يا حزن ياريت اعرفك
جنت اسويلك حديقة ياسمين
وممشى من كاشي الفرح جدام بيتك
يا حزن ياريت اعرفك وين تسكن
جنت اكلك لا تجيني وتمشي كل هاي المسافة
انا وحدي جان اجيتك
يا حزن وحياة حزنك ما عرفتك
جنك مغير مشيتك
حاط ريحة رخيصة كلش
يا رخيص شكد بجيتك
.
.
#شعراء_وذواقين_الشعر_الشعبي
#مظفر_النواب
#ابو_تراب

.
على كلن عشت ما خذت بس انطيت
وي ليل المجازة الما شفت ضية
وين وين الالكاه بي جاي يبيع
وين ال انا منطي من هوا الرية
والزم جفني خاف من ارمش يزعلون
واتناسه الحجاية ال بذني محجية
ومن الكالي حك عد محب ما اداعي
اكو حك برجعته يعيب راعية
عرفتلها وكمت ما ازاعل اليرحون
ولا على الباب اضل متاني ليلية
من شفت الحلم ينوخذ مو ع اللون
بعد بطلت اضم احلام وردية
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وحك طولك وحك عينك ... ورمشاك
اضل طول العمر امشي ... ورى مشاك
عندي بالگلب منك ... ورم شاك
يهيد الورم لو مريت بية
.
.
#شعراء_وذواقين_الشعر_الشعبي
#حمزة_الحلفي
#ابو_تراب

جا نسيتي فلان انا
ما صح ورق وب ورد كمتي تكاتبيني ؟؟
جا نسيتي فلان انا
ذاك ال اجي ولو اجوا هلج حدر العباية تلبديني
ها ترى گلب الصخر لان وتكلم
وهم صخر لو جان گلبج كلميني
.
.
#شعراء_وذواقين_الشعر_الشعبي
#منقول
#ابو_تراب

.
صوغني ولو من ليلكم نجمة تبات وياي
ولو طال السهر ويجيسها الوهواس
اطفيها بصبح والغبشة رشكه الماي
واشلعني ولع يدوي العطش بالروح
حتى انزع جلد روحي وارد لصباي
من يا صوت اصيحك والصدى يجاريك
واكلك مكدرت يالتكدر بلياي
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
متغير وناسيني
يمكن طرف ثالث دخل يخصمها بينه وبيني
ويكول افكدك لو غبت
بس وكتي ما يكفيني
جذاب ما يحجي الصدك
والله العظيم من احترك
يستنكف يطفيني
المن كضيت سنيني
وي شخص ما يعنيني
ردت اذب روحي من الجسر
بس وكفت امي بعيني
.
.
#شعراء_وذواقين_الشعر_الشعبي
#حسين_السلطاني
#ابو_تراب

رحت للسيد وكتله انا عاشك
واريد العاشك تقربلي گلبه
كال ادلل ولا تنزل دموع
هاي الشغلة سهلة وماهي صعبه
كلي انطيني صورة للتحبه
من انطيت اباوع زاد تعبه
باوع على الصورة وكام يبچي
كتله شبيك تبچي كال احبه
.
.
#شعراء_وذواقين_الشعر_الشعبي
#علي_الشمري
#ابو_تراب

ايدي بايدة وباله مو يم بالي
سارحه افكاره وميدري بحالي
بين ادية وتعذبت
احجي ويگلي شكلت
الله يدري يفكر بيا غالي
.
.
#شعراء_وذواقين_الشعر_الشعبي
#منقول
#ابو_تراب

شيخلص الليل وانت اعلى بالي
عديت النجوم خلصن يا غالي
لا تقبل تروح لا من تجيني
من عندي شتريد ساكن خيالي
مرات اصيح لوحدي محد يمي لو اشتاك الك
كاعد واطيح الدنيا تفتر بية من اتخيلك
عميت وتيهت دربي
يالفراك شلع گلبي
.
.
#شعراء_وذواقين_الشعر_الشعبي
#علي_الدلفي
#ابو_تراب

.
احلفك بالمحبة وعشرتي وياك
تحن ل ايامنه وترجع علينه
حبيبي وداعتك من يوم فركاك
من كد البچي ب بعدك عمينه
خطية الروح بس تريد ملكاك
تتاني اليمتى بس حتى تجينه
منو الكلك كدرنا بيوم ننساك ؟
ياهو الكدر ينسى بيوم دينه
حبيبي وداعتك من يوم فركاك
من كد البجي بعدك عمينه
مثل نجمة وندور نضوي بسماك
الدلال الشفته ما ذكرك بينه
دشوف شراع عمري الكسره جفاك
واجى الروج واخذ كل السفينه
ورغم هجرك حبيبي الگلب وافاك
ترى لغيرك ولا نمدت ادينه
.
.
#شعراء_وذواقين_الشعر_الشعبي
#حازم_جابر
#ابو_تراب

.
هديتك ما كدر يكبر عليها تراب
مثلها كبور اهلنا ما مسحناها
ونغطيها احترامآ ما بقينه نشوف
مثل الناس اليغطون موتاها
وغفينا من البجي ولا احنا سهرانين
ونوم الوفه دينه الليلة نمناها
هاي عيونه لو ما فراكك جان
يكدر هالسواد يصير جواها
نشدناهم عليك وكالوا مغيريك
وصدمتنا السوالف من سمعناها
كالوا عافكم كلنا احنه شمسوين
كالوا شك صوركم كلنا فوكاها
.
.
#شعراء_وذواقين_الشعر_الشعبي
#باهر_الجنديل
#ابو_تراب

.
دير بالج شعرج تبوكه المخدة
انا حاسبها الضفاير ليل ليل
وحتى اذا ما صرتي الية
انتي محسوبة علية
.
.
#شعراء_وذواقين_الشعر_الشعبي
#مثنى_كامل
#ابو_تراب

.
احبك لچن ما اكدر احاجيك
واكضي العمر كله شلون بشلون
وبس اصرف نظر لمن الاكيك
وعلى دربك تصد وتربي العيون
يمتى تحن علية والله يهديك
ونسوي الي نريده وهلك يرضون
.
.
#شعراء_وذواقين_الشعر_الشعبي
#منقول
#ابو_تراب

.
يا وليدي نيتك راشدة
والصبر ما بية فايدة
ودعتك وروحي وياك
يا وليدي يكتل فركاك
اليودعك الله يساعدة يا وليدي
يا وليدي من يوم الرحت
طير انا بدروبك تهت
اه يا بني صح انا صبرت
ودعتك و روحي وياك
يا وليدي يكتل فركاك
ويساعد الله الوالدة يا وليدي
.
.
#شعراء_وذواقين_الشعر_الشعبي
#الكاطع
#ابو_تراب

مل صبر الگلب ما بعد ينلام
على حبال الصبر سنتين مشرور
لو تدري عليك شكثر محتام
چا سابكت جدمك وي الطيور
.
.
#شعراء_وذواقين_الشعر_الشعبي
#الكاطع
#ابو_تراب

.
مو بس انت
كبلك كاسرتني الناس
كبلك خاسر وعاذر
بذاكرتي شكثر وادم مراية بسوك
كل ساع تعثر عيوني بوجه عابر
مو بس انت
بس انت الوحيد المادري شكاسر
.
.
#شعراء_وذواقين_الشعر_الشعبي
#صفاء_الصمت
#ابو_تراب

بفراش الغريب شلون غافي ؟
وانا دمعي غركت منه الجفافي
ليهسة وگلبي يتمنالك الخير
نام براحتك نوم العوافي
.
.
#شعراء_وذواقين_الشعر_الشعبي
#حسين_العميدي
#ابو_تراب

.
كلتولنا شيلوا وشلنه
عليمن بعد تشكون منه
بسطوا بينا بسعر الدنان
وصاحوا اجوبه بيش ما جان
شنهي المعطلك ما تجينه
وكلوبنا تدري حنينه
احنا ترى نحبلك الزينه
من كون ناسي وانسينه
وديلك بنادم علينه
حسبالي لهفة گلبك تدوم
طلعت رسم على الرمل مرسوم
من اكعد كبالك صاير تكوم
ثاري المحنة موش تعلوم
شسوى الگلوب البيض عطاب
على الكلشي ماكو وشهنو الاسباب
وي ما نجي تكنسون بالباب
حتى اليطب يدمر تراب
.
.
#شعراء_وذواقين_الشعر_الشعبي
#ماهر_الجاسم
#ابو_تراب

.
كون افقد الذاكرة وارتاح من همك
ماريد ادنك بعد من امر من يمك
ماريد اضل بالمطر ع الجام اخط اسمك
.
.
#شعراء_وذواقين_الشعر_الشعبي
#احمد_عاشور
#ابو_تراب

.
كتلي من تعطش ترويك الجفوف
وهذا انا عطشان وين جفوفك ؟
وكتلي اذا شح النظر بعيوني شوف
شفت كل الناس بس ما اشوفك
وكتلي اذا جرحك كبر برموشي روف
شو كبر جرحي وزغر معروفك
انا ادري رموشك امضى من السيوف
شجاب گلبي وحطه بين سيوفك
.
.
#شعراء_وذواقين_الشعر_الشعبي #مهدي_عبود_السوداني
#ابو_تراب