.
لو بس تدري بية شكد احبك
جبت گلبين حتى اكدر لگلبك
لان حبك جبير يعذب الگلوب
گلب واحد العندي وخايف يذوب
اذا ذاب الگلب بعيوني اضمك
.
.
.
#شعراء_وذواقين_الشعر_الشعبي
#منقول
#ابو_تراب

.
اشك بية وانا الماي لو اشربه اشيرك
اجتافي للعباس ما عندي غيرك
.
.
.
#شعراء_وذواقين_الشعر_الشعبي
#منقول
#ابو_تراب

• • .
خل يروح كلمن مشتهي فراك
واتلكى الذي مشتهي الملكه
ادين هواي اكو تشتهي الشبكات
بس ياهو ال يستاهل تشبكه
التشبكه كون روحه التشبك عليك
وكون تطيح ادية ساعة الشبگه
ولو مو عيب يطلع ثوب موزين
بس عيب اليلبسه ما يشگه
يومية الك صاحب يا بذات
ويومية وي واحد الك دكه
جيره بفركه كلمن يمشي وياك
وبخيت ال يلكى فد جيره اعلى فركه
انت شما عليت انت ذاك انت
النخل مهما علا يخضع لعركه
وشنفع علوا النخل خل يعلى قاطات
اذا حتى الجهال تلوح عثكه
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
لو بيدي واكللهم عليهم
يا گلبي يالما تنطي بيهم
عاذرهم شما كدروا يأذوني
ما انطي ظهري للنطيته عيوني
اجذبني واصدكهم
يذموني واساعدهم
دعيتلهم گلب ولسان
ريت الله يوفقهم
.
.
#شعراء_وذواقين_الشعر_الشعبي
#علي_الدلفي
#ابو_تراب

.
خاف ما اشوفك تعال الليلة يمي
خلي نجمعهن سوة همك وهمي
الليلة انا وياك نكضيها سوية
اني ابجي عليك وانت ابجي علية
انت ضال بلا حبيب
وانا ضال محروك دمي
خاف ما اشوفك تعال بصدري اضمك
خلي انفاسي الاخيرة تكون يمك
وكون هذا الگلب يوكف من اشمك
الليلة انا وياك نكضيها سوية
انا ابجي عليك وانت ابجي علية
انت تضل بلا حبيب
وانا اضل محروك دمي
.
.
#شعراء_وذواقين_الشعر_الشعبي
#منقول
#ابو_تراب

.
افرض خنت وابليس وسوس بأذاني
شبسرعة جبت فلان صار بمكاني
.
.
#شعراء_وذواقين_الشعر_الشعبي
#منقول
#ابو_تراب

.
براحتك خليتك تحبني وتخون
خل احبك مرة وحدة براحتي
ياما بفياي عشت عمرك هذاك
ما اريد احجي واكول سوايتي
لا عبد عندك ولا انا اسير
ولا الف مثلك يدنك رايتي
ساعة السودة العرفتك بيها ذيج
كون منها و الله جايب ساعتي
.
.
#شعراء_وذواقين_الشعر_الشعبي
#منقول
#ابو_تراب

.
تلاكينه وعسانا ما تلاكينه
و واحد ويا الاخر سولفت عينه
تمنينه احنه كلشي وكلشي ابد ما صار
بس نتلاكه غربة ما تمنينه
.
.
.
#شعراء_وذواقين_الشعر_الشعبي
#مصطفى_حرب
#ابو_تراب

تلاكينه بعزا والناس يبجون
وبحجة المات شكد بجينه
فشل ما نحجي بس معاتب عيون
وحجالي اعلى الزمان شعمل بينه
.
.
.
.
#شعراء_وذواقين_الشعر_الشعبي
#منقول
#ابو_تراب

.
كل ساع تعيل وياي وتكلي خوة
جنك تريد تطيح من عيني كوة
.
.
#شعراء_وذواقين_الشعر_الشعبي
#منقول
#ابو_تراب

• • .

من تراب مثلي نعم
بس للجمال اسباب
رب الجمال اعتقد
سواك في محراب
اباب جنة عدن
تين ونخل واعناب
ب قالبك خلة عسل
وشوية ذب تراب

ابسواد العين يسمر ... منته رابي
شعجب گلبك تغير ... من ترى بي؟
انا ما اضن ترابك ... من ترابي
حضنتك والعسل چلب ب ادية
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
بسج يا عين كافي تبجين
بسج يا عين الراح فدوة
بس دمعة ضلت بيج يا عين
تبجيها المن ياهو يسوى ؟
كافي يا عين انسيهم لا تبجين
يا عيني من طاريهم شتذكرين
ذولة النسوج العذبوج انسيهم
ما شفتي وياهم ابد ايام حلوة
بسج يا عين الراح فدوة
ناموا يا عين احبابي صدكيني ميذكروج
انتي مثلهم صيري عوفيهم ميفيدوج
ذولة النسوج الدمروج انسيهم
ما شفتي وياهم ابد ايام حلوة
.
.
#شعراء_وذواقين_الشعر_الشعبي
#منقول
#ابو_تراب

.
على روحي شبيها تنشد ... مر شبيها
العشك مر بيها يسعر ... مرشبيها
انا التانيته ما مر ... مر شبيها
وكمت حسبالي هو شصار بية


عسل وبحلكي وكتي ... مر جعلكم
ومرجعكم ل گلبي ... مرجعة الكم
صرت اية بهواكم ... مرجع الكم
اخذتوا منين فتوة وخنتوا بية
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
.
معقولة ما أيست يا گلبي معقولة ؟؟
تحفر ابير الهوا ١٦ متر برمل
ب هيمه ولوحدك
شيطلعك وما نبع جا خلكك شطولة ؟
الماشي عليهن كبل غيرهن وتنسعد
اترك بعد كل حجي واترك طريق البجي
والضحكة مشمولة
وميصير سيلك نهر مادام مايه مشى بكل كاع مجهولة
واليسألك هاجرت ؟؟ اي ريش جيبه عذر
والدم يبس وانشلع لا كله مكتولة
براسه خيط وجذب فر مغزلك بالهوة
الظاهر الها الخلك يا گلبي مكيولة
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
بيني وبينك خطوة وباب
واهلي واهلك ميعرفونه شكد احباب
كلها بهاي الدنيا تجذب
بس العاشك مو جذاب

ما عرفوني
ونزلن دمعاتي من عيوني
وصارن فوك العتبة تراب
شلت سنيني بجفي وجيتك !
وماتت روحي بعتبة بيتك
حتى الشارع يدري بشوكي
ويعرف بية شكد حبيتك
وي انفاسي وخطوة بخطوة
وي كل دكة بگلبي لكيتك
صح ما شفتك بس حسيتك
عطرك ريح ويعصف بية
وكلش كافي من اشتميتك
.
.
.
.
#شعراء_وذاوقين_الشعر_الشعبي
#ادهم_عادل
#ابو_تراب

.
ضل بالقفص محبوس صدكني ترتاح
تنوكل فوك الكاع يا المالك جناح
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
اطالع صورتك بالبيت
ذكرت فراكك وحنيت
اشوف الصورة وابجيلك
واسولفلك واغنيلك
وحق فراكك انذليت
اخلص الليل بالكوة
ويلي فراكك شسوى
ذكرتك وانهدم حيلي
صفكت ايدي وصحت ويلي
اموت اليوم اذا ما اجيت
وحق فراكك انذليت
.
.
.
.
#شعراء_وذواقين_الشعر_الشعبي
#لبيد_هاني
#ابو_تراب

.
ها يروحي لخاطر الله اليوم هيدي
ها يروحي الراح راح ماهو بأيدي
الدنيا ما اكدر عليها
زين مني وباقي بيها
ويا عيوني لو يفيد الدمع زيدي
توسدت حزني اسولف للنجوم
وابد ما مرت علية الراحة يوم
منين ما اكلبها هم
وانا من دم ولحم
الدنيا ما اكدر عليها
زين مني وباقي بيها
ويا عيوني لو يفيد الدمع زيدي
.
.
#شعراء_وذواقين_الشعر_الشعبي
#منقول
#ابو_تراب

.
سميني شتريد الا النسيتك
واجرحني كل يوم راضي بأذيتك
ليش انت بالذات اقبل عذابك
يمكن لان عاش گلبي اعلى نيتك
يسلم عليك گلبي الكسرته بغيبتك
لمن رحت يسولفلي بيك
وانا ماكو ويامن تخلص والوكت
تمنيت الزمن يرجع
وابجيلك بجي مربع
انا الخسرتك واتندميتك
واعذرني مجروح لو عاتبيتك
صافن واجى الروج عالي وخذاني
ذبني اعلى فركاك كوة ونساني
لا تقبل تروح لا من تجيني
من عندي شتريد ساكن خيالي
مرات اصيح لوحدي محد يمي
من اشتاك الك
كاعد واطيح الدنيا تفتر بية
من اتخيلك
الفراك الصدك يكتل
يگلبي شلون متحمل
.
.
#شعراء_وذواقين_الشعر_الشعبي
#علي_الدلفي
#ابو_تراب

.
گلبي يوجعني عليك شلونك ؟
طعم ما بيها الثواني بدونك
جاي اعاند روحي ما اتصل بيك
وارد اشوفن غيبتي تأثر عليك
وهم اجي ابالك و بعيونك
گلبي يوجعني عليك شلونك
انت لمن سافرت وحدي بقيت
وانتظر يومية جيتك ما اجيت
انت بايعني وانا الي مشتريك
بوكت ما جان احد يرضى بيك
انا من فكري صرت مجنونك
گلبي يوجعني عليك شلونك
.
.
#شعراء_وذواقين_الشعر_الشعبي
#منقول
#ابو_تراب