.
طيبين ونحب نعمل باصلنا
و وادم ما لكينه التعرفنه
ندلل من نحب ونضحي بالشوك
جا ليش العشك ما يوكع النه
وجا ليش النحبهم ما يوافون
حطينه الملح حتى ب عسلنه
كبل من نزعل يودولنه شيوخ
بعد محد يهم كام بزعلنه
و وكفوا وكفة الديان بالباب
لا منه استحوا لا من اهلنه
وبعدها اسمائنه مكتوبه ع الباب
مو هسة كتبناها بجهلنه
.
.
.
#شعراء_وذواقين_الشعر_الشعبي
#منقول
#ابو_تراب

.
.
هنيالكم
عدكم گلب ينسى العشك هنيالكم
هنيالكم
تحبون بس مو من صدك هنيالكم
ضل جفني يبجي بلا دمع ب فراكم
وصفناتي كامت تنسمع ب فراكم
هنيالكم
ما حسبت حبكم فرص
كل عمري وياكم خلص
يلا دخلت ابالكم
وغيري دقايق من اجه
وياكم حچاية حجه
شبسرعة نال اعجابكم؟
اذكر واشبع بچي ب أيامكم
راحت بعد ما اضن تجي ايامكم
هنيالكم
.
.
.
.
#شعراء_وذاوقين_الشعر_الشعبي
#صفاء_الربيعي
#ابو_تراب

.
مشتاقلك حيل وعلي بس جنك مضيعني
ركز بوجهي اذكرت
انا الجنت من تلتفت حتى الهوا يوجعني
انا الجزوني ربيعتي وحبك قرن رجعني
انا الكلتلك لو متت بجفوفك تشيعني
كالوا مشكك صورتي وجامعها ومكطعني
وكالوا بعز ذاك البرد من گلبك مطلعني
ينطيك گلبك احترك وعيونك يشوفني
البارحة بگلبك فتت بس محد استقبلني
البارحة من فرحتك
لو ميت كبالك نبي هم على الفراك تغني
يا نجمة حجزيلي سما وادني
يا نجمة انا بعازة كمر
يفهم سواد ال بالجفن
صفناتي حيل أذني
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب

.
مدري شجاني السنة والعام
ما انام طول الليل ما انام
اثاري السهر مدرسة العيون
وكثرن غياباتج يا الاحلام
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
جفوف اللزمتك لازم تحلك يوم
وهم ترجع والزمك وابد ما احلك
شديتك نذر خيط بضريح امام
ما عندي بخت يرجعلك يفلك
.
.
.
#شعراء_وذواقين_الشعر_الشعبي
#ناظم_الحاشي
#ابو_تراب

.
احبك مو لان انت حلو ... لا
لان روحي التقت گبلي ولك بيك
اذا انت تمر على اعمى يصيح الله
والاخرس لون حاجيته يحاجيك
بكذلتك شد ركبتي وطلع الروح
اريدنها بعد تتقرب عليك
انت بحضني بس اعتبرك بعيد
اريدن هيج كون انا انخبط بيك
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
ابد موش بوكتها مشيتك هاي
الشمس للكاع نزلت وانت الفياي
ردتك بس جهامه ونفس بالبيت
اشاكف بيك من طكات دنياي
ما بياش حيل و وكتي فرعون
لو تاخذني يمك لو تجي وياي

يا روح جنج كمتي تنسين
عدا الغروب وما تونين
وانا الكبل حاسبلج احساب
عدله وراهم ما تضلين
دمعج وشم دكي على الخد
وخياط اعلى جلدج خيطي الاسود
لو انتي ميتة وهمه عدلين
جان وعلي يسوون الازيد
ضاكت ومامش الها حلال
ينساك گلبي يذكرك البال
لا عم يشبهك لا شفت خال
ومثل الشرف ما تنشرى بمال
.
.
#شعراء_وذواقين_الشعر_الشعبي
#منقول
#ابو_تراب

.
حبيبي وضعي مو زين
جانت عشرة سنين
شي طبيعي ابقى اذكرك
شسوي وترجع وياي
غافي بحظنك هواي
كل ثيابي بيها عطرك
غير اشوفك كل شي ماريد
والله اقبل لو من بعيد
ما اوعدك
ابقى بعدك
جاي اجرب كلشي ميفيد
يعني عادي عندك تروح ؟
وانت ماخذ بأيدك الروح
شلون هسة
اكدر انسى ؟
وانت عايف هالكد جروح
.
.
.
#شعراء_وذواقين_الشعر_الشعبي
#باهر
#ابو_تراب

.
شيسوي الصدك مشتاك
وشوفة وجهك بنفسه
شيسوي لحياته الليل
ليل وما حضى بشمسه
مرات اشتكي لصورتك بس صورتك متجاوب
عندي وي فكدك معركة ولوحدي باقي احارب
عودتني
وعلمتني
يومية نحجي احنه سوى
من يجي الليل
اختنك حيل
يا هوا انا بعازة هوا
.
.
#شعراء_وذواقين_الشعر_الشعبي
#منقول
#ابو_تراب

عليه محسوب سر وانت مكيول
وعلى اصغر اعدائك ما انضميت
ليهسة اكل باصبعي الاشرت بي
عليك وبي الف نيشان خليت
اني عابيت حتى عيوني بجفاك
بيهن وابنضرهن ما اعتزيت
مر من بيتنة مستطرق و شوف
تلكى اباب بيتي عيون ذبيت
اني ظهري احترف طعنات الاعزاز
وكمت اعرف اديهم لو اندجيت
بلا شوف واكلهم ها منو افلان
بس انت عكسهم ما اتسميت
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
احبهم سكته بس ما راح اكلهم
لان ما تنعرف ردة فعلهم
قبلهم جربت ولهسة مكسور
شنو اليثبتلي مو نفس القبلهم
واذا بس بالتجارب نعرف الناس
يعني شلون اجرب الناس كلهم
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
من تشوفني تعرفني ؟ لا و الله
مو ذاك الغشيم المن كبل شفته
كبالك غير واحد بي شبه من ذاك
ما يشبه هذاك البي جرح عفته
مره التجربة المريت بيها وياك
مره وعلمتني وحنضلك ضكته
ولان ما ردت منك شي يضل تذكار
ما ردته بحياتي وعلى الخلگ سمته
منو الياخذ حلم ؟ منو ينطي زايد بي ؟
حلم كلش جديد وما استعملته
عفتني ويا الجكارة اثنينه مورثين
محد طفى الاخر وانطفيت انت
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
نايم جفي وحلمان شمني وحضني
دكونا والجيلات ما فززني
.
.
#شعراء_وذواقين_الشعر_الشعبي
#منقول
#ابو_تراب

.
ماخذ ناكتي وعايفلك الصحراء
وخير من الله عندي متاع اليكفي
ومثل ما طيرة تنكت روحها من الماي
هيج انكت عشرتك نكت من جفي
علية فضلت وادم تنعرض بالسوك
لا من طينتي ولا تنحط بصفي
انا بره القصر بس قالق السلطان
وذوله وي العبيد الواكفه تهفي
عله صوتي عليك اعذرني ما مقصود
بس بلا صياح العتب ما يشفي
ولا تنشدني وين مسافر ومجفي
رماد ومن اسافر ما محدد وين
المهم بس اشرد من الموكد المطفي
وبعد مثل الفراغ اليبقى بالميزان
من نتلاكه جتفك ما يطخ جتفي
.
.
.
#شعراء_وذواقين_الشعر_الشعبي
#سعد_شميل
#ابو_تراب

.
يا صاحبتها يا الوصلتي لدارها
احجيلي عنها شلونها وشخبارها
شدار الكلام ال بينج وما بينهة
شجانت تكلج هية نظرة عينهة
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني اديج اللامسن جفينها
ولمساتها الضلت بجفج وينها
محتاجهن بلكن يطفن نارها
شكالت علية شلمحت وشذكرت
ما وصتج ما سلمت معتذرت
هواي ضل من السوالف عدها
روحي الخذتها وياها يمتى تردها
لو خيروني اختار هم اختارها
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

مابيهن دمع حدهن للجفون
واذا مابجن ماسميهن عيون
بعد ماشوف بيهن لاتجوني
خلص مايهن راحن عيوني
هذا الصار بيه
قسه دهري عليه
خوفي من الشماته لا يعرفون
جنت طير واطيرن وين ماريد
هسه الشوف حده لمدت الايد
صرت ياحيرتي بس اسمع الصوت
وبعد ماخاف منه لو يجي الموت
بعد ماشوف بيهن لاتجوني
خلص مايهن راحن عيوني
هذا الصار بيه
قسه دهري عليه
خوفي من الشماته لايعرفون


.
#شعراء_وذاوقين_الشعر_الشعبي
#سعدون_قاسم
#ابو_تراب

.
تذكر من احط بوسات الك ع الباب
والباب الصبح من تطلع يكلك
وتذكر من اجي لشوفتك جية روج
وعلى حطتك جرف ضليت ما املك
لا انا من البحر خلصان وابقى وياك
ولا جرفك يكضني وتعبت خلك
بصراحة انت جرح وادري من اخيطة يطيب
غلاتك لو صبر مانعني ما اشلك
السما بعينك شبج عوف الاوهام وطير
حط ايدك ب أدي لو اموت ما احلك
بعدك والسهر وحجاية البطران
تولني نهش وتشوف ما اكلك

.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
مو ذنبك حلاتك كل ذنب مابيك
و لكن صوج كلبي الماعرف يصبر
شكد ردت اكتفي بالنظره الاولى وياك
اغمض و الفصوص من الجفن تطفر
يانظره براءه تضل براءه وياك
اذا نظراتي جانت بالجلد تحفر
قست دكات نبضك من لمحتك عين
و احتكيت بيك بدون ما تشعر
مغير لونهن بس شفت لو شفاك
اخذلك هيج واحد من بعد يخزر
اليسمع دفو صوتك يوكع ب شده
وما اصدك وراها يضل صبر عنده
اكو قبلي نبي كالوا مكلم الطير
وانا أول انسان يكلم الورده
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
تعالوا الليلة وحشة لا تروحون
وحق العشرة ما شبعان منكم
ما مرتاح احسكم جاي تبجون
منو من بعدي كلكم محد الكم
ب ذراعي وجع بس مو وجع موت
مضت مدة علية ما شابكتكم
.
.
.
.
#شعراء_وذاوقين_الشعر_الشعبي
#يحيى_العلاق
#ابو_تراب

.
يالفاركتني منين تنجاب
كالولي اجيت وشطت ع الباب
واركض ثكيل محمل اعتاب
ودموعي نزلن ماي وتراب
هسة انا ويني وين الوداع
وشلي بطلاع الروح كل ساع
ماضنه گلب بسوك ينباع
متلف حزن ومتلف اوجاع
من انجفت بية المشاحيف
شالني طروك النفانيف
ارد احضن العافوني بالطيف
مابية اونن گلبي نحيف
.
.
#شعراء_وذواقين_الشعر_الشعبي
#موعود_قاسم
#ابو_تراب