش
العافني عايش حياته
انا مو من حقي اعيش ؟
.
.
#شعراء_وذواقين_الشعر_الشعبي
#عزام_الشمري
#ابو_تراب

.
بعد ال انت سويته
بده احساس الامان يخف
واتعجب على ال بالمكبرة يخافون
الناس العايشة تخوف
يوم الكتلي اضحك وانا كتلك لا
مو ماريد ما اعرف
يا بوية شكد جنت غالي
من اسولف سالفة بلا شاهد احلف بيك
وسادتنه التشور ما تجي ابالي
.
.
#شعراء_وذواقين_الشعر_الشعبي
#باهر_الجنديل
#ابو_تراب

.
مات الهوا والبعد امسى مدفنه
احببتها لكنني لم اكتشف
زيف الوعود وانها متلونه
صدقت عاطفةً بقبلة قاتلي
في خطة للجرح كانت متقنه
خانت ولم يبقى سوى عمراً مضى
ضيعته في حبها سنهً سنه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
حبيتك واجيت بگلب بي خير
كتلك هاك وانطيني رضاتي
وانت انطيتني ومدري شوكع جان
ورى سنين اعرفت طاحت صفاتي
حبيتك وما اجذب واحس بيك
الوحيد الكادر يوازن حياتي
ردتك واقعاً حتى ارتفع بيك
اسمك كونه من مستمسكاتي
.
.
#شعراء_وذواقين_الشعر_الشعبي
#مروان_العنزي
#ابو_تراب

صحتلك يا وصارت ... كبر يائي
واذا رائيت بالشط ... كب ريائي
حبيبي شلون تجرح ... كبريائي
وانا العايشلك وما عشت اليه
.
.
#شعراء_وذواقين_الشعر_الشعبي
#منقول
#ابو_تراب

.
شاريك من افض زعلي بلايا اعتاب
ياهو الكال مليتك
لو متخايلك مو يمي جا جيتك
يغايب عني مو مني
من توفيلهم لا تنسى خايني
.
.
#شعراء_وذواقين_الشعر_الشعبي
#علي_مهدي
#ابو_تراب

.
نسيتك كوه موش براحة البال
ومر ذكرك بروحي والجرح عال
ليليه بجرح يتخلف جفاك
ولم البيت بيه وصارن عيال
لا يرهم دوه ولا يرهم ضماد
بس شوفة عيونك ترحم الحال
ما نمت اعلى فكدك يشهد الليل
يالموكف صفنتي وحسبة البال
افك ريجي بنعاوي من احجي وياك
اليفك ريجة بنعاوي شيرجى من فال
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
خل شغلك اللاهيك شي ابده من شي
بأخر نفس ضليت بس كضني ارد حي
.
.
#شعراء_وذواقين_الشعر_الشعبي
#عطا_السعيدي
#ابو_تراب

.
بده العام الدراسي وبدت الهموم
وبيتي اعلى المدراس بابه صاير
نسيت وداعتك جيت اشتري هدوم
الك ومحضر اقلام ودفاتر
مو تسمع قيام وليش متكوم ؟
مر اسمك ولا من كال حاضر
الشمس طلعت علينا ومو وكت نوم
وهم عدكم صبح يا اهل المكابر
فراش الفاتحة لو شفته ملموم
بنص گلوبنا تلكى الجوادر
.
.
#شعراء_وذواقين_الشعر_الشعبي
#الكاطع
#ابو_تراب

.
منك و انتهت للكيش حد خليت
لو يغمك بعد لو يترك اضفافي
انا مدليك بيه وفاكلك بيبان
ما دليت بيها ال بالحلم غافي
جنت ابحرلك بلا بوصله ولا ريح
لا للموج رايي ولا لمجذافي
جا ما لحته ضيي بدون ما اعليك
كلب ذاك ليلك بي شرح وافي
فارشلك ورد تحتمي جدامك بي
عن لا تنجرح بخشونة اجتافي
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
دليني عليك سنين تايه بيك
وامشي وياي ادورك خاطر اندلك
عرفني علشخصك رايد احجي وياك
بس كلمه وبعد ماغيرها نكلك
وحده من الثنين وحده راح اختار
لو كلك احبك لو احب كلك
.
.
#شعراء_وذواقين_الشعر_الشعبي
#جبار_رشيد
#ابو_تراب

.
لا تريديني على الاقل كدامهم جامل
هسه انت لا تشتري لو واكف معامل
كدامهم دمعتك خل تنزل بطيحتي
واضحك من الداخل
ما عندي اي مشكلة
بس لا احسك بعد ذاك التعب والسهر
من عندي متنازل
انا اعلى مودك لمن زعلتك بلا قصد
ليلتها اخذني قلق ما مار بكاتل
.
.
#شعراء_وذواقين_الشعر_الشعبي
#عباس_الذهبي
#ابو_تراب

.
جذب هالمرة ما عدت سلامات
واحد رحنا ما نتفارك عيون
ورجعنا اثنين نحسب بالخسارات
الحب يحتاج نتنازل وانا وياك
خسرنا ارواحنا بحرب المزاجات
انت متاني اجيلك وانا اتانيك
تجيني وتعاندنه والعمر فات
وهذاك انت هدم وتراب ضليت
وهذا انا دمع للمغربيات
جبيرة احلامنا وتفكيرنا صغير
نسينه نفكر وهاي النهايات
تبجي وما تهمني بيا وكت هاي
وابجي وما اهمك يا حرامات
.
.
#شعراء_وذواقين_الشعر_الشعبي
#صفاء_الصمت
#ابو_تراب

شجابك على العشك كاعد تسولف بي
وشيعنيلك الليل وبيمن يذكرك ؟
بروحي بدمعتي ؟ الصارت برخص الماي !
وارخص بعد صارت صارت بسعرك
ال بعقلك لعب تشمر محبتي أبير
شتقنعني بعد ما لاعب بشعرك ؟
.
.
#شعراء_وذواقين_الشعر_الشعبي
#منقول
#ابو_تراب

شوارع باردة المابيهن عيونك
سوالف فاهيه الما بيهن شلونك
على كلشي اليحب يبچي
الگلب مرات هم يحچي
نعاين بالوجوه الرايده تشيل
دمعنا يطيح ما حاجه تساهيل
كمت ما اكومن لوحدي
همزين الله جف عندي
صارت جيتك ويا اليبعدونك
شوارع باردة الما بيهن عيونك
.
.
#شعراء_وذواقين_الشعر_الشعبي
#منقول
#ابو_تراب

الهـوه يلتـم علـيه منـين مـاذكـروك
وادگ رجــلي واظـل بـعـازة الـخـنگه
وأغــص بــريحتــك ماگمت اغص بالزاد
المــفارك النــسمة العــابرة تــغرگه
مـوبـس الصـواب النــفس هم كــتال
سـهم يـمشي الخــريف برية الورگه

.
#شعراء_وذواقين_الشعر_الشعبي
#منقول
#ابو_تراب

كف بعد عني وجوز ريحني وارتاح
مارد بعد وياك سن شايب وطاح
.
.
#شعراء_وذواقين_الشعر_الشعبي
#منقول
#ابو_تراب

طبينه الحرب واحدنه يطوي الكاع
ومن شفناك واكف ايد ماشلنه
جمعنه سيوفنه وردينه مو من خوف
جي شفناك واكف بالحرب ضدنه....

واذا لا سامح الله وياخذك تفكير
وانت بنص حرب وتروح من عدنه
ما نرجع لاهلنه بخير الا.... نموت
اذا مو بالحرب موتك اليكتلنه 🤍

#شعراء_وذواقين_الشعر_الشعبي
#منقول
#ابو_تراب

كون المحنه البينه تنشاف
هلبت علينه الوادم تخاف
.
.
#شعراء_وذواقين_الشعر_الشعبي
#فاضل_حسن
#ابو_تراب