.
هي حيرة ومن صدك يفلان حيرة
نوفي حيرة
نصير بذاتين حيرة
مثل شبجة صيد والتفت ع جنحان طيرة
حيرة الغركان والروجه جبل تمشي ع راسه
وايدة تومي هلبت مسيسة تجي وصلت جزيرة
نوفي غشمة نصير
وحجاية بحلك بايع ضميرة
نصير بذاتين
ما يرهم علينه الثوب وردانه كصيرة
والله حيرة
.
.
#شعراء_وذاوقين_الشعر_الشعبي
#مكي_الربيعي
#ابو_تراب

.
بالكيف هو الگلب لمن يحب بالكيف
بالكيف ريح السفن لمن تهب بالكيف
الدنيا مرة بشته مرة بسموم وصيف
كلي شيشوف الجفن غير الدمع والطيف
يا هي يابو المستحى يا العينك ولاية
بيها الفرح والحزن يتلاكن حجاية
يصير ضاع العرف والجرف مل ماية
وعينك ولا كل عين
مشتني بين البين
لا نصح بيها الهوا ولا نفع بيها الحيف
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

اخاف تعود ما تلكالك مچان
صوجك خلصتها وياي زعلان
انا خدران گلبي وجدمي خدران
مكانك راح اسدة بيش ما كان
.
.
#شعراء_وذاوقين_الشعر_الشعبي
#منقول
#ابو_تراب

.
الحجي حركان روح المات ميعود
بعد كل واحد يحير بزمانه
واذا بعدك تقدر ذيج الايام
ضل عندي طلب يمك امانه
اذا گبلك متت بي امشي جناز
واذا گبلي متت جنازك انه
.
.
#شعراء_وذاوقين_الشعر_الشعبي
#منقول
#ابو_تراب

.
يا گلبي منهم تبت ؟ لو هم الك ضنة
خو شوف عينك بعد ها خايب شكلنة
ترجيتهم من طحت
محد سرج غيرته ولبابك اتعنى
ولك جوز من طيبتك لا تضل غشيم وترف
وتكلي مرهم حلو ونيرانهم جنة
شافوك من تنذبح
محد لصوتك فزع ولجرحك اتدنى
.
.
#شعراء_وذاوقين_الشعر_الشعبي
#شاكر_التميمي
#ابو_تراب

.
بعد ما اعاتبك تندل عناويني
من امس واصلني كونك موش ناسيني
ضروفك والمسافة اعذار محتركات
شمس شتكلفك الجية لروازيني
لچن بينت من مرسالك بلا شوك
صلاة متأخرة بس تريد تكضيني
.
.
#شعراء_وذاوقين_الشعر_الشعبي
#حيدر_هواد
#ابو_تراب

.
الحل الاخير يكون كلمن يرحل بدربة
بدون اصوات
مر موادع النظرات
مشكلتي من اشوفك مو بالعيون
احسك وانت نشوة واهسي تكون
واذكرك من ابشر روحي ناسيك
واعطشك من اكول فراكك يهون
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
من فترة ما اشكي لبشر
وما احب اسولف همي
وجاي احس بالوحدة رغم
كل الاحبهم يمي
اني اعتذر ما عندي حل
بلا وعي جاي اقسي
واسكت لان هذا الوجع
ميفهمه احد لو طلع
حتى الطبيب النفسي
وما ادري ليش اتغيرت بس اني
اذكر غفيت من البجي
وفزيت واحد ثاني
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
جنت من تبتعد تتركني وحدي
كبل ما عندي غيرك هسة عندي
هسة الباب مفتوح
اذا ما عاجبك روح
مثل ما هذا حدك هذا حدي
.
.
#شعراء_وذاوقين_الشعر_الشعبي
#حسين_السلطاني
#ابو_تراب

يلوموني واحسك تكبر بروحي ويلوموني
وانا بلا شوفتك شينفعن عيوني
يشوفي ورجوتي ودنياتي ولوني
وعذابي وبسمتي وشكواي وضنوني
يخي عونك علية وبيك خي عوني
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
الشريف يحبني حد ميموت
عد المو شريف انباع
ما ادور على اي شي ضاع
اليوكع مني حصة الغير
السما متدنك اعلى الغيم
من ينزل مطر على الكاع
ترف تلمسني شعرة ريش
النجمة بعيني جكليته
بس جربني من اتثور
من الخيل تسحك خيل
تلكى الزلمة شخصيته
.
.
#شعراء_وذاوقين_الشعر_الشعبي
#حسين_علي_المطوري
#ابو_تراب

.
علية فضلت وادم تنعرض بالسوك
لا من طينتي ولا تنحط بصفي
انا بره القصر بس قالق السلطان
وذوله وي العبيد الواكفه تهفي
عله صوتي عليك اعذرني ما مقصود
بس بلا صياح العتب ما يشفي
ولا تنشدني وين مسافر ومجفي
رماد ومن اسافر ما محدد وين
المهم بس اشرد من الموكد المطفي

.
.
#شعراء_وذواقين_الشعر_الشعبي
#سعد_شميل
#ابو_تراب

.
هلي بية دروا كمت انا احبك
ودروا بس انت تلفتلي انتباهي
هلي يدرون من تتزاعل وياي
اضل اصرخ رحمتك يا الهي
هلي نشدوني عنك كلت بالروح
ونشدوني اعلى روحي وكلت ما هي

وانت هواي متغير هالايام
والبراسك قروا انا اعرفتهم
نفسهم هم اجوا واتقربولي
ودكوا باب گلبي واطردتهم
لان تقديرك انت فوك على الراس
واحطهم وين انا لو قدرتهم
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
انا وثم انا وكان من كان
اصبعين اعلى روحي ما اقدمه
كلكم عافني ويرجعلي ... هيهات
جا شمتاني ميسويلة همه
انا البايك ضواه خلي سنة يغيب
وترس ريتي هوا ما حاجه اشمه
السوا سوا غيره هواي عشاك
ينتظرون أشرلهم لعلمه
بس هو صدك ما كال مشتاك !
لا يشتاك مو فد هي قسمه
شبيها عيوني يمكن لاحها تراب
ما باجي عسى بهاللحظة تعمى
.
.
#شعراء_وذواقين_الشعر_الشعبي
#يحيى_العلاق
#ابو_تراب

.
ترضاها علية اتأذى من تبعد
زعلتك نعم بس ما جنت اقصد
محتاجك بكد ما قصرت وياك
واتمنى اذا شفت الرسالة ترد
.
.
#شعراء_وذواقين_الشعر_الشعبي
#حسين_السعيدي
#ابو_تراب

وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
#شعراء_وذاوقين_الشعر_الشعبي
#ميثم_فالح
#ابو_تراب

هو مو كل منجرح جرحه يطيب
لا ولا كل بيت ضعفة من الاساس
لا ولا كلمن هجر كاعة غريب
كلشي بالدنيا الة حدود وقياس
اكو ناس كلوبها من الهم تشيب
واكو بلايا هموم ومشيب الراس
الناس بيها جروح تحتاج الطبيب
وانا بية جروح تحتاجلها ناس
.
.
#شعراء_وذاوقين_الشعر_الشعبي
#فاضل_عبدالسادة
#ابو_تراب

.
انت يا كل شي حلو بالدنيا هاي
يا ضوة عيوني وشريك رويحتي
يا ربح عمري وتعب ذيج السنين
يا نشيدي وموطني وكل غيرتي
ما تحن شعطلك انت حنين
انت يا الشالع گلب محبوبك
والله زحمة الليل لو ذكرني بيك
هاي هم محسوبة من ذنوبك
انت مدري منيلك هذا البرود
يا الجنت من ازعل تغنيلي
مرة كتلي الدنيا هاي شنهي عود
وانا كتلك مثلك شتعنيلي
.
.
#شعراء_وذاوقين_الشعر_الشعبي
#عزام_الشمري
#ابو_تراب

.
هوينة ومن هوينة ... من هوينة
غشمة وما عرفنا ... من هوينة
اليوافي للمحبة ... من هو وينة
اذا تلكاه اكص اثنين ادية
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
هي الاعزاز التتعبك
ما يتعبونك غرب
والگلب محد يلچمة
غير البنص الگلب
.
.
#شعراء_وذاوقين_الشعر_الشعبي
#علي_مالك_الموسوي
#ابو_تراب